麵屋丸京

營業中

休息中

丸京有好多間分店 今次終於去左牛頭角分店😋除此之外仲有葵芳 荃灣 同深水埗架平日夜晚9點就last order🥲 我地八點半黎到已經得番清湯 試唔到濃湯位置都唔算易搵 要行少少斜坡路先到🥱.🎈清湯丸京拉麵 ($100)👉湯底清湯其實即係醬油湯 味道較淡🥲冇咩醬油或者係豬骨味 加蒜蓉之後會好味好多👍👉麵質麵質偏硬 唔係我鐘意既口感 個人prefer 爽少少既拉麵👉叉燒一碗麵有兩種叉燒 真叉燒 同 普通叉燒各三片 普通叉燒就係燒過既 質地較鞋 冇乜油香 但勝在大大塊 啖啖肉真叉燒就係慢煮過既 十分淋 不過冇乜油香 但係都好食過普通叉燒既評分: 7/10.🎈整體黎講可能因為食唔到濃湯 個感覺差咁啲🥲清湯湯底比較一般 叉燒質素可以建議大家真係要早啲過嚟食評分: 7/10

以我所知係觀塘只有3間拉麵店，好老實咁講㗎呢一間算係最好。叫咗兩碗拉麵，佢嘅拉麵嘅硬度適中，濃度嗰啲都可以自己揀，湯底都可以自己揀，雖然感覺上佢嘅肉有啲薄，但其實食一碗已經好飽，佢嘅拉麵真係不過不失，反而佢啲餃子幾好食，咬落去有啲湯汁流出黎，餃子係一個唔錯嘅選擇👍🏻店面細店員少，可能去到要等一陣。所以都係比較推介中午去食噢。

之前吃過它在深水埗的分店, 覺得有點普通, 沒有太多理會. 事隔兩年, 來到觀塘的分店, 被它的”真叉燒”這三個名字吸引, 一張”紅衫魚”再加五蚊, 換上辛辣濃豬骨湯要再多十二元, 媲美米芝連星級拉麵店的價錢, 內裡有六塊”真叉燒”和一粒流心蛋, 拉麵麵底重量和其他差不多, 直接比較起來覺得這甚為奢侈.説到”真叉燒”其實就是慢煮豬肉, 這並不新鮮, 立體派及麵處一家等過江龍及本地薑也有做過, 這裡做得肉貨相當有嫩滑, 入口即融, 但和其他的慢煮叉燒一樣, 沒有炙燒吉味和充足的油脂感, 配上濃湯的時候後者容易蓋過前者的味道. 麵芯口感實在, 只是麵身太幼細, 掛湯能力一般, 麥香不明顯, 就是一般的幼身拉麵. 至於辛辣豬骨濃湯, 麻而不太辣, 湯身濃厚而黏口, 見到其火喉的誠意, 只是用上櫻花蝦作伴, 咸香和本身麻香有少少蓋過了豬骨本身的味道. 拉麵三個最重要的元素: 麵, 湯底及叉燒, 不能說是做得差, 但要對得起其價錢, 還是有點距離就是.

上星期試左深水埗新店，今日又去牛頭角試下先，作為好鐘意食拉麵的我，呢間拉麵店的湯底同麵實在令人難忘，不過可惜廚師差小小就差d,湯底好味但唔夠熱，叉燒同深水埗一樣有雪味，究竟係咪準備工夫未做好就開門，兩間都係一般，唔通我要返荃灣食😖😖😖

平時晏就放飯行過，都冇專登入去試，因為佢附近有好多唔同競爭既餐廳，而且店內坐位較少，所以平時好少去。疫情之下二人限聚令，咁又想食拉麵，平時見佢門面好靚，就膽粗粗入左去食，首先坐位真係好少，而且種類唔算多。諗住佢主打拉麵，就點左個丸京拉麵(因為見佢寫售完即止，以為好受歡迎，最後在我用餐時段，都係得我一個點)而頭由兩款叉燒鋪滿，望落好吸引，但其實薄切無味，另外連糖沁蛋都比較淡味，而家睇返原來係半熟蛋，只可怪自己當時冇留意好。另外湯底我選擇濃湯，個湯底比較淡味，所以麵底完全不能沾上湯汁，所以都比較淡味。成碗售價$100 我自己就覺得唔算太抵食。

牛頭角能有這間正宗日本拉麵, 真使人大飽口福.店主曾在日本留學，當地學師，學習煮拉麵和湯底。他們的湯底用足料豬骨淆製而成，非常好味， 很有日本風味，試過就知真材實料。我本人覺得濃湯底比較重口味、較鹹，而且多豬油，所以每次都是嗌清湯底多蔥, 肉的份量可以隨意選擇 ，他會切薄片，非常容易入口，不會覺得太老太厚, 配上生蒜頭，味道豐富.他們的餃子皮薄餡靚，全部自己人手包，唔係行貨，好夠味。雪糕是日本直送 ，食過綠茶味，日本雪糕零舍唔同，甜中帶少少綠茶回甘，甘味和甜味互相平衡，恰到好處。

聽朋友介紹黎試試呢間的招牌真叉燒，標榜係慢煮形式炮製嘅叉燒。第一次黎食，感覺有啲伏🤨Order左期間限定的櫻花蝦沾麵(3叉燒+3k真叉燒)，有顏值不過個湯底完全唔合格🥴 非常之稀釋同淡味，同平時食開的沾麵好唔同。叉燒OK既，幾林，不過個人比較喜歡厚切的😂朋友order左普通的濃湯拉麵🍜同樣地打卡度十足，叉燒圍住碗邊放好似一朵盛開的花咁靚，不過重點黎啦⋯⋯個湯底又係好淡味，個人覺得真心普通，質素類近別天神🤭追加左一款小食，$38七味炸雞，估唔到炸得幾香口，又唔會好厚粉，個人覺得比拉麵更出色🙈🙈😍亦係唯一的加分位～

真叉燒拉麵$108 走蛋$-10很難得走蛋可減十元 一進餐廳 有一下去了日本的感覺其實真的刻意前來的又怕人多 6:00pm前已到達店喇 人不多叉燒/麵/湯底沒有特別驚喜 但試試又不錯！

上次聽朋友話呢間拉麵好正，已經有啲想去，不過講咗幾次都無去(因為行上宜安街嫌遠😁)，今次終於去試吓。入到去坐底有啲小店感覺，見到落單紙佢嘅選擇唔係好多(不過拉麵唔多選擇都係正常)，叫了過濃湯丸京拉麵同香蔥沙律炸雞。先講碗拉麵，一上台個觀感覺得幾靚，用叉燒鋪滿整碗麵。第一樣即刻試佢個湯，一入口啲豬骨味都幾濃，唔錯。第二樣試佢兩款叉燒，薄薄的，唔韌，同埋都幾入味，食落口有啲麵豉嘅感覺。跟住到啲拉麵，唔淋，食落佢又少少硬，正係我鍾意食嘅麵身。反而佢隻溫泉蛋差少少，唔太夠醬油味，同埋淋咗少少，可能熟多啲會挺身啲。另外如果想再濃味啲，加埋佢枱上嘅蒜蓉，簡直係一絕。跟住到個香蔥沙律炸雞，好多蔥鋪喺面，個沙律醬食落去酸酸地、鹹鹹地，幾開胃。同埋炸雞唔韌，咬落口都幾嫩，個皮亦唔厚，幾好食。整體嚟講呢間麵店幾好食，同埋應該係觀塘最好食嘅拉麵店(*觀塘雖然唔多拉麵店😁)，可以再幫襯，值得推介。👍

諗起當初比丸京簡而潔嘅門面吸引到之後一試就愛上丸京係我第一間搵到同我係Sydney時食過嘅豬骨拉麵最似店舖入面見到師傅真係用豬骨熬湯底湯底濃郁有黏性 好有骨膠原嘅感覺話說都隔左一段時間冇去。最近又突然好掛住丸京但真心唔係好想出街食....記得一兩年前都有試過想去丸京買外賣但當時未有提供今次再去試下問, 終於有外賣喇!!要左個丸京拉麵, 一次過可以食哂兩款唔同嘅叉燒本身今次都想要濃湯, 但得清湯同雞湯底所以揀左期間限定雞濃湯真叉燒係經過慢煮所以依然帶D粉紅色, 薄切,食落好腍同埋一D都唔肥其實叉燒都幾好有少少炭燒味唔會太肥麵質彈牙, 糖心蛋中間依然流心 好好食 !再加多個7味炸雞炸雞拎到番屋企都仲好脆又唔會油淋淋

真•叉燒有幾真？有冇💯分？——濃湯真•叉燒拉麵($108)濃湯丸京拉麵($100).兩個嘅分別：$108嗰個全部都係真叉燒，$100就一半真叉燒，一半正常叉燒。我食丸京，所以試到嗮兩隻唔同叉燒嘅味道！真叉燒，係慢煮叉燒黎，顏色較粉嫩，口感都嫩滑啲😍而普通叉燒，雖然肉質冇咁幼嫩，但會有一陣微微嘅煙燻味。兩款叉燒味道唔同，但同樣都係薄切的，好索汁😋.湯底方面要咗濃湯，湯唔會過於「結身」得黎，味道濃郁，同埋幾掛麵，唔錯👍🏻不過都幾重口味，感覺上唔多唔少都一定有啲味精。.沙律炸雞($42)個醬汁正，好邪惡😈炸雞入面仲係嫩滑的！推介～.Overall: 8.1/10Value for money: 4/5——📍麵屋丸京牛頭角宜安街9號地舖.

有日收工行過呢間麵屋丸京,一直俾佢哋嘅吸引,更重要係佢門口嘅poster實在太吸精,麵屋丸京主打幾款拉麵,全部都鋪滿成個碗!今日行過京決定一試!。。🔘 濃湯丸京拉麵 | $100評分: 🌕🌕🌕🌕🌑評語: 麵屋丸京主打”真。叉燒”。何謂真叉燒？店主解釋店舖提供兩款叉燒選擇,分別係普通日式叉燒,同另一款慢煮叉燒,亦即係”真。叉燒”。但心大心細點好？就揀呢款丸京拉麵啦!!有三塊日式叉燒同三塊真。叉燒,一次過滿足兩個願望。丸京拉麵仲包括埋流心蛋同荀,亦有濃湯,清湯以及黑蒜油湯(+$12)選擇。小編認為濃湯更能沾上拉麵,啖啖都更能食出湯底與拉麵、配料嘅配合。而叉燒方面,慢煮叉燒係偏向紅色,首先唔係話普通日式叉燒唔好食,但慢煮叉燒食落的確幼嫩好多!。。🔻三間分店,總有一間係附近🔻日式格局推介指數:⭐️⭐️⭐️⭐️

Follow @pigfoodiexhk for more food!🐷💛#pigfoodiexhk_日本菜============📍濃厚豬骨湯拉麵 -- 麵屋丸京🍜Bookmark咗呢間拉麵小店好耐🥰前排去開觀塘就順便食埋🤤店員有禮，服務周到😛呢到嘅叉燒有分普通同慢煮，今次就試咗普通嘅先🥰-------------⭐️豚骨拉麵（$78）豬骨湯好厚好濃，而且唔太咸🤤油脂味都好香😝叉燒有三大塊，肉質偏瘦唔肥，食落肉味濃👍小編最中意佢嘅拉麵，口感係偏硬，食落好有咬口，而且幾掛湯，啖啖滿足🤤溏心蛋正常，調味唔錯🙈整體不俗下次要試埋慢煮叉燒先😆-------------賣相：7.5/10味道：8/10性價比：7.9/10回頭率：8.3/10-------------店舖資料名稱：麵屋丸京地址：牛頭角宜安街9號地舖前往方法：牛頭角站A出口

觀塘嘅拉麵店真係唔多，咁岩經過就決定試下丸京因為想試哂兩款不同叉燒(叉燒 & 真叉燒各3塊)所以選咗售完即止嘅丸京拉麵同餃子啦 😛.丸京拉麵 $100 🍜豚骨湯底好足豬骨湯，有少少油浮係面濃淡適中，不會好快就覺得油膩飽滯，不錯～.至於兩款叉燒咁真係真叉燒好食好多嘅，慢煮嘅肉質非常嫩滑 😋不過食完後 我建議最好浸一浸落湯度等d肉熟多點先食啦～.自家製餃子 $35 🥟熱辣辣又juicy ，下次去都一定會再叫

適逢放假日子，都懶得在家煮食，就決定外出與友人找間拉麵店作午餐。丸京拉麵內部環境算寬躺，座位之間間隔不會太密集。到食物方面，我點了一碗丸京拉麵，包含三塊輕微炙燒過的叉燒，三塊慢煮叉燒，一個溫泉蛋，幾片荀。湯底大概是濃厚豚骨加蒜蓉已構成，若果飲得多會感覺較咸。叉燒我比較喜歡炙燒過的，焦香而軟熟。蛋亦不錯，唯獨酒味略重，如果對蛋興趣不大的人可以在點餐單上選擇不要蛋，會平宜10元。整體可圈可點，不過不失。