麵屋豚豚拍子 (已結業)

之前去厚福街搵野食唔覺唔覺穿入後巷見到豚豚拍子，覺得呢個名好得意所以印象好深刻，即刻就約同事Lunch time一齊過黎食。豚豚拍子主力做拉麵，但相對香港既拉麵店內部就寬敞明亮好多。除咗拉麵，其實都仲有唔同既日本料理可選擇，啱哂三心兩意既香港人喇。不過我同同事始終想食拉麵，所以叫咗一個茶豚（即係加蒜）同豬軟骨拉麵。午餐仲有得十零蚊加小食，我又忍唔到口叫炸蠔同餃子。但個麵份量唔少架，建議冇咁上下食量都唔好咁衝動😶😶但呢個價錢太吸引了，難以控制啊炸蠔都幾大件，炸皮脆，內裡蠔冇炸到乾縮，餃子皮薄但冇穿冇爛，邊脆，兩樣都中上啦。主要我都係想講個拉麵啊。食拉麵都不外乎都係在乎幾樣野——麵質，蛋，叉燒，湯底質量如何，係咪做到互相襯托，呢野我覺得我食既茶豚就相當不錯。麵底本身較粗，有嚼勁，叉燒偏肥，有脂肪香味，蛋要加錢先有但有糖心喎，真係有糖心喎，加100分！湯底係正常既豚骨湯底，帶有蒜味但冇搶到個湯本身味道，我食完冇口乾，又唔覺得過咸。香港人食咁多豚骨底拉麵，話驚喜十足得確唔會，但食到好食既就要誠實說出黎吖嘛🧚🏼‍♀️ 同事叫既係豬軟骨拉麵，豬軟骨大大件又份量多，肉稔，一樣好食。

今日去左尖沙咀行街，行到好攰之際見到係尖東利時對面有間拉麵店豚豚子，價錢好似幾平咁，一於同朋友去試下啦係門口見到餐牌二人餐好似幾抵食，主食方面，我地叫左白豚拉麵同滑蛋豬扒飯豬扒炸得金黃色外皮好脆，肉質厚實開胃，加埋日式甜蛋配搭好好，份量好足拉麵湯底夠濃同甜，加左隻溏心蛋，之後叫左3樣小食牛舌幾出色，好夠牛味，燒得薄薄地好香脆外皮燒至金黃色，灑上少少鹽已經幾好食魷魚好入味及彈牙，份量亦足夠最尾叫左支波子汽水，好耐冇飲過啦

今晚約左朋友食晚飯，於是就決定近近地係尖東食，見到轉角位有間拉麵店，決定一試。見二人餐好似幾抵食，兩碗拉麵加三個小食都係$208。茶香豚骨拉麵🍜呢間拉麵店既拉麵仲可以選硬、普通or軟架，我就選左普通，拉麵麵質不錯，有咬口，湯底好香蒜油同豬骨香味，而且麵條都可以掛住湯汁。朋友就叫左個黑豚拉麵，蒜香味好濃，同樣麵質QQ有咬口。小食方面有煎餃子🥟分量多有成6隻，皮薄多汁，不錯。炸豆腐呢個都幾特別，豆腐炸過後再澆上唔知昆布定鏗魚汁，食落一點也不油膩。燒雞翼和燒雞軟骨兩種都燒得好香唔會過燶。係幾抵食既平民拉麵店

尖沙咀拉麵店繁多 真係日日食間都有排食今次食呢間豚豚拍子 價錢夠貼地星期六午餐時間 吾洗點等位就入座 夠方便我同朋友一人叫一款拉麵我㨂左黑豚拉麵 湯底超濃味重口味人士岩晒大家記得將黑蒜撈云個湯先食丫豚肉無咩肥膏 食多件都吾怕肥豚肉冧身 推介特別一讚麵量幾多 黑洞都夠食朋友仔叫海老拉麵有齊櫻花蝦乾同鮮蝦肉湯底吾咸 鮮味為主如果中意清淡口味既食家應該會中意呢款蝦肉肉質夠彈牙 抵讚另外我地仲加左波子汽水 好耐無飲過波子汽水夠多氣 仲gur過可樂食晒全部夠晒飽 好滿足

聽朋友話韓國街附近有間日本拉麵好抵食，就約左朋友去試試！附近啲大廈進行緊外牆維修工程，所以入口都要花小小時間先搵到。店舖位於巷內，但明亮的招牌好易令人注目架！時間尚早，人唔多，入到店內，被安排坐卡位，卡位寬敞整齊，最欣賞佢個開放式廚房，做到一點油煙味都冇，待應不慌不忙端上熱茶，非常貼心！我地快快手叫左個二人餐，一人一個拉麵，再share 3個小食！拉麵有得揀麵既硬度添架！岩哂唔同人既口味～湯底個味都幾濃郁，食落口感唔錯架！小食叫左炒雜菇，菇既種類都幾多，而且好夠味同熱！餃子都煎得好岀色！皮薄多汁！推介小食叫呢個仲有叫左個牛舌，呢個都整得好好食，但如果可以再熱啲上菜就更加正！

剛剛去完福岡旅行唔夠一星期，已經好掛住日本野食，拉麵、壽司、餃子和鰻魚飯。 今日約左朋友仔係尖沙咀交換手信，就上網搵左間坐得舒服又多好野食的新開日本料理餐廳-豚豚拍子。 正當我地煩緊食咩好，見到有二人餐，價錢又幾抵，又可以簡拉麵同鰻魚飯，而且仲有三個小食，於是我地就叫左個二人餐。小食就叫左炸蝦，雞翼，雞軟骨試試，等左冇耐，小食就陸續送到，好快成枱就放滿野食。本身以為個份量好少，不過2個人share 啱啱好~雖然小食就唔係樣樣精，但勝在多選擇。之後，拉麵同鰻魚飯就送到，我地都叫左唔同款試下。多料又夠味幾抵食！呢餐加埋都只係一人百二蚊左右，以尖沙咀嘅晚飯黎講，算okay 啦。食完坐左幾個字吹水，店員都冇諗住趕我地走，仲主動加水俾我哋，不過見門口開始要排隊，我地都唔好意思坐咁耐，賣單走人啦。

今次約 friend 尖咀，路經見門面唔錯，又多好評，就入黎食晚餐。叫左黑蒜拉麵，炸雞，蟹子沙律，仲加左玉子。拉麵冇乜黑蒜味，偏多油，麵質唔太okay, 有啲立立地，湯又好似有陣鹼水味我本覺得麻麻地。反而配菜玉子就幾好味！ 內裏流心 外蛋白夠味炸雞就OK. 外脆內juicy. 如果唔好炸到咁燶更好！ 加一點檸檬汁同沙律醬'沙律就普普通通啦, 呢個好難會整得唔好食 @.@臨走偷聽到隔離枱講，鰻魚飯幾好食。各位或者可以試下

行完利時商場，想搵野食，見到巷仔新開了間豚豚拉麵，於是試下，見餐牌選了二人餐$208 兩個麵或者飯加三個小食，超值喎！鐘意黑蒜油，選了黑豚拉麵 ，追加左溏心日本蛋 +$12 ，另叫了鰻魚飯。先來小食蟹籽沙律，生菜好脆新鮮。再來小食，雞軟骨加燒雞翼串，雞軟骨串, 都有啲雞肉同軟骨, 卜卜脆，有少少咸味。另一小食叫了炸雞肉 ，外皮好脆，好大件雞，加啲檸檬加更，係日式既煮法。主角出場，黑豚拉麵濃湯拉麵,好香黑蒜油味，有一邊好多蔥花,一邊有黑木耳絲，餸方便有兩塊叉燒，溏心日本蛋好流心，黏口夠香，拉麵質感彈牙，唔會太腍。另一主食鰻魚飯，鰻魚燒至微脆，香口，鰻魚夠大條，啖啖鰻魚肉，夠厚身，最欣賞係冇骨，醬汁滲晒入魚內，令魚冇腥味。埋單$259，兩個人食咁多樣野，真超值。

同女朋友係尖沙嘴拍拖行街之前，我地就去左加連威老道嘉蘭圍麵屋豚豚拍子度食日本拉麵。我地叫左兩個午市拉麵套餐，分別係豚軟骨拉麵 (HKD 75)同埋白豚拉麵 (HKD 62)。另外，再追加左兩個小食雞軟骨 (HKD 18)和煎餃子 (HKD 18)。餐飲就叫左熱檸茶。先黎既係豚軟骨拉麵，賣相唔錯，湯底非常清甜。豚軟骨至少有3大個，肉質好稔。另外，溫泉蛋流心度夠。跟住黎既就係白豚拉麵，湯底亦都好清甜，豚肉塊半肥瘦，口感唔錯。麵條柔軟道適中。雞軟骨就有3串，味道好好味，加埋個檸檬汁，無得輸。餃子有4隻，內裏係蔬菜同豚肉，味道都係一流。口感外脆，一咬落去，暖暖甜甜既肉汁係口裏爆發。佢既餃子汁都唔錯，我本人幾喜愛。餐飲既杯有左迪士尼既卡通人物，都幾kawaii。值得一提既係店員服務態度幾好，好細心介紹餐單上既食物。

相約阿妹收工去尖咀行街食飯係門口睇餐牌, 俾二人套餐吸引住加上好耐未食過拉面呢間餐廳係利時對面, 地點方便又搶眼二人套餐$208兩個主食 +三個小食, 真心覺得好抵食仲好食!!平時出面一碗拉面都$70-$80辛豚拉麵先飲啖湯, 湯底濃郁帶點辣, 好味道~~麵質好幼滑帶咬感, 豚肉肥瘦均勻, 厚薄適中豚軟骨拉麵湯底比較清又唔油, 豚軟骨好入味又腍加少少香蒜辣油又特出湯的味道~~燒雞翼及雞軟骨雞軟骨脆又可口自家制餃子(大)皮夠薄材料又多, 熱辣辣食更加好味,,但煎得唔夠香炸雞肉炸粉好薄, 雞肉又唔鞋口, 仲要啖啖肉無骨

香港拉麵店晚市好少會做二人套餐，但係今日黎到既豚豚拍子就有啦$208 包兩碗拉麵／飯 + 3 款小食，論價錢黎講係平既小食揀左蟹子沙拉、牛油炒菇同埋雞翼、雞軟骨串燒三款小食份量都唔細，性價比高特別喜歡佢既炒香菇，牛油香味濃郁串燒各有兩串，一人一串唔洗開心share，燒烤味好香啊，我就話眾樂樂不如獨樂樂主食我就揀左豬軟骨拉麵呢間係做幼麵，落單既時候可以講番要幾腍，因為呢度唔係寫紙架有三大舊豬軟骨，醃得好入味，肉質軟腍仲有半熟蛋 唔洗額外再加，呢個拉麵都幾抵食個人就認為呢個價位係尖沙咀又試到甘多野食都真係別無他選：P

今日收工約左媽咪出尖沙咀Shopping, 行去利時商場既時候見到對面開左間拉麵店, 就決定行完去食佢啦。一入到去左邊有卡位, 右邊就係Open kitchen吧枱位。我地簡左卡位坐, 兩個人坐都幾闊落又乾淨。侍應好快就比左餐牌同兩杯好熱既茶我地啦。 我地叫左個晚市二人套餐 $208, 包兩個麵或者飯同埋三個小食。我地簡左一碗茶香蒜豚骨拉麵 +$5, 一碗海老拉麵 +$10, 一份燒牛舌, 一份餃子, 一份北海道南瓜炸薯餅。三款小食好快就黎到啦, 燒牛舌望落好薄好Juicy, 因為佢真係好薄, 所以唔會好難咬好似像筋咁, 入口有好香既牛味, 而佢薄得黎又唔會燒到乾晒, 加埋少少檸檬汁仲好食!餃子有六隻, 一人三隻唔洗爭, 佢有啲似係日本大型連鎖店食到既餃子咁既感覺, 個皮唔會太厚好軟熟, 但如果可以再煎脆少少就好啦。北海道南瓜炸薯餅有四件, 咬落外脆內軟, 出面既Panko好好味, 入面既南瓜好香甜又滑, 簡直好似甜品一樣, 所以我決定留返一塊等食完拉麵先食! 兩個拉麵一齊送到, 唔洗等可以一齊食! 媽咪既海老拉麵有好多好多櫻花蝦係面, 仲有三隻蝦同埋一塊叉燒! 湯底飲落都係豬骨湯底,

午飯時間跟同事去了附近的豚豚拍子食拉麵，可能是太晏的關係，我們差不多三點去到，客人不多。餐廳有拉麵、定食及蓋飯等，款式都幾多。我叫的白豚拉麵，湯底呈奶白色的豬骨湯底，鮮甜無味精而且味道濃郁，拉麵爽口而且幼身，豚肉有兩片，切得厚薄適中，還有些木耳及筍等配料，整體都幾飽肚。朋友叫了浦燒鰻魚定食，白飯超大碗，最後都食唔哂，鰻魚有半條，表面佔滿了燒味，肉質外爽內腍，送飯不錯，旁邊還有些椰菜絲，非常清新健康，還有附送的薯仔沙律及麵豉湯，不會太咸。最後叫了個小食炸豆腐，表面略炸後淋上醬汁及木魚絲，豆腐軟滑。

行完cotton on轉個角就揾到利時對面轉左手拉麵店，朋友話中午扺食，想睇下晚飯。二人餐$208 兩個麵or飯加三個小食，好抵咁，就依個啦！平民價都有硬軟普通麵質擇，隱世平民店。茶香蒜豚骨拉麵 +$5 本身無蛋，我就追加左溏心日本蛋 +$12有點黑油配蒜香，湯濃豬骨味，有d咸。但廚師控制硬拉麵得唔錯，有咬感係我至好，食得慢都唔會糊哂，哈哈。叉燒有肥肉層，食落軟耐濕潤，唔係煮好就咁放上去個種！溏心日本蛋好流心，好蛋香，不錯不錯，無加錯！豚軟骨拉麵 +$10湯底似咸豬湯，比茶香蒜豚骨拉麵清。麵都幾q，朋友擇左普通。豚軟骨應該走過油，外表炸香左咁，內在都做得幾入味，主要夠軟。達至真係可以一件食哂入肚。朋友仲飲左幾多湯，話無味精好欣賞。大份自家製餃子 豉油碟係玫瑰花碟靚靚。皮薄好林，料係韮菜白菜肉，韮菜唔算多，但好香口，肉都半肥瘦，足料既！炒魷魚鬚咸左少少，但好新鮮顏色咁。嗯，相對軟林，仲好彈牙，幾nice呀！牛油炒草菇好家的感覺小白碟，有蒜炒香爽脆有汁。怕菇草味都食得，因為無哂嫁，入口更易。拎左香蒜辣油點，哈哈。依度環景好光，有木卡位幾舒服。

平時好少可行入呢條巷仔見到有間裝修唔錯既拉麵說入左去有個208既二人餐包兩主食三小食主食就叫左赤豚拉麵同滑蛋豬扒飯拉麵係幼身既，麵質唔錯叉燒肥瘦均勻，係薄左小小姐蛋都算流心但入味啲就好湯底再辣啲就更好滑蛋豬扒飯醬汁好好味，唯獨係啲豬扒比汁浸淋左，脆啲就更好！小食叫左牛油炒草菇，牛油味超香，啲草菇又香又爽口 正👍燒雞奕2串加燒雞軟骨2串🍢雞奕貼心地開左邊非常易食，又燒得皮好脆，肉滑燒雞軟骨就略嫌燒得唔夠餃子就不過不失啦，皮都算煎得靚但係有好幾隻個皮都爛左 扣左小小分