麻辣香鍋

營業中

休息中

今晚同同事食辣，首選又係麻辣香鍋！又抵食又正宗又大大碟！。🥢夫妻肺片 $66色澤紅艷，令人眼前一亮。佢嘅口感相當滑嫩，搭配上香辣嘅調味，性價比高，絕對值得一試！。🥢鮮椒田雞 $138田雞肉質鮮嫩，鮮椒嘅香味融入每一塊肉，辣味適中，唔會太過刺激，反而令到整道菜更添層次。。🥢黃金蝦球 $138一啖咬落去，蝦肉彈牙，外皮酥脆，裡面仲有一陣濃郁嘅海鮮香。每一口都好滿足，蝦球嘅味道好鮮，配搭上咸蛋黃嘅醬汁，簡直無得輸！。🥢孜然牛肉配麼麼皮6人 $98孜然嘅香味好濃，牛肉切得薄薄地，味道吸收得好入味，食落去有咁啱好嘅香脆感。麼麼皮可以包住牛肉，口感豐富，真係好特別。

哩間麻辣香鍋係旺角朗豪坊附近好適合在附近行完街過來食店鋪主打四川麻辣除左有炒香鍋之外，仲有水煮系列酸菜魚、雞煲、小菜，多款菜式選擇麻辣香鍋$28 最少5餸🍲🦪沙白 $46🍖小酥肉 $48🦑魷魚鬚 $46🐔雞軟骨 $42🍄金針菇 $22黃金蝦球 $138濃濃咸蛋黃香味，每粒大大粒，好岩餸飯食香辣魚皮 $68魚皮爽口超脆，但如果再麻辣一點，味道會更好！而且份量都算多，都幾抵食麻辣香鍋 📍旺角砵蘭街198號地舖

嗌咗個酸菜魚同水煮牛肉水煮牛肉完全冇味，味如嚼蠟，一啲都唔香，牛肉都唔多酸菜魚嗌微辣，但係仲辣過小辣嘅水煮牛。魚得幾塊，下面全部都係薯粉墊住淡而無味，唔會有下次

今日喺旺角麻辣香鍋食咗餐超滿足嘅晚餐！招牌香鍋揀咗微辣，鍋入面有魷魚鬚，咬落有彈性；麵筋條好夠味；小酥肉嘅外層炸到夠香脆，內裡又嫩；薯粉份量超級多！唔會太軟，又唔會太硬；茄子吸晒麻辣湯底嘅精華；至於牛舌，每片都厚薄得宜，嫩滑多汁！京蔥羊肉係我的最愛！呢個羊肉片好香好嫩滑，配埋京蔥嘅香味，食落口感層次好豐富。仲有配 6張麼麼皮啊！呢個配搭真係絕配。夠薄又韌，正！蕃茄炒蛋好家常，但真心炒得好靚！食辣野再配蕃茄酸酸甜甜，加埋炒到啱啱好嘅蛋，滑溜溜唔乾！紅糖糍粑，外皮炸得好脆，糯米糍粑咬落去Q彈，加埋嗰層甜而不膩嘅紅糖漿，真係好正！

呢間麻辣香鍋色香味俱全~~~會比較適合鐘意食菜既朋友多肉類相對黎講性價比較低配料選擇菜既話就會超足料肉類份量就偏少 (會唔夠飽)薯粉吸哂D汁 爽口彈牙 超好食 地方都比較就腳

今天在旺角逛完街之後想吃辣，找到這家麻辣香鍋。坐下之後開始點菜，我點了微辣的金湯酸菜魚，泡椒田雞，一碗白飯和一份麼麼皮(6張)，接著就是點招牌香鍋了，我選了金針菇，萵筍，羊肉卷片，牛肉片和魷魚鬚，選了香辣微辣。  最先上來的是酸菜魚，很大的一碗，裡面的料很足，味道濃郁，魚塊都很滑～ 然後就是泡椒田雞，味道很足！ 田雞肉爽口彈牙，十分下飯。 之後招牌香鍋上來了，也是很大一碗。裡面無論是素菜還是葷菜都很多。我很喜歡吃羊肉卷片，還有金針菇。 我的香鍋叫的是微辣，因為其他的菜都帶辣，如果單叫香鍋可以叫小辣或者中辣，平常有吃辣的朋友可以一試，味道會更好。 總的來說，我會推薦給喜歡吃川菜的朋友呢～

今日到左旺角麻辣香鍋一嚐佢哋既招牌菜式。踏入餐廳時,濕熱嘅氣氛同充滿香料嘅香氣已經撲面而來,喺呢個悶熱嘅天氣裡,特別能夠刺激味蕾。首先上嚟嘅招牌麻辣香鍋,裡面充滿了各種新鮮食材,有肉有海鮮,份量十足。鍋底濃郁香辣,不會過於麻辣,反而帶有一種回甘嘅感覺,配搭上五種不同口感嘅餸菜,實在係大快朵頤。尤其係新鮮多汁嘅鮑魚同大腸,較其他嘢更加突出。蝦肉肥嫩爽口,牛柏葉又脆嫩可口,花甲則個大肉多,入口鮮甜。另外叫咗夫妻肺片涼拌,造型俐落,色澤鮮艷,肉片薄而嫩滑,加上爽脆嘅蔥段,酸甜辣味剛剛好,開胃又消暑。辣炒魷魚亦都煮得恰到好處,魷魚又爽口又Q彈,辣味不會過於強烈,令人回味。總括嚟講,今日嘅用餐經歷非常滿意,服務周到,環境清潔,菜式味道出色,係一間值得再次光顧嘅好店。

麻辣香鍋 (旺角)旺角砵蘭街198號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：香鍋客飯套餐(午市) $65，鯛魚片 +$25，魷魚鬚 +$25，泡椒炒肥腸 $118，香辣魚皮 $68，金桔檸檬茶 $28香鍋客飯：大大鍋的香鍋客飯，以勁多的辣椒、香葱及香茜調味，閒落香噴噴非常惹味！今次叫了麻辣大辣，辣得過癮！飯餐包三餸，我點了小酥肉、豬頸肉及田雞，另外再加了鯛魚片和魷魚鬚。小酥肉的酥皮脆卜卜兼且肥美多汁，豬頸肉彈牙爽脆，田雞肉質嫩滑，鯛魚片魚肉鮮美，魷魚鬚煙靭有咬口，款款滋味！😄😄😄泡椒炒肥腸：泡椒有濃郁的香氣，肥腸口感軟嫩，肉味香濃，泡椒炒製後能保留原汁原味，再加上脆爽的萵筍，脆嫩的香葱和雲耳，令人垂涎！👍👍👍香辣魚皮：魚皮晶瑩剔透，紋理清晰，賣相華麗，一口咬下時覺得十分脆爽，香辣的調味料增加了刺激的口感，魚皮的脆度和香辣的滋味相互輝映，令人愛不釋手，是一道高質的冷盤！😍😍😍金桔檸檬茶：口感清涼而爽口，金桔和檸檬的酸甜味結合在一起，入口後能帶給人一種涼爽的感受，在炎熱的夏天，更能消暑解渴兼解辣！😋😋😋

我同朋友都可以食少少辣，平時都有去探店試食唔同鋪頭既川菜。呢次試試呢間，都係同事有食過推薦。我地2個人order 2款菜式已夠喇。1.金湯酸菜魚🐟點的魚肉非常嫩滑冇骨，配料亦十分豐富，有雜菌，萵筍，酸菜，底下的寬粉亦非常入味，湯底的酸度剛剛好。2.香辣海鮮鍋🦐🐚🦑有四隻新鮮大鮑魚，肉質爽口彈牙，真係好新鮮。另外還有海蝦，魷魚鬚，沙白蜆，上枱時香噴噴的味道令人垂涎三尺，雖然滿佈辣椒，但味道不會太辣，只係微微辣提味提鮮。我地仲叫左2杯百香果檸檬茶🍋🥤兩者的味道出奇地夾，味道清爽，檸檬茶配上百香果更加解辣。

前排朋友話好想食川菜，之前平日行過旺角，都見到呢間餐廳都會坐到滿座，咁岩經過見到又有位，就入去試下。當日係平日夜晚，餐廳好快就坐到滿座。餐廳座位雖然唔算好多，但坐得都算寬敞; 餐廳都好貼心，有紙巾提供，仲會預備埋熱水俾客人洗碗碟。 🌶️招牌香鍋（麻辣 – 微辣）餐廳個名都叫做麻辣香鍋，梗係要叫招牌香鍋試下; 唔食得辣嘅朋友可以點唔辣嘅醬香味，今次我點咗麻辣味，可以簡辣度。香鍋起碼要簡五個餸，最尾就簡咗新鮮鮑魚（4隻）、肥牛、牛肚、墨魚餅、蓮藕，份量都好多，入面仲有好多配料，味道亦都唔算好辣; 個人特別推介牛肚同蓮藕，牛肚非常入味，同時又軟嫩，又唔會好韌，而蓮藕切成片狀，口感非常爽脆。
🐔 鮮椒雞
鮮雞肉同蓮藕切粒，再同青椒、花椒一齊炒; 雞肉同蓮藕都非常入味，帶有濃厚嘅麻香味，好適合配埋白飯一齊食。 🐟 香辣魚皮
呢個係涼拌，好適合宜家呢啲熱辣辣嘅天氣食，而魚皮份量都幾多，口感非常爽脆，味道少辣，非常開胃。 🥗 清炒蒿筍絲
成餐都係食啲辣野，要叫啲比較清淡嘅菜式中和辣度; 蒿筍切成絲狀，味道雖然比較清淡，但更突出到蒿筍清甜嘅鮮味。 🍹金桔檸檬茶食咁多辣野，要叫啲飲品解辣; 飲品非常解渴，

香港的天氣非常反常，一個月持續酷熱，搞到個人冇咩胃口。行經旺角#麻辣香鍋 ，見到店內闊落又冷氣夠凍，全店免收加一。入內抖抖順便同朋友食晚餐。水煮魚$188品嚐四川菜，點會唔叫麻辣水煮魚呢？選擇了微辣，上枱已嗅到湯底鮮香帶勁，魚肉肉質細嫩，最主要沒有骨，配搭水晶寬粉，寬粉吸飽了麻辣湯汁，食落過癮之餘。口中久久不散!川香鮑魚雞煲（半隻）$168雞煲好惹味，雞件份量都幾多，雞肉醬香味濃，雞煲內鮑魚一人兩隻左右。鮑魚彈牙，亦煮得入味，十分滋味。清炒蒿筍絲$68味道清爽，清清腸胃一流!百香果檸檬茶$36&金桔檸檬茶$28金桔檸解膩，百香果甜味重，解辣一流白飯（碗）$15

同朋友行完旺角，係朗豪坊附近，突然想食麻辣，就係朗豪坊斜對面街就有一間川菜😋 見鋪內都幾多人食緊就推門入去試一試，一推開門冷氣十足👍食緊辣嘢都唔會覺得冷氣唔夠涷👍店鋪裝修簡潔明亮企理😊 食物方面有炒香鍋，酸菜魚，水煮肉，烤魚等很多選擇😊咁熱嘅天氣先叫個涼拌小食香辣魚皮 $68先😋 魚皮唔會切到好薄，入口超爽脆，小小辣非常開胃😋招牌香鍋最少要選5個菜一起炒，有28款肉及有31款蔬菜任君選擇，而口味可選香辣，麻辣，醬香（不辣）我地選了招牌香鍋$28＋小酥肉$48＋ 肥牛$46＋魷魚鬚$46＋豬大腸$46 ＋雜菇 $28 選了麻辣小辣，抄埋一碟好大盆呀😱 炒得夠乾身令每款食材都沾上麻辣醬汁味，食起來麻麻辣辣十分香濃惹味😋泡椒炒鯛魚片$108 。萵荀片一齊炒很爽脆，有大量魚片，肉質軟滑無，無骨食落啖啖魚肉😋 白飯$15 。 用嚟配香鍋食😝烏龍茶$16 ， 酸梅湯$18。甜甜地唔酸有點似利賓納嘅感覺😝

前幾日約左朋友食lunch，好耐冇食辣野，咁啱見到呢間麻辣香鍋好多人食，就同朋友試下麻辣香鍋招牌麻辣香鍋梗係要試吓啦，可以自選菜式同辣度，我地揀咗鮑魚田雞雞軟骨同蓮藕仔，鮑魚超級大粒啊😍😍一啖食落去好滿足，師傅手勢好好，鮑魚唔韌好爽，雞軟骨好脆，田雞食到新鮮冇雪藏味👏🏻，第一次食蓮藕仔，都幾特別，有小小酸，香鍋醬料惹味黃金蝦球黃金蝦球咬落去啖啖鹹蛋黃嘅香味，蝦肉爽彈，最緊要係食落唔會好油好膩，真係好正啊☺️☺️涼拌魚皮呢排天氣好熱，食D涼拌會開胃好多，所以都嗌咗個涼拌魚皮，呢度啲魚皮唔會太薄，食入口好爽脆，一啖接一啖停唔到口啊😹😹食辣嘢點可以少得凍飲呢，我同朋友分別叫咗百香果檸檬茶同酸梅湯，解渴又解辣👏🏻餐廳lunch time都好多人

香辣魚皮外層爽脆,一咬即可聽見清脆的嘎吱聲,入口即化。魚露與辣椒的完美融合,交織出一股獨特而誘人的香氣,回味無窮。鮮椒雞,雞肉鮮嫩多汁,咬下去頓時汁水四濺,配上酥脆的外皮,恰到好處的微辣椒麻醬汁包裹住雞肉,引發了味蕾上的震撼。香鍋,小辣麻辣口味更具特色。辣椒與辣椒油的香氣先是讓人有些眼睛發熱,但當肥美的小酥肉、彈牙的豬頸肉、口感一流的田雞、鮮甜的蝦球在鍋中時,濃郁的麻辣滋味卻又欲罷不能。入口都是口感層次豐富的享受,麻辣中帶有一絲回甜,難以抗拒。

好耐冇去旺角食飯發現原來朗豪坊附近有麻辣香鍋食愛辣嘅我哋當然要試下哩度仲有酸菜魚、水煮牛/魚、小炒仲有啤酒飲！環境幾光猛乾淨姐姐們都nice難怪平日夜晚都咁多人食🔸辣子雞（$108）雞丁走過油，好香脆，粒粒都有麻香，辣度剛剛好，配啤酒一流。🔸金湯酸菜魚（小辣）（$198）有大量魚片，肉質爽身，金湯濃郁、酸味夠，小辣真係好微辣，愛辣嘅朋友建議叫中辣以上。湯下面仲有不少寬粉、蔬菜，抵食！🔸泡椒炒肥腸（$118）豬腸肥厚彈牙，但又夠腍，口感不錯！配埋爽脆萵筍片食，口感更豐富。🔸熗炒萵筍絲（$68）