麵屋一平安

營業中

休息中

o係尖東打左個白鴿轉, 就o黎呢度食晚飯. 呢度超難搵, 搭扶手電梯落去basement, 兜下兜下唔對路, 走番上G/F, 經護衛叔叔友善指點, 先識搭(車立)落去basement, 咁先搵到一平安. 環境冇想像中o咁"日本", 凳o係接椅, 電視播緊香港新聞. 六點半打後越o黎越多人o黎, 但唔o係好多日本人. 我地嗌帶子拉麵, 炒野菜, 餃子. 整體感覺o係"清淡". 豬骨湯底好清, 味道唔太濃; 帶子兩隻, 口感好爽同煙韌, 可惜冇乜味道. 荀就唔錯. 其他料仲有紫菜, 海帶, 芽菜, 粟米, 日本魚蛋, 同白菜(!). 碗大湯多, 但麵條唔算多, 口感okay, 唔o係公仔拉麵, 但似乎北角札幌, 甚至同區Domon, 做o既麵條都比呢度更彈牙. 炒野菜幾大碟, 熱辣辣, 唔算好油膩, 唔錯. 餃子又o係熱辣辣, 皮薄, 餡味道都o係比一般淡, 煎得唔算油, 都唔錯. 埋單二百, 真o係唔算平, 不過唔去Domon, 呢度都o係一個選擇.

我久不久就會去食多數叫長崎拉麵豬骨湯底D 麵好彈牙又多料湯底又好味侍應都好有禮貌

同bf叫左個特製拉麵,咖哩拉麵,明太子釀雞奕同白酒煮蜆.特製拉麵個湯都幾好,幾有肉骨味,料就有2件叉燒,幾舊豬腩肉,半隻蛋同紫菜等等,叉燒都幾有肉味,仲有少少肥tim,但都係豬腩肉正D,D紫菜都幾得,好濃味,仲甘甘哋 tim,隻蛋就非常滑,溏心tim呀,真係意外!咖哩拉麵上枱時,見佢係面有D蒜蓉,撈埋D麵都幾香,不過都幾咸...明太子釀雞奕普通啦,隻雞奕細左D咁囉.白酒煮蜆係白酒加麵豉煮嘅,D蜆肉都ok甜,可惜有沙,我諗呢到都係食麵對辦D.呢到都幾多日本人幫襯,但都幾嘈~2人total食左2佰幾.

係因為睇過樓下果d 朋友仔既食評而去，果然真係唔錯。

喺諾仕佛階開咗分店，叫咗碗麵，，$70，有叉燒同五花腩同蛋，麵係幼身，但都算幾好，湯濃都算ok，叉燒唔差，腩肉不俗，整體算不算，但價錢唔平，叫做食得過既

早前去紅館睇show, 例牌來食碗拉麵, 我與友人都係叫長崎拉麵, 因為當晚必定多人, 等候時間亦較平時耐, 兩瑁拉麵差不多要15-20分鐘才上桌, 一看賣相發覺不對勁, 湯的色水淡了點, 喝一口也覺味道不及以前的, 忍不住問侍應小姐, 她說是新湯, 所以煲的時間未太夠, 唔怪得冇咁好味啦。友人o係差不多食完的時候咬了一條橡筋出來, 她感奇怪點解有條麵咬唔開, 我們將此事告知侍應小姐, 她很有禮貌地說不好意思, 因此給了我們九折優惠。但吃拉麵吃出橡筋來也是頭一次, 希望下次再來的時候會好點啦!

　和小肥聖誕期間去了一趟日本,回到香港總是念念不忘,想起這間久聞大名的小店,決定一闖看過究竟...15/1/05 (星期六)約兩點多鐘到達,由於看過這裏網友的指點,曉得搭升降機到B1層(直出商場轉右)便找到,一看到那個logo,便已feel到陣陣舊式日本味道,一到門口看到店內陳設氣氛,更是樂上心頭,一慰小肥和我的日本愁.　話說回頭,始終食物最重要,看過網友提及的長崎豬骨湯麵和便當,瞥了餐牌一眼,最終都是點了這兩樣,但原來便當是晚上才供應的,於是小肥點了一個鰻魚飯set(其實大同小異)$88,有漬物,蟹子沙律,麵豉湯,炸海鮮(當日是帶子),和一個鰻魚"重"(即長方形盛器)跟醬汁,份量不少,鰻魚肉厚,不需另加汁也覺好味,但唯一不足是飯不太像是日本飯,散身兼沒有飯香,很失望.至於長崎豬骨湯麵,真的是Ichiban,大大碗,熱呼呼,湯底香滑,麵條有咬口,料多又好味,比起在日本台場吃的還要大碗,很滿足喲!!!!之後我們還order了一客串燒雞翼,燒得香口脆身,不乾不油,也很有水準呢!!!!!　當日全場也有不少日本人,加上那個日本漫畫書櫃,一列紅燈籠,舊式的入牆放杯架,那列居酒屋模樣的小吧枱,還有

I have tried on last sat.The noodles is ok and the "BBQ tofu" is good .I agree that the shp is quite difficult to find as you need to pass karaoke shop.It is better to take lift rather than escalator.

湯底太咸麵不夠彈牙叉燒太硬..很辛苦才找到路從幸福中心地下走到地庫

昨日去開尖咀做野，夜晚又要飛上海一夜遊，順便約老婆食晏，見好耐無來食拉麵，就又來吃。唔知搞咩，幸福中心地庫而家裝修緊，間到好似個迷宮咁，我地兩個兜左一輪至來得到，差少少以為佢執左笠添！唔知係唔係難搵的關係，今日都幾少人，一點十分都係四分三客滿，一如以住大部份都係日籍上班族。雖然客人過半也是蘿蔔頭，但幾個女侍應日文卻是麻麻，不過服務還算不錯。先來涷麥茶，是食拉麵的標準飲品；日替便當有兩款，分別是炸雞及燒池魚，老婆選了後者，我就叫番食開的長崎拉麵，要豬骨湯底。拉麵仍以闊口大碗盛著，上面堆滿椰菜、芽菜及叉燒絲等配料，大堆頭而賣相不俗；先試湯底，濃郁夠味道，亦好夠熱，有點味精，但問題不大，仍是水準以上的豬骨湯底；配菜及麵的份量俱多，叉燒味道雖然一般，但都算交足功課；老婆的照燒魚便當賣相亦佳，除了味噌湯及照燒魚，還有漬物同海帶蛋卷，飯是幾有黏性的錦字米，份量同麵一樣頗多，她吃不完，海帶蛋卷硬度適中，味道不錯，老婆是便當專家，佢話呢個都有水準，我看亦不差。見到吧檯有大大個朝日啤的生啤招牌，又豈能不飲一杯？下晝仲要返工都無計。埋單差不多二百，吃到日式風味，個人覺得都算值得。始終覺得呢度好日本料理店的

入到去見到好多日本人, 攞住一喼二喼行李嚟, 以為地道日本嘢 - 正!同個friend坐底, 唸住叫D特色嘢食, 打開餐牌睇嚟睇去都唔知食咩好, 無特色嘢食之餘仲無咩選擇, 睇嚟睇去最後都只係一人叫咗一碗啦麵, 我叫咗碗帶子啦麵, 我個friend就叫咗東京啦麵, 點都有D唔甘心, 但係menu真係唔吸引, 唯有等住食一碗ichiban嘅啦麵. 碗麵嚟咗仲唸住學D日本人大啖嚐入口, 點知碗麵得兩粒帶子, 仲鹹到七彩, 我個friend果碗亦都只得兩片义燒, 連最basic粟米都無, 湯底亦鹹得厲害, 只有豉油味. 點知隔離檯個日本佬仲要除咗對鞋豎起對腳, 真係地道到頂唔順, 唯有賣單走人, 兩碗麵都要$113, 都唔平. 結果我哋再响尖東杏花樓食過. 啊,果晚覺得杏花樓d嘢零些好味.我咗唸右唸, 一平安之所以多日本人嚟食嘢應該都係因為佢個日本老板娘周圍同D日本客傾計嚟留住D客.

最初去呢間日本麵店(其實有少少似居酒屋)﹐係見雜誌介紹﹐於是想試下﹐但結果找了很久才找到正確地點。同朋友坐低﹐點了九州拉麵和炒飯﹐後來再追加一份餃子。拉麵的味道的確不錯﹐但只限在香港來說。在日本﹐這種水準很普通﹐在香港就變得矜貴了﹗不過都算值得一試。炒飯及餃子則普通過普通﹐起碼我絕對唔會為左食呢種水準的炒飯及餃子再幫襯。。價錢方面﹐只可以話係一般﹐比DOMON便宜﹐比橫綱貴﹐相信各位拉麵一族都知大概如何了。。而環顧四周﹐的確有日本小店的風格﹐而當晚有5檯客人﹐當中3檯都是日本人在飲酒食煙傾計﹐可見其實這店舖的主要對象還是有思鄉病的居港日本人吧。就像當你要去東京工作一段時間﹐相信也會找尋一些中華食店來消磨時間﹐吃吃不算正宗好味的中國菜﹐跟碰到的香港朋友談天說地吧。所以一平安﹐對我地香港人來說﹐只有食物而不論氣氛﹐並唔算抵食囉。

入到此店，感到好有日本感覺，食客大多係日本人，裝修及格局完全日本風味。食物味道唔錯，日式咖哩好食，汁料香濃，配白飯一流。主打o既拉麵非同凡響，熱辣辣上檯，拉麵彈牙，有口感！食完碗麵仲有白煙出，可知此麵熱力迫人！日式餃子更是特別，不是一般機制的劣貨，而是人手制餃子，必定一試！

間鋪比我想像中細, 唔少日本幫襯~無留意其他set, 所以一坐低就order$45 o個D set lunch~ 有5種~ 我個friend order o既係餃子+拉麵, 我o既係炒飯+拉麵~ 炒飯幾多料, 不過鹹o左D~ 我一向對拉麵無乜興趣, 所以no comment~下次試o下其他set (around $70)

咁即係話兩個人一晚都可以$200 有找？咁都好抵喎你講到咁好味？我未去過，試完先知你有冇作大，到時再回應你！