麻辣串串香

營業中

休息中

荃灣咁多間米線店，真係百花齊放🌸，要突圍而出唔容易，但呢間中日fusion小店真係成功分到一杯羮💪。我同仔仔最近就去試咗，結果超出預期～🍜 雲南米線 湯底夠晒香，唔油膩又有層次，飲落微辣微酸好開胃～豬大腸處理得非常乾淨，完全冇異味；鮮魚腩新鮮到不得了，入口即化；滷水雞翼滲透晒滷汁，真係食完想Encore！🍱 滑蛋吉列豬扒石頭鍋飯 香味一上枱就撲鼻，豬扒炸得金黃酥脆，裡面仍然保持嫩滑；滑蛋濕潤香滑，配埋底下微焦飯粒～有驚喜！🍢 串燒系列 鵪鶉蛋外香內嫩，白鱔燒得微焦唔乾柴；翠玉瓜保持清甜爽脆；羊架啖啖肉，唔羶而且juicy～全部都烤得恰到好處，連燒烤控都會讚！🍺 Asahi Super Dry 一支，啱啱好解膩，配埋熱辣辣串燒一流！👩‍🍳 店員超有禮貌又細心，坐低即刻奉上用熱水浸過嘅餐具，真係體貼～細節位做得好令人加分。🏠 店舖雖然唔大，但乾淨企理，座位安排合理，完全唔侷促，感覺舒服又放鬆～麻辣串串香📍河背街84號地下A1號舖

呢間算是荃灣區老店，裝修後再開仲加咗其他食品，不過老闆仍是以前嗰位。果日我哋得兩個人，叫唔到好多，不過都食得滿足，已經諗定下次要食咩。重慶酸辣粉，係男友點的，水準依然靠得住。我食唔到辣，點了雲南米線，個湯底唔錯，食完都仲要飲多幾啖湯。配菜揀了好多種，全部無伏，份量足，有幾樣仲特別好食，豬腩片係又爽又滑的口感，唔係鞋拾拾的；牛腩夠稔又入味，好食過好多車仔麵嘅牛腩；鵝腸估唔到咁正，唔係漂到無晒味果種，口感好又有鵝腸的靈魂香味，喜歡食鵝腸的一定要試。 之後再點了其他小食試下：⭕️蒜香焗生蠔，好大隻，咬落去Juicy有蠔味，蒜香更加無得輸。⭕️燒白鱔我哋想點時app上找不到，原來係因為剛剛返貨，仲切緊穿緊，真係好新鮮，火喉剛好，彈牙脆皮。⭕️鐵板牛舌，份量足，鐵板上枱香噴噴，成為全場焦點，隔離枱都望住🤭，牛舌有咬口，洋蔥爆香過的，個汁亦十分好味，連洋蔥都食晒，其實已是小菜水準，十分抵食。⭕️涼伴墨魚頭夠爽夠鮮，蒜香十足，下次都會再點。⭕️燒羊架，睇相就知好食，火喉剛剛好，味道是恰到好處，唔會太多孜然，其實我好怕串燒樣樣嘢都同一個味，但係呢度唔會，令人樣樣都想試。 下次我想食鰻魚石頭鍋飯，因為見到隔離枱食

主打美食雲南米線湯底麻辣鮮香，米線滑溜，加埋串燒一齊食超滿足。串燒即叫即燒，火候控制得好好，麻辣調味夠正宗， 啱曬一班朋友鍾意食咩都可以滿足到。 秘製豬頸肉肉質爽彈，秘製醬汁帶蜜糖甜同麻辣香花虎蝦有手掌咁大隻，燒到蝦殼脆卜卜，蝦肉鮮甜彈牙！

同時想吃米線和串燒，由荃灣友人帶路，來到這家中日式餐廳，看到石鍋飯，炸物等都有，於是決定試試雲南米線 $30+$8 萵筍+$8 蓮藕+$12 魚腐+$12 滷水雞翼 酸度和辣度可以自選，湯底酸辣之餘帶鮮甜，吃得出自家製，蔬菜類新鮮爽口，雞翼炆得軟嫩入味麻辣燙米線 +$10牛腩 +$12韭菜雲吞 +$12牛柏葉 +$12墨魚丸 +$10性價比高，因為本身沒有底價，按自己想吃選購食材，麻辣湯香濃惹味，牛柏葉爽口，墨魚丸彈牙蒜香焗沙白 $48完全沒沙，而且很大隻，沙白肉鮮甜白鱔 $44金菇肥牛 $26必點白鱔，肉質彈牙，魚油很香；肥牛包住口感爽脆的金菇，好吃的經典組合涼拌墨魚頭 $49墨魚頭爽脆彈牙，蒜蓉辣汁很惹味，仍吃到墨魚的鮮味鐵板安格斯牛柳粒 $78上桌時熱騰騰冒泡，牛柳粒份量不少，肉質軟嫩下午茶時段，吃兩餸雲南米線送凍飲一杯米線出色，食物多元化，難怪平日都滿座

同朋友去荃灣行街，附近搵間一齊去食，我想食米線，朋友想食日式系列，搵到呢間Menu係有齊哂，中式加日式餐廳，岩哂我地😆，有得QR Code落單，好方便大大碗多餸雲南米線😋（潮州魚蛋/魚皮餃/豬紅/豆卜/牛腩/墨角丸/支竹/時菜）米線係煙靭果隻，湯頭都幾出色，叫左少辣，辣得惹味又唔會太過分重口味，有啲驚喜石鍋鰻魚炒飯估唔到連日式菜式都幾高質，炒飯好香口，粒粒分明，食到底部仲有飯焦😍仲叫左啲其他小食咁，生蠔🦪會唔會太大隻😆，好肥美，鮮得黎又嫩口原條茄子🍆，蒜香焗沙白 ，蒜蓉娃娃菜 啲蒜蓉味係超級濃厚，勁香勁蒜，沙白都幾大粒，夠鮮夠甜串燒系列韭菜串、雞全翼、秋刀魚 味道夠川式，香得黎又唔會太辣，岩哂香港人口味配埋王老吉，好似去左一轉大陸咁🤣下午茶2:30-5:30時段，惠顧雲南米線系列，加兩個餸，仲送凍飲品一杯😆

我係舊客戶，裝修之前成日去食裝修完後有點失望，可能裝修期間，十分期望再食希望越大，失望越大食物款式係多左，但燒物少左好多新登場有：石鍋飯、炸物、手打烏冬……..同時都少左好多食物，包括我最愛的：燒黃魚、燒烏頭、燒雞肝……….以前我會叫爭餸麻辣燙，但依家變左電子落單，一定要點澱粉質（主食）講返食評：芝士肥牛石鍋飯，啲汁好甜鐵板牛舌，啲汁應該和石鍋飯一樣，好甜及鐵板上有燒燶味燒串冇以前咁辣………………..

講起串燒店，大家都會諗起宵夜或飲完酒會去嘅地方。但位於荃灣河背街有間串燒店，晏晝同夜晚都好多人食。因為佢除咗有串燒外、仲有大大碗米線、日式飯同小食。開到凌晨， 絕對滿足曬街坊嘅需求。🏠1） 🍜大大碗雲南米線-好大碗有齊唔同食物，例如豬紅、魚皮餃丸類、牛展、蔬菜等。非常豐富。 湯底酸味十足 ，米線又滑，必叫！2）🥒涼拌青瓜- 青瓜大大舊，爽辣爽口，配上訂製辣醬，辣得過隱3）🍢串燒：🐂牛舌-燒到厚厚的，多汁🐟白鱔-外皮烤得焦香，新鮮美味🦙羊架-烤得好香（孜然味），冇羊騷味，啖啖肉4）🦪蒜香焗生蠔- 即叫即焗，蠔肥美，配上滿滿嘅蒜蓉醬，十分惹味！5）🍄‍🟫蒜香焗金菇- 金菇鮮甜美味，蒜蓉醬佈滿每條金菇6）七味雞軟骨-金黃色嘅雞軟骨，炸得香脆可口！😋😋7）燒菠蘿： 非常juicy，菠蘿新鮮，有好多舊，非常解油膩

荃灣米線呢間都唔錯👍除咗有米線，仲有串燒、日式料理等等，稱得上係中日式餐廳雲南米線湯底微辣微酸，豬骨湯濃郁老闆聲稱自己煲！滷水大腸入味，豆芽韭菜新鮮，成碗材料豐富！酸辣紅薯粉有好多配菜：肉碎、花生、榨菜、芫茜、蔥花湯底酸酸maymay，夠晒惹味紅薯粉好彈牙，價錢亦都唔貴～再試左幾串串燒，香噴噴！係重慶燒烤個款！蒜香娃娃菜蒜香味超級重，清菜都變得好好食～雞軟骨串 & 雞中翼雞軟骨好食又好脆口！雞翼燒到外皮卜卜脆，調味剛好食咁多熱氣野，要整返串菠蘿🍍幾甜多汁容易食，可以解膩

喺荃灣有一間價格親民嘅中日式餐廳，有串燒、米線甚至石頭鍋飯，一次過滿足三個願望！老闆非常親切友善，係唔少附近居民指定飯堂！.🌟雲南米線 湯底用豬骨同雞熬製而成，鮮而不鹹，加上辣湯係非常正宗雲南米線嘅味道。米線彈牙入味，加上自選配料，選擇豐富，非常推薦！.🌟鰻魚石頭鍋飯 鰻魚油潤肥美，醬香濃郁，入口即化，非常送飯。石鍋米飯焦香脆底，加上蔬菜，分量十足！.🌟涼拌墨魚頭 墨魚頭爽脆彈牙，拌入蒜末、辣椒同酸甜醬汁，開胃又解膩，冰鎮後口感更佳。.🌟蒜香焗生蠔 生蠔肥美飽滿，鋪滿金黃蒜蓉焗至微焦，蒜香撲鼻但唔掩蠔鮮。入口爆汁，奶香同蒜味交融，趁熱食絕對滿足！

小店空間唔算好大，但整體乾淨企理，感覺舒適又有家的味道。首先試咗雲南米線，湯底濃厚帶點辣，米線口感彈牙，加咗牛腩同雲吞後更豐富，牛腩軟滑入味，雲吞皮薄餡嫩，配上凍飲清爽解辣。之後嘅重慶酸辣粉用咗紅薯粉，BB辣程度不吃辣的我也可以接受，豬紅同豬大腸滷得夠香，酸辣味同紅薯粉滑溜感完美融合，食得滿頭大汗都開心。串燒部份用咗孜然粉同辣椒粉調味雞中翼串外脆內嫩，香氣撲鼻；金菇肥牛卷肥牛嫩滑，金菇吸滿湯汁，超級juicy；白鱔同豆卜燒得香脆，特別係豆卜帶有嚼勁；餃子釀雞翼創意十足，雞翼肉嫩汁多，內裡餡料同調味相得益彰；雞腎處理得乾淨，味道濃郁。鐵板牛脷燒到焦香，牛脷軟腍入味。涼拌墨魚頭則清新開胃，醬料帶微辣同酸，解膩得嚟又有層次。服務員態度友善，特意提醒特惠時段，價錢親民，人均約$80-$100，性價比高得驚。呢度下午茶2:30-5:30時段仲有特惠，惠顧雲南米線系列加兩個餸仲送凍飲品一杯，真係抵食！呢度適合同朋友一齊試吓，特別鍾意麻辣風味嘅人一定會愛上。

有時間同老公食個午餐，喺番老公公司附近食。餐廳環境舒適，闊落。見到呢間餐廳除左有主食，米線同飯之外，仲有好多小食串燒，好正，啱晒為食的我😋推介呢間小店，價錢合理，食物唔會太咸，適合健康人士去食😋而且d職員好細心，坐低左就會比用熱水浸住既餐具，如果你平時出街食野都要拎杯熱水淥一淥，就好啱你。🥢豬肚雲吞雲南米線（$44）今日午市套餐有豬肚雲吞雲南米線，揀左BB辣，好啱我，夠辣又唔會幅蓋左其他味豬肚好爽口，菜肉雲吞大大粒， 好足料🤩至少米線，軟硬度適中，湯底唔會太咸😋🥢月見牛肉石頭窩飯（$58）老公食另一個午餐，估唔到呢間店除左米線，仲有其他日式食物，連石頭窩飯都有。石頭窩飯上有隻生雞蛋，一上枱即撈入熱辣辣既飯度，令每一粒飯都有蛋汁😋牛肉石頭窩飯加上蒽花，味道更上一層樓😋😋🥢原條茄子（$44）串燒之中，我最鐘意食既，茄子燒得好食唔簡單，外皮又唔會好燶，茄子肉又夠淋，一夾就拎起成肉，好正😋🥢雞軟骨串（$13）雞軟骨燒得好好，好爽口，易起籤👍🥢雞中翼串（$19）叫左辣，好野味，雞翼燒到外皮卜卜脆😋😋🥢蒜香脆皮豬手粒（$58）呢個小食超級推介，佢地整得好好食😍冇諗過豬手可以咁整。炸到外脆內軟，勁多

- 荃灣｜麻辣串串香 -▪️雞腎🐔▪️雞軟骨串🐔▪️鵪鶉蛋🥚▪️牛舌🐮幾款串燒都燒得好香，調味又唔會過重。特別鍾意牛舌，厚身又爽脆▪️雞泡魚乾🐟幾有咬口，味道鹹鹹甜甜，沾啲蛋黃醬更滋味▪️蒜香焗金菇🧄▪️蒜香焗沙白🧄份量都唔少，面頭舖上滿滿嘅蒜茸，蒜味十足，仲將啲鮮味帶晒出嚟▪️鐵板牛油帶子🧈上枱熱辣辣，帶子都幾大隻，食落彈牙，仲吸收晒啲牛油香▪️涼拌墨魚頭🦑墨魚頭好爽口，又易咬開。味道少少麻麻辣辣，再帶啲尖椒嘅香，好惹味▪️秘製豬頸肉🐷豬頸肉切得厚薄適中，外面微微焦，中間鮮嫩帶脆，配埋秘製醬汁，甜甜哋▪️米線🍜好大碗，湯底要咗小辣，味道啱啱好。另外仲加咗三款餸，豬腩片🐷、牛腩🐮、水魷魚🦑都好入味▪️凍檸樂🍋🥤麻辣串串香📍荃灣河背街84號地下A1號舖

呢間餐廳真係好多嘢食，除咗有米線、串燒、仲有豚肉烏冬、石頭鍋飯等等。可以稱得上係中日式餐廳。以前喺附近返工都已經留意到佢，而家裝修咗，環境更加闊落乾淨企理。點咗兩個米線，雲南米線🍜$30，加$8豬紅，加$12豬手，豬手不肥，口感爽口。米線口感軟腍腍，湯底就充滿豬骨湯味。另一個點咗大大碗雲南米線🍜$60配菜有肉碎、酸菜、韭菜、芽菜等一大碗包晒以下嘅餸：潮州魚蛋、魚皮餃、豬紅、豆卜、牛腩、墨魚丸、支竹同娃娃菜，每款都有兩至四舊。真係豐富又大份！🤩🤩當中牛腩同墨魚丸比較出色。牛腩煮到好腍夠入味，而墨魚丸好彈牙。仲點咗幾款串燒同小食：🍢鯖魚魚肉口感煙靭，燒嘅火候啱啱好🍢花虎蝦 好新鮮，夠晒大隻🍢白鱔外面層皮燒到焦香，肉質充滿油滋香味🍢秋葵🧡秘製豬頸肉 賣相超級，炸到外脆內軟，旁邊仲有個辣汁可以點。🧡鐵板牛油帶子 用一個小鐵板睇住佢熱辣辣上枱，口感煙靭。滿滿嘅炸蒜蓉粒。

今次在荃灣發掘到一間寶藏小店「麻辣串串香」，係中日式餐廳，每樣嘢食都勁有特色，食完真係想encore！ 雲南米線湯底微辣香氣四溢，肉沫等配料多到瀉！滷水雞翼入味到骨，魚腩鮮嫩無腥味，雲吞同餃子皮薄餡多，冬菇吸晒湯汁，豆芽清新，成碗超豐富！特上虎蝦鍋燒手打烏冬虎蝦大大隻，爽口彈牙！烏冬係手打嘅，超級煙韌，豬骨湯底濃郁鮮甜，仲有雞蛋、海帶和鮮菇，石鍋暖笠笠好滿足～餃子釀雞翼 呢個真係創意滿分！雞翼去骨釀入爆餡餃子，外皮煎到脆卜卜，咬落去先係嫩滑雞肉，跟住就係juicy嘅餃子餡，兩種口感一次過滿足，點埋甜辣醬更加惹味！ 蒜香焗生蠔 生蠔大大隻好飽滿，焗到剛剛熟，蒜蓉牛油香爆棚，蠔肉肥美creamy！ 秘製豬頸肉 豬頸肉切到薄薄哋，外層酥脆，個秘製醬汁甜甜哋又帶少少麻油香，沾住食一流！ 羊架 羊架燒到外脆內嫩，一啲都唔羶！肉質粉嫩多汁，灑咗少少孜然同辣椒粉，風味十足，食肉獸必點！ 雞中翼串 雞翼燒到外皮微焦，肉質超嫩滑，食完一串即刻再叫多一串！呢間店每樣嘢食都誠意滿分，價錢又合理，絕對值得專登過嚟試！

荃灣有間麻辣串串香呢排裝修完，見到餐牌都有啲新嘢，所以就搵晚去試吓本身佢都有麻辣燙、重慶酸辣粉同埋串燒，見到佢新Menu有烏冬同埋米線，今次就試吓佢個雲南米線先佢個米線湯底唔錯，唔會好重味精，叫咗小辣，辣到啱啱好，飲得出個湯係自己煲👍🏻啲餸都好好食，尤其是豬手同埋牛腩，炆得好夠腍又夠入味！另外口痕試咗幾串串燒，揀咗釀雞翼、雞軟骨、羊架、金菇肥牛卷，燒得好夠火候，其中羊架大力推薦，佢好有羊味，燒得夠腍，勁正！另外仲要咗個燒生蠔，生蠔勁大粒，又有勁多蒜蓉調味，勁香！另外仲叫咗個鐵板牛油帶子，上枱真係好夠熱，就算放咗喺度一陣先食都仲係熱辣辣，而帶子嘅質素都唔錯，有五大粒，吸收晒啲牛油嘅香味，好邪惡！佢嘅炸物都好出色，我哋叫咗一份炸多春魚，有四條，炸粉厚度啱啱好，炸得好香脆惹味👍🏻整體都覺得質素唔錯，下次再試吓佢啲烏冬先