麵尊

營業中

休息中

喺香港仔南寧街嘅「麵尊」，我中午試左佢哋出名嘅紫菜豬頸肉豬大腸河粉，真係一試難忘。呢碗河粉唔單止材料豐富，仲有幾款靈魂醬汁，令成碗麵生色不少。首先，豬頸肉同豬大腸煮到啱啱好，入口即化，充滿肉香。紫菜嘅鮮味同河粉嘅滑溜形成完美對比。最正係佢哋嘅醬汁，有咖喱汁同麻辣汁可以揀。咖喱汁香濃而不嗆，帶出陣陣椰香；麻辣汁就係另一個驚喜，麻同辣平衡得啱啱好，食落去有種刺激嘅快感。加埋啲蔥同腩汁，更加提升咗成碗麵嘅層次。總言之，「麵尊」呢碗紫菜豬頸肉豬大腸河粉，真係值得一試。佢哋嘅靈魂醬汁，係成碗麵嘅精粹，難怪咁多人讚好食。

麵尊這一大名享負盛名已久，今天有幸一試，聽聞其定價比其他車仔麵店為高，然而物有所值，今天就讓我來試一試廬山真面目吧。這次我所叫的外賣，一通電話後已立即準備好菜式，速度之快令人印象深刻。然而有一件東西需要提醒，此店舖只收現金，幸好我帶了一點才不至於要兩邊跑。今天晚上，我叫了一個油麵，配上豬頸肉，豬大腸及豬紅，聽聞其麻辣汁非常出名，可惜本人比較怕辣，今次便嘗試叫了一個腩汁作為配襯。各款食物激情撞擊下，真的很好吃哦。

之前經過銅鑼灣麵尊好多人排唔到，男朋友話以前食過好好味好想食，我就未食過。個次去香港仔見有分店，安排左個行程我去試試有幾好食，佢就去encore心心念念既麵尊，可惜大家都失望了。12點半去到，我地以銅鑼灣standard去諗仲以為要排隊，點知入面係未滿仲有位既。大尊 麻辣醬豬皮蘿蔔我覺得係出色既，豬皮軟同膠質到啫喱咁，蘿蔔清甜無渣。不過魚蛋豬紅紅腸就劣劣地喇，覺得唔OK。個湯底我地一致認為麻辣醬好食啲。咖哩魷魚豬頸肉紫菜 咖哩醬咖哩味無乜但水魷質地都淋，唔錯。豬頸肉就好普通既滷水豬頸肉。紫菜都正常。呢碗就所有野都正常普通，平均啲。另外，個辣椒油幾好食，可以試下加少少。同埋姐姐幾好人，餐廳本身都係可以免費加湯，我哋叫左加一碗，點知佢主動幫手兩碗都加晒。加湯之後飲下發現都清甜既。結論，普通OK既街坊車仔麵店，唔明點解吹到好勁咁銅鑼灣又排長龍。

呢間車仔麪係我近期至愛。一來店舖整潔，坐得舒服。二來食物處理非常乾淨。今次我就揀左大尊，一碗麪$49已經包含豬紅，蘿蔔，咖喱魚蛋，紅腸，豬皮同菜，足足有齊六款餸。比起散點更加抵食。本身湯底已經夠哂味。仲可以免費加咖喱醬，麻辣醬，蔥同腩汁。份量多小都有得選擇，非常貼心。我超鍾意呢到既麻辣醬，所以自己買左支，平時屋企醃野，煮粉麪都會用佢。大大樽都只係$80，非常推介。想食好食豬紅，一啲都唔易。好多舖頭處理得馬虎就會有陣陣血腥味。係到食就可以好放心，豬紅非常鮮嫩冇怪味。蘿蔔入味又冇根。剩係呢兩樣已經令我不斷回頭幫襯。麪底爽口，唔會煮到過淋。

上車仔麵真係幾好味！牛腩軟滑，咬落去有種濃郁嘅肉味，啖啖都滿足。咖哩𨠄魚就帶有一啲香辣，個味道好入味，食落去好過癮。牛柏葉嘅口感彈牙，加埋湯底真係一流。酸齋就有啲清爽嘅感覺，幫襯下重口味嘅食材，平衡得好好。魚皮餃外層脆脆，裡面包住鮮嫩嘅餡，咬落去有驚喜。蘿蔔煮到剛好，軟中帶脆，吸咗湯底嘅味道，真係好味。最後，雞中翼嘅香味十足，肉質嫩滑，無論係加辣定係唔加，都係一個唔錯嘅選擇。整體嚟講，上車仔麵真係好滿足，唔同材料搭配，齊齊食落去真係好開心！

住左香港仔咁耐, 啲朋友成日問香港仔有咩好食。講真香港仔要揾風土人情美食係有既。但係如果純講味道,呢間係香港仔開業唔夠兩年既麪尊絕對係個人大推必食店。麵尊係食車仔麵。鍾意呢到既湯底夠哂清甜。仲可以免費加汁,有咖喱, 麻辣同腩汁。我每次食都會加呢到既咖喱醬。加左湯底會更加香濃。如果第一次唔知點咩餸,可以跟menu推介。個五香牛腩超入味,又夠淋。豬頸肉就爽口彈牙。一碗份量都唔少,每次食完都有種唔夠喉既感覺。因為真係好好食🤤。

車仔麵係我好喜歡嘅一種經典香港美食😋 「麵䔿」真係可以做到有「溫度、態度同味道」嘅外賣！落咗單之後，唔使幾分鐘食物已經準備好，包得好企理，唔會漏汁，返到屋企食嘅時候仲係非常熱辣辣，真係抵讚👍🏻「麵䔿」提供多樣選擇，各款口味同埋配料都應有盡有☑️絕對能滿足不同食客嘅喜好。我最鍾意油麵、酸齋、五香牛腩、炸枝竹加貢丸！油麵口感Q彈，唔會浸一陣間湯就淋晒。酸齋大大塊，酸甜比例做得啱啱好。五香牛腩炆得好腍。香菇貢丸有著香濃肉味，而且彈牙。炸枝竹唔會有油益味，吸晒啲汁，正呀！濃郁嘅湯底每一口都充滿著鮮美嘅湯汁，食完唔會口渴，係我耐唔耐都要食一次嘅Comfort food💖我先生就最鍾意佢哋嘅「大尊」配料有豬紅、蘿蔔、咖哩魚蛋、紅腸、豬皮同菜❤️豬紅滑捋捋，蘿蔔夠晒淋又冇渣，咖喱魚蛋彈牙，紅腸美味，豬皮爽口又可以吸晒啲汁。一碗有齊晒佢最鍾意嘅食物，所以佢次次都唔使諗一定會嗌呢一款😁

位於香港仔的港式車仔麵店，地方新淨企理，燈光光猛，環境蠻舒適的，有別於舊式的麵店。在紙上選擇湯底、配菜、麵底或菜底等等。配菜：豬紅、酸齋、墨魚丸、咖喱魚蛋麵底：粗麵湯底濃郁，加了少許辣醬，已經很麻麻辣辣。咖喱魚蛋的咖喱醬汁入味，魚蛋口感彈牙，搭配上微微的辣味。墨魚丸不過不失；酸齋是車仔麵必點之餸菜之一，口感煙煙靭靭，味道酸酸甜甜，很開胃。豬紅口感滑嫩，處理得很好，而且吸收了湯汁，沒有那股難以入口的血腥味。粗麵有嚼勁，麵底夠滑不易斷，很適合這濃味的湯底。

收工約咗朋友喺食飯，香港仔有唔少連鎖粉麵店同車仔麵店選擇，競爭都唔少，最後決定食番又平又好食既麵尊，開左係香港仔真係方便哂南區人。⭐️ 豬頸肉、蘿蔔叫餸係逐份計錢。揀完一大堆配料後，豬頸肉同蘿蔔好焾好入味，絕對值得一試。酸齋同生菜都唔錯。⭐️ 咖喱魷魚揀左另上，咖喱辣係可以入口嘅辣度，而且幾大碟。⭐️ 咖喱牛柏葉、豬紅麵底揀咗油麵，再配麻辣，夠哂惹味。牛柏葉好大份，食落好爽口彈牙。⭐️ 炸魚皮炸魚皮香脆鬆化，點少少腩汁食就啱啱好。

今晚叫咗兩個外賣，叫咗一個$49大尊，同埋酸齋。其他就叫以下這些：咖喱魚蛋的味道濃郁，咖喱醬汁香辣可口，魚蛋的口感彈牙，搭配上微微的辣味。魷魚的鮮嫩口感在湯底的融合下，吸收了咖喱的香味，非常腍。牛柏葉的肉質軟嫩，帶有肉汁，搭配濃郁的咖喱，更加提升了整體的風味。蘿蔔的清甜與咖喱的辛辣形成對比，增添了層次感，並且提供了一點清新的口感，是不錯的搭配。豬紅的口感滑嫩，吸收了湯底的味道，讓整體更加香濃。豬頸肉的油脂豐富，口感滑順，與咖喱的辛辣味道相得益彰。今晚我地兩個都食得好飽。🤤🤤Tonight, I ordered two takeaways: one $49 large serving and a sour vegetarian dish. I also ordered the following items:The curry fish balls have a rich flavor, with a spicy and tasty curry sauce. The fish balls are chewy and paired with a slight spiciness. The

香港仔呢間車仔麵長期都有人排隊，難得今日經過唔使排隊仲有位即刻衝入去走去食返個車仔麵🍜🤤每次都食既豬腸，魷魚，牛柏葉豬腸好入味，但係有口感唔會太淋魷魚同埋牛柏葉都係爽口好新鮮今次仲嗌咗蘿蔔同埋酸齋～蘿蔔煮到好腍好入味，選擇冇乜特別都係酸齋🤣朋友提議我下次可以試吓叫豬頸肉，因為冇乜地方有豬頸肉可以選擇～重點一定要加咖喱汁+腩汁😂咖喱汁完全係靈魂所在🤤🤤另外特別鍾意店舖內嘅環境，因為好乾淨好舒服食落都開心啲

《大尊秘製車仔麵🇭🇰》———————————————-#麵尊 🍜-作為香港十大車仔麵店唔係惹少，我哋早排專登去香港仔食😋環境乾淨企理，姐姐服務態度都好好，同一般嘅車仔麵檔好唔同😂 -🍜 大尊選擇困難症唔想揀可以食呢個大尊，包咗豬紅、蘿蔔、咖喱魚蛋、紅腸、豬皮同生菜，超抵食💰 魚蛋同豬皮口感都好彈牙，蘿蔔鮮甜無渣，吸哂啲精華好正🧡-🐣 自選車仔麵自選車仔麵配料多元，麵底可以揀油麵、幼麵、粗麵、河粉、米粉或者米線🍜湯底我哋嗌咗奪魄麻辣醬，係自家製嘅招牌靈魂醬汁，香港製作🇭🇰 小辣已經好惹味，十分足料，不含防腐劑同人造色素～咖哩魷魚好爽口，豬頸肉啖啖肉，尤其中意個酸齋非常開胃🤤-🐟 炸魚皮獨立包裝上枱，夠哂衞生，魚皮炸得香脆又大塊❤️

經常都聽人講麵尊係車仔麵天花板，今次終於嚟試一試配料選擇唔算好多，但表現都唔錯。出名嘅蘿蔔果然煮得好淋好入味，又冇渣🤩牛腩炆得好軟熟，一咬就可以輕鬆分開😉咖喱魚蛋口感偏紮實，而且咖喱汁都有返咁上下辣度🙂‍↕️魷魚都非常爽口彈牙湯底本身夠濃味，淨係叫咗小麻辣都已經一邊食一邊流鼻水(我仲叫咗豆卜勁索湯🙈)，店員又好細心留意到，主動話幫我換個湯底🤍每一樣餸嘅份量唔細都幾抵食，個蘿蔔真係十分推薦👍🏻

😍麵尊曾獲選成為香港十大車仔麵店🍜主要菜式包括 #大尊 、#細尊 、#淨餸 #三餸車仔麵 等，嚴選用上等食材之餘，制作後以最短最快的時間速遞到每位客人手上，目的是不想影響車仔麵的質素😋👍🏻麵尊的招牌靈魂醬汁 #奪魄麻辣醬 及 #銷魂咖喱醬 全都是由麵尊的創辦人親自主理，每樽均經過精心烹調，用料十足，不含防腐劑及不加人造色素，百分百香港製造，絕對一食奪魄，一啖銷魂，伴在車仔麵食一流🤤🤤⋄⋄====—====—====—====—✦ 車仔麵 ✦🍜大尊（$49）🐖豬紅｜🥕蘿蔔｜🐟咖喱魚蛋｜🌭紅腸｜🐖豬皮｜🥬菜可選：油麵｜幼麵｜粗麵｜河粉｜米粉｜米線—配料樣樣都掂，豬紅豬皮夠入味，蘿蔔鮮甜好渣，咖喱魚蛋爽口蛋，紅腸結實，青菜翠綠，配埋秘製咖喱、麻辣醬及腩汁，加埋多蔥，邪惡非常😍⋄🥢自選五餸麵（$68）🦑咖喱魷魚｜🐮咖喱牛柏葉｜🐷豬大腸｜🐽豬頸肉｜🫓酸齋配油麵🍜—自選配料，同樣出色，魷魚爽口，牛扒葉新鮮，豬大腸乾淨冇渣，豬頸肉肥厚肉嫩，酸齋煮得入味，配埋爽滑可口油面夠晒飽肚🤤😋====—====—====—====—.📌店名：麵尊‘📍地址：香港仔南寧街6-12號ac5 地下8號舖

香港仔食肆眾多，可是轉手速度相當快，能夠維持人氣的只有少數，麵尊是其中一間，相信是因為它有不少捧場客，我便是其中一個。麵尊的香港仔分店是所有分店中最舒適寬闊的，出品則保持水準，湯底濃郁，餸菜選擇多，下午茶時段還有飲品特價呢。今日又和先生去食麵，兩個人剔下剔下共叫了七樣餸（蠔油冬菇、蘿蔔、豬大腸、酸齋、美味齋、五香牛腩和咖哩魷魚），加碟超大碟的腩汁白菜仔，非常豐富。我們喜歡多蔥和加汁，它的咖哩汁無得頂！