麵尊

營業中

休息中

香港仔嘅麵尊係一間新開嘅車仔麵店，位於南寧街ac商場內，環境乾淨舒適，服務態度親切。麵尊嘅特色係佢嘅湯底同餸，有多種選擇，可以自由配搭，而且份量十足，價錢相宜。我今次點咗大尊（豬紅,蘿蔔.咖哩魚蛋;紅腸,豬皮、菜），兩個淨餸分別係淨豬頸肉、淨炸魚皮同埋可樂。大尊嘅湯底係腩汁，濃郁香濃，有牛腩嘅味道，而且唔會太鹹。蘿蔔煮得軟爛，吸收咗湯汁，食落甜甜地。豬紅係新鮮嘅，彈牙有嚼勁，唔會有血腥味。咖哩魚蛋同紅腸都係好食，咖哩辣得適中，紅腸夠香脆。豬皮同菜都係平平無奇，不過都唔錯。淨餸方面，我覺得豬頸肉同炸魚皮都係值得一試。豬頸肉燒得香口，肉質嫩滑多汁，唔會太肥膩。炸魚皮係麵尊嘅招牌，脆脆地，有魚香，配埋自家製嘅辣醬，更加惹味。

🔺 麵尊（香港仔）香港仔終於有好食既車仔麵，呢間平時係銅鑼灣返工都會食，e+返到屋企呢邊都有得👍🏻🔻大尊（$49）入面有豬紅，蘿蔔，咖哩魚蛋，紅腸，豬皮，菜，有6個餸，揀阻油麵，老公食得辣揀阻加咖哩醬同麻辣醬再配腩汁同多蔥，超級重口味系列勁正，每樣餸都好入味～🔻4餸麵（$54）我就揀阻咖哩魷魚，牛柏葉，豬紅，齋同埋米線麵底，呢到既豬紅我係必食既，超入味，魷魚同牛柏葉都爽口唔韌，齋係吸湯汁必推！

開張第一個禮拜去食，有水吧，有檸茶檸水跟住隔左一兩個禮拜，第二次再去食已經無左水吧，得返罐裝汽水最近第三次食，有d受歡迎嘅餸好似粉腸咁都已經無埋...開左一個月已經不停cut呢樣cut嗰樣，究竟係咪唔想做？

只有上環店時總想去試，可惜一直未有機會。今天路過銅鑼灣店時，見有人在排隊，過門而不入。晚上再路過香港仔新店，想想緣份或許要來了，決定試試。車仔麵我是從用車仔來賣麵的年代吃起的，那時點一碗牛腩碎油麵，就賣個$3.5。今天且不評論價錢，就食味，已和真正的車仔麵差過十萬八千里。嗱喳麵這東西，離開了嗱喳，好像就找不到立足點。點了碗大尊，$49，就所有便宜食材的混合版，一樣有兩塊吧。另外點了個豬腸、冬菇粗麵。冬菇小小一頂，成本問題，但是煮得很軟和入味的。兩碗東西沒有什麼驚喜，也沒什麼失望吧。不能說好吃、也不能說難吃。但吃著原型車仔麵成長的應該就不會再來吃了。寫的食評越來越少了，發現寫的只有劣食，是時代變了嗎？現世代發現找一家能吃的已不容易，何況是好吃的。寫完劣食，習慣上也推介一兩家能吃的，以正視聽。一家在鵝頸橋街市裡，那家有新鮮牛什和炸魚餅的車仔麵。另一家在塘尾道附近，那家有好吃的豬大腸和牛膀。您找找吃吧，在這些僅餘的真實味道還未消失前好去試試。不然你還覺得譚仔是世一。

嗌左92蚊車仔麵 漏左我廚師腸 同埋蘿蔔 打電話想講番 無人接聽味道OK既但係哩個漏也有d誇張一開始原本仲漏左我飲野咁飲嘢就知道 打包盒拎番屋企先知無理由係鋪頭對完先打包….

麵尊車仔麵終於在香港仔開一間，店舖位置前身喺味千拉麵。車仔麵都喺啱香港人味道，真喺好味，仲可以添湯，但依家食車仔麵都唔平，佢飲品就比其他店舖貴囉，食完要出去7仔買嘢飲。

麵尊喺銅鑼灣長期都排晒隊，見佢香港仔開咗分店一於去試下腩汁湯底非常濃郁，每一啖都充滿了牛腩的香氣，蘿蔔食落超級清甜，入口即化。而咖喱魚蛋同咖喱魷魚就勁香辣，香氣四溢，辣得我出汗，如果你鍾意辣嘢，呢啲絕對唔會讓你失望。最驚喜嘅係豬大腸，佢燉得滑嫩，一啲都唔韌，油麵就係夠彈牙，配埋湯底好享受總括嚟講佢哋無論湯底到車仔麵餸都係好食，但係食完之後就全身都有邊爐味😂

銅鑼灣、上環我都是常客，如今香港仔也有，從前一家獨大，增加了競爭對手，對品質嘅提升，食味嘅要求，價錢大家差不多，但出品一定要新鮮，流量大，種類多元化，精益求精。