影片
開飯介紹
發跡於旺角的台式食店，選用優質穀飼豬扒製作招牌台式肉蛋吐司，另亦供應麵食、飯類等選擇。此分店設有堂食，更提供一人座位，照顧不同客人需要。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
*最後落單時間: 20:30
以上資料只供參考, 請與餐廳確認詳情
相關文章
要不是有人介紹，也不知道荔枝角工廈都有間咁抵食的台灣餐廳，不過整體格局其實不似餐廳，因為裝潢比較簡約，但勝在面積大，樓底高，座位多。此店以QR code落單，大概等10分鐘左右上菜，不收加一服務費。蕃茄紅燒台式牛肉麵 $88（優惠價加配）冬瓜茶 +$9我點了碗牛肉麵，份量可真係超級多，紅蘿蔔及白蘿蔔切到大大舊，索晒湯汁入口甜甜地，牛肋條都有好多條，啖啖肉，而且炆得入味又夠淋，仲有滷蛋做配菜，麵的份量都算多，煮得剛好唔會太軟身。跟餐可優惠價加配飲品，選了清涼解渴的冬瓜茶，唔會太甜，入口清爽。手工滷肉雞扒便當 $68（優惠價加配）桂花雪莉羅漢果茶 +$15食台式便當一定要食滷肉飯，肥美的豬肉加上香濃的醬汁就最好食，呢碗滷肉飯的滷肉肥瘦相間好均勻亦唔錯，雞排大大塊，外皮都炸得香脆，肉質嫩滑。跟餐可優惠價加配飲品，選了化痰止咳的羅漢果茶，因為加了雪梨，所以飲落口甘甘地又甜甜地，好潤喉亦潤肺。台式肉蛋芝士吐司 $56（優惠價加配）花枝丸配麻辣鬼椒粉(5粒) $28相比牛肉麵及滷肉飯，我個人更喜歡這份台式肉蛋芝士吐司，店家好貼心提供即棄手套，用手食唔怕整污糟，重點是因為蛋汁加上芝士的餡都頗多，一咬入口就會流出來，夾在裡面的豬扒都好好食，好鬆軟香口。選購任何吐司亦都可以優惠價加配小食，花枝丸其實可配麻辣鬼椒粉或是淮鹽粉，各位愛辣勇士要注意，麻辣鬼椒粉真心勁辣，連我食得辣之人都要頻頻飲茶解辣，耍有心理準備才去挑戰啊！黑布台式香腸(2條) $28另一款小食台式香腸水準不過不失，絕對是台式香腸應有的味道，煙韌多汁，味道較甜。桂圓杞子玫瑰三色圓 $38有齊芋圓、地瓜圓及紫薯圓，每款都幾大粒，加上養顏的桂圓，以及好香甜的杞子玫瑰糖水，好暖胃又暖心。
繼續閱讀
#pb食在荔枝角 #pb台式系列 荔枝角工廈內台灣菜🇹🇼呢間台灣菜開業多年 由旺角黑布街到葵廣 去到依家嘅荔枝角店、大角咀店 一直都好受歡迎😍 今次我去左荔枝角店 店內環境好大 但唔會好逼👍🏻 估唔到平日下午2點幾去到都好多人 幾乎坐滿🥰.佢嘅招牌吐司有11款選擇 價錢$49-$98不等😍 除左吐司 仲有手工滷肉飯、牛肉麵、蛋餅等😋 甜品方面 佢嘅三色圓係自家製 可配桂圓杞子玫瑰、黑糖紅棗薑、芋頭椰汁🤪🔹麻辣鬼椒慢烤雞腿蛋吐司🍞鍾意食辣嘅人一定要試😍 佢嘅辣度似係譚仔嘅二小辣 / 小辣 真係好刺激🤪 成份吐司都好足料、好厚身👍🏻 值得一讚係佢嘅蛋汁滿滿 芝士亦都好大塊 所以口感好豐富😋 🔹手工滷肉雞翼便當🍱便當配料份量好多 有酸菜、手工滷肉、滷蛋、粟米、粉絲、椰菜、雞翼等😋 味道唔會太鹹 手工滷肉好淋👍🏻🔹黑布台式香腸🍖煎得剛剛好 咬落仲有少少油脂😋🔹小巷雞翼🐣正常發揮 唔太驚喜🤪🔹芋頭椰汁三色圓🍡推介❤️ 芋頭味好香、好濃 口感較杰身😍 自家製三色圓份量都幾多 口感煙韌彈牙 中間食到芋頭、蕃薯、紫薯蓉👍🏻🔹桂花烏龍茶🥤🔹凍頂烏龍茶🥤.整體✨ 呢間台灣菜開業多年 由旺角黑布街 到依家嘅荔枝角店、大角咀店都好受歡迎😍 今次去嘅荔枝角店環境好大 平日下午2點幾都坐滿人🥰 今次試左幾款食物味道都唔錯 而且份量好多 價錢選幾抵食👍🏻黑布小巷 (億利工業中心) (荔枝角) · 🤝🏻🤪荔枝角長沙灣道883號億利工業中心4樓405室
繼續閱讀
𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ · ▎又喺『 黑布小巷 』啦大家 •`¯´•上次同朋友去食完 間唔中都再諗起佢地嘅「 招牌慢烤雞腿芝士蛋吐司 」星期六下就嚟幫襯下 座位都坐得幾滿 落單時發現 想叫既都『 賣晒 』可惜喔 如果想叫牛肉麵、蛋餅 下次早啲嚟先得 最後試咗佢地嘅 ⚠ 期間限定 - 新品 ⚠ 『 黑松露焦糖洋蔥日本象驒牛芝士蛋吐司 』黑布小巷嘅吐司 每枱都總會見到 賣相好邪惡 吐司足料又大份 大大塊日本象驒牛 配上厚芝士 頭段先食到黑松露味道 之後會帶點焦糖洋蔥甜感『 古早味手工滷肉飯 』慢煮烹調 豬腩肉肥瘦參半 套餐小食就分別叫咗『 黑布台式香腸 』、『 花枝丸 』台式香腸外皮香脆 淮鹽花枝丸 咸香十足 層次滿滿 🤤糖水只有『 黑糖紅棗薑三色圓 』 夏天涼涼地幾潤喉甜感輕微 三色圓口感未算好煙靭 但食到原材料紅棗顆粒 朋友都喺個句 好掛住台灣 要搵機會再去台灣再食飽飽 🤤🜸▸ 冬瓜茶 (C) ┅ HKD 0 / 跟套餐▸ 冬瓜茶 (C) ┅ HKD 0 / 跟套餐▸ 黑糖紅棗薑三色圓 (C) ┅ HKD 38 ▸ 黑布台式香腸 (2) ┅ HKD 0 / 跟套餐▸ 花枝丸配淮鹽 (5) ┅ HKD 0 / 跟套餐▸ 古早味手工滷肉飯 ┅ HKD 85 / 套餐價▸ 黑松露焦糖洋蔥日本象驒牛芝士蛋吐司 ┅ HKD 135 / 套餐價 ⚠ 期間限定 - 新品 ⚠ 𖡘𖤣 (˙-˙ ٥) (˙-˙ ٥)· ┈┈┈┈┈┈ · ꕥ · ┈┈┈┈┈┈ ·𓌈˒˒ 黑 布 小 巷 𓂃𖠚∗ᤲ𑀇 ❀❜ 荔枝角長沙灣道883號億利工業中心4樓405室Room 405, 4/F, Elite Industrial Centre, 883 Cheung Sha Wan Road, Lai Chi Kok— @hakpo_alley· ┈┈┈┈┈┈ · ꕥ · ┈┈┈┈┈┈ ·܀܀܀܀ Follow @chillfood.basis for more 📸
繼續閱讀
📍 裝修簡約乾淨🏠 價錢好抵食性價比高 唔怪得全院滿座! QR Code落完單 再手機完成付款後 10分鐘左右店員就送餐過黎🙋🏻♀️🌀 台式肉蛋芝士吐司 肉蛋芝士吐司係店家嘅人氣餐點 以雙層豬柳片夾住半熟蛋黃 半熟蛋黃呈流心狀🙀 蛋汁有點失控地流落麵包到😂 令吐司都有蛋汁嘅香味💜 豬肉片鹹中帶甜 同芝士混合起來 層次感滿滿～ 如果吐司有烤過就更加好啦! 🌀 手工滷肉雞扒便當 配料滿滿夠豐富 除咗有肥瘦均勻嘅滷肉醬 仲有酸菜/ 粟米/ 粉絲/ 椰菜 同潵上梅粉嘅滷蛋😻 炸雞扒外皮酥脆 啖啖肉～ℹ️ 惠顧任何主食可以用優惠價 加配各款特色飲品+小食! 🔹花枝丸(5粒) : 口感彈牙 每一粒都食到花枝肉🔹黑布台式香腸(2條): 一向喜歡食台灣香腸 蜜糖香令到香腸唔會過鹹 幾Juicy! 🔹 甜不辣 (3大塊): 原來真係好大塊 幾乎有手掌咁大😂 口感相當煙韌🔹桂花雪梨羅漢果茶: 餐廳以健康茶飲代替奶茶等手搖飲品 加入雪梨既羅漢果茶微甜帶酸 天然甜味飲落喉嚨好舒服 好滋潤 相當清熱解暑☺️
繼續閱讀
主打台式芝士蛋吐司, 選擇有好多, 仲可以揀麻辣口味！🥪黑松露焦糖洋蔥大啡菇蛋吐司一啖咬落去, 食到juicy嘅大啡菇, 黑松露醬份量多, 每一口都充滿着黑松露味, 焦糖洋蔥帶出甜味, 搭配流心蛋🥚, 整體味道層次豐富！🥪慢烤雞腿芝士蛋吐司雞腿烤得好香, 調味啱啱好, 加埋流心蛋汁同半溶芝士🧀, 成個組合好match！🍡花枝丸配淮鹽一共有5粒, 充滿台灣夜市小食嘅風味～🥣黑糖紅棗薑三色圓加入紅棗、芋圓, 味道清甜又有少少薑嘅辛辣味, 係一款較為養生嘅糖水🥤桂花雪梨羅漢果茶 (無糖)味道清甜甘香, 好潤喉～
繼續閱讀