麵屋神匠

營業中

休息中

呢間位於旺角同埋油麻地交界嘅日本拉麵店係小編食過好多次㗎啦😍 平時就算係自己一個人諗唔到食乜定係同朋友一齊都會食呢一間嘅拉麵🍜 小編最鍾意佢哋嘅沾麵同埋拌麵 😆 上星期就同朋友食咗佢哋嘅二人套餐🥰😎.🐷柚子鹽湯蜆肉拉麵🍜感覺上個湯底都幾清澈 非常之好 因為唔會令人覺得有好油膩嘅感覺😆 而且柚子嘅香味加埋落去 令個感覺冇咁孤寡 同埋個感覺有少少似 有啲煙燻出黎嘅香味🤣 蜆肉嘅份量 我自己就覺得都算係對得住個價錢 麵條就比拌麵腍少少 但係都唔錯🥰 同埋都有兩塊肉、半隻糖心蛋 所以食落去覺得都幾豐富㗎.🐷神匠蝦汁拌麵🦐推薦所有人試吓呢一碗拌麵 佢個麵嘅麵條比起湯嘅拉麵更加彈牙 而且個醬汁係超級超級超級濃郁嘅蝦香味😭😭😭🥰🥰🥰 而且仲有啲細細隻嘅櫻花蝦乾 撈埋一齊嚟食 無論係口感定係香味都好充足 而且仲有幾塊灸燒叉燒😜 整得幾香 同埋有成隻溏心蛋 我自己就覺得都幾豐富呀⚠️⚠️不過大家留意 呢個背面係有芫荽嘅 我自己就好鍾意食芫荽 不過我知道有啲人唔鍾意食芫荽 🌿 所以大家叫嘢食嘅時候 😂😂 就自己留意同埋調整啦⚠️⚠️.🐷溏心蛋🥚🥚其實本身每一碗麵都有一隻或者半隻溏心蛋🥚 不過好味嘅嘢就冇人嫌多嘅🤣

Pretty like this japanese chamber styled environment, the foods are coming so quick waited only five minutes and our dishes arrived Creamy Shrimp Soup Ramen having good rich taste, good eating ramen with this flavored pork pieces tasting bit of weird, soft boiled eggs are well cooked haaOrdering Pomelo Clam Ramen is such a wrong choice, the flavor is too light if you eating ramen…have to dip into shrimp soup when i eat the ramen, first trying a ramen in this light flavored soup..fried chicken nu

神匠蕃茄蝦湯沾麵湯頭濃郁，有濃濃蝦的香味，再加上蕃茄的酸甜，真是絕配！湯入面原來加左洋蔥去煲，唔怪之得特別甜！叉燒燒得好香！不過塊香草麵包就唔係幾夾！柚子鹽湯蜆肉拉麵湯頭有著柚子的清新香氣，和蜆肉的鮮甜完美融合在一起，讓人一口接一口。日本蘋果梳打汽水這款汽水帶著濃郁的蘋果風味，清爽又不會太甜，非常開胃。小食：日式南蠻炸雞南蠻炸雞酥脆多汁，配上沙律醬，絕對係小食既好選擇。小食：糖心蛋金黃色的蛋黃湯汁緩緩流出，口感超級順滑，每一口都讓人陶醉其中！

成日行過油麻地個邊都會見到間裝修好有日本feel🇯🇵 嘅拉麵店🍜，小妹－直都好想入去試下；難得經過唔使排隊就有位，咁就梗係即刻入去啦🤭入到去見到有好多燈籠裝飾🏮真係好有feel，好似去咗日本d慶典咁❣️我地食左：👉🏻✨極上蟹白湯拉麵✨ 湯底有好香濃嘅蟹味同豬骨味🥰鮮甜都不得了；雖然味道濃厚，質地creamy，但都唔會好重油膩感；湯拉麵既麵底用左d比較幼身既麵質，軟硬適中，唔錯👍🏻湯麵面頭仲放好多、好大嚿嘅新鮮手拆蟹肉、超有蛋味仲流緊心嘅溏心蛋、2片大大塊冇乜脂肪既雞叉燒，、爽口嘅荀片再加埋點睛之筆嘅蔥花…配料實在超級豐富👍🏻不過最正都係個湯，我個Fd 好快就將佢飲到一滴不留🫣✨烤日本味淋魚乾✨ +$38唔會太柴同硬👍🏻甜甜哋配埋沙律醬再加少少七味粉🧂簡直冇得輸😍✨神匠蕃茄蝦湯沾麵✨ 因為系沾麵既關系，蕃茄蝦湯🦐係另上嘅，湯頭酸酸甜甜幾重蝦味；上面放左好多香口又脆脆哋嘅櫻花蝦令到個湯頭更鮮更濃，入面仲有d蕃茄肉可以咬下🍅有口感得梨又幾有層次！呢碗沾麵既麵底用左d比較粗身既麵質，煙煙韌韌咁夠哂彈牙；配料亦都有蛋香十足嘅溏心蛋、2片大大塊、充滿焦香既炙照半肥瘦叉燒同幾片爽脆嘅荀、紫菜同蔥花．．

每次經過呢間拉麵店都大排長龍😀今晚見到唔算太多人排緊，一於走去試吓！晚上時段有神匠二人套餐，有兩個麵，一隻糖心蛋，加埋小食同飲品，價錢唔貴都係二百幾，但係就好豐富！神匠蕃茄蝦湯沾麵，一上到黎已經好吸引個碗裝住濃濃蕃茄湯，入面仲有好多櫻花蝦😊感覺好足料，湯底蕃茄味香濃，但係又唔會太鹹。佢哋嘅面質感比較硬身有咬口，份量好多好抵食。如果啲湯食晒或者凍咗仲可以問職員拎鰹魚湯👍🏻濃厚蝦湯拉麵 我朋友仔最鍾意食蝦，呢個湯就啱晒佢，佢想糖心蛋蛋黃同湯底混合之後味道更加香濃！叉燒方面，肉質比較瘦咬落去香口。佢哋嘅面底都唔錯，係比較幼身可以掛到更加多汁。配埋小食溏心蛋、日式南蠻炸雞成個餐就大滿足😁

由油麻地穿過旺角嘅小巷，經常都會路過呢一間拉麵店，每一次都約咗人冇機會食，今次就特登出去試一試佢😌濃厚蝦湯拉麵🦐🍜 $98首先面底唔係曲麵係一般常見嘅幼麵，但係都一樣做到好似曲麵咁嘅效果咁掛湯👍🏻蝦湯味好濃郁，唔係求其加啲櫻花蝦落去就算😋火炙叉燒醬油拉麵🐷🍜 $88一啲鹼水味都冇，又係一個加分位👍🏻再嚟就係兩碗拉麵都好夠熱，拉麵夠熱係首要條件😋而且味付玉子亦都好夠味好流心😋餃子🥟 $32食落比賣相更有驚喜，夠晒脆亦都夠晒味😋

12點開門，今日學生妹早啲放學，我哋11:40到，因為佢未準備好營業，我哋喺出邊等，今日風好大，實在太凍，我哋等到53分問店員可唔可以入去等，出邊風好大，店員話入邊未準備好（應該係話廚房未準備好，我哋見到樓面已經準備好，所以我哋先問佢可唔可以入去坐），我哋話咁我哋企喺入邊等都唔得？佢話唔得⋯⋯如果係平時唔俾入去等我覺得OK，不過今日真係又大風又凍，我仲唔係帶住個學生，體驗感真係非常之差，唔會再嚟幫襯

濃厚蝦湯拉麵蝦🦐湯好濃厚，但不太油膩，表面鋪滿櫻花蝦，好香，用咗細麵都幾掛湯，份量幾多，叉燒好大塊，咬落非常滿足，有兩片，重口味人士必點，推薦👍🏻柚子鹽湯蜆肉拉麵蜆大大隻，好鮮味，有淡淡嘅柚子香味，胡椒味幾香，湯底行小清新路線，幾鮮，食落好舒服，無滯嘅感覺，叉燒有豬肉味，品質唔錯～流心蛋流心效果明顯，微微醬油甜味🥚炸日式餃子半煎炸煮法，外表脆卜卜，作為小食，份量剛好😋#foodiblum日式

個排要辦年貨同整頭髮，搞到好晏先食嘢，所以又去方便就腳又好食既日式拉麵店😉😉首先，我要講下佢嘅招牌菜──濃厚蝦湯拉麵。佢嘅湯底真係非常濃郁，🥰🥰實在係蝦味濃厚到爆！湯底係由新鮮蝦煮熬而成，入口即感到滿滿嘅鮮味。天氣凍而飲到呢口湯真心正😏😏拉麵本身都好有咬勁，彈牙又入味，同湯底絕配😃😃啲豚肉都大大塊，我食極都食唔完😂接着，就係柚子鹽湯蜆肉拉麵。😋😋呢個湯底真係好特別，有一種清新嘅柚子香氣，令人覺得好開胃。🤭湯底係以柚子、清鹽同蔥花熬製而成，味道清爽又不失層次感。湯底唔算太濃，但又唔會太淡，完全係恰到好處。😆拉麵同湯底一樣，都好好味，麵條咬落去有種微微的彈性，同湯底嘅配搭絕對係絕配。拉麵上面仲有鮮嫩多汁嘅蜆肉，☺️加入啲蜆肉令呢碗拉麵更加豐富美味。🤪最後，我要講下佢嘅小食──炸芝士球。呢個小食真係超級好食！👍🏻👍🏻炸芝士球外脆內軟，芝士煙韌嘅質感同濃郁嘅味道好搶眼。每啖咬落去，芝士會流出嚟，令整個口感更加豐富。我真係食得停唔住，一啖接一啖，真係太過癮！😳😳呢間真係食宵夜之泉😊

🍽麵屋神匠濃厚蝦湯拉麵+紫菜～黃金熔岩蝦球(TeaTime)湯底果然好濃厚👍依個濃度小編幾鐘意🤡超濃厚到不得了🤤可惜麵質口感偏淋🫠不過有旁邊櫻花蝦增加返口感✌️叉燒仲要幾大塊😜滿足👍黃金蝦球味道唔錯咬落有流心口感不過略為有啲貴😅盛惠$1xx💰💰💰💰💰好味指數🫵 5️⃣最佳🍻🍻🍻🍻☻非專業食評·純個人口味☻🗣️仲有咩想講小編就覺得麵質可以煮返爽口d😅亦可能小編無特別講～不過食物質素整體唔錯👍有機會黎試埋個蟹湯😝

同朋友響旺角做完Facial後，想搵間餐廳醫肚。經過呢間拉麵店時，留意到佢既裝修有著濃厚的日本風情，所以決定入去試吓。內部的裝飾主要以燈籠為主，營造出光亮而美觀的效果，令人感覺彷彿置身於一家傳統的日本拉麵店。我地點了二人套餐，包兩個麵及一個小食👅濃厚蝦湯拉麵🍜麵上有半隻溏心蛋，還有大量香脆的櫻花蝦，仲有一些筍和兩片叉燒。叉燒的肉質非常嫩滑，唔多肥膏，非常適合怕肥膩的人。筍很新鮮，湯頭濃郁帶有濃厚的蝦味，質地濃稠，令麵條充分吸收湯汁。配上蔥花一起享用，令整碗麵更加清爽，冇咁油膩😍神匠蕃茄蝦湯沾麵🍜呢碗麵上有兩片火炙叉燒，一些筍和紫菜，另外仲有一塊羅勒醬多士。這種腩肉叉燒望上去有幾層，一層肥膏一層瘦肉，入口時好有層次感，而火炙後令肉味更加甘香。沾麵的麵質比較彈牙有嚼勁，配上一隻溏心蛋，這隻蛋亦非常入味。而蕃茄蝦湯裡面就有粒粒嘅蕃茄肉，上面灑滿了香脆的櫻花蝦，湯汁非常濃郁，帶有好濃的蕃茄味道，與沾麵係絕佳配搭🈵黃金熔岩蝦球🥰外層炸得金黃酥脆，內部有流心芝士，芝士略帶甜味，配上蛋黃醬和椰菜絲一起享用，唔會感到太肥膩🤤呢間拉麵店的水準達到了日本的水準，而兩人份量非常足夠，食完後感到非常滿足🫶🫶

仲好記得第一次經過就比玻璃牆上嘅燈籠吸引感覺好有日本味道不過當時好多人排緊所以就打消念頭之後經過幾次都係好多人排隊今次終於無咁多人一於入去試試佢點左果二人餐有兩碗拉麵，一粒溏心蛋再加多一個小食母親大人鍾意濃味啲所以點左濃厚蝦湯拉麵本人今日想食得清淡啲。所以要左果柚子鹽湯蜆肉拉麵小食揀左黃金熔岩蝦球拉麵一上檯見到仲有煙夠哂熱母親大人表示湯底非常濃郁櫻花蝦都好香。我果湯底好香鰹魚味。飲真啲有少少炭燒味加埋柚子皮好清新蜆肉清甜飽滿無沙兩片慢煮叉燒肥瘦適中 麵量十足唯一美中不足係果拉麵淋左啲溏心蛋夠入味，半隻係絕對唔夠喉。好彩二人餐係多隻溏心蛋果黃金熔岩蝦球幾驚喜。外脆唔油一咬就有流沙餡流出黎。好味😋

新年食得多中餐，今晚就食下拉麵，入到店內qr code落單，方便，點選2人餐正神匠蕃茄蝦沾麵-上枱已經吸引，濃濃蕃茄蝦湯底汁配上彈牙粗厚沾麵，蕃茄湯酸甜味同蝦鮮味好夾，有清新口感，另加一片法式麵包加入青醬，比較特別濃厚蝦湯拉麵-超香蝦湯味，有叉燒，筍，攖花蝦、蔥，紫菜，糖心蛋，叉燒肉質鮮嫩，唔鞋，肉質脂肪比例恰當，拉麵選用幼身，麵質細滑，櫻花蝦香口一齊食超級滿意溏心蛋-好甜，不太咸黃金熔岩蝦球-一口咬芝士彈出，蝦味不夠突出但即炸香口又加分☺️整體不錯，套裝只是二百多，實惠之選

今日先去位於油麻地「麵屋神匠」食個拉麵才去開工🥰Tea Set 可以加錢配小食和飲品😗😗辛辣蝦湯拉麵🍜……湯底好夠熱👍又濃厚🤤有不少蝦乾，半隻糖心蛋，兩塊叉燒等…..叉燒口感不錯！而個柚子鹽湯蜆肉拉麵…. 都係熱烘烘上枱，個碗都係熱架👍湯底好清甜，蜆肉大大隻，肉質鮮甜！拉麵軟硬適中不錯👍🏻黃金熔岩蝦球，炸得好香脆，不過食時要小心，因為個芝士流出嚟好熱😮‍💨😂😂炸物拼盤，有兩件炸雞，兩件餃子和薯角…

拉麵店位於油麻地鐵路站附近轉角，店內落地玻璃位置掛上大量日風燈籠，加上一大幅柴犬壁畫，營造了日本風情。主打以日本甜蝦、赤蝦、蝦乾熬成嘅蝦湯底, 主要提供湯拉麵和沾麵。神匠蕃茄蝦湯沾麵 招牌湯底濃稠蝦湯加上蕃茄的酸甜味，暖胃又開胃，粗身拉麵沾滿了濃郁湯底，口感彈牙。每碗都有輕炙慢煮叉燒、溏心蛋、筍條及自創的羅勒醬多士。輕炙慢煮叉燒軟腍之餘又帶一點點輕輕焦香味，味道更為豐富。這碗拉麵最特別特是有一塊格格不入的多士，就是自創羅勒醬多士，有香草清新，配搭上蝦湯更是別有一番風味。最後更可以加上湯底，濃稠蝦湯會變成清爽湯底。極上蟹白湯拉麵這一款上枱，蟹湯底是奶白色，超濃郁！大量蟹肉鋪面，蟹肉鮮甜，十分滿足。細麵吸收了蟹湯精華，入口濃濃海鮮味。而且，配料還有半只溏心蛋、兩片大叉燒、筍片、蔥花等… 炸日式餃子薄薄的餃子炸至外層香脆，餡料有豬肉碎同蔬菜，美味多汁。*沒有贊助