麻辣Doi (已結業)

友人同我話食辣對去濕有功效，其實一早就知佢想揾人陪食辣喇。所以就同黎試下元朗麻辣Doi食川菜。大盤水者酸菜魚🔥🔥🔥作為招牌酸菜魚，上菜已經一大盤，盤上佈滿唔少魚。薄切既魚肉睇得出師傅既刀功。無骨啖啖肉。而盤底有大量薯粉墊底，又有好入味既豆卜。份量十足。足夠二至三人食用。家鄉小炒-回鍋肉🔥🔥配菜有木耳、雜菜、辣椒等，回鍋肉入口是先鹹香，食得出有炒香過。成碟菜香味四溢，色澤光亮，十分惹味。涼菜-口水雞🔥賣相一流，份量有一個例牌，雞肉嫩滑Q彈，麻油少辣，下次可升級挑戰大辣。友人介紹呢間川菜館唔錯，CP值高，有機會下次再黎。