麻甩爐海鮮雞煲私房菜 (銀座廣場)

營業中

休息中

📍 麻甩爐海鮮雞煲私房菜 M.L.L Private Kitchen🌍旺角彌敦道565-567號銀座廣場LG樓LG/F, Ginza Square, 565-567 Nathan Road, Mong Kok📝整體評分：／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ Ｍ７澳洲和牛海鮮雞煲套餐 ⤫ ＄３９８／位海鮮超讚，好少任食會提供到咁高質海鮮！ ▸ 刺身冷盤 ◂ ▪ 凍蟹：多肉凍食鮮甜 ▪ 刺身：帶子、赤蝦、油甘魚、三文魚肥美到爆，用左乾冰製出仙氣，造形十呎～ ▪ 冰火翡翠螺：麻辣味中帶左少少焦焦地嘅味▸ 特色小食 ◂▪ 香脆炸物拼盤：炸物都唔錯，唔會好油笠～▸ 藥膳花鵰醉雞煲 ◂▪ 湯底：藥膳同酒味都頗重，清甜回甘▪ 料：雞件厚肉，唔係得排骨，食哂包保飽哂！▸ 特濃蕃茄豬骨牛尾鍋 ◂▪ 湯底：真特濃！酸甜味剛剛好濃郁蕃茄湯，而且帶出肉味！▪ 料：牛尾超好食有肉香同埋骨膠位好正~ 有時唔想打邊爐，有符得單點就好！！！！！！！邊爐食材▪ 一定要食蝦，未見到佢郁都知佢新鮮，勁生猛，跳跳紮！！！▪ 白鱔片爽脆肥美，平時食串燒唔平的！▪ 沙白：大大隻又厚肉

食開雞煲邊爐預咗冇乜特別，最緊要飽一向唔會寫食評，但今次真推介👍🏻👍🏻👍🏻入去staff們有善帶位，坐低有幾聲咳，著厚褸，金毛靚仔staff話可以攞唔凍嘢飲俾我，揀完叫佢 呢點要讚啦💯(係令我想寫食評嘅原因)上完刺身頭盤，到雞煲啦，雞煲正常以上發揮，唔會太咸重味精。夾吓夾吓發現有燶邊薯仔，CLS，驚艷！好好食！仲要係炸過嘅薯仔，三條友好L開心。膽粗粗問staff可唔可以加薯仔，佢話問經理 等咗5分鐘黑恤經理親自攞過嚟，熱辣辣…仲好好傾 呢個服務體驗加食物質數絕對滿足啦😎👍🏻1. Staff們有禮貌 要求多次都Nice冇黑面👍🏻2. 碗碟冇油冇漬 放題中小有👍🏻3. 自助區食物乾淨 菜冇泥冇蟲 夾完菜出嚟 個白色兜冇水 乾爽👍🏻4. 雞煲有脆炸薯仔 絕對驚豔 要講3次👍🏻5. 牛尾蕃茄湯底濃郁 多牛尾 多蕃茄 (唔稀)👍🏻6. 飲品種類夠👍🏻可改善地方：1. 冷氣可以唔好咁大2. 洗手間少少焗總結：同價位餐廳中有驚艷表現，會約Fd再戰👍🏻

生日月🥳，雖然未到正日😜，但朋友仔非常了解我同知我心意。帶我去咗呢間位於旺角銀座廣場地庫食雞煲、打邊爐🍲。呢間餐廳係打邊爐同雞煲集於一身🤩，我哋咁為食就梗係叫個M7澳洲和牛海鮮雞煲套餐啦 ($398加一)。😂未打邊爐之前，有冷盤同小食，🫶🏽冷盤就係時令刺身拼盤🐟🐠🐙及原隻凍蟹🦀，刺身拼盤有三文魚、油甘魚、北寄貝、八爪魚同帶子。加埋凍蟹，每樣嘢食都夠哂肥美鮮甜，😍隻凍蟹仲同電話一樣咁大隻架。😮而小食就有香脆炸物拼盤，🤠食完唔夠仲可以用QR code再encore。😼我哋先食雞煲🐔，藥膳花醉雞煲，足料藥膳湯底，有非常養生嘅紅棗、杞子同龍眼肉，😻未開動之前，先飲碗湯，湯頭十足，十分好味。🤤仲有勁多雞，而每件都保持得非常嫰滑，🥸唔會乾噌噌，仲可以隨時加湯。👏享用完補身嘅雞煲就到打邊爐嘅時間喇，😽我哋就叫咗個特濃鮮茄豬骨牛尾鍋🤗，呢個湯底用咗好多新鮮蕃茄🍅熬製而成，配上大大件豬骨同牛尾，加埋更多配料，😋鮮味十足，令人一飲再飲。🤩飲咗兩碗湯就開始打邊爐喇，基本上所有配料，😉好似丸類、響鈴、蔬菜、菇類、公仔麵、烏冬等等😝都可以係自助吧拎。😸而M7澳洲和牛、頂級牛板腱、特定海鮮就可以用QR code📲

我哋二人點左澳洲黃牛海鮮雞煲套餐$398時令刺身拼盤有6款：三文魚/帶子/甜蝦/八爪魚/北奇貝/劍魚 新鮮肥美冰火翡翠螺 大大粒 好入味 而且辣辣地 幾野味凍蟹🦀👍🏻食落去就知新鮮 肉質鮮甜👍🏻香脆炸物拼盤藥膳花雕醉雞🐔有藥材 紅棗 滋保養顏 愈食愈濃味 而且雞肉好彈牙 就算煲耐左 都唔會’鞋‘身 食落去d雞肉有濃濃花雕味食完雞煲就開始打邊爐特濃茄🍅豬骨牛尾鍋🍲👍🏻推介湯底好有鮮味 好濃嘅蕃茄味 而且酸酸地好開胃 啲牛尾又炆得好淋 好正😋先黎一個動L豪華時令海鮮拼盤有鮑魚 龍躉片👍🏻 蝦 貴妃蚌 蜆 好豐富另外 仲可以掃QR code自助點肉類,海鮮,炸物牛板鍵🐮廣島蠔🦪白鱔片🐟👍🏻牛胸爽👍🏻澳洲和牛🐮墨魚滑🦑👍🏻黑霧豚肉片🐷出面仲有自助吧有各式各樣丸類 蔬菜 其他配菜 甜品 飲品 同埋醬油 任君選擇非常滿足嘅一晚☺️ 地方舒適 有卡位坐 待應貼心有禮 服務周到真係同朋友一邊打邊爐,一邊傾偈聚餐嘅好地方值得encore👍🏻

朋友有次行旺角見到呢間新開雞煲火鍋放題店，即刻send左傳單黎問我有冇興趣去試下，眼見午市最平$108有卜卜蜆鍋，真係好耐冇見過呢啲價位😳所以呢日放假12點一開門就即衝過去食🤣環境比想像中大，座位都好舒適闊落，自助區既食物選擇都幾多，而且仲有多款口味既雪條同炸物任食🤤-C惹味雞煲套餐 $158💰叫左C餐，佢既頂級牛板腱同黑豚肉係各一碟唔係任食，想要任食可以叫D餐❣️啲肉既質素唔錯窩，尤其係牛板腱，口感軟嫩得黎有微微韌性，牛味重好食👍🏻雞煲叫左小辣，好惹味，辣度對我黎講岩岩好，而且雞件煮得好入味夠滑身落埋豬皮煮到軟腍入味索晒啲醬汁勁惹味，一定要食🤤🤤食到後面本身仲想叫啲炸物，但實在太飽食唔落，留待下次再食😝臨走嗰陣朋友問有冇大枱，話下次多人聚餐可以黎食，一圍大枱就冇，但有間房係比十幾人以上book既，仲可以唱埋k，又食又玩會唔會太正😳🥳

最近食台式、日式火鍋食到厭，係時候食返經典嘅雞煲+邊爐！見到呢間新開分店，位置方便，菜式種類豐富，於是試一試🤤ஐ —-ஐ —-ஐ —-ஐ —-ஐ —-ஐ —-ஐ —-ஐ❀ 麻甩爐海鮮雞煲私房菜嘅步驟：1. 刺身拼盤、冷盤、特色小食2. 雞煲（口味四選一、無限添雞）3. 邊爐（湯底四選一、海鮮拼盤5款、澳洲和牛、無限海鮮添加、自助區、炸物）1. 刺身拼盤、冷盤、特色小食時令刺身：全部都好新鮮！當中最鐘意帶子同蝦，軟糯鮮甜冷盤：凍蟹同翡翠螺我地一人揀一款，凍蟹出奇得好味，大大隻，肉質緊實！翡翠螺肉質彈牙爽脆！2. 雞煲雞煲有4款選擇！唔食辣嘅福音😄揀左花雕醉雞煲，湯底無味精，超足料見到好多藥材，飲落超清甜，淡淡酒香味！超正！雞肉大大舊，每塊都爽滑彈牙！唔食辣嘅必試，絕對唔會失望！3. 火鍋 未開始打邊爐，又黎一碟海鮮拼盤！每款都大大隻超新鮮，超有誠意！湯底我地揀左特濃鮮茄豬骨牛尾鍋，同樣好足料，大大舊豬骨同牛尾加埋番茄熬到個湯底都好濃郁，我地都忍唔住飲下個湯😂 火鍋配料可以到自助區，或者手機落單仲可以無限嗌澳洲和牛同海鮮！ 總括而言，麻甩爐食材新鮮、種類豐富、雞煲鍋底用心製作，絕對值$39

麻甩佬雞煲海鮮私房菜， 之前已經喺大埔食過， 覺得好好食，得知佢在旺角開分店， 梗係約埋成班朋友落去一齊試下， 旺角分店仲多咗刺身可以食， 不過刺身唔係任食， 如果提前一日電話訂座， 仲有新張試業優惠 四個以上 送海膽 一份， 八個以上送象拔蚌 一條， 正呀， 因為我人數_得六個， 所以送海膽， 海膽好大粒， 仲有其他刺身， 三文魚， 油甘魚， 赤蝦， 北寄貝， 八爪魚及 帶子 好新鮮好好味， 食完刺身會出炸物拼盤 ， 之後再食麻甩雞煲， 雞煲香辣惹味， 可以無限添加， 之後轉煲打邊爐， 湯底酸菜魚片鍋， 時令海鮮拼盤五款，M7 澳洲和牛 及頂級牛板腱， 仲有限定海鮮可以無限添加， 自助吧火鍋配料任夾， 最尾仲有多款雪條任食。 食到好飽 捧住個肚走。 環境舒服， 員工服務有禮。 之後仲俾我發現， 原來佢有個VIP房可以唱k. 不過要十幾位先可以訂房, 等我下次搵多啲人來包房唱k打邊爐， 爽歪歪～😋

見係新開，同朋友一齊去食下，398任食海鮮雞煲🤓坐低冇耐，就已經有一盤5款刺身🤩🤩頭盤揀咗冰火翡翠螺，超大粒😲😲再有炸物拼盤今日我哋揀咗特濃花膠雞煲😙，同埋呢度食完個雞煲，就可以轉湯底打邊爐，幾好喎👍🏻👍🏻，湯底我哋揀咗麻甩魚片湯😋，都幾多魚片🤓，之後佢哋就上左五款嘅海鮮🤩食到依到，已經飽飽地🤭，仲有頂級牛板腱😍，仲有好多配料啊，好多都未食🫣，到最後我哋仲食埋雪條😆😆，超級抵食，下次我再試下，藥膳花雕醉雞煲，同埋要試埋特濃鮮茄豬骨牛尾鍋，睇到隔籬枱食都幾正🤤🤤🤤