12點半去到，我地以銅鑼灣standard去諗仲以為要排隊，點知入面係未滿仲有位既。
大尊 麻辣醬
豬皮蘿蔔我覺得係出色既，豬皮軟同膠質到啫喱咁，蘿蔔清甜無渣。不過魚蛋豬紅紅腸就劣劣地喇，覺得唔OK。個湯底我地一致認為麻辣醬好食啲。
咖哩魷魚豬頸肉紫菜 咖哩醬
咖哩味無乜但水魷質地都淋，唔錯。豬頸肉就好普通既滷水豬頸肉。紫菜都正常。呢碗就所有野都正常普通，平均啲。
另外，個辣椒油幾好食，可以試下加少少。同埋姐姐幾好人，餐廳本身都係可以免費加湯，我哋叫左加一碗，點知佢主動幫手兩碗都加晒。加湯之後飲下發現都清甜既。
結論，普通OK既街坊車仔麵店，唔明點解吹到好勁咁銅鑼灣又排長龍。
