麻辣Doi (已結業)

近年興食麻辣，天氣凍凍地食辣野就是最好不過了，食到頭頂都冒煙，爽呀！🤭「海蝦香鍋-肥牛，土豆片，鮮魷，午餐肉」辣味適中👍🏻 食後會有少少麻感，就是我喜歡的，正呀🤭配料入哂味，大蝦多隻🥰爽口！外殼的辣野味令用口咬脫殼時，另有一番知味👍🏻 土豆片軟棉棉感👍🏻 肥牛夠香口，鮮魷熟度剛好😍 而且乾鍋炒出來不油膩，連洋蔥也十分好食呀🌟🌟🌟「泡椒炒肥腸」豬大腸好肥厚，口感一流，用上泡椒也有另一感覺😋 不辣！青椒紅椒也吸引，配白飯應該是最好了🤩備註：🔺店內整潔光猛，仲有個靚仔店員🤩🔺可以揀辣度，不太食辣的我，也可接受喔🥰…查看更多

元朗國出名美食林立，所以一有時間我都會入元朗食好西係麻辣嘅各款美食中，我真係勁鍾意食「麻辣香鍋」見到呢間有香鍋，即刻無理到朋友就直接入左餐廳坐低唔知係咪我哋太晏食晚飯，竟然餐廳內無咩人🤔不過就見到外賣不絕「滑雞香鍋」食香鍋一定要ᴅɪɴᴇ-ɪɴ先夠滋味香鍋下面會有個爐仔一直ᴋᴇᴇᴘ ʜᴏᴛ‼️我哋要左中辣，辣椒香勁突出，花椒嘅麻味會係後勁先有，所以食落比其他餐廳嘅麻辣更富層次❤️雞件先油泡，然後再加入麻辣配料炒，所以麻辣味道唔會淨係留於表面另外仲加左蓮藕片、油麥菜、黑豚肉、牛柏葉～～⭐️黑豚肉真係要order肉質非常軟嫩，一啲都唔鞋㗎「麻辣紅薯粉」呢度嘅紅薯粉比較幼身，比平時食的更滑更吸湯❤️味道係先辣後麻，勁好食「麻辣小炒皇」炒得好有鑊氣用油份量剛剛好，有適當的油光‼️碟底唔會剩低好多油❤️呢個小炒皇用嚟配啤酒、配白飯都一流呢間對於我嚟講🌶麻辣香鍋世一🌶食完完全唔口渴好食過十二味，十二味有落味精的🫣…查看更多

呢間餐廳真係幾抵食，😛😛份量好足👍🏼味道都唔錯，服務又幾好。😊坐得都好舒服。比較適合2-4人嚟❤️如果同朋友再去開呢邊都會再幫襯呢間。👍🏼👍🏼…查看更多

從未試過咁差嘅體驗 話說當日同朋友打完波去食野 路過元朗哩間麻辣嘢 想話間舖個名幾得意就入去試下 當時我地打完波就人手一支野飲行左入去坐低 之後叫個職員落單 落左兩個送之後唸住落多個嘅時候 個職員一句‘落左咁多先！’轉身就走左🙃 但又唔見間嘢好忙 個侍應走左之後其實去左搵同事傾計仲有樣嘢就係唔知點解由入店個刻 周圍d侍應就係咁望住我地 直到我朋友口渴唸住飲啖自己帶嘅野飲時 個侍應即刻喝停我地話‘我地舖頭唔比食外來嘢㗎！’ 之後我地就周圍搵 搵左好耐先見到有張‘A4紙’ 貼左係雪櫃隔離寫住螞蟻大細嘅字‘禁止外來食物’🧐 哩刻我先知點解佢哋係咁望住我地跟著個fd就問d野飲賣幾錢 之後就見到$14罐可樂 $20支野飲 仲要正係得d汽水同酒可以選擇 想飲其他都唔得 想要杯水又正係得熱水 間野全部都係辣嘢 我都叫左你幾百蚊野食啦 比我飲啖我自己帶嘅水都唔得？最後都係吞唔到啖氣落肚 打算唔飲野自從個侍應喝停左我地一次之後 周圍d目光就更加誇張 一路食野d侍應就一路mon住 搞到冇曬心情 中途個fd頂唔順唸住飲嘢 點知個樽蓋都未扭開就比人喝停左😂 之後時不時仲有佢哋比嘅說話聽 最後d野食冇食曬就走左 真係極差體驗 總結 態度極差 食物質素尚可 不過不會有第二次…查看更多

📍元朗 《麻辣𝐃𝐨𝐢》  #地道麻辣香鍋 元朗絕對係隱世小店既聚居地，係條食街見到好熱鬧，就盲舂舂走左入去試新野，一入鋪頭就聞到好香既麻辣味，每張枱都係一大盤水煮魚/麻辣乾鍋，望到已經流定口水🤤✨滑雞香鍋 $𝟐𝟎𝟖 麻辣香鍋可以自選四款配菜，我地揀左午餐肉，芝心丸，牛柏葉，萵筍。香鍋會用個小火爐🕯再佐熱佢，一路食都保持到個溫度，嗌左小辣都有啲嗆喉，調味有很多花椒、辣椒乾、尖椒🌶、紫洋蔥，味道好香口☺️本身已經有好多舊雞件，係炸到好香脆乾身，仲有連四款配菜，物超所值，個人覺得食麻辣香鍋一定要食午餐肉同牛柏葉，可以索哂麻辣汁，麻辣襯埋啤酒飲真的一絕  ✨蔥爆牛肉 $𝟖𝟔 小炒其實都有好多款式，不過個主乾鍋係辣就特登揀個唔辣既小菜，炒出黎好香鑊氣，大量京葱洋葱🧄香氣撲鼻，牛肉係炒得好惹味而且口感嫩滑唔會鞋口，配白飯食一流🍚🤍✨薯粉 $𝟏𝟖 雖然係呢個價錢，但大大碗薯粉絕對無敷衍，幼身薯粉質感爽口少煙韌，叫左個中辣濃湯，湯底又係另一種麻辣香味，辣得好過癮❤️‍🔥味道：𝟖/𝟏𝟎   性價比： 𝟖/𝟏𝟎    …查看更多

友人同我話食辣對去濕有功效，其實一早就知佢想揾人陪食辣喇。所以就同黎試下元朗麻辣Doi食川菜。大盤水者酸菜魚🔥🔥🔥作為招牌酸菜魚，上菜已經一大盤，盤上佈滿唔少魚。薄切既魚肉睇得出師傅既刀功。無骨啖啖肉。而盤底有大量薯粉墊底，又有好入味既豆卜。份量十足。足夠二至三人食用。家鄉小炒-回鍋肉🔥🔥配菜有木耳、雜菜、辣椒等，回鍋肉入口是先鹹香，食得出有炒香過。成碟菜香味四溢，色澤光亮，十分惹味。涼菜-口水雞🔥賣相一流，份量有一個例牌，雞肉嫩滑Q彈，麻油少辣，下次可升級挑戰大辣。友人介紹呢間川菜館唔錯，CP值高，有機會下次再黎。…查看更多

平時好少入嚟元朗，今日經過，聞到好香就入咗去試吓啦！辣子雞真係有驚喜香港好少有川菜館係可以炒到雞乾身之餘，入面做到好嫩滑嘅感覺，真係外脆內軟。青椒紅椒全部有微濃，非常香口，可謂啱啱好。最出色之處係，夠味，但唔會太油。另外點左一個麻辣燙，個湯都非常出色，出面好多麻辣燙都只有辣味，呢間麻辣燙除咗辣，仲有濃濃嘅香料味，食得出落咗好多唔同嘅材料，非常惹味。麻辣燙入邊嘅材料都非常入味，特別係萵筍，而且嘢飲都只係便利店價錢！總括而言，是一次非常好的體驗。…查看更多

總係對川菜有抵抗不了，元朗不嬲多好野食，今次又去美食雲集既雞地覓食，見到有間新開既小店就去試下。店入面以木質做主調，大約8枱左右，座位之間有足夠空間唔會有侷促感，望下餐牌主打川菜，有水煮，乾鍋同香鍋系列，今次就叫左一個大盆水煮酸菜魚，蒜泥白肉同我既至愛魚香茄子。大盆水煮酸菜魚一上枱已經聞到好大陣椒香味，水煮酸菜魚片起到薄薄一片鮮嫩唔會腥，配菜有酸菜，豆腐卜，雲耳同豆芽菜，底下有一份薯粉，兩個人食岩岩好蒜泥白肉蒜泥白肉面頭鋪左厚厚一層蒜泥，旁邊係老干媽紅油，所以唔會好辣，蒜香肉肉甜甜辣辣絕對係白飯殺手，好正魚香茄子雖然魚香茄子四處都食到，但唔係間間做得好，麻辣Doi既魚香茄子絕對係好食之選，茄子大大塊，經油爆後好有鑊氣，配埋肉碎又係白飯殺手🤣…查看更多

元朗真是很多隱世小店今日來到名字特別麻辣Doi 環境裝潢都好特別掛滿狐狸面具.好有日本祭典感覺.門口餐牌見到鏡仔應援餐牌很多選擇.不自覺就被食物吸引.自取外賣有平價的.麻辣香鍋 ,先選主角鍋物再選4款配料同炒 感覺好超值！我們選了主角麻辣雞鍋，加蓮藕片、大豆芽、午餐肉、豆卜選了小辣都有些嗆喉.麻辣乾鍋有很多花椒，辣椒乾，尖椒，紫洋蔥……等同炒。上枱和一個小火爐.鍋都不少份量十足.鍋內食物香氣嗅鼻.特別刺激味蕾！正！雞件炸過醃過.好入味夠辣.不過最辣的不是雞是豆腐卜.差些送我上西天.落單要左罐王老吉喝。識飲酒可以選啤酒.麻辣襯啤酒真的一絕！泡椒肥腸 ，好驚喜肥腸外脆.肉質不乾有彈性。辣中有點酸香.配啤酒一流！肥腸應該炸過.外皮帶脆乾身.好大件厚肉彈牙.辣辣香香好喜歡！薯粉好滑粗身.口感煙韌大大碗好超值！…查看更多

經過附近找晚餐，看到麻辣 心想很久沒吃辣，辣一辣刺激一下也好，一入門口就說用餐時間有1個小時，原本以為很充裕 怎知道吃得有點趕。適合沒有耐性的人，因為光速上菜，由點菜到上齊所有菜只是5分鐘左右，下次真的想計時，效率高得驚人。尖椒皮蛋／皮蛋用的是流心皮蛋，無澀味，無異味，最怕吃到皮蛋有澀味，加上涼拌醬，一碟皮蛋配一碗飯或薯粉已經很好吃。辣子雞／好有鑊氣，配料和香料都有很多青紅椒，葱頭，花生，薑，葱，花椒，乾辣椒，調味豐富只是雞肉略為有點乾，整體都不錯。酸菜魚／湯底香辣酸爽，令人食欲大增，略帶微微蒜香令味道更加豐富，魚肉肉質嫩滑無骨，份量非常大，配料份量和種類非常充足，有雲耳、豆卜、秀珍菇、雞肶菇、冬菇、芽菜及薯粉。其中雞肶菇和冬菇都很爽脆，而且吸了湯汁味道更突出。…查看更多

川菜是中國菜菜系之一，麻辣是川菜最具特色的口味，這間店子位於元朗, 以食物麻辣風味為主, 炎炎夏日, 可以增加食慾。麻辣海蝦香鍋原鍋桌上, 份量可不少, 海蝦大隻夠爽鮮, 四款配菜選了豬皮, 肥腸, 鮮魷和蒿筍片。肥腸厚肉得嚟保留恰當嘅油膩感, 但却肥而不膩, 所以吃起來嫩滑又彈牙, 豬皮腍滑厚身, 吸收麻辣醬汁更為美味, 鮮魷爽脆有韌勁, 蒿筍片翠綠鮮甜, 口感爽脆, 呢個香鍋十分美味。麻辣小炒王這道小菜很開胃, 鑊氣很不錯, 材料豐富, 有韭菜和紅椒片夠爽脆, 蝦乾鹹香有嚼勁, 鮮魷夠爽滑, 加上豆腐乾和香脆花生, 口感多元化, 小辣辣度恰當又惹味。…查看更多

元朗是香港歷史悠久的地區, 傳統美食加上環球美食增加其吸引力。這間以四川麻辣為主打嘅小店, 正好品嚐令人回味嘅四川風味小菜。酸菜魚酸菜魚湯底十分美味, 魚片嫩滑鮮甜, 豆泡完全吸收湯汁精華, 吃起來份外滋味, 酸菜和蒿筍很爽脆, 加上腍滑彈牙嘅薯粉, 酸辣度剛剛好, 這道酸菜魚真係愈吃愈滋味。蔥爆牛肉這道小菜很有鑊氣, 大量京葱洋葱香氣撲鼻, 入口清甜惹味。牛肉也嫩滑入味, 掛上醬汁更充滿鹹香滋味, 吃起來油而不膩, 搭配白飯最適宜。涼拌貴妃雞這道涼菜很開胃, 雞肉嫩滑有質感, 夾埋芫荽羗蓉食就更香口。…查看更多

香港越來越多食辣嘅舖頭，四川菜，麻辣雞煲，水煮魚，各式各樣唔同嘅舖頭有獨家唔同嘅味道，未必可以話邊間最好食，各有千秋，不過就唔係每一間都啱香港人口味，所以，今次介紹嘅小店，係絕對適合香港人想食辣又唔食得太辣嘅刁鑽腸胃。廢話唔多講，首先介紹招牌水煮魚，第一個感覺就係比起其他店舖少油，但係食落去，依然香味十足，花椒味香，魚片超滑，再嚟有涼拌薯仔絲，非常適合重口味用嚟餸酒嘅朋友，最後有我最鍾意嘅手撕包菜，依道菜就最體現到呢一間店廚房嘅鑊氣十足。滿足左我嘅四川菜癮。…查看更多

吃酸菜魚就好似吸毒一樣，定時定候就想出街食。一來在家好難自己整，二來真係一個心癮。餐廳裝潢整齊明潔，牆上的杯架令人有賓至如歸的感覺。餐廳兩邊是卡位。招牌口水雞＄62先來一碟涼菜開下胃口，辣辣地，即時開啟味蕾，令食慾大增。麻辣小炒王$128呢款小菜係招牌菜之一，好豐富嘅一碟，有魷魚、花生、紅椒粒、韭菜、蝦乾、豆干等，賣相吸引，熱氣騰騰，咸香味鮮味混合起來，層次豐富，爽口又唔太咸。酸菜魚$128呢個係今晚的主角，嘩，真係好大一盤，魚片好多，而且無骨，嫩滑鮮香，魚卜吸收了酸菜魚汁，很入味，湯汁酸辣適中，咸度剛好，盤底有好多薯粉，吸收左酸辣湯之後好入味好開胃。就是這種味道令我上癮及定期來懷念一番的。薯粉還是酸辣味最好吃。川菜的吸引力真係唔好低估，除咗酸菜魚，酸菜肉片，還有辣子雞，香鍋都係川菜嘅代表作，下次要再嚟試吓。…查看更多

元朗可以話係一個美食天堂 想食咩種類都有🫢今日揀咗其中一間川菜食店😋上次食串燒經過今次就捉咗🧸黎陪我食酸菜魚 好耐無食過喇🤪店舖小小 坐到既人唔算多 撞正食飯時間爆晒場🫣等位個陣仲見到好多人叫外賣🥡無野做就望下餐牌發覺佢啲野都幾抵食 仲有好多選擇 連唔辣既選擇都有🤩可以話係照顧晒唔同需要既客人😆➷❐ 涼拌土豆絲小食黎講份量都幾多😌咁熱既天氣食啲爽口野就好舒服🥔味道上算係微辣 幾適合我呢啲初階既辣者🫢➷❐ 豆豉鯪魚炒油麥菜呢個都可以話係家傳戶曉既一個菜式🥬首先就緊係要講佢豆豉鯪魚既比例都多嫁唔係求其得兩塊碎濕濕個隻👍🏼其次就係覺得佢好有鑊氣 好惹味同香口🤤炒菜都要考功夫 唔係話兜兩下搞掂就得😌好懷念呢種味道 又唔會十分油 夠晒香濃➷❐ 酸菜魚片終於黎到壓軸既主菜 我最期待既酸菜魚😍例牌都有咁大兜既😆開心到一個點一塊塊魚片佈滿酸菜湯面 見到都忍唔住😋就返我地口味 所以都係揀咗微辣🌶魚片肉好滑身 都唔見有魚骨👍🏼最緊要係唔腥魚肉都夠新鮮🐟仲有魚味食到 份量一樣多酸菜湯底恰到好處 酸同辣既味道控制得好好唔會有過分既酸同辣搶喉 食起上黎都幾舒服🤤入面既豆卜同薯粉一定要食 因為精華盡吸完全索晒酸菜湯既味道 真係不得了👍🏼➷雖然佢屹立係一條充滿食肆既橫街但無阻佢低調地展示自己既實力😂如果鍾意呢類菜式既朋友 呢間都值得去試👍🏼➷🧸🌞 𝗖.𝗼𝗼𝗸𝗻𝗴𝗯𝗲𝗮𝗿推介指數 👉🏼👉🏼9️⃣🌟…查看更多