麵屋丸京

營業中

休息中

最近見到好多foodie介紹呢間拉麵店，見到深水埗分店起碼要等一個鐘以上，但見到原來佢有成5間分店，所以就黎左牛頭角呢間相對無甘就腳嘅店食，希望可以唔洗排隊😎我地係星期日嘅下午1點左右到，我地排第2，排我地前面嘅係一行5個人，佢地入左去之後，等左無耐就到我地，等候時間唔洗10分鐘，非常好👍🏽入去我地點左一個濃湯 真. 叉燒拉麵，同黑蒜油湯極上拉麵🍜 小食就叫左自家製餃子🥟濃湯 真. 叉燒拉麵 （$108）佢入面有6枚 真 叉燒，同一粒糖心蛋。呢個真叉燒拉麵每日數量有限，售完即止。因為佢係用慢煮方法，所以個肉質好正，冧得黎帶點煙韌，而且叉燒都非常薄切👍🏽 同埋啲叉燒有成6塊好大塊，好足料！佢個濃湯底係豬骨湯，個湯好濃香，不過愈食愈咸！啲麵軟硬適中，糖心蛋都好好味。黑蒜油湯極上拉麵（$93+12）入面有叉燒6枚，佢比真叉燒厚一啲，但肉質都唔會硬。黑蒜油湯好正，比濃湯味道更濃，都係愈食愈咸。但整體拉麵都好味，不過我比較喜歡真叉燒嘅質感同味道！自家製餃子 （$35/5隻）煎得好脆香，係日本餃子嘅味道😋佢個餃子皮好薄，佢有個午市優惠（叫小食一客即可獲贈罐裝汽水一罐）

今日去食拉麵，揀咗間喺觀塘宜安街。地點不太方便，牛頭角地鐵站落都要行一段路。店舖坐於唐樓樓下，日式裝修同附近店舖格格不入。店舖並不大，坐位都不是太多。當日都差不多滿座。我地兩個人各自叫左個丸京拉麵。一個清湯 （右）個擺盤超型，有驚喜一個赤玉櫻花蝦 （左）櫻花蝦係濃湯嚟嘅，個蝦味真係好出，但係對我嚟講就鹹咗少少啦。我就比較喜歡清湯。拉麵有兩款叉燒，我比較喜歡真叉燒，店員話真叉燒係慢煮，食得出比肉質呢係比較嫩。拉麵不過不失，但坐位比較逼，另外店舖只收現金。

位於牛頭角分店Lunch time 時間早少少去咗試食第一次食已經好驚喜🤤性價比高，份量多之於味道都好好。今次試咗： 濃湯 真。叉燒拉麵 $108碗上放滿用低溫煮熟嘅叉燒，入口好嫩滑，湯底更加唔洗多講🤣濃濃嘅豬骨湯，加上豬背油脂熬製湯底，好似雪花咁一粒粒四散係湯的表面，飲落好濃郁及好鮮味。有埋溏心蛋嘅加持下，好食🤤小蝦干醬油湯底 丸京拉麵 $112由濃湯湯底+$12轉小蝦干醬油湯底，好鮮味👍🏻而且拉麵本身好爽口，掛滿哂湯汁就更上一層樓七味炸雞 $38七味粉係炸粉入面，所以佢嘅味道好出而且雞肉好juicy 又夠滑身

Arrived there at around 2 on a Saturday with no queue outside. But こってりand slow cook义燒were sold out…. Hubby wanted to order the 南蠻chicken rice bowl but the staff said it’s only sold in Sham Shui Po branch. 😅My clear pork bone soup base ramen was just normal. The egg was good but the soup, the cha siu and the egg noodles have nothing surprising. So I put a big spoon of raw garlic paste in it and it tasted better. My hubby said his black sesame soup was good. Yet, the cha siu was not that good. I

一直都想試呢個打卡嗰個個都影嘅叉燒拉麵終於試到啦嗌咗兩碗一碗多叉燒一碗就正常分量由於食咗少少嘢先過去再食多叉燒一碗呢真係好飽飽味道唔差湯都幾清有啲蔥喺度麵質都唔錯地方有啲逼不過拉麵舖一般都係咁價錢中等啦如果平啲就會成日幫襯囉但如果搭車特登咁嘅價錢就未必再幫襯

平時食開深水埗分店，食物品質不容置疑，所以想介紹朋友試呢間。牛頭角佢就腳啲，就帶佢去咗牛頭角分店。嗰晚我哋食完嘢，朋友漏低咗支酒精噴霧，離開咗舖頭15分鐘就已經即刻打返去問，店員話已經掉咗。首先我唔明白點解客人漏低咗嘢佢哋會選擇即刻掉咗佢，連15分鐘都唔等得。雖然一支酒精噴霧並唔係啲咩貴重嘢，但唔係嗰樣物件嘅價值問題。咁係咪所有客人漏低嘅嘢你哋都係會立刻掉咗佢？實在係冇辦法理解呢種處理手法。然後我WhatsApp再問佢哋，佢哋唔單止冇道歉，仲同我講「其實我地之前有幫客人留過酒精，但基本上沒有客人會回來拿」。請問過往其他人唔攞，係咪代表我一定唔會想要返？同埋係咪真係15分鐘都唔等得，要即刻掉咗客人嘅物品？之後佢仲要唔覆我。老實講，當晚嘅服務態度本身已經好差，想搵店員係冇人理。加上佢哋唔覆WhatsApp呢種態度，真係好令人失望。既然佢哋唔覆我，於是我WhatsApp搵深水埗分店幫忙，反而係佢哋係咁同我道歉⋯⋯同埋幫我搵返牛頭角店長講返呢件事。始終都係深水埗嘅店員正路好多，起碼有交帶同態度好。我明白飲食業有啲位係真係會難做，人手問題亦可能會導致客人要等候，呢樣嘢我接受。但係掉咗客人漏低咗嘅

今日兩個人叫左兩碗丸京拉麵，什麼叉燒。真叉燒、蛋，全部凍嘅，啱啱雪櫃拎出嚟果種凍，算，諗住浸入湯熱下佢，點知碗湯只係暖嘅，仲成碗一粒粒油脂，可以想像到碗湯咩溫度啦，兩碗都係咁，真係從未食過D咁垃圾嘅拉麵！

牛頭角拉麵嘅選擇並唔多🙈上網見到牛頭角分店嘅麵屋丸京平時都好多人排🙈但係我平日放工時間去竟然唔使等位🤣🍜🍜真·叉燒拉麵賣相滿分嘅拉麵🙈餐廳既叉燒係用低溫慢煮 店員介紹嘅時候話呢款叉燒係會比起其他嘅更加粉嫩同埋鮮甜😝 好可惜食既時候叉燒凍左🥲食唔到預期既質素🙃反而拉麵又幾好食 冇得自選軟硬程度 但係個人覺得啱啱好😆湯底嘅豚骨都幾濃郁 雖然後期覺得有d鹹🙈另外都叫咗餐廳嘅餃子試吓 但係冇特別大驚喜 個人覺得唔使特登嘗試🙈

呢款拉麵的賣相真係極吸引呀～～大大塊粉嫩既肉鋪滿個碗，未食已經視覺大滿足。🍜真叉燒拉麵所謂真叉燒，即係叉燒經過低溫處理，令肉質既顏色變得粉嫩。我叫左真叉燒同普通叉燒兩溝，顏色好明顯有分別。至於味道，由於叉燒放係碗面， 溫度涼左少少，加上切得咁薄，有種食火雞片既錯覺XD 叉燒味道比較淡，同平時食既叉燒好唔同。普通叉燒就比較柴口D，灼過既叉燒有陣陣既香味，如果再熱D更好。拉麵係醬油湯底，同叉燒幾夾，小編會將叉燒浸下先食。個人覺得拉麵既外觀比味道驚艷。

🍪 【#牛頭角】麵屋丸京 Menya Maru Kyou💥澎湃真•叉燒拉麵 極上醬油豚骨湯底💥.🍪 麵屋丸京擴展至今有5間分店， 以招牌醬油豚骨湯底作招倈，配上低温慢煮真•叉燒，是拉麵迷的享受😍✧Menya Maru Kyou has a quick expansion in business. The 5 stores present exceptionally thick tonkotsu x shoyu broth, together with slow-cooked ‘authentic’ chashu pork. Definitely gonna make Ramen aficionados drool! 🍪 性價比超高拉麵店，豚骨拉麵$78起‼️店內亦不時推出期間限定口味，夠多選擇👍🏻✧The price for a bowl of ramen starts from $78 only! Limited ramen choices are regularly introduced. ~~~~~~~~~~~~~~~~~~~~~~~~~~~~~~🍽真•叉燒拉麵 Authent

估唔到屋企附近都有一間幾好食嘅拉麵！有水準有質素！👍🍜平時想食好食嘅拉麵店都要出到去油尖旺區先可以食到，而家竟然係屋企附近都可以食到！門口嘅裝修都好日式，而裏面就好似平時去咗日本拉麵店，開放式廚房，可以坐bar枱食，亦都有少少坐枱可以揀！地方唔係好大，不過食物質素就好好！ 朋友簡左丸京拉麵，成個麵嘅top都用咗叉燒鋪住，好夠份量！我就比較鍾意食粟米紫菜拉麵，成碗面都好多粟米🌽，因為唔太鐘意食肉，所以依碗麵好岩我！👍♥️

柚子胡椒冷沾麵🍊🍜 $90見到呢個期間限定嘅凍沾麵咁特別，所以就叫咗試吓。湯底方面，唔係好食到柚子味，冇乜酸甜嘅果味；胡椒味都唔明顯，無乜刺激嘅辣味或者胡椒香….淨係食咗啲醬油嘅鹹味，同埋佢啲加上去啲蔥粒嘅蔥味，真係令人非常失望🥲🥲🥲叉燒方面，嚡身無肉味…重點係 勁！薄！我真係未食過咁薄嘅叉燒，廚師刀功真係犀利！👍🏻👍🏻🥲拉麵方面，麵底係幼身嘅，質地正常；朋友嗌左一款豬骨湯嘅沾麵，佢用嘅麵就係粗身嘅…店家會根據湯底嘅濃度同鹹度，用合適嘅麵底配合掛湯嘅程度，呢一點係幾抵讚嘅😬.總括而言，湯底難飲，叉燒薄切，價錢又貴，可以不試🥲

店內裝修還不錯平日間唔中都會去，始終作為唯一選擇裏面有各種的拉麵選擇：硬度湯底蔥量走筍食物質素並不高，這是一般的拉麵。濃湯底味道偏鹹，及比較油膩。清湯就是清澈通透的那種，有接近雞湯的感覺小食實在不建議嘗試，其中炸雞和餃子的油都非常多，吃起來感覺很油膩服務質素合理範圍之內

星期日晏晝一點黎到，岩岩好有位。丸京一直都係香港拉麵黎講質素中上嘅鋪頭，而且價錢合理。今次試100蚊丸京拉麵，有齊普通叉燒+「真叉燒」，揀左濃湯。其實一路以黎都係食濃湯。檯面有蒜蓉同埋辣醬可以加，通常都加辣，我鍾意惹味啲。湯、蛋同荀都係正常發揮。不過今次比我食到麵有鹼水味，有啲錯愕。最後講下「真叉燒」，肉眼都分到，色澤帶粉紅嘅就係真叉燒。相比普通叉燒，肉質比較軟，筷子一夾可能就會散。食落口有一陣香味，但未至於好驚艷嗰種。

💫呢間拉麵店都幾隱蔽，以前都幾多人排隊，而家相對少d，鋪頭細細間，裝修都幾有日本風🇯🇵好大碗呀，仲擺得好誇張🤣叉燒好大塊，有6塊，叉燒食落都幾嫩滑，係用慢煮嘅方法製成，同一般拉麵叉燒好唔同，湯底好清甜，完全冇油膩感，啱曬我，正👍🏻麵質唔會太腍偏硬個d，有口感，溏心蛋都幾好味😋食曬真係好飽呀，滿足❤️💫呢間拉麵店我覺得幾高質，仲有冰水提供，似足日本，香港少見d