麻甩爐海鮮雞煲私房菜 (銀座廣場)

營業中

休息中

食物質數一般，不過不失，但最讓人氣憤的還是服務吧。早了一個多星期的預約，約了6人的枱，到了餐廳才跟我們説要分開前幾2張枱。旁邊有連坐也死不願意給我們，説有預約。但那所謂的預約到我都買單後才來。我們分開前後2張枱，因為每枱想吃的東西不同，我們分别叫了一個海鮮餐，一個牛餐，點完，5分鐘後來跟我們說不可以，必須6個人點一樣的餐，但卻要我們分開坐。也不願意給我們分單。食物到來時還每份欠一至兩人份。食物味道就算不錯，這服務真的讓人不想再去。

好耐無見既朋友約食飯，揀左依間係旺角既邊爐，貪佢夠就腳同埋可以坐得耐👍揀左個海鮮套餐，一開始上左個雞煲，甘我地揀左少辣少麻，味道非常好，夠惹味啲配料都好入味。而雞件都唔少，仲好滑，所以叫多左一碟雞食（雞係任食的）👍 之後有刺身食，每樣每人一件但只有三文魚係任食，有d 可惜。因為最好食係啲蝦同埋帶子😂 味道幾好幾新鮮，唔錯👍👍最後就係打邊爐，甘叫左3.6牛奶煲，但湯底就麻麻，因為無咩牛奶味，海鮮好新鮮，隻蝦仲識郁的👍👍 整體黎講都算幾高質，環境比想象中好，人唔多岩曬想靜靜地既聚會👍👍 可以再黎😋

今日去食醉雞鍋， 估唔到咁好味， 隻雞又滑又有酒味。雖然我係食lunch 味，但份理都好多， 每個人都有四碟肉😨，其他野仲要任食！ 味道和質素都好唔錯👍 但留意返，可能個人比較細食，食完個雞bo 和牛肉加少少野已經好飽😫大食既人真係更抵😵加返少少個人評分先：菜： 有幾款，款款都好綠好新鮮，每份用獨立的器皿裝住， 鐘意食菜可能要攞幾轉肉：因為係午餐， 肉係定左每人四碟， 但每一塊都比出面既厚， 仲好有肉味！丸類： 個人好鐘意佢個芥辣貢丸，但佢個牛丸都好好味。 其他無試， 真係太飽飲品：如果無記錯， 有四個雪櫃，都放滿左飲品， 自己可以慢慢揀仲有甜品、醬、野飲揀添，真係抵到震呀！強推醉雞鍋！ 必食呀！

第1次寫食評😂見好多香港人都唔選擇留港消費，覺得遇到好既餐廳，要寫返個食評係，支持一下，以免執笠🥲之前一直食開麻甩爐既大埔分店，每一次去質素同服務態度都好好，今次去旺角分店食lunch 放題，真係勁抵食，2個人埋單先$260!!重要食到好飽牛肉既質素好好，雖然係定量左，每人好似有3定唔知4碟，但重有其他自取既菜，種類唔算多，但係每樣都好新鮮同高質素。如果大家重係留港消費既話，不妨去試下呢間雞煲打邊爐

與朋友於3月9日 (星期六) 中午試過卜卜蜆煲連自助火鍋後, 發覺此店無論食材, 味道超正之餘, 勝價比高, 絕不欺場.  於是決定一星期後, 15號 (星期五) 晚市再去一趟.  坦白說, 兩次均吃到滿載而歸! 大力推介此店, 必定令大家一試難忘! 其實認識此店乃透過社交平台的廣告. 得知此大埔店出名且受歡迎. 剛巧得知此旺角店早一陣子被人整蠱, 數晚有人透過 openrice 共 booked 了十張檯😩,最終沒出現, 以致 walk-in 客未能接待, 因此得罪了 walk-in 客; 故且拉朋友來試下! 坦白說, 沿油麻地至旺角彌敦道大街小巷實在太多食店, 位於大街的旺角店鋪租一定不平, 加上北上貪平的人太多了, 生存一點也不容易. 午餐:選擇也不少, 因我不好牛, 朋友與我一起選了A餐 - 美國黑豚肉片套餐100分鐘的半放題, 兩人共有6碟肉, 肉料高質, 非凍肉店的便宜貨, 大片, 食出豬肉鮮味😚. 湯底則選了混你個醬卜卜蜆鍋,  蜆鍋上檯大件又新鮮, 煮熟後極鮮甜, 醬汁惹味, 不過咸, 滿分👍! 食完蜆後在櫃取菜時, 才得悉除了雪條,雪糕外, 其他包括丸類, 餃子, 曫

今時今日香港人一到周末便北上，貪內地食嘢平夾抵，其實本地一樣有又平又抵食嘅舖頭。大家不妨留港消費，幫吓香港小店。「麻甩」的中午邊爐套歺只可以用超值嚟形容，我哋今日揀咗$108一位，食足100分鐘（如果食60分鐘更只要$88），另加$10 任飲無酒精飲品套餐包每人九片份量十足嘅美國黑豚肉（係厚身的不是薄如紙那種，以我哋兩個女士嘅食量已經好足夠），另加任食各款任食蔬菜（有娃娃菜、西洋菜、西生菜等）、各式肉丸（牛丸、貢丸、陳皮魚丸、龍蝦丸、海膽丸等）、水餃雲吞等。午市有四款湯底任揀：混你個醬卜卜蜆、蕃茄朱骨、香茜胡椒豬骨同上湯金柳素翅冬瓜鍋底，每人加多$20更可以揀特色湯底如特濃花膠雞煲、招牌麻甩雞煲等我哋揀咗卜卜蜆湯底，d蜆大大隻又鮮甜，湯底味道好濃加埋黑豚肉真係好好味，d肉丸同水餃唔係雪藏貨好高質如果男士或大食人士加$40 仲可以任食肉類，真係一啲都唔貴。我地最後埋單只係每人$130，已經大滿足到夜晚都食唔落飯，走時已book 定星期五放工去試佢地嘅晚市邊爐套歺，除咗有午市嘅特色湯底外仲加多一個雞煲，外加肉類各式丸類仲有海鮮併盤同新鮮魚生送，勁期待呀

星期六臨時搵邊爐食 要有得預約就無乜選擇睇到呢間無乜負評又有ig介紹就試下 點知就出事 點咗椰子雞 跟住蕃茄湯啲雞係嫩滑有驚喜 雖然偏鹹牛要食完雞轉蕃茄湯先可以叫三個人一致覺得超劣款款都無牛味 有啲放耐少少仲變埋灰色 (下面有圖為證)越食越無心機 有得揀會寧願食返雞煲每人埋單390不如食moXmoX club好彩唔係用嚟慶祝生日 如果唔係真係對唔住位朋友唔知係咪大家都懶寫200字食評 所以冇乜負評鍾意食雞煲可以試下 但想食好牛就可以skip呢間ps 蔬菜係幾企理

😋天氣涼涼地好想食雞煲 今次試呢間火鍋店好特別一個價錢 除咗有雞煲之外仲包埋卜卜蜆煲、海鮮、刺身、打邊爐和牛任食😍-落單後 首先送上嘅係冰火翡翠螺同涷蟹翡翠螺辣得嚟螺肉好爽 涷蟹好新鮮 啖啖肉👍🏻炸物拼盤 我地叫咗吉列蝦、炸雲吞和泡菜餃子 全部都係即炸 最啱係等雞煲個陣食住先是令刺身拼盤 當日有三文魚、帶子、甜蝦、八爪魚、北寄貝 賣相唔錯 味道都正常-招牌麻辣雞煲 醬汁非常濃郁 帶一點辛辣味入面有雞肉、洋蔥、芫荽、薯仔薯仔索哂啲汁好好味 雞肉頗嫩滑😋食完就可以示意店員上火鍋我哋揀咗混你個醬卜卜蜆煲 另外仲有其他口味嘅鍋可以揀卜卜蜆比想像中大隻 幸運地係每一隻都冇沙蜆肉味道好鮮甜 湯底仲有啲娃娃菜索汁都好味食哂之後就可以加湯打邊爐啦～-動L豪華是令海鮮拼盤 有海蝦、鮑魚、帶子同蜆等新鮮海鮮隻蝦放咗一陣仲好生猛真係估唔到👀 澳洲和牛、部分海鮮都係無限追加比較推薦有M7澳洲和牛、安格斯牛頸脊同美國牛後胸蟹籽蝦滑同墨魚滑都食到粒粒海鮮～仲未夠嘅自助吧仲有各種丸類、蔬菜、飲品、雪條供應整體用餐體驗都好好 好適合一班朋友一齊聚會👏🏻好味評分😋：4/5🌟🌟抵食指數🤑：4/5 🌟🌟餐廳環境 🤪：4/5

依間位於銅鑼灣既餐廳主打雞煲火鍋,套餐有齊刺身,凍蟹,海鮮拼盤,和牛,卜卜蜆,雞煲同多種火鍋配料🫶🏻而家天氣凍凍地去打邊爐就岩哂!麻。五重奏($398)首先前菜可以揀凍蟹/翡翠螺,食打邊爐有凍蟹食都真係第一次!蟹肉好多味道鮮甜,餐廳仲好貼心咁提供左手套方便進食,翡翠螺口感彈牙帶嚼勁刺身拼盤有三文魚,北寄貝,八爪魚,帶子同甜蝦,甜蝦好大隻d刺身都幾新鮮!雞煲我地叫左小辣,不過都覺得有少少辣😂不過不得不讚佢既雞煲汁真係好好食,唔會好咸又真係會有嘴麻既感覺好入味,雞仲可以無限添加火鍋可以揀豬骨鍋/卜卜蜆鍋,平時食卜卜蜆鍋通常用好多細細隻既蜆擺滿成個鍋,依度係用大大隻既蜆,所以食落特別有口感🥰時令海鮮拼盤當日既海鮮係聖子,鮑魚,帶子,沙白同蝦,樣樣都好新鮮,d蝦黎到既時候仲識郁!M7澳洲和牛,安格斯牛頸脊同牛後胸都係無限添加,牛肉既厚度同油脂分佈都好平均,食落去唔會覺得好油膩,仲有豚肉片,蝦滑,墨魚滑,鴨血,廣島蠔,鯇魚片,青口,龍躉片同白鱔片,炸物有榴連炸彈,芝士年糕,炸雲吞同南瓜薯餅餐廳設有自助區,飲品種類都幾多,淨係茶都有五款,仲有青瓜,木耳同螺肉等等既小食,各種丸類同蔬菜,所以就算幾大

🍽️食物方面：三重奏💲308 (星期五/假日💲328）1️⃣養生蟲草花雞煲(另有3款味)唔係乾同爆熱氣嗰種 Fill咗轉生雞+蟲草花幾鍾意個味 當邊爐湯底淥嘢食 小心碎骨2️⃣混你個醬卜卜蜆火鍋(另有3款味）有芫茜,洋蔥,娃娃菜 加湯再煲下就唔辣3️⃣牛肉盛宴(2款豬/4款牛)電話落單 熟食試咗章魚小丸子同芝士年糕都👌🏻ℹ️自助區有40款嘢食, 有凍熱飲櫃🚨一渣渣係湯 我哋同隔籬枱都以為係涼茶📷打卡方面：坐燈牌位燈光靚 個煲蓋餐具兜好好用🔈環境方面：坐位舒適 自助區拎嘢好集中 有圍裙同濕紙巾 廁所正常💬其他資訊：麻甩爐海鮮雞煲私房菜 📍旺角彌敦道565-567號銀座廣場LG樓💰星期四夜晚+1後人均💲342Keep單一個月內再食晚市有88折

天氣寒冷嗰陣最適合食火鍋雞煲，又想品嚐海鮮刺身同特別嘅鍋底。除咗傳統嘅重慶雞煲，仲有養身蟲草花雞煲同藥膳花雕醉雞煲首先嘗試清新甜美嘅凍蟹同🐚翡翠螺，同埋炸物拼盤。之後再開始打邊爐，品嚐蟲草花雞煲湯底，香濃足特濃茄豬骨牛尾鍋湯底採用咗好多鮮茄，味道酸甜開胃，而牛尾油香亦充滿整個湯底。刺身拼盤包括三文魚、油甘魚、蝦、墨魚同北寄貝，擺盤精美，海鮮保持著鮮嫩嘅狀態。時令海鮮拼盤蟶子、龍躉片、海蝦同鮑魚等各種新鮮海鮮，即使過咗一段時間，海蝦仍然保持著生猛嘅狀態。無限點M-7澳洲和牛、頂級牛板腱同特定海鮮。自助吧亦有各種丸類、蔬菜、雪糕雪條同飲品供隨意選擇。

💡麻．五重奏高質雞煲火鍋雞煲加上打邊爐就經常食，再加上刺身同埋新鮮海鮮就比較少啦，今次黎到呢間叫麻甩爐海鮮雞煲私房菜既餐廳，餐廳有個澳洲和牛海鮮雞煲套餐包含晒刺身，海鮮，雞煲，再打邊爐，十分之低食呀，低食得黎仲要好味。🍽️一重奏 - 冷盤前菜前菜已經好有驚喜，前菜有時令凍蟹同埋冰火翡翠螺。首先，原隻凍蟹不但大小適中，而且每一啖都能食到海洋既鮮美。蟹肉質地既細膩又濃郁，再配上少少醋，更能突顯到鮮甜味道，實在係開胃的佳品。，而冰火翡翠螺大大粒，而且肉質爽脆，配上濃郁又微辣既調味汁，令人回味無窮。🍽️二重奏 - 新鮮刺身當晚刺身有三文魚，八爪魚，帆立貝，甜蝦，北寄貝，5款刺身都十分之新鮮。個人比較鐘意三文魚同埋帆立貝，帆立貝就好鮮甜，三文魚就好厚身食落好滿足。🍽️三重奏 - 招牌麻甩雞煲呢個麻甩雞煲係鋪頭既招牌菜，上菜後店員會過黎幫手炒多轉，炒既過程中濃郁既香味已經令人難以抗拒。雞煲既麻辣味道真係好刺激，而雞肉本身就好滑嫩又入味，真係越吃越上癮呀。🍽️四重奏 - 上湯金牌素翅冬瓜煲打邊爐可以食到冬瓜煲真係好少見！呢個冬瓜煲營養豐富得黎又開胃，湯底清新爽口，結合左冬瓜既自然甜味同埋素翅條既鮮美，真係十

有同事上星期食完呢間雞煲話幾好食話個海鮮餐好多嘢食叫我比次機會試吓真係由頭食到尾都未見到終點😂一開波上盤刺身拼盤又真係幾好諗住hea你點知又有裝飾唔錯食完轉咗雞煲甜甜哋辣辣哋又幾惹味唔係死辣我平時食開十小辣都食到煲入面啲薯仔同洋蔥好惹味不過有啲薯仔炸唔透有啲生轉咗個冬瓜湯配海鮮盤清清地烚海鮮聞到隔嚟枱個卜卜蜆好似好吸引下次一定會試食咗好多蜆同蝦坐低一路食到尾都唔得閒出去夾嘢食食完個餐啲嘢都飽😂總括係無介紹錯海鮮新鮮同埋榴連波好食即叫即炸熱到辣親口

由3位麻甩佬喺2019年開設嘅海鮮雞煲私房菜，並以麻甩雞煲作招徠，更有藥膳花雕醉雞、養生蟲草花、特濃花膠雞煲。我地今次就叫咗麻五重奏，每位只需$398，睇埋落去睇吓有咩食😁✿ 第一重奏（冷盤前菜）有時令凍蟹🦀同埋冰火翡翠螺，翡翠螺好大隻，我諗冰火意思系螺肉其實系凍嘅但又做到麻辣味道🔥✿ 第二重奏（新鮮刺身）刺身種類有三文魚、帶子、魷魚🦑北寄貝 甜蝦，比想像中新鮮好多，尤其帶子切到薄片刀功真不俗，其餘數款刺身亦新鮮。✿ 第三重奏（先雞煲）第一段講咗有咩雞煲選擇，我地就揀咗招牌麻甩雞煲。麻甩雞煲原來即麻辣雞煲，揀咗最少戈隻BB辣，都似小辣，麻嘅程度亦明顯🥵雞肉幾嫩滑。✿ 第四重奏（後火鍋）火鍋湯底有上湯金柳素翅冬瓜、薯茄豬骨、混你個醬卜卜蜆、香茜胡椒豬骨，我地就揀咗混你個醬卜卜蜆，卜卜蜆多同埋冇沙👍🏼混醬香氣四溢，食蜆肉就入味。✿ 第五重奏（海鮮肉類大盛宴）海鮮肉類種類就多喇，有馬刀貝、蟶子、鮑魚、蜆肉，鮑魚好易食吾會太痴住個殼，蟶子吾多地方有，品種特別。肉類有M7澳洲和牛、安格斯牛頸脊、牛後胸，M7澳洲和牛、安格斯牛頸脊脂肪比例均勻🐮

哩度有任食雞煲、火鍋仲有刺身、凍蟹、翡翠螺以為放題質素會差？錯了～～哩間款款都好食呀！🩷雞煲入味、濃味、惹味，正！驚喜係海產都好新鮮美味食飽仲有黑糖珍珠雪條任食tim ！👍🏻👍🏻🔸冷盤2選1👍🏻👍🏻⏺️時令凍蟹、⏺️冰火翡翠螺都非常有驚喜，前者好鮮甜多講、後者麻辣彈牙，真係可以一人一款試哂佢。.🔸刺身⏺️三文魚、帶子、牡丹蝦、八爪魚厚切口感好正，而且夠新鮮，唔會腥又唔會梅。🔸雞煲👍🏻👍🏻有4款，我哋揀左招牌麻甩雞煲小辣，個醬好夠濃、好香！雞好滑又多肉，仲有炆到勁入味嘅薯仔超好食！🔸火鍋都係4款鍋可揀，我哋叫咗卜卜蜆，有成十幾廿粒蜆，好足料，而且係用新鮮蜆！🔸海鮮肉類大盛宴豪華海鮮有新鮮鮑魚、海蝦（生猛識郁！）、厚厚帶子、蜆、迷你蚌。仲有M7澳洲和牛、安格斯牛頭脊、牛後胸任食及特定海鮮任食，啲肉都好靚仔，粉嫩鮮美，唔會一夾就斷，性價比好高。