麥金.麥金馬來西亞特式茶啡室 (已結業)

今日行過俾個古色古香嘅門面吸引咗,就入咗嚟試試. 店內佈置都好東南亞風,幾得意.我哋點咗: 娘惹咖哩雞配椰漿: 賣相一般,配料有鯷魚乾丶薯仔丶烚蛋丶參巴醬丶青瓜丶花生,而椰漿飯好香,食落好好味 檳城福建蝦麵: 同menu張相有出入,以為個湯唔係紅色,結果係紅色而且辣. 味道係惹味嘅,只係對我嚟講比較辣. 食呢個蝦麵最好配凍飲.怡保白咖啡: 係傳統嘅咖啡,味道不錯的,只係唔會有太多層次丶變化.馬來西亞拉茶: 呢個拉茶真心好飲,清清嘅甜,好滑之餘,又有淡淡花香嘅茶味令人飲得好舒服,超正!