麵屋豚豚拍子 (已結業)

黃昏四點入到舖頭一個食客也沒有，見員工們各自各呆坐嘆手機，我地自己招呼自己坐低睇餐牌。晏晝只有定食及拉麵供應，上網睇還以為類似大埔一鳴拉麵居食屋，到訪後原來真身為大媽茶記車仔麵，國產山寨日本居酒屋。眼測廚房由大媽全權主理，樓面則由另一大媽招呼。自家製餃子⭐️⭐️⭐️⭐️⭐️塞滿肉肥美結實脹卜卜不空盪盪，餃子質素極高拍爛手掌好好味，大媽整餃子係有一手無可挑剔！赤豚拉麵⭐️⭐️沒有辣度給選擇，先來一口吧！辣度濃厚屬中辣水平，兩塊鬆化日式叉燒襯托，有蔥花、竹筍、木耳點綴。大媽版日式拉麵唔難食，即食拉麵質地滑嘟嘟微彈牙，湯底散化明顯即食湯粉味道。黑豚拉麵⭐️⭐️還以為會係全黑湯的黑蒜油湯，非常失望！再次遇上豬骨濃湯加幾篤黑蒜油，發現有蒜皮在其中，真係黑蒜餚成的喎。麵質、伴菜完全跟赤豚一模一樣，只是湯底不同。香甜豬骨湯有著蒜香，蠻滿意的，難怪仍有不少食客支持。燒肉飯⭐️半生熟爽脆洋蔥絲，不夠腍而且未炒到焦糖化。韌韌的豚肉片帶豬甜味，沒半點鑊氣，微溫陰沉沒靈魂。白飯濕爛漿嘴，完全係微波爐翻叮出來的，洒下大量七味粉入口好味許多。隻碗崩就不要比客用，我極度討厭用爛碗爛碟爛杯的！。…查看更多

已經好多年無食日式拉麵食到咁想拍枱。好多餐晏晝都喺厚福街搵食。心血來潮想轉下口味，就行入後巷，發現呢間門面都裝修得幾企理嘅日式拉麵店。我點午市套餐，加八蚊嘅蝦湯拉麵加烤雞軟骨。一入門口，聽店員講嘢有普通話口音，老實講會有些少戒心。但唔入都入咗，畀次機會咯。地方算寛敞，當時無乜客，我一人坐四人卡位。由於有疑慮在先，所以都留意下廚房陣勢。師傅畀我感覺有啲懶懶閒，單手拎起碗麵唔知同店員講乜。最後見師傅親自拎碗麵出來畀客人。拎畀我嗰時，佢單手沿邊邊慢慢跣落枱面，一聲不發。成套動作怪怪地。一食就嬲，估唔到今時今日喺香港重會食到呢種明顯扮日式呃錢嘅垃圾。湯係簡單粗暴嘅味精湯，係面頭加咗羹蝦米同疑似蝦油先無咁肉酸。麵就似超級市場買返來嘅貨色淥一淥。好慷慨咁跟咗一塊叉燒，切得唔厚唔薄，唔覺有特別調味，勝在有咬口啲咯。居中放咗幾隻熟蝦，就係白烚嘅熟蝦，真係開咗我食日式拉麵嘅眼界。勉為其難咁食完。通常食拉麵我會飲晒碗湯，有飽腹感。今次撈少少蝦米就算，食完個嘴同個胃都不得滿足。之後上嘅烤雞軟骨就不過不失。串燒或其他小食似乎係由一位都係有普通話口音嘅大嬸負責，同樣係邊個煮就邊個上菜，所以係大嬸遞畀我。埋單重要加一，承惠 $85。通常食完好嘅日本菜，我都鍾意靜靜地坐一陣嘆下茶。今次食完只係成肚中咗伏嘅怨氣，快快脆走，邊埋單邊打緊呢篇食評。我會形容呢碗麵係侮辱緊香港人嘅味蕾。都咩年代喇，唔通重覺得香港人好蠢啲錢好好呃？咁今舖我無查清楚虛實就貪得意試咗，的確蠢咗一次嘅。喺附近咁多食肆嘅尖東，呢間山寨拉麵完全無存在價值，快啲執唔該。見呢度讚好嘅帖咁多，真心疑惑當中有幾多係做枚喇。講開都幾奇怪，既然有咁多工夫賣山寨麵呃錢，點解唔好好地煮返家鄉菜呢？或者索性鍛煉返門手藝先開舖呢？…查看更多

🇭🇰🇯🇵 尖沙咀港式日本拉麵 🍜午膳時分到一間外觀極富日極風情的餐廳午餐。看到餐牌上有拉麵及飯類套餐，便內進試試。🐷🍜 白豚拉麵 $69 餐牌上寫著特濃豚骨味，但呷了一口湯，不難喝但也不驚喜，麵質也有點像超市買到的拉麵類，麵質較實，沒有回彈的口感。叉燒有兩薄片，口感一般，欠缺豐腴的肥美滋味。🐷🍳 吉列流心蛋豬肉餅小食選了吉列流心蛋豬肉餅，豬肉餅外層微脆，流心蛋有蛋汁流出，但免治豬肉層肉質過軟，味道偏淡，亦有一點油膩。🔸小總結：雖然價格尚算實惠，但食物味道一般，以同等價格來說，會有更多更高質的選擇。👅 味道：3/5💰CP值：4/5🕴🏻服務：4/5🔰餐廳環境：4.3/5👀回頭率：3.5/5🍽 餐廳： 豚豚拍子🌐地址: 尖沙咀樂道7號嘉樂大廈地下A舖🐮 #cowing吃在尖沙咀 #香港美食#foodie #hkfoodie #hongkongfoodie #852food #852foodie #foodstagram #相機食先 #吃貨 #食好西 #尖沙咀美食 #豚豚拍子…查看更多

喺一個比較隱秘既小巷🪵餐牌上款式都幾多！但拉麵味道真係。。。湯底真係…. 買日本拉麵即食麵仲好味好多nehhhh呢個真係搞唔掂🥴🥴🥴🔎茶香蒜豚肉拉麵最鍾意佢配料多（講緊啲木耳、筍！）其他方面就真係很還好。湯底唔太似拉麵會有既湯底。麵就幾有口感！🔎溏心蛋豬軟骨拉麵溏心蛋：不太合格豬軟骨：okay配料：多！款式多、份量也多🥰拉麵：不是太腍、會吸湯的嗰種～口感幾好！可以坐幾耐下！不過想食拉麵既話，完全唔會推薦呢間…查看更多

呢間麵屋豚豚拍子拉麵店，睇見裝修佈置都有D日本風味，諗住應該都唔差，點知一試個湯底就知唔得，似係一間港式茶餐廳😅。order左個二人餐 $208，好抵食咁。當中包括自選拉麵或飯類 二個，再可以自選小食三款，一定會食得好飽😂。咁都有好多唔同既選擇，不過好多都要加錢既。選擇左白豚拉麵同咖哩飯，個白豚湯好淡，同埋好似豚骨粉開既味道，唔似淆出嚟嘅豬骨湯，失望😶。咖哩飯都係好一般，都係似咖哩粉開出黎既咖哩🙄。至於小食， 質素就比拉麵同咖哩好，炸雞係粉漿厚咗啲，不過D雞幾幼嫩。餃子都ok，熱辣辣。 雞翼就有啲雪味，麻麻地。總括真係唔係好欣賞呢間D拉麵，真係好一般，只可以話係價錢抵D，平平地一餐，想坐得舒服啲，先可以試下🙂。…查看更多

經過個頭見到有間望落唔錯嘅日本餐廳就同朋友入左去食叫左白豚拉麵+送嘅一款小食(鰻魚飯) 可樂上菜時見到賣相都麻麻地 同餐牌都幾大分別... 試飲左湯 味精湯嚟 不過濃度我都幾鐘意叉燒真心整得好普通 中式叉燒可能整得好過佢而鰻魚飯嘅鰻魚超級細...同餐牌望落唔同但我覺得呢間舖唔得嘅位係服務同衛生一入嚟望一下餐牌就見到有蟲係張台爬第二次係紙巾盒見到有蟲爬出嚟 極度噁心唔知係唔係呢間舖侍應唔夠 就算男侍應出嚟幫手時想加單時根本冇人理我 舉左幾次手 叫過幾次 佢經過都應該會睇到同聽到 見其他客人都望左我幾次最後係個女侍應出嚟幫我加單飲品係去到食緊去一半先上 有一罐仲要唔記得上要提返…查看更多

平日既中午12點左右, 落左車行入去利時商場條巷仔，無意見到間拉麵店（隨意入左去😅）唸起大板拉麵店(想去旅行到din左😂)同囡囡去食Lunch之後去科學館好方便, 太早既關係包場...第一次泥依度食，打開menu就餐配搭一流...咁岩我想食拉麵，囡想食鰻魚飯 (正正Set Lunch可以有飯又有拉麵 )價錢親民！午市套餐拉麵就不過不失，湯底夠熱, 豚肉好淋好味🥰個鰻魚飯（細）但足夠囡囡食...媽咪試過又幾好味wor🥰下次會再光顧試埋咖哩豬扒飯😍職員態度良好:)…查看更多

lunch $69起拉麵餐 (拉麵 加小食）飲品需額外加錢白豚拉麵set $69蝦拉麵 set $85小食配 餃子 加 蟹子沙律白豚拉麵湯底較濃，有d 似煲既花膠湯底 (雞加豬骨）拉麵比一般拉麵幼身如果想食爽口，要下單前溝通蝦拉麵 加左不少櫻花蝦，令湯底更為豐豐材料有 蝦 同 豚肉兩片 鐘意多款口味既朋友 一定鐘意👍蟹子沙律鐘意好fresh 既感覺 並唔會因為配set 而流流地 (大部分日本餐lunch set 配時都有為配而配既感覺）餃子味道ok ,餃子皮可煎得脆口點建議大家可以試咗個lunch 先…查看更多

朋友多次推介豚豚拍子嘅拉麵🍜，今日在尖沙咀購物後決定入去試午巿套餐，我叫了一碗白豚拉麵，非常濃郁嘅豬骨湯又香又滑，配上肥瘦適中嘅叉燒，腍得嚟又有肉味，再加埋竹筍、爽口嘅木耳絲同青蔥粒，口感很豐富，麵質軟硬適中有咬口，好味套餐配煎餃子🥟皮薄多餡料，有蔬菜同豬肉碎，很多肉汁，值得一試…查看更多

#豚豚拍子 麵質不錯👍🏻拉麵他的 #拉麵 #🍜 不錯 #黑茶拉麵 #豬軟骨拉麵 有 #溏心多 ，豬軟骨都好淋，像牛筋一樣2人晚餐：兩碗麵+3款小食 連加一 $240。有門前有探熱和提供酒精搓手液，每張枱有塊大餐牌隔著小食方面#牛油炒菇 好香、入味～ #燒牛舌 #牛舌 每次都會叫😂#炸雞 #唐揚炸雞 熱騰騰，大大舊，超熱氣ᶘ ᵒᴥᵒᶅ個人口味評分：7/10環境不錯，有紙巾、七味粉 提供，任添茶#food #hkfood #hkfoodsta…查看更多

喺橫街，我 一直都無留意，同事講起我都仲未知邊間，不過都唔重要，有人帶路就無問題。入到去有bar位同正常二人檯，咁我地當然揀正常2人檯，我點咗香蒜豚肉拉麵，好快有得食，麵質同平時食有少少唔同，係幼身啲，我都幾鍾意，豚肉唔肥又唔係好瘦幾好, 仲有筍, 雖然有人覺得筍好毒, 不過我個人0黎講就幾鍾意, 湯有0的味精, 跟餐點咗奶茶，係即沖三合一，好無誠意，不過落order時waiter 已講明，所以我都無期望。生意似乎幾難做, 68蚊Set lunch 仲有得儲印仔, 50蚊1個印, 儲6個就可當30蚊用, 門檻都低, 雖然Overall 唔高質, 但性價比都算高, 所以我見都幾多人食。…查看更多

同男友收工後去尖沙咀搵野食，間間都長龍，行到一條靜靜地的小巷，有一間裝修好日本的拉麵店，懷念日本鄉下既我地就走左入去試試我地叫左個二人餐，可以叫兩個拉麵同三款小食。我叫左茶香蒜豚骨拉麵，男友叫既係赤豚拉麵，個湯唔算好咸，都幾香，拉麵彈牙，份量都足料所以我地都覺得覺得幾唔錯～小食可以配三款，熱愛炸野既我地揀晒炸物分別係唐揚雞，炸蝦同炸北海道南瓜薯餅我覺得小食好食過拉麵～特別係薯餅，食落去幾甜幾好味，呢幾樣炸物都唔會好油膩，冇炸過龍同新鮮所以我地覺得呢間拉麵店都相當抵食～…查看更多

經過覺得幾香諗住入去試下，滿心歡喜叫左個$88炙燒鮭魚丼。一黎到真係嚇親，不知所謂！超伏！餐牌仲寫明店長推介！我以為我食緊咩垃圾！賣相又吾得！個湯又勁咸！成餐飯都唔知道自己食緊乜！不會有下次囉！…查看更多

呢個二人餐都幾抵食，有兩碗麵同埋小食。拉麵唔錯，湯底好濃，麵條軟硬度對我岩岩好。至於小食，味道其實ok，不過炸野嗰啲上到黎已經有啲凍，唔知佢係咪擺左好耐先上枱。…查看更多

之前呢間店好似叫札幌拉麵， 而家改左叫豚豚拍子拉麵🍜， 位置係尖沙咀嘉蘭圍， 橫街仔， 唔難搵ge. 我而家食🐟鯖魚第一時間會諗起呢度⭐️⭐️⭐️。今日lunch 叫左個🍱鯖魚定食， 我鐘意佢地個🐟鯖魚燒得唔會太乾， 仲juicy, size 又唔會太細喎， 定食有埋湯同🥔薯仔沙律， 🍚飯好有咬口， 唔會太硬。⭐️⭐️⭐️⭐️⭐️我朋友就叫左碗拉麵， 黑蒜油豚肉拉麵。佢話都ok 好食。雖然鋪仔細細， 都有幾張卡座， 環境都舒適。…查看更多