麻甩爐海鮮雞煲私房菜 (銀座廣場)

營業中

休息中

放假終於可以同老公歎返餐好，行街時無意中發現呢間任食餐廳，門口已經好吸引，我們便決左在這裡吃一頓豐富既餐 。今次我哋揀咗$308嘅任食海鮮餐，前菜就有一盤新鮮刺身，包括甜蝦、油甘魚、八爪魚同三文魚，每款都鮮味十足，三文魚油脂豐富、入口即溶，甜蝦爽口彈牙，油甘魚帶點甘香，八爪魚咬落煙韌有嚼勁，三文魚仲可以任點，真係食極都唔厭！最驚喜係卜卜蜆煲，蜆肉超多又肥美，湯底辣得過癮，香氣撲鼻，每啖都食到鮮甜海味，辣味同蒜香完美融合，令人一試難忘。海鮮拼盤上枱時，海蝦，鮑魚仲郁緊，超新鮮！鮑魚爽滑彈牙，生蠔大大隻又鮮甜 ，另外海蝦，廣島蠔，鱔片都係任食，正！肉類方面，牛板腱肥瘦適中，肉味香濃，食落口感軟嫩，高質素 。仲有炸物香芋地瓜圓，單骨雞翼都係我最愛，炸到卜卜脆，外脆內軟 自肋吧仲有好多菜類，丸類，醬料，雪糕，飲品選擇，蔬菜翠綠新鮮，丸類醬料都十分齊，不得不提一下，有啤酒任飲，打邊爐加啤酒，爽 。最後食埋雪條，非常滿足 。

最近同朋友去左食呢間「麻甩爐」今次我哋揀咗海鮮盛宴餐❤️一坐低就上刺身拼盤 三文魚厚切 甜蝦爽口鮮甜 油甘魚同帶子都勁新鮮😍除咗刺身之外 仲會有個豪華海鮮拼盤‼️- 鮑魚：爽口彈牙 唔會韌 - 蝦：上枱仲郁下郁下 新鮮到癲 - 沙白&貴妃蚌：隻隻都爆肉 冇沙湯底就揀咗薯茄豬骨鍋 酸甜得黎好濃郁真係有成粒蕃茄喺入面 仲有大大嚿豬骨所以個湯底好鮮甜🤤肉類都唔輸蝕- 豬肉&牛肉：肉質幾好 唔鞋口 油脂分布均勻- 桶蠔：肥嘟嘟 一啖咬落去爆汁 - 鯇魚骨腩&白鱔片：脆皮嫩肉 無泥味- 蝦滑&墨魚滑：足料爽口彈牙 小食係即叫即炸 熱辣辣脆卜卜完全唔會有油益味😋最正係無限時任食任飲 啤酒汽水雪糕任隊岩晒同班friend吹住水慢慢食👍🏻👍🏻

呢個火鍋套餐性價比都幾高我朋友都話食呢個可以唔洗返大陸食而且用黎打卡都幾好， 成盤嘢勁有份量，一上菜就成個仙氣氛圍，不停有啲煙～烤魚係火鍋裡面，魚肉好鮮味，辣得黎幾易入口~湯底吸收哂鮮魚味，跟住滾埋啲牛肉，配菜就更提起當中嘅味道～成個圈甘多嘅牛肉都幾多選擇，有唔同部位嘅牛俾你揀！仲有成盤刺身！！！好豐富！！4個人一齊食都得！唔怪知得成晚甘多人黎食， full 哂佢仲有自助吧俾你夾啲配菜，醬料。任攞飲品同雪糕添～

朋友生日，我哋揀咗間非常打卡able嘅邊爐舖頭食🫶🏻😚北海道3.6牛奶美顏豆腐湯呢個湯呈現奶白色，就咁飲好香牛奶味～安格斯牛肉盛宴呢個盛宴雖然要加啲錢，但係佢有成個牛肉圈放喺邊爐旁邊！影相真係超級吸睛📸💛💛佢有好多唔同部位嘅牛肉，有牛舌、牛柳粒……牛肉份量都唔少，我哋兩個人都食唔晒🤤時令刺身拼盤刺身佢係按人頭去俾返相應嘅份量～有三文魚、牡丹蝦、吞拿魚同北寄貝～上碟嘅時候仲用咗啲乾冰，令到成個刺身變盤都好靚(⁎⁍̴̛ᴗ⁍̴̛⁎)海鮮盛宴呢個海鮮盛宴都有唔少種類嘅海鮮，有蝦、蜆、鮑魚、元貝……🦐除咗有好多食物選擇之外，佢仲有唔少嘅飲品可以任飲，當中最開心係有唔同嘅啤酒去飲。除咗大牌子嘅啤酒之外，佢仲有啲可以自己斟嘅啤酒o(≧v≦)o

講到喺旺角搵個地方同班 friend 圍爐吹水，又想食得夠豪氣，任飲任食唔限時嘅話，呢間「麻甩爐海鮮雞煲私房菜」真真係個唔錯嘅選擇！佢哋嘅雞煲火鍋放題本身已經好吸引，仲要包埋無限暢飲酒精類同無酒精飲品，連雪糕雪條都係任食，真係抵到爛！今次我哋一行四人，個個都想食得滋補啲，所以每位加咗廿蚊，升級咗佢哋個「特濃花膠雞煲」！嘩，個煲一上枱，就聞到陣陣濃郁嘅雞湯香氣，湯底色澤金黃，睇落就知落足料！飲落啖啖都係骨膠原嘅精華，滋潤到呢！而且佢哋真係冇誇張，四人份量真係有一整隻雞喺入面，啲雞件又大嚿又滑溜，食落夠晒滿足！雖然雞煲放題本身已經有好多肉類可以打邊爐，但係見到隔離枱個「安格斯牛肉盛宴圈」個擺盤實在太吸睛，忍唔住加多一百八十八蚊升級咗！嘩，啲牛肉一嚟到真係冇令人失望，雪花分佈靚到好似藝術品咁，色澤紅潤，輕輕喺滾燙嘅湯底涮幾下就食得，入口嗰下，牛肉嘅香濃同嫩滑簡直係完美嘅結合，質素真係冇得彈！個牛肉圈仲有手切A5豐後牛、手切美國安格斯牛肉、手切頂級封門柳、A5和牛粒同安格斯牛肉粒，仲有薄切牛舌片，款款都咁高質，真係食到停唔到口！除咗雞煲同靚牛，個套餐仲送咗個「時令刺身拼盤」同埋「動L時令海鮮盛

#🐒😋是日收工同娘親嚟撐枱腳首先食咗個花膠雞煲 可能好味嘅嘢食真係要等等咗起碼15分鐘 好彩嚟到個雞煲都有驚喜首先我諗個雞煲超過1隻 每件都大大舊花膠都有返咁上下厚度同份量仲有一大盤一次性嘅海鮮拼盤同刺身每1樣都好肥美新鮮 仲有好多火鍋配料不過個到有小小黑 老人家/小朋友就要小心啲行啦── ✦── ✦ ── ✦ ── ✦ ──ʚ #海鮮餐 $328/人 ɞ ʚ #刺身拼盤 ɞ ʚ #豪華動L時令海鮮盛宴 (一次性) ɞ ʚ #特濃花膠雞煲 +$20/人 ɞ── ✦── ✦ ── ✦ ── ✦ ──

今次去咗旺角銀座廣場地庫食烤魚🐟當初係俾佢個名吸引住，好啱同麻甩朋友一齊去🤣因為間嘢麻甩爐-刺身拼盤🍣時令刺身拼盤包含三文魚、油甘魚、八爪魚及鮮蝦～比較鍾意鮮蝦，彈牙爽口-烤魚🐟烤魚我揀咗酸菜～魚比平時嘅大條！外層微焦脆口。而湯底酸香中帶微麻，如果更加酸會更加喜愛！-自助區🍴出邊有個自助區，可以出去拎火鍋配料，飲品同雪條火鍋配料提供超過40款選擇，都幾多選擇！而飲品區欣賞佢有成支Hoegaarden Rose😍

最近試咗旺角一間主打海鮮雞煲同火鍋嘅餐廳，晚市提供三款套餐，我同朋友揀咗「烤魚盛宴」，整體體驗中上，值得一試。 🐟鮮茄濃湯口味烤魚有3款口味，我哋揀咗鮮茄濃湯，魚肉份量足，肉質嫩滑無泥味，湯底酸甜開胃，茄味濃郁但唔會過膩。🐟時令刺身拼盤包括三文魚、牡丹蝦、油甘魚同八爪魚，質素中上。驚喜係三文魚刺身可以任叫任食，追加嘅質素穩定，刺身迷會滿意。 🌟火鍋配料QR Code落單+自助區。火鍋部分選擇豐富，肉類用QR code落單，推薦：美國肥牛:油花均勻，涮幾秒就食得；黑豚肉:肉質爽嫩無雪藏味。自助區有丸類、蔬菜、醬料，雪條等，款式標準，最加分係飲品區，除汽水外，竟然有清酒、白酒、啤酒任飲，同行鍾意飲兩杯嘅朋友大讚抵食！ 🌟餐廳座位闊落，抽風系統做得唔錯，食完無成身油煙味。服務員收碟換盤快。以人均$300左右來講，烤魚+刺身+任食火鍋+酒精任飲，性價比勁高。

麻辣雞煲要每人加20$，雞煲味道還好，唯獨有少少鹹，食雞煲嘅時候已經上海鮮拼盤，到轉煲打邊爐嗰陣啲冰已經溶哂水，咁係適當？火鍋食物選擇少，同侍應講加購牛肉圈又漏單，要催2次先出到，加購牛肉圈嘅牛太薄切，場地冷氣唔夠，環境一般，食緊嘅中途一直有啲刺耳嘅聲音影響到個人好唔舒服本身見到其他人嘅食評都好期待，但食完感到好失望，唔會有下次🫠🫠🫠食海鮮餐加牛肉圈再轉冬瓜湯底，$488嘅價錢，旺角可以有更好嘅雞煲火鍋放題選擇

食咗最貴既海鮮餐, 所謂任食刺身只係得一款三文魚, 牛得肥牛/牛頸脊, 碟肥牛衰過去超級市場買個d, 炸魚皮好似擺咗幾日, 又淋又益, 諗住朋友生日雪個蛋糕, 點知拎出黎係溶的, 環境差冇乜冷氣, 唯一讚係佢地炸物同啤酒任飲, 唔會再去, 亦唔會再介紹人去, 非常差既一個經驗😡😡

今日假叫咗個牛肉盛宴 $288一位勁抵食。先來一盤刺身拼盤（按位上）。有三文魚、魷魚、赤蝦、油甘魚。先食一盆卜卜蜆鍋，然後再加湯熬煮成火鍋湯底。肉類我哋叫咗半圈極上手切安格斯牛肉盛宴！ 🥩半圈牛肉包括： 頂級風門柳、美國安格斯牛頸脊椎、薄切牛舌、安格斯牛肉粒、崩沙腩、金錢𦟌、美國頂級牛小排兩個人叫半圈牛都好夠食！除此之外，scan qr code有啲肉類都係任食。另外出面個蔬菜吧、啤酒飲料、甜品都係任食。 環境很企理和乾淨，服務都很周到。這個價錢可以食到飽，非常之經濟實惠。而且肉類也不錯。適合一班朋友嚟聚餐。

位於油麻地站A1出口行兩分鐘一間仼食火鍋放題,集合烤魚,雞煲,火鍋任食套餐有三款‼️「麻」、「甩」、「爐」任食套餐價錢$248起🔸「麻」海鮮盛宴 $308 （假日+$20）時令刺身拼盤➕動L時令海鮮盛宴➕煲底8選1➕任食精選海鮮、頂級牛板腱、黑毛豚肉及香脆炸物等一揀完餐就有刺身拼盤,刺身都幾鮮甜海鮮盛宴都好新鮮,黎到隻蝦仲郁緊,鮑魚好爽彈煲底有8款 (轉雞煲每位$20)湯底我揀咗 混你個醬卜卜蜆煲食完卜卜蜆就加湯打邊爐任食精選海鮮、頂級牛板腱、黑毛豚肉及香脆炸物等精選海鮮有10款任叫,牛方面我加咗安格斯圈,香脆炸物一定要食榴槤波波😋😋外脆內軟爆焰所有套餐都包自助區嘅幾十款配料,無限暢飲酒精類及非酒精飲品,任食雪糕雪條🔸套餐 +$188［安格斯牛肉盛宴圈］個牛肉盛宴圈圍住個爐勁啱打卡, 有六款牛,份量夠3-4人安格斯牛肉粒_有口感又Juicy安格斯牛肉_油脂分布均勻,濃郁牛味

同事介紹咗哩間火鍋放題，話係牛魔王天堂，咁一定要試試。餐廳都幾full下，晚市坐滿8成。提供3款放題menu，我們揀咗安格斯牛肉盛宴。時令刺身拼盤，按照人頭只提供一次，我同FD對刺身麻麻地，只叫咗一人份。刺身全部厚切，食落鮮甜肥美，質素唔錯。番茄豬骨湯，落咗大量番茄煲制，飲落番茄味濃郁，鹹香酸甜。湯底都落咗唔少配料，有豬骨同薯仔等。自助區，有前菜，火鍋配料，小料，飲品，同甜品。火鍋配料種類豐富，除咗常見嘅丸子同蔬菜，仲有貴價品種，例如百葉同鵝腸。飲品都好豐富，有4個飲品櫃，從汽水到啤酒都應有盡有。甜品提供數款韓國雪糕，品種好豐富。手切安格斯牛肉盛宴，足足有7款唔同嘅安格斯牛肉，圍曬半圈火鍋邊，睇到都開心。牛肉睇落都好高質，只要微微涮下就可以食啦。崩沙腩，火鍋店好少見啲品種。牛肉筋膜連咗少少肉，食落肥瘦啱啱好，軟嫩味香。美國頂級牛小排，牛肉雪花分明，入口牛味香濃仲有陣陣奶香。薄切牛舌同頂級封門柳，兩款都係爽脆口感，好食到停唔落口。

今晚同朋友嚟到📍旺角麻甩爐打啲邊爐，落到嚟先見到超級多人，全場滿座!唔怪得朋友之前極力推介，呢度有個$308嘅海鮮盈宴，有超多嘢食，除咗有打邊爐之外，仲可以有超新鮮嘅刺身同海鮮食!我哋今晚就叫咗上湯金柳素翅冬瓜鍋🍲，鍋底勁足料，湯底充滿冬瓜嘅鮮甜味!🐟刺身方便，三文魚仲係任叫㗎🤩時令嘅海鮮拼盤都非常足料✨️🥓🥩肉類同火鍋🧆🥬配料都夠曬多選擇!🧃飲品方便更加係冇得彈，啤酒🍻係任飲嘅!連雪糕🍨都有好多款式!今次真係可以食到抱住個肚走😍而且埋單每人都係$300幾蚊!咁豐富有咁多嘢食，真係超值呀!

極力推介呢一間火鍋放題店俾大家，佢哋提供嘅食物好多元化，刺身🍣、烤魚🐟、雞煲🐔、火鍋🍲全部都有！我哋今日食咗佢哋嘅海鮮盛宴🦐，每位只係$308，就可以食到時令刺身拼盤、豪華時令海鮮盛宴，火鍋方面仲有八款湯底可以選擇，我哋今次就揀咗上湯金柳素翅冬瓜鍋🍲，呢一個冬瓜鍋上枱仲有煙霧效果，非常適合打卡！📸肉類方面，就有兩款牛肉🐮 同 兩款豬肉🐷 可以選擇，分別係美國精選肥牛、頂級牛版腱、美國黑豚肉、黑豚豬腩片，全部都係任食架！出面自助區就有多款打邊爐嘅配料🍢、飲品🍹、雪糕雪條🍨，選擇都算幾多㗎！