麵麵 (已結業)

位於旺角的「麵麵」主打魚麵及魚湯，價格合理而且座位位置寬躺，吸引唔少年輕一族來幫襯。整間餐廳以魚為主題，主調為藍色，充滿海洋嘅氣息。即叫即炸魚皮($20) 香脆可口，沾著魚湯一齊食能增添風味。芝士流心墨魚波($48)只得三粒份量偏少略嫌唔夠喉！流心芝士份量不多而且唔算好流心，而且炸得太乾身，整體味道一般。薑汁豚肉定食($126)豬肉口感幾嫩而且完全沒有雪藏味，一食就知係新鮮兼上等靚豬。將雜菌同埋洋蔥加入一齊煮，味道一流。小菜有凍蕃茄仔、炸一口魚肉春卷和哈密瓜，仲有一碗熱辣辣的魚湯，大滿足。加$8有一杯凍檸蜜柚子茶。魚之戀濃魚湯魚烏冬($72)問咗侍應哥哥揀魚麵定烏冬好，佢就建議魚烏冬，比較多食客選擇。烏冬咬落爽口彈牙，差點分不出係食緊麵還是魚蛋。魚湯冇落味精，成碗湯飲哂都不會口渴！

出來做野之後同朋友就變得少見左，兩個月無見之後，最近又見左一次。本身想揀新加坡人氣火鍋食，可惜比人book到滿哂，所以朋友就提議來呢間旺角的魚麵餐廳。餐廳主打魚麵，不論湯底、麵食、甚至辣醬都係魚造的。魚麵有分普通麵及烏冬，麵的質地像魚蛋一樣，十分彈牙，岩哂最喜歡食魚蛋的人。不可不提嘅係個避風塘雞翼，十分新鮮香脆可口。餐廳環境也十分別緻，很適合聚舊聊天👍🏻 用餐前還會每人送一杯小小的魚湯呢！魚湯鮮甜味美，很開胃。

旺角想搵一個清淡d又有味既野食係難d😂難得見到間近地鐵又有魚湯，就即刻想試😛個門口都幾特別 環境都幾舒服跟住一坐落去，就見到有人拎左細細杯濃蝦湯比我試～超濃超好飲！😋跟住我地叫左3樣野，最想叫亦都係佢地既signature野係Fish Nachos on the Boat $68，因為入面有牛油果🥑，如果係牛油果控應該會好中意🤣同埋個炸魚皮都好好食～然後正餐就叫左個安格斯牛肉濃魚湯魚烏冬 $95個湯底就唔算濃，但冇味精都唔錯，牛肉冇咩肥，但叫雞扒應該惹味d😂 原來魚麵入面有70%係魚既成分，澱粉質好少，所以減緊肥既人都岩食😃另外一個係西班牙煙燻黑毛豬濃魚湯魚烏冬$85，黑毛豬真心唔錯，入味又唔會咬唔到😛小食入面既甜蕃薯好好味！整體黎講小食樣樣都好正～野飲叫左個洋甘菊花茶，跟餐加$22，可以不斷refill，個侍應話可以叫到佢停為止😂😂最後埋單都唔算貴，感覺又好健康，值得推介❤️

同朋友出開太子食飯，想食得健康d，於是去食魚麵。裏面裝修得幾靚，仲解釋咗咩係魚烏冬~我地點咗四川麻辣燒牛肉拌魚烏冬（＄92）、蝦兵蟹將（蝦餅配蟹籽和風醬）（＄52）、秘制脆烤雞扒魚麵（＄72）。飲品就點凍朱古力同泡沫玫瑰奶茶。朋友既麻辣牛肉魚烏冬麻辣味唔算重，屬於微辣級別。魚烏冬屬幼身烏冬，食得出有魚味，加上辣味，好夾！牛肉份量不少，上面撒了孜然粉，幾惹味。秘制脆烤雞扒魚麵既魚麵好彈牙，而雞扒烤得皮脆肉滑好juicy，仲有個湯底好鮮甜，幾乎飲哂！蝦餅味道都唔錯奶茶同朱古力好大杯，兩杯既味道不會過甜，而奶茶透出淡淡玫瑰花的香味。

今日同朋友出咗旺角食晚飯，呢棟大廈有好多食肆選擇，見到呢間既魚麵/魚烏冬幾特別所以就同朋友試下😊一坐低店員就俾咗龍蝦湯畀我哋試飲，話係新推出嘅～兩個女仔食得唔多，我哋見到啲小食好吸引所以叫咗一個主食加兩款小食😁一場嚟到一定要試下佢嘅主打，所以點咗一個晚市套餐嘅薑汁鰻魚配魚烏冬，朋友好鍾意飲咖啡，難得呢度有愛爾蘭咖啡所以就跟餐加十蚊叫咗一杯～ 小食就叫咗漁人樂脆同埋蝦兵蟹將😋個魚烏冬真係超級煙韌同彈牙😮😮 仲完全冇腥味， 鰻魚以一間唔係專做日本菜既餐廳嚟講都幾出色😀 個湯底係花膠魚湯，幾鮮甜，飲得出係真材實料無味精👍漁人樂脆係有四款野食，包括薯條，蕃薯條，墨魚春卷同魚肉春卷， 新鮮滾熱辣脆卜卜， 春卷好彈牙😀 個黑松露醬非常出色👍👍好重黑松露味蝦兵蟹將就係炸蝦餅配蟹子和風醬，亦都係脆卜卜😋 蝦肉好彈牙，做到一間有水準泰式餐廳嘅效果🤣 岩晒我呢個蝦餅精咖啡好香，唔會太甜又唔會太苦，啱曬我嘅口味👏 下次可以試埋個麵麵圍城配魚麵🙊

最近想食清d 去左試主打健康魚烏冬/魚麵既麵麵店(傳聞係DJ小儀開既食店黎) 環境好清新舒適一坐底就好似日式餐廳咁 為你奉上一人一小杯既餐前湯-花膠豚骨濃魚湯 雖然細細杯 但味道已經好濃郁每個麵都跟左3味前菜(柚子汁大根, 日本甜蕃薯仔, 胡麻醬海苔)三樣都各有特色 開胃清新雖然餐廳係主打魚烏冬同魚麵 但餐牌都幾多選擇嗜辣既小胖男友 二話不說就揀左好有特式既四川麻辣燒牛肉拌魚烏冬 魚烏冬麵質爽口 煙韌 加埋麻辣同燒牛肉拌勻 非常惹味小妹就點左避風塘雞翼濃魚湯魚麵初頭都有d擔心個含魚量達70%既魚麵會腥 但食落擔心一掃而空估唔到個質感係咁彈牙好似食緊優質既潮州白魚蛋一樣 魚湯亦同樣濃郁零腥味 而跟麵既避風塘雞翼竟然有咁多隻炸得乾身香脆 避風塘味道仲好惹味另外叫左個小食漁人樂脆(炸薯條,蕃薯條,墨魚條同魚肉春卷)賣相平平無其 但配埋個特製沙津醬 出奇地好食朱古力特飲既味道都唔錯整體價錢都唔算好貴另外唔知係咪因為DJ開既餐廳 場內播既歌都特別岩聽過人值得翻兜

平時好少行旺角，都好少在旺角覓食。適逢做完正事後，同友人由紅磡慢行到旺角打算食晚餐，於是睇某飲食網誌看看有什麼推介，最後就試左網誌評分很高的麵麵。呢間係樓上店。到達時覺得餐廳裝修很舒服，可能時間尚早所以客人不多，不用輪候等位。剛坐下時店員就先給每位食客一杯花膠湯。湯熱騰騰之餘意外地好飲，一飲就嚐到湯富有膠質，女孩子應該會頗喜歡這湯的餐牌食物的選擇不少，我們挑了網誌推介且店較出名的魚湯烏冬、麵和定食，再一齊分享～先講講西班牙煙燻黑毛豬濃魚湯魚烏冬啦。烏冬是魚肉造，比起坊間的烏冬幼一點，食到有魚味且烏冬條口感特別，略彈牙。湯底就是剛坐下店所送的花膠湯，一口魚烏冬加湯真好味！黑毛豬味道不過不失。至於日式叉燒豚肉魚湯魚麵，湯底都是花膠湯，而白白的魚麵竟然是如此彈！友人一食即問點解麵條可以咁彈！不是誇張吹噓，而是麵條真係好彈～不過相比之下，都是喜歡魚烏冬多點。日式叉燒不是薄身的，而是有厚厚3大塊，食完真是大滿足～燒鰻魚定食就相對比較普通，味道還算不錯。來到麵麵用餐，還是建議試試魚烏冬/魚麵啦，個人覺得湯麵比較出色。再者，真是很少可以食到重魚肉味道的麵。可能因為樓上舖的關係，以食麵來說價錢偏貴，但

搭車經過留意了這間麵店很久, 終於有機會在附近行街後可以在這兒"開飯"。唔嗅米氣的我倆其實很喜愛吃麵, 無論中式或西式都來者不拒。特別在夏天, 吃麵好像較為開胃和清爽呢~原來這間麵店主打花膠魚湯及魚麵, 而且食材也較天然健康, 不錯不錯。招牌魚湯原來用上花膠蓉, 烤鮮魚及古烤骨等用九小時熬製而成, 不加任何味精。難怪他們有信心得客人坐下後不以茶水奉客, 而是一杯濃濃的魚湯, 好讓客人嘗味。可能是人老了, 呷一口暖暖的魚湯真的很舒服, 甘甜而不膩!我點了極尚魚宴料理魚烏冬, 多多餸的, 十分豐富。晚餐主了主食和飲品, 還有一份前菜。這個三併有日本番薯仔, 漬蘿蔔和麻醬海帶, 每款都各有特色。既醒胃, 又能多加點蔬菜纖維, 幫助消化, 而且味道也很可口 (特別是那漬蘿蔔), 可見店家的心思。魚烏冬用上門鱔及紅衫魚魚漿精製而成, 含70%魚肉，爽口彈牙。烏冬加上吸收了濃濃的魚湯, 鮮甜得很。這種又爽又滑的魚烏冬是我們的第一次吃到, 比傳統的潮州魚麵爽彈, 又比日本的讚歧烏冬多了一份鮮, 好吃!!烏冬內的魚肉卷及墨魚卷是他們的招牌食物之一, 以腐皮包着魚肉和墨魚滑先炸後再放湯,  口感較有層次

有別於傳統麵店，位於旺角彌敦道726號1樓的麵麵(Noodle Noodle)，無論是裝修格局及菜式選擇，營銷定位跟傳統麵店都有很大不同，比較迎合年輕人品味和口味，燈絲條設計簡單而富特色，店舖中央擺放了綠色Noodle字樣的盆栽裝飾，跟店舖名稱互相呼應。出餐位非常整潔，左邊有大招牌介紹70%魚肉的魚麵和50%魚肉的魚烏冬，右邊有"人氣之選"食物推介，不少魚形象的裝飾物，全店充滿了魚的氣味。四川麻辣燒牛肉拌魚烏冬 $92 奉送特色前菜小食，牛肉味香濃，少少辣，很惹味，前菜有酸、有甜、有鹹，味道豐富。魚之戀濃魚湯魚麵$72，魚麵超彈牙，湯底很清甜，魚皮餃、魚蛋、魚片頭、魚腐、魚肉春卷、墨魚春卷都充滿魚味，一點魚腥味都沒有。值得推介。小食：避風塘雞翼沙律 $42，蒜蓉和雞翼炸至金黃色，香味十足，脆口惹味，但不油不膩，色香味俱全。小食：流心芝士墨魚波 $48，流心芝士令墨魚波倍加滋味，如果芝士份量再多一點就更加完美。飲品：熱泡沫玫瑰奶茶 $28，淡淡玫瑰花香味，奶茶香滑，美味！飲品：熱泡沫咖啡 $28

<跟女朋友吃飯系列•五十五>在等待女朋友做瑜珈的過程中，運用了開飯這個程式搜索了附近的美食。由於女朋友牙痛，所以要吃一點清淡且容易入口的東西。在多個選擇中，揀選了此店。餐廳位置餐廳位於旺角飲食大眾匯的726大廈，很容易找到的。餐廳內外上到去，就開展了一個神奇的麵旅程，正在下午茶的時間，餐廳沒有太多人，環境十分好，給人一個良好的印象。餐牌設計這是一個下午茶的餐單👻食物方面點了套餐1）白玉魚丸鴛鴦卷花膠濃魚湯稻庭烏冬+熱檸茶；2）流心蛋越南豆腐配海苔薯蓉。先來了白玉魚丸鴛鴦卷花膠濃魚湯魚烏冬，先嚐一嚐花膠湯底，四個字：淳、濃、香、和，且不含味精，我家bae最後一口氣把它喝光。魚烏冬也非常好吃，每一口也充滿魚味！整個菜式含骨膠原、DHA、不飽和脂肪酸等，值得一吃。然後來了流心蛋越南豆腐配海苔薯蓉，這個菜式絕對適合素食者吃，特別推介是越南豆腐，每一口也是豆腐味道，含豐富的鈣質。不過我家bae覺得份量有點小，吃後還有一點肚子餓。

本局長是日與副局長往旺角巡視，途經一店名曰「麵麵」，想起「麵麵麵麵麵麵麵麵食我煮嘅麵」，遂入內一窺究竟。只見店內裝修雅緻簡潔，燈火通明，窗邊可一窺彌敦道街景。局長倆點下食物不久，炸魚皮率先送來。可用香脆可口四字形容。再來白魚蛋拼香茜魚皮餃子魚湯料理（魚麵）。魚蛋彈牙，魚皮餃子之皮口感特別，魚湯香濃不腥，魚麵十分特別，有如魚蛋彈牙，為驚喜之選。黑松露雜菌拌魚烏冬亦是美味，黑松露甚多，足料之作是也。除與魚相關食物，其他小食質素亦不俗。雙色芝士焗薯條芝士味濃，芝士炸脆雞肉炸得脆卜卜而又肉質鮮嫩。飲品方面亦有水準。凍薄荷朱古力咖啡啡味濃郁，卻不失薄荷朱古力之香甜。熱泡沫桂花奶茶茶香、花香、奶滑。本局長孤陋寡聞，沒想過花茶可和奶茶扯上關係，而此飲品成功將兩者融為一體，猶如本局長與副局長之合拍，十分好喝。總括而言，此餐廳食物美味可口，富有特色，環境潔淨，廁所寬敞衛生，局長倆讚不絕口，大快朵頤，盡興而歸。

位於彌敦道726號，位置方便鄰近旺角B3出口。環境淡雅光鮮，通透明亮，有「滿天星」佈置唯美。窗外就是彌敦道，景色一覽無遺。.一坐下來，店員就會送上一小杯的魚湯，他說這就是招牌、自家研製的魚湯- 「花膠豚骨濃魚湯」。真的做到「淳、濃、香、和」，卡片上說熬製了9小時，沒有味精，而且湯中已除去油。有很香的魚味，但沒有腥味；質感有少少「膠質」，應該是來至花膠吧。.晚上有套餐，包前菜及熱飲，選擇也很多。.⭐️極尚魚宴料理（$95）配魚麵「魚麵」是由70%的魚肉造成，所以口感更像「魚蛋」，很爽彈的。 材料很豐富：魚皮菜肉餃子-魚皮很彈牙，有十分多的餡墨魚卷、魚肉卷-這兩個卷用腐皮包著，墨魚卷食到好細的墨魚粒粒。魚蛋-十分彈牙蝦-很細心已挑走了腸伴上花膠魚湯食，果然是「魚之盛宴」！.⭐️XO雞翼拌魚烏冬（$88）魚烏冬就有50%是魚肉，沒有魚麵那麼Q彈，更為煙韌。有4塊雞翼，份量也不少。.魚麵及魚烏冬都很特別，在其他餐廳是沒有的。少澱粉質，多魚肉，更健康，適合減肥中的人士（我）。.⭐️漁人樂脆（$58）另外點了一個小食，除了薯條，也有蕃薯條、墨魚卷及魚肉卷。配上黑松露醬。最適合happy share。.⭐️

有人突然話想食得健康啲，咁就搵咗間魚麵試下啦。見到個個都推介呢個極上蟹匠拌魚烏冬，雖然係全個餐牌最貴，都嗌返個。見到佢呢張話魚烏冬原來得50%係魚肉，於是我就嗌多一個魚麵，有70%係魚肉。落完order，店員跟手就俾咗兩杯花膠豚骨濃魚湯俾我哋試吓，真係好濃，但係完全無魚腥味。先黎個極上蟹匠拌魚烏冬，將蟹膏同啲蟹肉同成個烏冬撈勻，食落去啲蟹籽再俾左啲卜卜既口感，好滿足。另外個西班牙煙熏黑毛豬魚湯料理，分量十足，啲魚麵出乎意料之外超彈口，煙熏黑毛豬嘅濃味，同魚湯味啱啱balance左。套餐配多個桂圓菊花茶，清清地。同埋一個桂花薏米茶，祛吓濕。

餐廳主打魚烏冬，魚烏冬係由魚肉造成，含50%魚肉，而佢仲有魚麵揀，就有70%魚肉成粉，由於叫野食個陣冇留意到以上資訊，而我同我朋友都係烏冬迷，就剩係叫左魚烏冬冇試到魚麵，魚烏冬唔似稻田烏冬咁彈牙，食落會飽肚啲，亦都冇咁黏稠，乾身一啲，都幾好食。.另外佢亦都主打花膠豬骨湯底，一入到去就會比杯仔你試飲，的確好好飲有自家湯水嘅感覺，飲落真係膠膠地，佢個湯底主打無味精，9小時熬製同除左油，有埋餐牌介紹，又比你試飲就知餐廳對佢地個湯幾咁有信心，本來係想食佢啲撈烏冬，最後因為呢個試飲就order左魚湯烏冬，哈哈！之後個麵黎到比想像中細碗好多，但原來都食得飽。.大家都不妨去試下。但注意佢個橦大廈都幾多食市，7點半左右都幾多人排隊搭lift下，幾得預下時間。好在呢間就只係係一樓，行樓梯都得。

黎到麵麵毫無疑問要試佢嘅魚麵/魚烏冬 兩者分別在於魚麵係70%魚肉 比較幼身同爽彈 而魚烏冬係50%魚肉 比較粗身同煙韌 而我地不約而同都係要魚烏冬🙋🏻‍♀️🙋🏻‍♂️🤩：魚之戀濃魚湯魚烏冬🐟對於平時想食少啲澱粉質嘅👧🏻真係good choice~~ 魚烏冬真係彈牙 食落同烏冬&其實粉麵個口感真係完全唔同 幾特別! 而湯底係花膠豚骨濃魚湯 自稱係用花膠蓉+古烤骨+烤鮮魚熬9個鐘無味精 個魚湯味都幾濃幾豐富 👦🏻成碗一滴不漏飲曬～而確實飲完之後真係唔點口渴 而配料就呼應其名「魚之戀」有6種魚製品 款款都唔錯 當中魚蛋真係幾彈牙😬yumyum🤩：Fish Nachos on the Boat 佢同原著版Nachos嘅不同之處係佢以炸魚皮代替chips 佢用嘅炸魚皮唔會太鹹 上面再加熱溶芝士 牛油果醬 肉碎 蕃茄粒 創意度加唔少分 仲會令你食唔停口 呢個墨西哥mix港式小食真心有驚喜!!😍📝清清地又唔馬虎嘅好選擇 專食魚麵嘅地方唔多 麵麵食物質素唔錯之外 裝潢都好modern有打卡feel 有一點一定要提就係員工服務態度都非常好 會主動行埋黎同你介紹餐牌 話換位佢地無黑面不特止仲好樂意地即時幫你