麵屋福

營業中

休息中

自從去完日本之後，時時刻刻都想食拉麵，有時行街都會周圍望下邊度有拉麵食。係荃灣見到呢間專門食沾麵既，正！坐底睇下有咩好食先。其實我唔講，好多人都知沾麵點食，不過呢間舖好貼心，有個poster 仔會講下正確沾麵食法。枱面有唔同既醬料，隨喜好添加。黑蒜油豚骨沾麵，濃厚既黑蒜油湯底，食落好有蒜香味，裡面仲有豚肉同流心蛋，加埋爽口彈牙既拉麵，真係好好食。魚介豚骨沾麵，呢個湯相對地冇甘濃味，魚香味重些，加錢仲可以追加叉燒同流心蛋。因為呢個麵底會比較硬身，如果想淋些，可以同店員講啊！

無意中發現呢間沾麵專門店，所以決定一試，假日嘅中午12點半到達，一個人入座最後一個座位，之後都有其他客人在門外等候。小弟一向係沾麵嘅fans，今次試左蕃茄辣味沾麵，另加咗一隻蛋（沾麵本身已附有一隻蛋）、紫菜同蔥（影相時蔥未到），Total $120。湯嘅味道不錯，只是蕃茄味未算濃，反而辣味控制得不錯，有惹味嘅感覺，而麵嘅掛湯力亦都幾好。但食飽後再加湯時，將原有嘅湯沖得偏淡，大概係因為遷就香港口味，所以將原有嘅湯底調淡咗d，所以當再加湯時就變成更淡，所以喝了兩三啖之後都無飲，下次再食時應該會叫加少一d湯，或者唔加湯飲直接飲。總括而言都是一家值得一試嘅沾麵店。

荃灣有沾麵食啦係‘’秘‘’隔離新開左間“麵屋福”依家做緊優惠 $58魚介豚肉沾麵已經有2塊叉燒 1粒味玉 麵就200g肉質好嫩滑 蛋入味又流心 麵質偏硬但爽口彈牙不過略嫌掛湯能力低 美中不足沾麵汁唔會太咸 鋪上芝麻 炒得好香 好中意啊.小店只賣3款沾麵🍜黑蒜油&蕃茄紅油新開幕期待送小吃/飲品 好抵啊

番茄紅油沾麵，一碗有勁多番茄，好濃好稠，豚肉亦放喺湯入面，只要將麵條浸落湯再一口食晒，好滋味！唔好睇小一碗麵嘅份量，其實都好多～下次黎荃灣都可以再食呢間！夜晚開始要排隊啦

荃灣唯一一間沾麵專門店, 就好似日本既小店一樣, 全店沾麵就只有三款。 簡單。 專注。 我喜歡。 呢日同男人收工八點幾黎都全店滿座, 等咗一陣就有位了, 三選一沾麵同配料飲品, 每款沾麵本身已有叉燒同半熟蛋, 可以因應自己既需求再添加配料或者加麵, 店員亦會細心問沾麵既腍度, 我地就比較鍾意硬身少少比較有口感。 枱上有小牌子教你沾麵小貼士, 首先一小撮麵沾滿濃濃既湯品嚐, 食哂麵後可以叫店員加木魚湯, 可以飲埋個湯底。🔸魚介豚骨沾麵🔸⭐⭐⭐⭐⭐好濃郁既豚骨湯底, 加上大量蔥、 芝麻、 木魚粉等等, 最原始但好豐富既味道, 食食下麵仲發現湯底有少少柚子(?), 令個到湯底加一份清爽而不油膩既感覺。 粗身既麵條放落湯度掛滿湯汁, 一口接一口, 叉燒都好入味, 加埋半熟蛋就更加正。 食完麵後加咗少少木魚湯, 根本佢地就係好朋友, 不其然就清哂成個湯。🔸蕃茄紅油沾麵🔸⭐⭐⭐⭐⭐酸甜咸香辣集於一碗湯底, 紅油既微辣令原本酸甜既蕃茄湯底多了刺激感, 但又好夾好順口。 湯裡面仲有好多好入味同淋既蕃茄肉, 蕃茄湯愛好者必定喜歡。睇得出餐廳用心煮出好味道既沾麵同湯底, 我地必定會再黎食, 推介! 推介!

荃灣最近新開左間沾麵鋪身為荃灣人緊係要試下啦入面位置唔太多都要排一陣隊先有位有三款沾麵選擇魚介，黑蒜油同埋蕃茄味我就選左魚介豚骨味呢個價錢已經包左溏心蛋 叉燒同埋荀嫌唔夠仲可以加錢另外加附大大量蔥好香蔥味唔食蔥既人記住要走蔥呀麵既質感有係日本食到既質感 好煙韌而且分量非常多麵條比較粗 所以較易沾到麵汁食而魚介豚骨麵汁好濃郁好香魚介味食完麵仲可以加木魚湯飲埋麵汁既精華夠哂喉呀朋友就叫左黑蒜油豚骨味好香濃既蒜香味

鐘意食沾麵既我地今日黎到荃灣搵食原來就係荃灣廣場後面 都好易搵wo入左去坐發現都好多人黎食woKeep住有人入去有拉麵店傳統 冰水跟住就係無果樣搞果樣既炸醬同辣醬仲有d self service 水杯 牙簽等等落單既時候 好貼心甘有問洗唔洗煮淋d因為好多人呀 又係小小店所以要搭枱 無所謂啦第一個到既係黑蒜油豚骨沾麵有另外加多左一隻蛋跟住就係我既魚介豚骨拉麵原來裡面收藏左一隻溫泉蛋！個肉都好淋 唔乾 而且有豬肉味仲有柚子皮 唔怪得甘好食啦仲有沾麵當然係可以提供淡湯底加落去你食完既湯到 再一飲而盡 食晒佢個精華啦流心蛋由於不專業示範一d都唔靚.. 放最後啦但我真係一般般 無乜蛋味

荃灣修理車的地方特別多，就在荃灣廣場百佬匯哪個門口外面，幾乎都是修理車的店，我之前跟朋友來修理車，所以知道了這個地方，我在附近找到一家好好食又平價的沾麵，想說介紹一下。店面小小的，位置又不起眼，真的是修理車的時間，在附近走走才看到。裡面的地方不算大，但人客好多，快位滿，走了又會有人來，我覺得最貼心是地方不大，但都會有個洗手間的地方，對食客有責任。一坐下先會給一杯水，不要小看，現在好多餐廳都做不到，只是一杯水都要散掉，其實可以選擇的款式不算多，好多拉麵店／沾麵店都是這樣，因為不是太多款式，就可以把最好食的部分做到最好，我都覺得這樣會比較好，我們選擇了兩碗，一碗要黑蒜油豚骨沾麵加肉，一碗要魚介豚骨沾麵加可樂，一定一定要看教學，先把麵放下沾麵的湯，沾一沾就可以食，食完整碗麵一定一定要叫店員加湯，它們加的湯不是普通的湯，是木魚湯，把整碗湯喝完才是最完美的，真的一定要食到最後。枱上還有一些調味料，覺得不夠味的可以加，個人覺得是不用啦。說著說著，麵已經到了，看起來顏色好像沒有太大分別，因為餐牌沒有寫，所以我們都以為裡面什麼都沒有，想不到沾麵濃湯裡面已經有一隻流心蛋跟兩塊肉，沾麵湯底很濃，把麵沾一沾

荃灣有好多好嘢食，呢間沾麵一定係其中一間湯底同麵都好好食的店。收工開心仔，兩個人試下新嘢！我地一共叫左兩個麵，一個係番茄紅油沾麵，一個係黑蒜油豚骨沾麵。聽朋友介紹話可能會唔夠食，所以一碗係加左底，一碗正常size，睇相黑蒜個碗係多d嘅。麵底真係無得彈🤧好黏韌好好咬，啱曬我呢d偏愛較彈牙的食物的人🙈。尤其係粗麵，因為每條麵都沾到較多的湯汁，咁食的時候就會好夠味道，咬下咬下，麵的澱粉甜味都會慢慢滲出黎🤤。雖然話番茄紅油沾麵，但唔係好辣，反而新鮮番茄的味好出，唔係一味番茄醬的甜同酸，因為佢加左好多新鮮蕃茄蓉，所以酸得黎係淡淡的蔬菜感覺。黑蒜就較重味，黑蒜真係好突出，成個感覺同蕃茄完全相反。我自己鍾意食蕃茄味多d，但朋友就鍾意黑蒜的湯多d。btw最後，係可以加湯飲埋d沾麵湯，咁就叫完成左成個沾麵啦！

想不到荃灣西有一間這麼地道的沾面店行到去大壩街其實很多食店云云當中見到一間平平凡凡 但充滿日本🇯🇵氣息🗾的小店入到去好似置身日本拉麵館不過其實這裡是吃沾面的餐牌很環保 有顏色筆畫完可以重用我們點了兩款1. 魚介豚骨沾麵🍜驚喜之處 入面有一條條柚子皮你成個湯汁提鮮 減低油膩感 做得很好👍🏿哈 我們追加了叉燒🥓（其實湯汁入邊已經有兩塊叉燒 同 一隻糖心蛋）2. 黑蒜油豚骨沾麵🍜追加溏心蛋🥚一向黑蒜油都是我的最愛 重口味😋（同樣地女其實湯汁入邊已經有兩塊叉燒 同 一隻糖心蛋）

適逢週末天雨濛濛，最好附近覓食。秘隔黎開左間我最中意食嘅沾麵店，點都要試下！ 叫左個魚介豚骨沾麵，超香、好好食！麵夠彈牙，魚湯又唔會太濃又唔會太咸，果然冇令我失望！$73 一碗沾麵入面有一隻半熟蛋、好似有兩塊叉燒（有一塊因爲碎左，唔知佢有兩塊定一塊），奇妙在佢湯配柚子皮！酸酸甜甜，開胃！好食！值得推介！附教學教你點食沾麵，最尾仲可以加湯飲哂啲湯！ 我地仲叫左碗黑蒜油豚骨沾麵，黑蒜味濃，冇魚介湯咁好食！推薦魚介湯豚骨沾麵！我會再回頭食！

話說最近響荃灣發現咗間新開嘅沾麵店，相比起搵麵店，香港嘅沾麵店真係少之有少，獨沽一味只做沾麵，冇拉麵都冇餃子，坐低唔洗諗太多，淨係沾麵汁三選一就得😗口味有最基本嘅魚介豚骨、黑蒜油豚骨同埋好少見到嘅蕃茄紅油，作為蕃茄控嘅我當然揀蕃茄口味啦，而飯腳朋友就揀咗魚介豚骨。先講基本款魚介，唔知係咪未撈勻，試咗一啖湯感覺啲芝麻味介重過魚介同豚骨味😂至於我個蕃茄就幾特別，除咗陣茄味之外，仲加咗紅油食落有啲辣辣地但又唔算超辣，夾埋一齊其實有啲似酸辣湯，開胃得嚟又唔會膩，另外仲可以加芝士粉即刻變西洋風味😛落單時店員話佢哋嘅麵條比較粗，所以會特別問食客需唔需要煮腍啲，鍾意食腍嘢嘅我當然揀要腍啲，腍得嚟依然有咬口同彈牙感，叉燒屬於薄身唔肥偏瘦，不過都有肉香唔會好乾柴，味筍爽口冇渣唔差半熟蛋流心狀態幾靚而且蛋筍幾夠幾高質，唯一係個沾面汁唔夠稠唔係太掛到上麵，而且味道都唔算話好濃咁，可能係想迎合香港人口味，個人就覺得可以再重口味啲😛

第二次黎呢間嘢食沾麵，今次係食過返尋味！第一次黎係見到呢間係新開嘅餐廳，小店得黎又乾淨企lee，仲要教人點食。食完之後就鍾意咗食沾麵。之後係尖沙咀都食過其他舖頭嘅沾麵⋯⋯果間鹹到GG。我先知道原來呢一間真係好食加上⋯⋯上次同男朋友黎食留下咗特別嘅回憶⋯⋯😂😂😂於是今次我地又黎食過依舊都係咁好味。第一步，邊浸邊食～救命啲麵好彈呀（事先員工會問你洗唔洗煮lum d 但我鍾意食煙韌啲嘅所以冇要求到）雖然我唔食蔥，但係啲沾麵汁湯真係好香⋯⋯夠味之餘重點係唔會好鹹！！！！（怨念），加上提供冰檸檬水，又掃咗層濃味，唔會覺得好膩。因為加咗底，我食極都食唔晒，最後我浸晒啲麵，男朋友問我咁同食拉麵有咩分別😂😂😂食晒啲麵我就叫員工幫我加湯好飲🤤🤤🤤🤤遲啲再帶屋企人黎食哈哈（題外話，老闆好聰明，將落單紙過膠，可以重複使用，雖然唔係環保手然，我都覺得要加一分🤣）

星期日媽媽話唔想煮飯起荃灣行完街 決定食埋dinner先細佬提議食沾麵 帶左我地去麵屋福雖然係小店 但裝修一d都唔馬虎由外到內都係滿滿既日本風感覺都好似去左日本咁小店先夠溫馨荃灣都真係搵唔到第二間食沾麵自選湯頭、配料、飲品Staff落單時會再問麵質要硬/稔/正常枱面放左各式醬料牆上仲會教你點食沾麵湯頭同麵係會分開上1. 先夾起少少麵2. 將麵沾湯頭食3. 食哂麵之後，可以同staff講，會幫你加湯，然後就可以飲哂d湯我要左黑蒜油豚骨沾麵湯頭濃郁 麵質選左硬 食落都ok彈牙幾欣賞個半熟蛋 夠流心食落去 蛋汁湧哂出黎媽媽要左魚介豚骨沾麵佢都話好食 最後連湯都飲哂

今日同媽咪黎荃灣行街， 食左呢間沾麵，竟然有驚喜😋要大力推介一下。—————其實間野開左係唔係咁起眼既地方，喜歡食沾麵既人絕對要黎幫襯一下支持小店。店面是咁樣的，入面好似得5-6張檯，見到得兩個店員，一個負責廚房，一個負責樓面，感覺有點吃力，但速度卻很快，等左5-8分鐘就有得食。距有三種濃湯供應， 我地叫左黑蒜同魚介。本身有包一塊紫菜同一個半熟蛋，但我就有再追加兩樣野，驚唔夠飽🤣🤣距每張檯的牆邊都好細心地貼上沾麵小知識，你慢慢mix with 濃湯食完曬所有沾麵後，就要叫店員幫你加魚湯落濃湯度，然後可以飲曬d湯，慢慢品嚐距湯內的精華。媽咪叫左硬身的麵條，我叫左正常，麵條色澤好靚，粗幼均勻，而且擺放得好靚，有條不紊咁，睇得出店主的用心。用筷子🥢逐撮逐撮地夾起，沾上濃湯，麵條不會痴埋一堆堆。魚介湯非常鮮甜，黑蒜湯亦有特色。（可看下圖）魚介湯黑蒜湯整體來說，味道中上，其他細節，倒如擺碟，選擇麵條，煮的過程，到最後整體的呈現都很日式化，完全感受到店主用心烹調。會繼續支持🥰🥰