麻甩爐海鮮雞煲私房菜 (銀座廣場)

營業中

休息中

M7 澳洲和牛海鮮雞煲套餐🌟 刺身、冷盤賣相：🐧🐧🐧🐧🐧味道：🐧🐧🐧🐧🐧時令刺身冷盤冰震送上，以小機關製造煙霧瀰漫的效果，十分吸睛。冷盤包含三文魚、北寄貝、八爪魚、油甘魚和牡丹蝦，全部肥美又新鮮，非常高質。另外每人可按喜好㨂選凍蟹或冰火翡翠螺一份，各有特色同樣美味👍 餐廳會提供剪刀和手套方便客人拆蟹，十分貼心。🌟 特色小食賣相：🐧🐧🐧🐧味道：🐧🐧🐧🐧🐧香脆炸物拼盤提供數款精選炸物供客人過下口癮，包括有炸蕃薯餅、餃子、炸蝦、炸丸子，全部即時炸起非常香口，油而不膩惹味滿分。🐧❣️各款小食可透過QR code 下單無限添加，保證可食到足🥴👍 🌟 雞煲賣相：🐧🐧🐧🐧🐧味道：🐧🐧🐧🐧🐧🐧 㨂選了招牌麻甩雞煲，雞塊大大件勁厚肉，口感嫩滑又多汁，與八角、芫茜、辣椒等多款香辛料一齊醃煮，味道濃郁辛香，鹹辣出眾，不愧為招牌推薦。🐧❣️另外還有藥膳花雕醉雞煲、養生蟲草花雞煲以及特濃花膠雞煲可供選擇，健康、養生、滋補樣樣足，同樣值得一試。🌟 打邊爐賣相：🐧🐧🐧🐧🐧味道：🐧🐧🐧🐧🐧🐧 選了混你個醬卜卜蜆鍋，食法先是等鍋內的卜卜蜆滾起熟透，享用眾多卜卜蜆後，再加入清湯打邊爐。卜卜蜆口感爽滑脆身，味道鮮美又入味，盡得

今天跟朋友去旺角銀座"麻甩爐"食晚餐，叫了藥膳雞爐和卜卜蜆鍋，好抵食。藥膳雞爐好養生，飲完後，晚上好好瞓。雞好有雞味，蝦好新鮮，仲扎扎跳，最後食迷老虎堂芝士流士雪條，好滿足。

朋友聚會初試 麻甩爐雞煲任食三小時，每位$398，網上訂枱仲有八折，7点前離座或9点半入座每位減$40。不過我地想慢慢食，所以平常時段食。首先上（時令刺身拼盤），及（凍蟹）， （炸物拼盤） 刺身新鮮肥美， 凍蟹鮮甜肉厚，之後食藥膳花雕醉雞， 是我的最愛， 滋補養顏， 湯底香濃 材料十足， 雞肉嫩口， 仲可以無限添加雞煲， 在旺角區好少可以無限添加雞， 值得一讚。加了一轉雞就轉湯打邊爐，🍅豬骨牛尾鍋， 試了一口湯， 香濃蕃茄味配搭豬骨牛尾精華簡直一絕， 再嚟一盤 動L豪華海鮮時令拼盤, 海虾， 鮑魚， 貴妃蚌， 蟶子，蜆， 全部海鮮十分新鮮，鮮甜。（ 啲蝦仲要識郁， 鮑魚彈牙，蜆無沙鮮味十足， 貴妃蚌厚肉多汁， 食到我舐舐脷 ）食到這時我的肚皮已經填完了六成，再QR code点肉類， M7澳洲和牛. 高質牛板腱.牛胸爽. 黑毛豚. 限定海鮮， 白鱔 龍躉片 廣島蠔…… 炸物，等等美食，自助火鍋配料吧， 各式各樣丸類配菜蔬菜選擇， 雪條任食。 地方坐得舒適卡位寬敞， 員工貼心有禮，服務周到。 這一餐真的是食得物超所值！😄

二人用餐 每位398 任食三小時 無限添加雞餐包 時令刺身拼盤+ 凍蟹/翡翠螺， 我哋選擇各一份，人頭計，蟹一隻， 翡翠螺 一份，蟹肉肥厚多肉， 翡翠螺香辣惹味。雞煲選擇了養生蟲草花雞煲， 湯底一啲都唔馬虎，材料十足，雞湯味濃滋補，雞肉嫩口香滑。湯底款式選混你個帳卜卜蜆鍋， 啲蜆好新鮮 甜美， 再配豪華是令海鮮拼盤五款， 聖子， 貴妃蚌， 龍躉， 鮑魚， 海蝦，新鮮美味， 食到我停不了口肉類選擇：🐂 m7澳洲和牛 頂級牛板腱 牛後胸片 牛胸爽🐖 黑毛豚肉片 豬頸肉等等……🦐 任食海鮮 虾 墨魚仔 白鱔片 龍躉片 沙白 廣島蠔等等……🍤炸物 吉列蝦 南瓜餅 榴槤波波 炸雲吞 餃子 芝士年糕 多款選擇自助海鮮配料吧 各丸類，蔬菜火鍋配料任君選擇🍨 多款雪條選擇， 我最愛的榴槤雪條都有。今次用餐十分滿意， 我一定會再光顧， 值得推介。 座位舒適闊落， 員工熱誠有禮！

呢間位於地庫嘅餐廳提供3小時晚市任食海鮮雞煲佢地有雞煲、醉雞可以揀雞可以無限添加我哋揀咗醉雞鍋有勁多藥材但係味道一啲都唔苦，而係甜嘅入座後店員又會問你揀凍蟹定螺個人覺得凍蟹比較吸引！每檯都有一份海鮮拼盤提供鮑魚、蚌、蜆、海蝦等等有部份海鮮可以任食(蠔、蝦、鱔片等等）另外每位又有刺身、炸物拼盤魚生係超厚切架食完雞煲之後就可以轉湯底我哋就揀咗佢哋嘅特色招牌蕃茄牛尾湯湯底超級濃郁，睇得出好足料食牛肉就啱哂至於配料方面除左任食海鮮之外推薦大家一定要試佢哋嘅蝦滑爽口彈牙！！比平時自己買嗰啲仲好食

同朋友放工後一齊聚一聚，見呢間打邊爐餐廳幾吸睛，就試下啦。M7澳洲和牛海鮮雞煲套餐，每位$398，另外加一。時令刺身拼盤-賣相好整齊，好靚👍🏻，刺身新鮮，好味的！凍蟹一隻-似係潮州打冷蟹🦀，都好多肉，食得好滋味。冰火翡翠螺-新鮮，有咬口，不錯呢三款刺身、冷盤都幾驚喜，唔錯吃😍特色小食-香脆炸物拼盤，有餃子炸魚蛋炸蝦，好足料。雞煲款式-藥膳花雕醉雞煲，雞好嫩滑，份量好多，湯底都好濃味，值得推介。我哋用咗呢個湯底打邊爐，好好食呀⋯⋯湯底款式-卜卜蜆鍋，湯底有料理酒味，幾特別。個人推介用雞煲湯底去打邊爐，唔會遮晒食物嘅鮮味和原味。最後食嘅係海鮮，蝦蜆鮑魚聖子全部都好新鮮，條蝦仲識郁😶其餘打邊爐嘅料，包括菜、豆腐都好好味。飲品方面都幾特別好多款式，甜品仲有老虎堂嘅珍珠奶茶味雪條，有心思！整體來講真係好抵食，值得一試。👍🏻

環境舒適宜人海鮮份量十足花雕雞煲位於油麻地彌敦道的麻甩爐火煱店能夠按摩喜愛海鮮食客的舌尖感受！先談談環境：整體予人暢快的感覺，燈光柔和不似酒樓的「大光燈」。卡位/坐椅全都是墨綠色沙發，養眼亦舒適。食物方面：生蝦扎扎跳，蟶子和蚌貝都甚為鮮甜，翡翠螺彈牙，汁料混醬得宜，且份量十足，令人大快朵頤！藥膳花雕醉雞煲值得一讚，湯底藥材有紅棗，子，人参......等等，但藥味不重，飲落鮮甜。雞件肉質滑漏，愛不釋口。👅仲有，自助櫃檯菜蔬豆腐蘿蔔🌽🫛🥬等任君添加。飲料林林種種，隨便飲到够喉！我們四人享用完這頓海鲜火煱+花雕醉雞煲，2個字：「飽足」！😜🤪

一黎先揀湯底，揀咗個蟲草花杞子煲雞，咩配料都未放入去先係試下湯底第一啖湯好唔好飲，飲落完全係得個死鹹…完全冇雞湯嘅味，飲完佢係想狂飲水。我哋要叫職完俾一jar 清水我地加落去個湯度溝淡佢，加晒成jar清水先變正常可想而知係地獄雞煲..😡之後再黎一個卜卜蜆打邊爐，個湯底繼續係死鹹…落咗麵豉醬，啲蜆第一轉一般，但第二轉來嘅蜆同鮑魚係臭嘅…完全唔新鮮，其他任食配料都係一般貨色。埋單有8折每人$358，原價一啲都唔值呢價錢喇！上星期話試業，入座時無同我講只收現金，到最後last order 俾錢個職員先同我哋講。搞到夜麻麻要走返出去搵櫃員機㩒錢🥲

而家越來越多刺身雞煲放題，為了試盡不同雞煲放題，今次和朋友挑戰這間，試試特別款式，我們點了套餐，希望不會失望啦🫣時令刺身拼盤(一份）+凍蟹（一隻）厚切三文魚/大大隻蝦刺生/爽甜北寄貝/厚肉鮮甜帶子/彈牙魷魚/香脆炸物拼盤一份炸蝦炸薯炸蛟子炸丸子不少得，份量少少剛剛好，要留肚食雞煲及火鍋款款都是養生雞煲，最後選了蟲草花雞煲。哇哇哇，超級多蟲草花，雞肉入曬味，雞肉值得一讚，肉質好好😋😋湯底款式（四選一）我們選了一個特別的，店內特色—特濃鮮茄豬骨牛尾鍋很多番茄，很大條牛尾，加上配料，根本不需要味精襯托套餐包括勁L豪華時令海鮮拼盤包括海蝦/廣島蠔/飽魚/沙白/灰蜆，新鮮鮮甜最重要是M7澳洲和牛無限添加，因為太飽，所以已經沒有再叫其他任食海鮮了另外最鍾意店的甜品，有我最喜歡的榴槤雪條😋😋

私房菜雞煲打邊爐當然唔簡單，超高質M7澳洲和牛x海鮮雞煲放題🫣🫣一上嚟嘅刺身拼盤，就算兩位，都係勁大盤，刺身種類都好齊全，刺身先鮮甜新鮮。冷盤既凍蟹同冰火翡翠螺都好甜甜😋😋😋估唔到雞煲都有勁多口味選擇，之前去開只可以選擇辣度，呢間就有款湯底揀，包括：藥膳花雕醉雞煲、養生蟲草花雞煲、特濃花膠雞煲、招牌麻甩雞煲今次就揀左藥膳花膠醉雞煲，雞有醃過，非常花功夫，濃得黎唔咸，飲埋湯好暖胃好舒服，雞件又嫩滑，雞煲部分當然都可以加雞，慢慢嘆食完雞轉打邊爐，湯底並不是隨便加湯落雞煲度，係另外一款湯底，又可以揀，今次就揀左特濃鮮茄豬骨牛尾湯，真係勁大舊豬骨係煲底啊😳😳，超癲👍🏻👍🏻濃濃蕃茄味，好高質😄😄頭盤嘅打邊爐會上一盤海鮮先，都係好高質，超新鮮，又大大隻大大粒😍😍😍之後都可以任添火鍋配料，打邊爐既牛係高質既牛板腱同M7澳洲和牛、海鮮，仲有蔬果類都幾齊全，出面仲有多款特別雪條揀😚😚食放題，最緊要上菜速度快，呢一層真係完全唔使擔心，成餐都好好服務，就睇你有冇本事😂😂😂😂

環境闊落 坐得舒服 湯底有驚喜 套餐淨係個前奏都抵番曬 有凍蟹或者秘製醬汁螺 又刺身拼盤 食完雞煲再換湯底打邊爐 仲有海鮮拼盤 仲有野飲雪條放題 雪條仲要有老虎堂啊喂 埋單真係捧住個肚走

早排行開旺角見到有間新開既邊爐combo （雞煲+邊爐）開咗，一於就搵埋朋友去試下。佢就$398/一位可以食3個鐘，見到張枱有寫share/like 社交平台可以9折，即係免加一喇👍🏻👍🏻佢個跟包咗刺身+凍蟹/翡翠螺 ，咁我哋凍蟹同翡翠螺就各叫一份（依個係跟人頭揀）翡翠螺好大隻肉質唔韌，辣汁撈埋幾好食。凍蟹亦都好大隻多肉食👍🏻👍🏻係食緊既同時已經煮緊個雞煲，佢有4款可以揀。我哋就叫咗個養身啲既蟲草花雞煲，係食得之前要飲返碗冇加味精既湯先好清甜😍😍雞一直煮食到尾都keep 住好滑唔鞋👍🏻佢雞既份量好多🥺差啲食唔落之後既邊爐邊爐湯底佢都有4款揀，而且有卜卜蜆同酸菜魚揀。不過我哋繼續健康啲啲同埋都開始飽飽地食唔落大煲野鮮茄豬骨牛尾鍋-有好大舊骨係煲入面話俾你知係真材實料，食菜類成條都沾滿哂濃濃既蕃茄味🤤🤤牛肉佢有幾款但主打M7 澳洲和牛，牛味好濃郁🤩唔韌配埋蕃茄湯正正。而且牛既色水都好靚佢落肉類同海鮮都係用QR code 而且仍有唔少炸物可以揀。如果店員冇俾你記得要問佢攞返🤪食完正餐就到甜品，雖然雪糕選擇唔係好多，但全部都係外國牌子，唔係維x個啲👍🏻

大埔店食過幾次，旺角都開左就黎試下。吾同既係多左一盤刺身，都算新鮮切得厚，牡丹蝦好大隻，好食。😋凍蟹大隻好多肉仲有膏，但掛住食無影到里面。🤣雞煲揀左花膠雞，d 湯可以飲，好足料，落埋金華火腿夠味，好鐘意。麻甩（麻辣）雞煲揀左bb 辣都夠香夠麻，正。邊爐揀左混醬卜卜蜆同豬骨牛尾蕃茄湯，卜卜蜆酸辣夠惹味，蕃茄湯夠濃。黎完一轉海鮮盤都可以再叫，上台既時候d蝦仲跳緊，第一次見蜆上台仲係郁，非常新鮮。其餘菜可以出面拎，已經分好晒一兜方便拎。但牛肉就有d 薄，可以更好。整體黎講好食又抵食。

📍麻甩爐海鮮雞煲私房菜（旺角）呢間之前係大埔都食過 今次行開旺角就試埋旺角分店～我地叫左$398任食套餐 包一盤刺身 有三文魚、油甘魚、赤蝦、北寄貝同帶子 都幾新鮮 ▫️冷盤我哋揀咗一隻凍蟹同一份翡翠螺～凍蟹肉質鮮甜！翡翠螺都夠彈牙▫️炸物拼盤▫️花雕醉雞煲藥材湯底🤭有紅棗、杞子、桂圓等 食落有酒香味 雞件夠大舊 雞肉肉質夠滑▫️海鮮拼盤好新鮮 啲蝦仲好生猛😆menu仲有教你滾幾多分鐘就食得👍🏻好貼心▫️鮮茄豬骨牛尾湯好香濃蕃茄味 😻酸酸地岩曬我 同埋落足料 湯底有好大舊豬骨😆跟住緊係瘋狂叫牛肉食！有M7澳洲和牛 食落牛味濃 絕對要試！炸物仲叫左榴槤炸彈、芝士年糕～好好味出面仲有火鍋配料可以拎 我朋友拎左好多鵝腸話好好食😹😹甜品有好幾款雪條食，特別啲有老虎堂嘅老虎流心芝士雪條 我覺得好好食 好香黑糖味，咬落中間帶有小小咸咸地嘅芝士 我食左兩條😋職員都好快手收碟 👍🏻服務好好

🔹️與朋友仔到旺角銀座 “麻甩爐海鮮雞煲私房菜” 午膳, 店內設有多座位, 空間感十足, 衛生整潔, 店員友善及高效率🤵🤵🔸️以100分鐘午市火煱放題🫕有四款套餐及8款湯底選擇🤔我們選了C餐🫕 ‘’藥膳花雕醉雞‘’🐔🍲以香濃藥膳湯底配花雕醉雞, 未放食物前可先飲啖湯, 味道醇香、無味精👍慢慢再嘆嫩滑雞肉😋😋再放其他食物🫰🔸️西班牙黑豚肉片一碟🐖肉質柔軟嫩滑、味道鮮香👍🔸️頂級牛板腱片一碟🥩濃郁牛味、肉質鮮嫩、結實、唔韌😋🔸️無限添加自助區🥢種類包羅萬有：自選醬料、生菜、油麥菜、白菜仔、皇帝菜、娃娃菜、蓮藕片、蘿蔔片、金菇、萵筍、響鈴卷、炸魚皮、各種丸類、墨魚餅、炸蝦卷、牛柏葉、鵝腸、豬皮、芋頭、水餃、雲吞、魚皮餃、豆腐、魚腐、山根、鴨血、各式飲品、多款雪條選擇 🤤🔸️除了火煱材料新鮮高質外, 很喜歡老虎堂芝士流心雪條🐯啖啖流心, 濃郁芝士、黑糖及奶香味So Yummy 🐯👍😋