麥金.麥金馬來西亞特式茶啡室 (已結業)

真係馬拉特色既飯菜叫左個咖喱飯，碟飯有少少小菜～炸魚仔，咖喱個味都真係辣，所以唔食得辣就唔好叫喇。個飯綠色仲以為會有椰汁味，但係其實真係得個綠字😓。店鋪只係提馬拉式奶茶，都算特別。最鐘意就係餐廳既擺設同裝修，係行懷舊風味，可以去試試

睇到食評唔錯，特登過黎大角咀試下肉骨茶！坐低都唔係太迫，環境尚算舒適，有不同特色插畫，都乾淨！落單自己手寫都幾好，唔會咁易錯~首先叫左個皇帝骨好快就已經俾一人一碗湯，湯味較甜，熱呼呼的一見到呢份皇帝骨（$53），同想像中有點差異 賣相不討好，食落到更加係韌同鞋口認真失望，連豆卜之類的其他配料都無... 叫左碗娘惹叻沙（$58）呢碟無期望反而不錯，湯底香濃微辣，裡面仲有兩隻甜而有蝦味的蝦！又有魚片、豆卜、蜆，都算多料！再叫左一客咖咉多士（$20）味道一般，略嫌麵包唔夠脆，黎到即食都只係鬆軟總括上菜速度好快，坐得舒適，價錢唔貴，不過味道真係頗失望

行去大角咀搵餐廳食晚餐唔知食咩好 見呢間野冷氣夠又價錢親民唔洗等就入去試試餐廳裝修好地道 男朋友話好似喺馬拉一樣野食方面都唔錯 肉骨茶幾夠味 夠熱個飯都好食 個汁好送飯 但可惜太遲去冇哂薑黃飯了

其實大角咀地方唔算好大，但食店多得驚人。競爭自然大，所以這裡的食店都有鮮明主題。lunch time 去了這裡揾食，本想試一間新開台灣野，但無位，就過了對面食這間馬來西亞料理。我見餐廳主食黃薑雞飯，但剛昨天吃完，所以再點餐牌上的其他推介！我點了惹娘咖哩雞椰香飯，心想，咖哩一定無死。結果我錯了一上枱，已經覺得那個綠色飯帶來視覺衝擊，勁似薄荷酒果隻綠！再配襯咖哩黃又帶點啡色，加多一撻紅色辣椒醬，我o 左咀！！！因為我一心一意諗住椰香飯係白色架原來馬拉係green color, 好啦，照試下！個飯沒有椰香味，only 咸咪，再試埋個咖哩，唔香辣兼雞肉超"鞋' ！！！真心唔明佢點解可以賣俾人食。太差！！！後記: 有疑似毛髮混在雞肉，衛生度負皮一定無下次！

帶女兒來大角咀與家姐食飯，唔知食乜?看到這間麥金·麥金已開了一段時間，都未試過，就入去試試先。我們叫了娘惹咖哩雞配椰漿飯(即馬國稱"辣死你媽")因椰漿飯賣曬，轉了黃薑飯，咖哩雞好嚡，唔好食，黃薑飯還可以。(我去年12月與今年2月都有去馬來西亞玩，都有食過三次不同食肆賣的辣死你媽，與這店的味道仍有很大距離，這兒的，不夠辣，味道較遜色)。/招牌芽菜雞飯，雞肉很滑(只有一嚿係嚡的，算係咁架喇)，但、芽菜才是靈魂，在馬國怡保"老黃芽菜雞炒河粉"吃的芽菜是肥肥短短的，因怡保好山好水，種植出來的芽菜有種清甜的味道，令人難忘，而這兒的芽菜，也是短身的，但不似怡保吃到的味道，但這碟頭飯已算不錯。/砂煲老鼠粉，聞到很有鑊氣，吃落味道也不錯，唯煲底很多油，家姐吃了1/3煲，感到很油膩，感覺很滯。/馬拉沙嗲串燒(雞)味道一般，肉不滑，但也不嚡。/峇拉煎炸雞，很脆，雞肉很滑，食得過的。/ 飲品叫了美祿恐龍&檸檬薏米水，我冇試過，但、家人都說好飲。而我叫了怡保白咖啡，不知道是否叫凍，加了冰的關係，味道淡而無味☹。/三個人，三個主食，兩個小食，三杯飲品，埋單$309，以價錢、食物來平衡，不算很出色，也不算難吃，但

對於奧海城的餐廳已吃膩了 便來到大角咀找吃的 距離奧海城不到10分鐘路程 都適合吃完再小散步到奧海城看電影這麥金麥金就是位置小區中的馬拉菜 裝潢也挺中式 地方乾淨《招牌芽菜雞飯》$63 不用加錢已是油飯 正 香香的油飯 最愛了 雞亦很滑 有點彈牙 還有滿滿的芽菜墊底 吃點芽葉也比較清新《美祿恐龍》$18 滿滿的美祿粉在面 常常很怕弄到周圍都是 但真的難避免 可是仍然喜愛這濃郁的味道 有別於阿華田《招牌老鼠粉》$43 小小的一碗 但滿滿的老鼠粉 足夠飽 有肉碎拌飯 亦有燒腩肉 不錯《咖央多士》$20 不得了 必食 外面香脆 內裹的咖央 甜甜的 味道十足 經過可來吃一份再走😆二人共吃了$144晚餐 性價比高 會再來

A while ago, boyfriend and I came here for dinner. We did like it and decided to return. So, we arrived on a weekday just in time for afternoon tea time.During afternoon tea time, they have an afternoon tea menu.  Menu is in English and Chinese. There is no 10% service charge and you pay on your way out.The sets include a set drink with possible upgrades. I had the ice cold teh tarik. It was ok but it seemed hot was better.We ordered the Kaya toast ($28). This came with a half boiled egg that wa

幾條友揸住架車,去到旺角又無位拍車, 兜兜下就兜左去大角咀, 見外表呢間舖好似唔錯,出面又有位泊車, 有啲裝修咁, 咪走入去試下囉!睇外觀好似唔錯,都乾乾淨淨,招牌靚靚仔仔咁真心好耐未食過啲咁唔好食嘅嘢, 講真我連名都已經唔記得咗, 淨係知道有朋友仔叫咗飯, 係豬扒飯,啲豬扒鞋到不得了,乾爭爭, 仲要個飯係偏甜嘅嗰啲配料係甜嘅。我就叫咗個喇沙食,完全冇味道嘅, 衰啲講好似清水湯煮麵咁, 最慘佢上枱嘅時候碗麵好似好靚咁, 一食入口真係想。。好後悔入咗嚟呢間嘢度食。。。

今日行過俾個古色古香嘅門面吸引咗,就入咗嚟試試. 店內佈置都好東南亞風,幾得意.我哋點咗: 娘惹咖哩雞配椰漿: 賣相一般,配料有鯷魚乾丶薯仔丶烚蛋丶參巴醬丶青瓜丶花生,而椰漿飯好香,食落好好味 檳城福建蝦麵: 同menu張相有出入,以為個湯唔係紅色,結果係紅色而且辣. 味道係惹味嘅,只係對我嚟講比較辣. 食呢個蝦麵最好配凍飲.怡保白咖啡: 係傳統嘅咖啡,味道不錯的,只係唔會有太多層次丶變化.馬來西亞拉茶: 呢個拉茶真心好飲,清清嘅甜,好滑之餘,又有淡淡花香嘅茶味令人飲得好舒服,超正!

肉骨茶 💰$73配料很豐富有雞腳、豆卜、豬手、油炸鬼等配料 肉類味道不算驚喜 湯底沒有正宗肉骨茶咁濃藥材味 比較適合香港人的口味 但重口味的桃子還是比較喜歡藥味較濃的 但配白飯一起吃也很開胃-咖喱雞椰漿飯 💰$58椰漿飯有淡淡椰子味但配咖喱醬一起變得沒有什麼味道 咖喱醬偏辣 雞肉也不太韌 整體感覺普通另外午餐免費包括一杯白咖啡或拉茶 拉茶偏甜(應該係好甜😂) 下次叫可以試吓少甜

Overall verdict: tasty food, value for money.We ordered:1. Buh Kuh Teh (one man combo)2. Fried buns3. Dry Chilli Pan Mein4. Boiled squid5. Curry chicken lo meinThe soup in the Buh Kuh Teh tastes exactly like the ones I had in Malaysia. The one man combo includes generous helpings of ingredients pork, tofu, chicken feet and etc. This is a good dish to start on and cut through the oil if you are having some heavier dishes too.The fried man tou buns are my favourite. They're fresh out of the dryer

朋友話去完馬拉旅行一個月有d掛住果度d肉骨茶，佢找到大角咀呢間店店內外都好有馬拉feel，朋友都話去馬拉旅行啲感覺返哂嚟茶餐招牌老鼠粉-肉鬆配合黑豉油撈在老鼠粉上，相當野味，仲有兩塊腩肉令成碗粉無咁dry茶餐福建蝦麵-湯底蝦味很重，而且油麵特別吸湯，令成碗麵都洋溢著蝦香和蝦味咖咉多士，多士烘到脆得如餅乾一般，再加上整片多士都塗滿了均勻的咖咉醬，每啖都逸滿了椰香我知你啦薄餅有兩款醬汁：辣汁和咖哩汁，辣汁刺激，咖哩汁香大滲-店內最多料的肉骨茶，有雞腳、豬骨、豆腐卜，而且店員會另外再倒一碗靜湯俾各人馬拉特色小食拼盤-有檳城香炸滷肉卷，愛她愛他，囉吔炸豆卜，峇拉煎炸雞，油炸鬼，馬拉黃金泡菜，全部馬拉特色野拉茶超多泡，證明師父有料到

人生，少不免要比較😣 食過蘇媽後，今日黎拜訪麥金，兩者近乎孖生兄弟咁，無研究過誰先誰後，但一試後就知高低🥇🥈位置係大角咀核心食肆地段，門口有西部酒吧既掩門，白燈光猛咁照晒成間舖💡位置間都算寬敞👍 位就大約三十個，週五晚7點零黎到唔多人Menu 易明配晒圖🖼️ 款，小炒🍲，小食🌭，肉骨茶☕，飯麵🍝🍚所有嘢食好似瞬間轉移咁到面前，先來一碗茶湯☕，藥味有啲重，似苦茶咁😑 然後一字骨黎到，份量大，都有成6,7舊，係有限枱面空間有頭抽，黑醬油，蒜頭，辣椒比你混，不過點混都好，舊湯骨係煲湯肉🍖咁，無乜味🙄 仲有。。。個兜係崩既😒咖央多士🥪又係大大份，但係烘得太乾，同啲咖央你還你，我還我😥最離譜係份炸雞🐤，我見你menu有個👍先揀，得幾舊，啲炸粉厚到離晒譜🙃 自己又7️⃣咗，做乜東南亞菜要揀炸雞然後椰漿飯，好似拜四角咁，每個角落唔同料，但咖哩本身辣🍲，仲要比辣醬🌶️ 另外花生🥜魚仔🐟撈飯，有點不知所措🙈唯獨杯白咖啡可以正常少少☕其實誰先誰後唔緊要，但有無心做食物一食就知😛 功課大家都一樣，有人💯有人0️⃣，有人生意爆，有人無人去😥 埋單172兩位，唔會再去，又比飲食評分呃多劑😒下次番蘇媽再排過❤️

今日又去大角咀試新野 麥金 裝修好有風味扮舊時既東南亞餐廳打開餐牌 原來個價錢唔貴難怪幾次經過都見到幾多人叫左肉骨茶$68 小滲 即係咩都有有豬肚 豆卜 豬手 豬腩 一字骨 雞腳 都幾多餸豬肚係最好食嘅其他肉類都係一般般可以無限添飲肉骨茶個湯 味道有陣藥材味 都幾好飲 佢地都好樂意幫你添湯叫左招牌芽菜雞飯$63雞味淡淡 但好滑係嫌肥左d 塊雞皮都幾厚唯有唔食雞皮都有幾多芽菜喺下面個薑黃飯都幾香略嫌呢個只係暖暖地唔係好夠熱另外叫咗個喇沙面個湯嘅味道都唔錯美祿恐龍跟餐加$18正常的一杯 係好飲嘅唔使加一 總括來講 性價比唔錯會返嚟食

得知有三間馬拉餐室的裝潢及食物近乎一模一樣，特意去勻三間餐室品嚐。較早前已品嘗過兩間深水埗馬拉餐室，今次來第三間，基本上由門口、桌椅以至牆身佈置都差不多是一樣的。不知道除了外觀相似外，食物是否一樣水準呢？雖然食物種類比深水埗的多，但我還是鍾情喇沙、咖央多及串燒。只需在點菜單上賣寫食物/飲品編號及數量再交給店員便可。娘惹喇沙 ($58)配料方面挺豐富有蝦、魚蛋、魚片、豆卜、蜆和雞蛋；喝一口湯，湯沒什麼椰味，味道偏淡而且不夠熱，令整碗出品失色。咖央多士 ($20)個人來說，很喜歡吃咖央多士，可是這個咖央多士真的令人失望。賣相不太討好之餘，多士很乾，咖央醬亦很少。馬拉沙爹串燒 ($40)雞、豬、牛各一串，肉質皆軟腍，伴以濃郁的沙嗲醬一起吃，味道不錯。馬來拉茶 ($11)點了喇沙以優惠價$11加配馬來拉茶。拉茶是用兩個杯子拉來拉去，拉得越長，起泡越多，味道就會好。拉茶入口茶味濃厚，但口感不夠幼滑，而且起泡不多。價錢平易近人，但食物水準及服務在有比較之下，相對遜色及未能吸引我再來。