麻甩爐海鮮雞煲私房菜 (銀座廣場)

營業中

休息中

這間位於旺角的【麻甩爐海鮮雞煲私房菜】，主打海鮮或牛肉及雞煲火鍋，晚市無限時任飲任食為主，價錢亦都很貼地，海鮮套餐只需三百元起，十分超值。生啤、白酒、清酒及其他飲品都是任飲。刺身拼盤有三文魚、油甘魚、北寄貝等，刺身厚身鮮甜。湯底都有八款，我們就揀了香茜胡椒豬骨湯，胡椒微辣香味，加上芫茜又下火。海鮮盛宴鮑魚、元貝、蜆及鮮蝦，全部都新鮮，其中鮮蝦更是任食。牛肉盛宴圈超豐富的牛肉宴，有多個部位的牛肉，其中牛小非及牛頸脊肉味濃郁且有牛油脂香。小食任食炸蝦、雲吞、芝士年糕等。蝦滑、墨魚滑新鮮彈牙；廣島蠔、白鱔片都是必食之一。自助區有多款蔬菜、雜菌、丸類、腸仔等。

呢兩日天氣驟降，適合打邊爐朋友介紹位於旺角銀座廣場內有齊刺身、雞煲和火鍋一次過滿足晒三個願望‼️烤魚盛宴@$248/位✅極尚時令刺身拼盤（三文魚刺身任食）✅烤魚三選一四川麻辣烤魚、麻甩酸菜烤魚、鮮茄濃湯烤魚✅加購安格斯牛肉盛宴圈@$188任食自助火鍋配料區，無限暢飲酒精包含清酒和白酒，以及無酒精飲品，任食雪糕雪條刺身拼盤有三文魚、吞拿魚、大蝦等，口感極幼嫩鮮味滿滿我地揀左酸菜烤魚，上台已聞到濃香的酸菜味，微辣適合唔太食辣的朋友仔～烤魚大大條，啖啖魚香肉味，魚皮烤得焦香～配菜十分豐富，有蓮藕、萵筍、芽菜等，真系好滿足！酸菜魚湯打邊爐真係第一次，牛肉盛宴圈打卡一流，大約3～4人份量好足料，牛肉種類好多，個人最喜歡美國頂級牛小排，脂肪分佈均勻好香牛味，值得一試😋

有一日同我老公喺旺角行街，太肚餓就入去去咗麻甩佬旺角分店度食，之前都食過佢哋大埔分店，大埔分店個藥膳雞同埋雞煲都好好食，仲有佢個撲撲蜆煲都好好食，所以今日就嚟咗旺角試吓，佢哋今次啲牛超好食，唔同部位嘅牛，藥膳同大埔都係一樣咁好食金龍味啲雞好好食，仲可以任加雞，坐足三個鐘勁抵食

火鍋無論春夏秋冬，一年四季，一大棚人或三五知己都可以隨時成行。是日小妹和友人就到訪了一間位於旺角鬧市中嘅火鍋店，佢地主打雞煲，火鍋放題，今次實會大飽口福🤤。火鍋~特色湯底8選1，人氣推介混你個醬卜卜蜆鍋、薯茄豬骨鍋、香茜胡椒豬骨鍋、上湯金柳素翅冬瓜鍋、重慶麻辣鍋、特濃沙嗲湯、北海道3.6牛奶美顏豆腐湯、蕃茄麻辣湯等8款；雞煲5選1，有招牌麻甩雞煲、藥膳花雕醉雞煲、養生蟲草花雞煲、特濃花膠雞煲、香濃椰子雞煲等以供選擇，小妹今次就選擇了海鮮盛宴和安格斯牛肉盛宴火鍋放題。海鮮盛宴~新鮮時令刺身拼盤有三文魚、北寄貝、蝦、八爪魚等，刺身新鮮鮮甜；海鮮有聖子、鮑魚、蜆、扇貝、蝦等，海鮮非常新鮮，特別是蝦相當生猛，上枱時仍會跳😆；火鍋湯底就選了上湯金柳素翅冬瓜鍋，湯底清甜，鍋內充滿湯料，仲有大大個冬瓜置於鍋中央。安格斯牛肉盛宴~火鍋配料首選必定是牛肉，有美國安格斯牛頸脊、薄切牛舌、安格斯牛肉粒、頂級封門柳、美國頂級牛小排、金錢展等，牛肉圍鍋爐邊一一擺放，視覺效果震撼，吸睛👀，每片牛肉油脂分佈平均，牛味香濃，肉質嫩滑，大大大滿足味蕾😋。另外火鍋自助區，設有多款特色配料，如丸類、豆腐、蔬菜類、菇類、鴨血

雞煲好惹味 好好食。我地選擇咗牛肉個餐，佢個餐嘅手切牛肉多到食唔晒。之前喺大埔食過海鮮，嗰個餐都好好食，好多海鮮同埋好新鮮。坐得舒服，音樂唔會太嘈。呢個價錢唔錯。另外值得一提，廁所乾淨加分。特別係喺寒冷嘅天氣裡，一碗熱辣辣嘅雞煲令人心裡暖暖的。牛肉嚟肉質鮮嫩, 令人回味無窮。環境舒適同音樂適中，令用餐氣氛更加愉悅。而價格合理，物有所值。總括而言，呢次餐飲體驗實在令人滿意，食物美味，環境舒適，價格合理，服務細心。希望下次再嚟享受美食同愉快嘅用餐體驗。自助食物區可以加埋水魷 就更好

📍📍麻甩爐海鮮雞煲私房菜 旺角彌敦道565-567號銀座廣場LG樓三小時雞煲加火鍋，另有自助區任食前菜，火鍋配料，甜品，飲品和牛肉，旁邊仲有蔬菜和麵食烏冬王子麵等。☁️牛肉盛宴$338@ person-手切A5豐後牛-手切美國安格斯牛肉-手切頂級封門柳-A5和牛粒安格斯牛肉粒-薄切牛舌片-任食美國精選肥牛、頂級牛板髮及香脆炸物晚餐先上大雞煲，雞煲可以五選一-招牌麻辣雞煲-藥膳花雕醉雞煲-養生蟲草花雞煲-特濃花膠雞煲-香濃椰子雞煲我選左招牌麻辣雞煲，好好食🤤超級惹味，一上枱已經勁香，雞肉嫩滑，如果要refill 要等大約20mins 先有，不過系值得等待。另外一款叫藥膳花雕醉雞煲，雞件好大件，醉雞味濃，嫩口白滑，最後食左三轉雞。食完雞煲會上牛肉圈，牛肉圈打卡able,擺盤非常吸引，煲底可以八選一，卜卜蜆大隻湯底鮮甜，加烏冬同王子麵好好食🤤另外叫北海道3.6牛奶美顏豆腐湯，滋潤養生，好香牛奶味，可以用Apps叫炸物，荔枝炸物，外脆內軟，外形同荔枝一樣。最後，當然要食甜品，大家一定要食牛奶布丁，牛奶味濃，口感香滑，好快就無哂，雪糕同雪條大約有10款，可以無限食Häagen-Dazs，同童年回憶

🍽️食物方面： 古法黑草羊腩煲💲3683hrs任加羊+任食打邊爐🐑超多羊肉 唔羶 有啲鹹🦐有鮑魚 青口 沙白 白鱔🥩有牛有豬 牛板腱好靚 🥦最鍾意水蓮 豆苗 茼萵🆓一盤刺身 三文魚任食幾飽都要食🍉🍈🍍🍨🍮🧃多款有得解+細支鴻福堂🍻早一日社交平台訂位任飲白酒啤酒📷打卡方面：燈同麻甩空間牌幾靚🔈環境方面： 大間多位傾到計🚾男女各一格💬其他資訊：麻甩爐海鮮雞煲私房菜 📍旺角彌敦道565-567號銀座廣場LG樓

唔知大家係咪見到ig有人推介所以去，我絕對係。。。去到就覺得好唔妥，得1圍枱食嘢，然後打邊爐拎配料嘅地方好污糟，都算了，抱着希望食物好食的心🥹 首先食雞煲，嘩啲雞勁大舊&好鞋。仲要上枱要煮唔知幾耐(點解咁講，因為我哋想食既時候佢話未得，但佢炒兩炒又話得)刺身嚟到啦，原來所謂刺身任食都係得三文魚，好唔好食已經唔重要了‼️湯底我哋揀咗蕃茄湯，勁科技，真係完全打唔落邊爐🫕千祈唔好相信任何好評，除非你想中伏。最好食係榴槤炸彈😎

朋友生日，佢係社交平台 睇到呢間，貌似好吸引，咁就去試吓我本身訂五位，點知去度，佢係一張4人卡位，然之後加多一張凳，超級窄，但唔好以為同早訂有關，佢四人都係咁安排，完全no good佢嘢飲款式夠多的，先上左個雞煲，我哋叫左個係椰子，雞夠滑到打邊爐，我地食最平嗰個，my god,reorder 的肉得四款，好似係3牛1豬，微量的熟食，其他就自己出去夾的菜同丸。原則上，我地冇再加牛，因為佢哋第一round 上枱的牛就已經唔好食，好嚡熠熠😮‍💨所以我係食菜同丸飽的

《用心麻辣雞煲·火鍋料足》終於得閒補番個真實食評😜10月31號約左班朋友落黎食，我都食過幾間唔同雞煲火鍋店，係呢間黎完再黎，點解？因為雞煲唔係得骨啖啖有肉，麻辣得黎唔會令你辣到食唔到第2round😉入面仲有好入味既薯仔！我地2選1: 海鮮盛宴/牛肉盛宴最後揀牛肉盛宴！😋1. 雞煲（雞可無限加）：我通常至少加2轉😌真係好好食👍🏻👍🏻👍🏻👍🏻👍🏻食完換煲準備火鍋2. 火鍋：我通常揀卜卜蜆湯底，一圈靚牛上枱打卡，排得超用心，塊塊肥瘦均勻適中！平時無紅蘿蔔塔及龍（可能今晚唔算full場先有，如有需要可跟店家相議）😄👍🏻👍🏻👍🏻打卡即時有氣勢 哈哈一圈牛之後我地6個人都開始飽哂😂任食任點果幾款牛都無點太多了！有蔬菜櫃，有任飲飲品櫃及甜品櫃！ $3xx幾真係值得再book枱再黎！

為咗呢間咁難食嘅餐廳，要寫人生中一第一篇食評見到有人介紹就去試，點知全部都係無味係得打邊爐之前個雞煲有味叫個上湯金柳素翅冬瓜鍋，你俾D雞湯味我都好呀！點知嚟到係乜味都無嘅！成個環嘅牛都係無味，無論咩部位都係無味！只係用嚟打卡而已豆腐又酸餿，話放題都未見個放題menu選擇少之又少再講話有Häagen-Dazs雪糕，點知最後得紅豆樂同雀巢甜筒，完全俾人fake哂！環境又污糟，個地下勁油笠笠，廁所環境簡直係惡劣！講好食嗰啲人平時唔知食開乜野奉勸大家一句，唔好見d所謂foodie介紹話好食就去試真係大伏！絕對一定唔會再有下次！真係好x難食！

👍🏻豪華時令海鮮盛宴 $358 3小時任食精選海鮮、美國精選肥牛、牛板腱、香脆炸物另外自助區有多款甜品、火鍋配料、熱食、糖水啤酒任飲，仲有Haagen-Dazs雪糕任食🤣-🔸上湯金柳素翅冬瓜鍋湯底清甜解暑，唔會太濃味，更加突顯食材原有味道好似冬瓜盅咁飲埋都OK😎-🔸藥膳花雕醉雞煲有別於一般放題雞煲，呢度竟然有花雕醉雞😳雞件非常入味，好重黃酒香但冇苦味湯底足料，調味啱啱好，微甜帶濃郁藥膳香料味另外仲有幾款選擇，花膠雞椰子雞蟲草花等等-🔸任食豪華牛肉盛宴 +$68/每位 手切A5豐後牛｜手切美國安格斯牛肉｜A5和牛粒手切頂級封門柳｜安格斯牛肉粒｜薄切牛舌片升級咗嘅肉質真係出色好多！加$68任食有呢個質素好抵，食肉獸一定要加🔥牛舌軟嫩爽口唔羶A5豐後牛油花豐富，充滿脂香封門柳有嚼勁，肉味最濃郁和牛粒入口即溶，油感極重-🔸時令海鮮拼盤船鮑魚｜扇貝｜海蝦｜沙白｜貴妃蚌鮑魚爽彈鮮嫩，夠厚身🤤沙白肥美脹卜卜，食落無沙貴妃蚌爽彈有咬口，點少少蒜蓉豉油就好好食-🔸時令刺身拼盤三文魚｜北寄貝｜甜蝦｜帶子｜八爪魚當中三文魚刺身可以任食！整體厚切新鮮，邊爐店嚟計收貨😜-🔸任食炸物吉列蝦｜日式餃子｜榴連炸彈｜炸

open rice book枱18：30，入到去朋友未到齊，肯比我地入去坐住先，唔起鐘，都幾好人，不過坐低就無介紹個套餐點食，我地係開返social media先清楚大約點進行，由雞煲至火鍋，我地都疑惑緊海鮮係點嗌，雞煲唔係太好肉，兩件大舊嘅雞頸，三隻雞翼，其餘五六舊雞肋之類嘅物體，有些少揸流灘，椰子湯底則十分香濃清甜，去到我地開聲轉火鍋湯底，佢先比個QR code我地，迷底先解開😂原來火鍋開始先用手機點生料，選擇不多，佢會上第一round必出海鮮，蝦係生猛嘅，但手機落嘅飽魚同蝦就唔新鮮了，整體唔差嘅，如果同類型餐廳可以比較的話，我會揀“家嫂一家大小”，高質d

雞煲入味又唔會太鹹做的幾好.最驚食到啲調完味死鹹既雞煲.仲要啲薯仔勁入味之後問店員加雞煲個陣可唔可以多薯仔又真係有畀到我哋我哋嗌咗蜆湯.啲海鮮同蜆湯一齊黎.仲見到啲蝦識郁.真係好癲.蜆好好味又無沙又大大粒鮑魚仔食落都新鮮既.之後真係太飽無再加海鮮啦最驚喜係個牛.打卡一流仲要好味.估唔到牛舌打邊爐都咁好味聽佢哋講啲牛係師傅手切.如果可以介紹埋我食咩部位會好啲.我浄係認到牛舌其他都唔識.大致上啲牛肉都好味起碼唔洗食急凍肥牛先.

餐廳所謂放題好取巧,要先食完個大雞煲先比QR codes 你點小食,原來係到食放題係先dum 你一半時間,先比你叫嘢食.結果食完大雞煲後,要再等二十分鐘先上火鍋湯底QR code 要等上火鍋湯底時先比你仲要係你叫佢先辦唔知比你.食物更加唔好提叫海鮮任食只有4款一次性新鮮海鮮再點嘅海鮮全部都係冰鮮急凍,好難食🤬🤬🤬🤬去759買仲好過佢收4佰幾蚊,唔該用心做好小小.餐廳打開門做生意,話做放題,但想盡辦法令他遲啲先點食物,真係好x cheap ,好小家. 希望大家唔好中伏