麻辣Doi (已結業)

香港越來越多食辣嘅舖頭，四川菜，麻辣雞煲，水煮魚，各式各樣唔同嘅舖頭有獨家唔同嘅味道，未必可以話邊間最好食，各有千秋，不過就唔係每一間都啱香港人口味，所以，今次介紹嘅小店，係絕對適合香港人想食辣又唔食得太辣嘅刁鑽腸胃。廢話唔多講，首先介紹招牌水煮魚，第一個感覺就係比起其他店舖少油，但係食落去，依然香味十足，花椒味香，魚片超滑，再嚟有涼拌薯仔絲，非常適合重口味用嚟餸酒嘅朋友，最後有我最鍾意嘅手撕包菜，依道菜就最體現到呢一間店廚房嘅鑊氣十足。滿足左我嘅四川菜癮。