麵屋神匠

營業中

休息中

天氣凍最岩就係食返碗拉麵啦！呢間近油麻地嘅拉麵店店面都好大，加上精緻嘅裝修，非常吸睛嘅 。之前路過都見排長龍，咁岩夜少少成八點幾九點去就有位，於是就試一試 。二人餐包兩碗拉麵、一個小食、一隻糖心蛋同兩個飲品 。濃厚蝦湯拉麵嘅湯底真係非常濃郁，再加咗大量櫻花蝦，令到食落每一啖都有好鮮甜嘅蝦味另外叉燒非常厚身軟腍，唔算好肥但都有肉香 。溏心蛋就好岩我個人口味，我好中意蛋黃半熟嘅濃稠感，而蛋白位置又有醬油嘅甜甜咸咸，整體我覺得算係高質嘅溏心蛋至於主體拉麵就屬於幼身拉麵，食落非常彈牙，亦都好掛汁，唔錯嘅小食方面我就揀咗炸雞，炸得非常香口，唔會乾身，咬落每一口都有雞油香，而且每一舊都大大舊神匠蕃茄蝦湯沾麵嘅湯底就係濃濃嘅蝦湯再加上蕃茄嘅酸甜，惹味得黎就更加開胃呢款叉燒同湯拉麵唔同，燒過嘅多咗陣焦香味，入口更加軟綿，不過肥位多d就容易膩。拉麵就屬於粗身拉麵，而且望落好似係蕎麥麵，食落都係好有彈牙，個人覺得粗麵係更加有口感另外配上一塊少少嘅麵包雖然同碗麵放埋一齊有d不明所以，但塊麵包同個湯非常之夾

貼近攝氏十度的氣溫去吃碗熱騰騰拉麵是一種享受。舖面正門方向比較特別，是斜角，面向油麻地體育會。黑蒜醬油拉麵不是死命的厚厚黑蒜油浮面搶味，是愈吃愈滲出來那種，淡淡黑蒜香在口腔留至晚上，麵質是硬軟適中有彈牙嚼感，兩片大於掌心的日式叉燒肥瘦適中輕易絲絲嚙開，溏心蛋同樣可愛，外皮及幼滑蛋黃透出清香醬油味。辛辣蝦湯拉麵不算狠辛辣，若以米線的辣排序大致屬BB辣，呷了不少啖蝦湯，蝦味濃。小食法包配羅勒醬夠薄脆，醬就是那種泰越式金不換香；南蠻炸雞不油膩，內裏似是混合薯蓉。

天氣太凍，好想食配熱辣辣既拉麵店🥰🥰而且佢嘅二人餐組合真係超值又飽肚，下午茶仲抵啲😌😌首先係佢嘅『濃厚蝦湯拉麵』，真係一碗好滿足嘅湯底！😍😍湯底鮮甜，有濃郁嘅蝦味，拉麵本身又有嚼勁，同湯底完美融合。上面仲有啲新鮮嘅櫻花蝦乾、大大塊肉片，增添口感同鮮味。對於愛蝦嘅我嚟講，呢碗拉麵真係一級棒！😋😋再嚟就係『蕃茄蝦湯沾麵』，😌呢個係一款特別嘅菜式！湯底以新鮮蕃茄炮製，酸甜味道好開胃。沾麵本身有嚼勁同埋有啲Q彈，同湯底一齊食真係好夾好味！加埋啲新鮮嘅蝦仁同蔬菜，令味道更豐富。🤪🤪如果你鍾意特別嘅湯底同口感，呢碗沾麵係你嘅首選！🤓🤓除咗湯麵，我仲試咗佢哋嘅『炸雞軟骨』，真係一啖難忘！炸得香脆嘅雞軟骨，肉質鮮嫩多汁，每一口都好有嚼勁！😗😗配上佢哋嘅沙律醬，真係好開胃，令人停唔住食！☺️☺️絕對係啱响麵食之間當個小食或者分享一齊食！😎😎食完嘢，我仲試咗佢哋嘅『糖心蛋』，😃😃真係好滑好嫩！切開嚟，傾出嚟嘅糖心，簡直係人間美味！每一口入口都係一種享受，好滿足呀！😝😝佢哋嘅二人餐組合仲有兩罐汽水。份量非常足夠，兩個人食得好飽！而且價錢都好實惠，真係超值！😗😗🤩

收工同朋友搵食，落到旺角五光十色都唔知食咩好？行到旺角與油麻地中間橫巷，門外掛滿燈籠🏮，吸引眼球去望下《麵屋神匠》鋪內有好多人，門外亦有人等位，抱住試吓既心態試試行入鋪頭雖然鋪唔算大，大概有廿幾三十個位，店員好快遞上餐牌，除左有單點食物外，有一人、二人、四人及兒童套餐，價錢都好相宜我同朋友選左二人套戲我要湯麵朋友要拌麵睇相片就知，色香味俱全，麵質好正，湯底好濃，好多櫻花蝦套餐包一小食，我選了炸雞，呢個就普通咗啲另外一樣想講，糖芯蛋，跟套餐送兩邊（一隻）拌麵跟兩邊（一隻）湯麵跟一邊（半隻）即係我同朋友食左共兩隻半蛋，勁飽值得再嚟

今天去了旺角一間日式拉麵店叫麵屋神匠，入面掛左好多燈籠🏮好有日式感覺😃神匠二人套餐 $249有2款主食，1款小食和另包2杯飲品濃厚蝦湯拉麵 🦐🍜拉麵湯底非常濃郁，好鮮甜蝦香味，有叉燒、溏心蛋、筍條丶櫻花蝦丶紫菜等，而拉麵非常彈牙，極力推介😍辛辣蝦湯拉麵 🌶️🦐🍜辛辣蝦湯拉麵係辣味混合蝦香味，口感豐富🤤日式南蠻炸鷄🐔外皮炸至金黃酥脆，雞肉肉質鲜嫩，加上塔塔醬，味道不錯😋🎇麵屋神匠🎈旺角彌敦道562號地下B號舖整體得分: 4/5味道: 4/5環境: 4/5抵食: 4/5

超難食好似將個罐頭蕃茄用加熱就出餐 蝦味！？零。食都唔想食 。收服務+1費，唔緊要。水都唔加，見到人哋食晒就嗱嗱臨收咗個餐好似趕人走咁。仲有食一個濃蝦湯拉麵 淡茂茂咁 。

早排行完信和三點幾搵野食，見到有下午茶就行過去食，叫左個蝦湯拉麵同炸蝦球蝦湯湯頭算濃郁，叉燒都好嫩好多汁，同湯頭加埋都算match！蛋煮得啱啱好，蛋黃流出嚟唔會過熟！唯一可惜嘅就係啲紫菜唔夠脆喇，希望佢哋可以改進返呢個問題啦。然後嚟講下炸蝦球啦，外皮炸得好酥脆，食落去好有咬口！同埋入面有爆醬嘅餡料，食完都叫有啲驚喜！總括嚟講，拉麵同小食都係水準之上，下午茶唔洗加一，$100左右，幾抵食，下次經過會再去

叫咗個醬油叉燒拉麵， 啲醬油湯底唔知咩味， 總之一啲都唔入味！ 仲有個小食係個多士， 綠色醬嘅！我唔記得叫咩名！ 食完一啖！ 個喉嚨入面會有陣苦味咁樣嘅！唔識形容！以後唔會再幫襯！

認真啲野真心難食，個小麥茶苦到飲緊涼茶咁。唔明點解仲可以咁多人食。 慢煮豚肉難食到呢。塊火炎豚都好小小，不過簿切個隻囉不值得一試，朗豪坊4樓某一間仲好食，起碼個湯底好食先。

openrice訂座送餃子喺間舖頭門口即刻訂座20分鐘後嘅時段因為當時算早 舖頭有好多位店員照畀我提早入去餃子正正常常啦 啱啱整起脆卜卜碗麵超驚艷 份量啱啱好雞蛋好食 啲蝦好食 嚿肉好食 燒得夠香唔肥膩 厚度適中唔太薄啲麵軟硬適中 個汁甜甜地 超啱我口味所有嘢加埋一齊就係簡單兩隻字 好食🤤🤤👍環境乾淨 waiter有反應 食物上得快 整體嚟講唔錯 唯一唔好就係用信用卡有金額下限 78蚊碌唔到credit card呢間舖頭亦都係我少有推介咗畀人哋食嘅餐廳78蚊有餃子有撈麵有杯茶旺角嚟講算唔錯

拉麵上枱，湯係唔熱嘅，作為拉麵店，連基本都做唔好？酥炸魷魚諗住點整都唔會衰得去邊，點知都有油"憶"味 同超硬，同職員反映，佢嘅回覆係，我地嘅魷魚係炸完再翻炸，咁樣先會脆(我知有啲餐廳係會用厘個模式處理食材，但人地前題第一個步驟唔係已經將食材炸到全熟呀！！人地係到有客人落order先拎去再炸)我已經唔想再表達d咩，直接取消！可能係下午茶關係，員工比較懶散。最後我的建議，如果大家真心想食好食嘅拉麵，厘個價錢，係旺角可以有更多選擇，厘間真心差！！

旺角一個有好多拉麵食嘅地方，點樣先可以鶴立雞羣呢？第一係要有特色，第二係有特色得來又好食😋今日想同大家分享吓呢間「麵屋神匠」啦！店內設計好繽紛，幾有日本🇯🇵feel，牆上有隻大大柴犬既開心樣，睇見會心情愉快😊我自己就好鍾意食沾麵嘅，咦咁啱神匠都有沾麵可以食喎，於是乎就試下「番茄🍅蝦湯沾麵」，每次食親沾麵我都會先飲啖湯，香濃嘅蝦湯配上又酸酸甜甜的番茄、再加埋櫻花蝦，簡直美味😍😍！麵底軟硬適中，义燒口感啱啱好，半熟雞蛋好好食😚但係我到而家唔明點解要擺紫菜🤣究竟紫菜呢係要即刻食吖定點？因為冧咗好韌🙄男朋友就叫左「濃厚蝦湯拉麵🍜」，一樣都係有香濃嘅蝦湯，其實我係試咗佢嗰碗蝦湯，覺得好好味🤩，隨後先再叫我碗沾麵😎點知我個碗更加好味✌🏻✌🏻✌🏻好開心呀好幸福啊可以食到咁好味嘅沾麵🥰🥰🥰

【旺角•麵屋神匠】————————————————————————旺角鬧市中嘅麵本位 適合新寶戲院睇完戲過隔離醫飽肚 採用木系日料設計 違和感十足 店內裝修別具日式風格 有多款拉麵任意點 自行配搭diy感十足啱曬拉麵迷｜神匠二人套餐A｜HKD 230-濃厚蝦湯拉麵大量櫻花蝦攬住拉麵 每一啖都有濃厚嘅龍蝦湯底味道 拉麵麵質彈牙-神匠蝦汁拌麵不愧為神匠蝦汁 口感獨特 有新派拉麵格調 未試過嘅話不妨一試-炸日式餃子（5件）炸餃子絕對係每一碗拉麵嘅好朋友｜可樂&忌廉｜HKD 6+6拉麵搭汽水即刻舒暢返曬餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰消費 HKD253/2位✨✨✨✨✨✨✨✨✨✨✨✨✨#旺角美食 #麵屋神匠麵屋神匠旺角彌敦道562號地下B號舖

2021.12.27從朋友口中得知係旺角發現有間未試過既拉麵店，所以今日約埋就去試啦。😄同之前試過既店一樣，主打沾麵同湯麵為主，湯底以蝦湯為主，今次我就試黑蒜蝦湯拉麵。🥣🥣🥣湯底係清既蝦湯，湯表面黑蒜油都幾多，香味雖然增加胃口，但黑蒜味道比較重，蝦湯既鮮甜味變左唔夠出，但湯底冇腥味，處理得唔錯。🍜🍜🍜麵係方形中太麵，冇鹼水味，而且有彈性，唔會一咬就散，比起之前試既麵更加煙韌，好似咬緊珍珠！暫時食過最好食既麵👍🏻👍🏻🍥🍥🍥配菜有叉燒兩塊，竹筍，青蔥，半只糖心蛋，仲有紫菜兩塊。竹筍唔硬冇怪味，有甜味，麻油味唔重，好食。叉燒係低温慢煮制作既薄叉燒，大約手掌大小，食落有豚肉味冇豚肉既腥味同出血水，而且有肉既彈性。糖心蛋好香醬油味，蛋黃半成熟左右，每次食麵，我最期待係食落好似食緊布丁一樣既糖心蛋。😄😄哩間店雖然係近後巷，但唔難揾，係家樂坊行去油麻地方向會好多人經過😃😃店內係長形店，裝修以和風木材風格，吧檯同方檯都係以木材為主，🌲🌲有一大片落地玻璃，然後有好多和式既燈籠，店內睇落場地不大，坐滿人大約有30人左右。不過有提供置物籃比客人放手袋，店員都好主動走過黎上餐收碗同加水，非常讚👍🏻唔知店主老闆

叫左柚子鹽湯蜆肉拉麵鹽湯夠清柚子唔苦，調到個清既味略嫌蜆肉太淋，無哂彈性略嫌無太多湯可以掛到係拉麵上面叉燒相當好，夠味夠滑夠一咬即斷炸餃子都幾好，唔會好濃店員服務態度都好好，辛苦哂