麵屋神匠

營業中

休息中

星期五夜晚嚟食晚餐，人流唔算好多，排咗大概10分鐘就入得叫咗個二人套餐火炙叉燒醬油拉麵醬油湯夠味冇負擔，食完唔會口乾乾，麵質有咬口，硬度適中唔會太軟叉燒肥瘦適中，食到有火炙燒既味，好入味溏心蛋夠入味，熟度適中極尚蟹白湯拉麵 (套餐另外加$2x)蟹湯蟹味好濃，鮮甜，湯頭有厚度，可以一試叉燒都嫩，唔算乾，幾特別既一碗拉麵，出面比較少舖頭食到餃子好普通唔使食都得環境嚟講算幾靚，掛滿燈籠，裝飾都好日式另外加咗支麥茶兩個人埋單$280,性價比唔算特別高，但係地點都算就腳，味道亦都好可以，間唔時食吓都OK

呢度咁多好評，買架？所有野都ok，蝦湯ok，蛋ok，麵普通都ok la，但叉燒勁蘇，臭架直頭我第一次食拉麵的食剩叉燒... 畢竟係好珍貴既，而家香港啲拉麵咁貴，唔係特別好食都要過百但真係難食到食唔到，結果我所有野食晒除左肉香港而家咁差環境，飲食業寒冬，唔想俾差評，不過真係忍唔住要寫食評講返呢件事真係搞唔掂。。。。。。。。。。我第一次食拉麵的食剩叉燒... 畢竟係好珍貴既，而家香港啲拉麵咁貴，唔係特別好食都要過百

位於旺角中心地段嘅呢一間拉麵神匠，一直人氣高企，因為價錢又合理，質素亦高，啱哂係旺角行完街想搵好西食嘅你地！日式居酒屋裝橫，非常溫馨。鋪頭主打日式拉麵，有唔同口味嘅特色湯底，有沾麵款式，仲有幾款小食下酒菜！我地嗌咗個二人餐：火炙叉燒醬油拉麵，醬油湯底非常清澈，有層次之餘唔會太咸，拉麵軟硬度適中，叉燒燒得好靚好厚，入口即溶，啖啖肉，非常滿足！😋蕃茄蝦湯沾麵係麵屋神匠精心泡製嘅一款拉麵，結合濃厚嘅蝦湯同埋港式濃厚蕃茄湯底，配搭新奇但又意外不到地夾！仲有櫻花蝦碎增加層次😆😆不過麵底偏硬，食唔到要先同員工講聲。

有行開油尖旺既你, 如果話油麻地地鐵站行幾步有間拉麵店掛哂燈籠好靚既呢~~ 應該大部分人都知道係哩間麵屋神匠。無論門面定店內都充滿和式風情, 燈籠同佈置都好有心思。二人前 - 神匠火炙叉燒丼飯+柚子鹽湯蜆肉拉麵+日式炸餃子丼飯滿滿一碗, 男仔朋友都話夠哂飽, 叉燒表面焦香, 火炙過迫出油脂, 入口超香~肉汁同油脂滲落下層珍珠米飯, 正呀!好中意哩個柚子鹽湯蜆肉拉麵!! 湯頭非常清澈但入口係好鮮甜, 仲有淡淡既柚子香氣, 食到尾飲埋D湯都唔會覺得膩, 好清爽! 哩款叉燒油脂就冇咁豐富, 勝在口感柔軟, 蜆肉都好新鮮呀!炸餃子就係正常發揮脆卜卜. 我地唔夠喉要加多隻溏心蛋, 整得岩岩好!哩個質素2人餐$218抵食，會再回頭✔️✔️

五月中期放大假往日本東京走一轉。主要遊走近郊一帶，吃了數不完的壽司，魚生飯，天婦羅，還是最喜愛日式拉麵。因本人是拉麵愛好者。今天跟友人看完電影，路經麵屋神匠拉麵🍜店又被吸引著，二話不說就走入店內，坐位不多，幸好吧枱還有兩個坐位，我們看完餐牌就點左2人套餐$218包括有2碗拉麵、糖心蛋一隻、預食一碟及兩罐飲品。我們點咗黑蒜醬油拉麵，碗邊鋪放义燒紫菜，黑蒜湯汁香濃，拉麵加埋湯汁一齊進食，正呀！在伏見稻荷嚐過沾麵，這個神匠蕃茄蝦湯沾麵更勝一籌，在於鮮甜嘅蕃茄蝦湯底，提升拉麵美味之處，再加埋兩片豚肉片肉嫩鮮味！而小食黃金熔岩蝦球，外脆熱辣辣一咬就feel到醬爆芝士，要慢慢食小心燙咀。最尾更係要飲番罐可樂、忌廉冰涼番吓。坐在這間日式風格裝飾嘅拉麵，又令人有思鄉之感覺。😌+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日出開旺角買野見到呢間成日都好想食.咁啱今日落大雨.唔周圍去啦.所以就決定入去試吓啦🤪食物方面:點左一個二人套餐兩碗拉麵+一隻糖心蛋+一份小食.另加左兩罐可樂⚪️柚子鹽湯蜆肉拉麵湯底好清新.柚子味好重.帶出蜆嘅鮮甜味.蜆肉大隻無沙😝個肉肥瘦適中.啱哂我朋友鍾意清新嘅湯底!⚪️神匠蕃茄蝦湯沾麵我自己鍾意濃郁嘅湯底所以揀咗蝦湯沾麵☺️真係超級濃郁.蕃茄味同埋櫻花蝦味都好出.而且我鍾意食煙靭有口感嘅麵.沾面嘅面就係好粗好彈牙啱晒我😊配埋半肥瘦五花肉入口即溶好食!加埋半熟糖心蛋冇得輸!⚪️日式南蠻炸雞即叫即炸好脆.炸雞唔會好乾.入邊都仲係好多汁👍🏻整體方面:餐廳裝修好日式好有心思.落單到上菜都好快.而且拉麵都好夠熱.套餐兩個人食啱啱好.整體都好滿意👍🏻

週日晚上走到旺角被一家掛滿日式小燈籠的拉麵店吸引日式風格裝修有特色又型格，落地玻璃十分搶眼木枱木凳加上日本元素裝飾，用餐環境舒適寬敞以香港少有的蝦湯、蟹湯做主打，順喉不油膩濃厚蝦湯拉麵表面鋪滿櫻花蝦，味道濃郁鮮甜辛辣蝦湯拉麵配料有紫菜、叉燒、蝦乾及溏心蛋溏心蛋蛋白已經凝固，蛋黃呈現出完美的膏狀黃金熔岩蝦球表面香脆，一口咬下直接在口中散開多層次的口感二人套餐飲品加配$8有罐裝汽水！可選可樂或無糖可樂等

旺角性價比好高既2人餐，位於旺角同油麻地中間非常易發現🫶🏻樓底好高，窗邊排滿一整排燈籠，好有和風感🔸柚子鹽湯蜆肉拉麵第一啖飲落去有淡淡既柚子香氣，蜆肉都有成5隻，隻隻都好大粒，仲配左2大塊叉燒，蜆肉鮮甜，叉燒軟淋🔸神匠蝦汁伴麵非常清爽既伴麵，都質爽口，蝦汁非常濃郁，而且仲有大量既櫻花蝦伴碟，令到所有既麵條都好似比蝦包圍住咁。同湯既叉燒唔同，伴麵既叉燒厚身D同埋經過火灸，油香更加突出🔸糖心蛋其實本身麵食都有跟糖心蛋，跟餐會比多一隻，試問有邊個可以拒絕橙黃色蛋黃既糖心蛋?🔸黃金熔岩蝦🦐球蝦球彈牙，咬開仲有芝士流出黎，作為小食佢好高分🔸可樂、忌廉（餐飲）餐廳裝潢已經好吸晴，坐位之間間隔闊落，而且keep住播日文歌，令人有置身於日本既感覺👍🏻

位於旺角的日式拉麵店，落地玻璃的設計，一覽無遺，裡面充滿日式風味，掛滿燈籠、旗幟。整體面積不大，很快便坐滿客人，外面不時會有人排隊等候。二人套餐小食：枝豆大部分小食都是炸物為主，較為健康的有日本枝豆。枝豆燙熟後，灑上鹽巴，鹹鹹的，最佳的餐前或佐酒的小食。二人套餐小食：溏心蛋這份是套餐固定選擇，溏心蛋一整隻，一分為二，蛋黃金黃，半流心狀。二人套餐：柚子鹽湯蜆肉拉麵蜆肉鮮甜味十足，上面鋪上一些柚子皮，清新帶點淡淡的鹹香湯底，味道恰好。另外還有其他配料，包括兩片薄切叉燒、半隻溏心蛋、荀片、蔥花及紫菜。叉燒選取的部份較瘦，沒有很多肥肉，但是很大片且滑嫩，肉質容易撕開。二人套餐：辛辣蝦湯拉麵湯底稠杰，紫菜吸收蝦湯精華，配上大量的櫻花蝦乾，味道非常濃香、突出蝦味。拉麵幼身，特別掛湯汁。日本的辛辣程度較容易接受，只是微辣。跟餐添加任何飲品的話，要額外加錢。

由油麻地站行去兆萬中心嘅方向一定會經過，今次係第一次食呢間拉麵店，呢間都幾受歡迎！二人套餐 ($218) ⭐️⭐️⭐️⭐️💫🍴濃厚蝦湯拉麵個湯底非常濃郁，啲蝦嘅份量一啲都唔輸蝕，令到個湯嘅蝦味非常之濃郁，非常有海鮮嘅味道。另外片肉嘅份量非常之大，而且切到好薄，所以食落完全唔韌。值得一提嘅係，溫泉蛋做得非常之靚！🍴神匠蝦汁拌麵 ⭐️⭐️⭐️⭐️💫呢個有啲驚喜，包括炙燒豚肉，蛋同埋櫻花蝦乾，麵質有少少煙韌，唔會整到太腍，掛到好多湯汁，而且份量啱啱好。🍴溏心蛋 ⭐️⭐️⭐️⭐️溏心蛋一分為二咁上菜，完全清晰見到入邊個蛋黃係半熟嘅狀態🍴日式炸餃子 ⭐️⭐️⭐️⭐️餃子有5隻，炸到好脆，直頭脆到有d硬，但好彩入面肉汁仲保留到，唔錯。🍴可樂x2 (+$8).............................. 麵屋神匠地址📍: 旺角彌敦道562號地下B號舖總評分: 8.4/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️抵食💰: ⭐️⭐️⭐️⭐️

餐廳：麵屋神匠地點：旺角彌敦道菜式：日式拉麵餐牌：二人套餐包主食10選2，溏心蛋1隻同小食8選1，$218，可加配飲品。柚子鹽湯蜆肉拉麵連殼蜆5隻，又大又鮮，好正！薄切叉燒3片，仲有半隻入味滑溜糖心蛋，紫菜兩大片。拉麵係幼身麵條，好有蛋香。加上蒽花同柚子皮，個湯好清，帶清新柚子味，好特別！神匠蕃茄蝦湯沾麵 加$28神匠蕃茄蝦湯大大碗熱辣辣上枱！飲啖濃厚蝦湯先，蝦味好香濃又唔油，番茄味好香濃，仲有新鮮番茄肉，加有唔少櫻花蝦仔。粗身雞蛋麵好彈牙，好有口感而富蛋香，可以同爽口扁筍同葱花一齊食。肉類有兩塊燒過既叉燒，半肥瘦，好香口。仲有一隻糖心蛋，紫菜同一片好特別既西式羅勒醬多士。日式南蠻炸雞日式南蠻炸雞一客5件，方便入口size，炸得皮脆肉嫩，每件都加上足夠沙律醬，入口幼滑。溏心蛋仲有一隻溏心蛋一開二！雪碧（跟餐加$8）汽水係罐裝。自動俾埋獨立包裝飲管你，方便衛生。結論係呢度既拉麵真係堅好食，次次都無失望。炸雞都唔錯。服務員態度非常友善。

呢間野平時見佢都有人排隊，難得我大佬話佢想食一定無問題啦😉，我自己就叫左個火灸叉燒醬油拉麵再加多件慢煮，我大佬食極上蟹白湯拉麵。先講個火灸叉燒醬油拉麵，比佢灸過既叉燒又真係好食啲堅香同埋個湯底(拉麵既靈魂)佢又真係做得出色，味道足唔係水咁無味重要係有味得黎唔係味精湯，係真係真材實料煲出黎❤️我大佬果個湯又係出色，飲完之後會好明白點解佢果個要加錢，好綿同鮮唔係化學野，基本上湯底出色已經贏左7成，所以已經無乜輸😂炸雞都係出色，最緊要一炸起就出，同埋佢應該自己都有醃過唔單單係現成野最後個魚乾，佢相對我地平時食開果啲厚身好多，唔係薄薄一層，重要佢呢隻魚香味都重值得一讚🙃

成日行過油麻地站行去登打士街中間嗰條巷仔就會見到一間拉麵店嘅裝修比較別緻，望落幾好食，今次收工之後終於有機會去試吓。入到去係濃濃嘅日本氣息。今次我哋食咗兩款唔同嘅拉麵，分別係濃厚蝦湯拉麵同埋火炙叉燒醬油拉麵。小食係嗌咗脆炸雞軟骨，加咗隻溏心蛋。係等緊上菜嘅時候，我哋隔籬枱一樣嗌咗個蝦湯拉麵，擺上枱嘅時候濃濃嘅蝦香味飄過嚟，真係聞到都流晒口水。今次嘅mvp真係蝦湯拉麵，唔止聞落去好香，食落去都頗濃郁，拉麵都好掛汁，所以每一啖都係一個享受。可能因為咁，顯得醬油拉麵就不過不失啦。啲叉燒係幾香口軟熟。個炸雞軟骨加咗啲調味料，所以食落去好香口而且佢炸得唔乾，如果啤酒配嚟食應該幾正。糖心蛋都見佢整得啱啱好，唔會太熟。

小店位於旺角同油麻地之間嘅咸美頓街盡頭, 門面以落地玻璃作設計, 店內掛滿了日式紙燈籠, 拼配牆上嘅卡通和風壁畫, 充滿著濃厚日本風情; 難得今日經過唔使排隊就有位, 即刻入去食個麵啦。餐廳主打蝦湯及蟹湯拉麵, 另外亦有沾麵, 拌麵, 丼飯, 小食及飲品等供應。極上蟹白湯拉麵 - $128湯底有好香濃嘅蟹味同蝦鮮甜味, 雖然味道濃厚, 質地creamy, 但都唔會好重油膩感；麵底用左啲比較幼身嘅麵質, 軟硬適中; 湯麵面頭仲放好多料, 好大嚿嘅新鮮手拆蟹肉, 超有蛋味仲流緊心嘅溏心蛋, 2片大大塊冇乜脂肪嘅慢煮叉燒, 爽口嘅荀片, 紫菜再加埋點睛之筆嘅蔥花, 配料實在超級豐富不過最正都係個湯, 膽湯以甜蝦, 赤蝦同蝦乾, 大量蝦穀同其他秘方熬製而成, 再加蟹肉熬製涉頭, 成個湯汁係奶白, 飲落特別觧甜。叉燒用低溫抽真空長時間慢煮, 保持黑豚肉的水份及香嫩。柚子鹽湯蜆肉拉麵 - $98湯頭用大量鰹魚乾, 貝類海產, 昆布熬製, 加埋甜美又大隻嘅蜆肉, 清新鮮甜; 係鹽湯上面加埋日本柚子皮, 成個湯都帶有柚子嘅淡雅香氣。有著柚子, 胡椒味, 跟蜆肉嘅鮮甜完美融合在一齊, 食極都唔會膩, 無

我同朋友去試試呢間日式拉麵店。我叫左碗柚子鹽湯蜆肉拉麵，一飲落去碗湯好有柚子既清香及海鮮風味，完美咁帶出蜆肉既鮮味👍🏻至於另一碗濃厚蝦湯拉麵，充滿鮮蝦味嘅濃郁湯底，配上一定份量嘅櫻花蝦，令到成碗拉麵嘅味道昇華咗🥰下次有機會再幫襯