麥當勞 (星光行)

營業中

休息中

新出咗香芋雪糕年曲奇，好奇之下一試， 芋頭味好濃完全同平時嘅新地筒好唔同呢一隻味道 超乎想像曲奇筒就冇乜變化食唔出好大陣曲奇味但係整體嚟講已經係好好嘅甜品十蚊樓下完全唔算貴

麥當勞既威力係不容忽視，麥樂雞既威力都一樣！麥當勞做個Promotion，當然我地呢d低產市民開心啦，但係真係做屎班員工！今日$10 9件麥樂雞，我地成班大食積當然唔放過啦！話說我地13:01買，等到13:30都未嗌我地，咁我過去問問，點知即刻就有啦，不過都要等30分鐘....打開好開心呀！超多麥樂雞，雖然係十蚊九件，但係一d都唔馬虎！件件都咁大件，麥樂雞炸至金黃色，賣相好吸引，而且仲係熱架！皮唔算太脆，已經開始有d林，但雞肉仍然飽滿結實。唯一差的是個bbq醬，唔知點解超級酸，陣味聞落好香架，真係有BBQ味，但一放入口一陣酸味，我吐都吐唔切...都係甜酸醬穩陣d！加油吧員工們！仲有好幾日努力呀！

今日優惠係$10 兩個漢堡包！中午放飯時間好多人排，見到好多人買個優惠包！梗係啦，又平又抵食！不過如果入面有芝士就好啦！琴日係10蚊9件麥樂雞，我都有食！如果個個月都有咁正既優惠就好！

為左紀念2016最後一個📝扮工日，終於一嚐朱古力新地批（$13）喇！對於朱古力控黎講，廣告賣相好吸引，令人有衝動想試下！但吃話就知，宜個批一點都味道一點都不吸引！朱古力批裡面確實係有好多既朱古力漿，之但係...朱古力漿多而味不濃，好失望！😞批內既朱古力"傑達達"，口感不佳！！！同廣告影出黎既效果完全不相符！！！加上，個批可能放左一段時間，一點都唔脆，口感好差唷！結論係！！！未食既朋友可以唔洗食！

快餐快餐，真係可以咁無服務就一定架啦知道其每一年都加價一次但無想過加價但又將份量減少無奈不過野都係要食架啦平時都會買其雪糕新地食無錯係朱古力新地好似又加左價都唔鬼記得HKD8好似前陣子係7蚊睇下佢既份量嘩得半杯，咩事呀多花生算係個樣好差囉無想過加何價但份量會減少味道一向覺雪糕味係幾好食既加左花生更加正朱古力醬都可以算係平食既雪糕算滑，牛奶味都香但真係可惜而家杯野攪到咁，我好想投訴我覺得俾咁既價錢，野既份量唔係減少囉好激氣，第日少食

下午茶時間覺得有點餓，在想應該吃甚麼，走在街上，看到不同的食店，但我不想動輒吃掉$2x-3x，所以有想過忍著肚餓。突然讓我看到窮人恩物 - 麥當勞，我毫不猶豫走進去，最後決定點一個細薯條，要$5.5⋯⋯記得前陣子只需$5，竟然這麼快就加價。算了，也比其他店便宜。薯條夠咸、夠脆，$5.5算是高質了。過完口癮，我便離開了。

做完facial突然想食甜。starbucks迫爆人，所以走左去mc cafe買件cake食。價錢黎講，件blueberry cheese cake算唔錯wor 味道同starbucks既差不多，不算太甜，$27蚊平過starbucks7蚊~cream cheese既味幾濃，我鍾意呀

小妹是薯條怪由其愛shake shake薯條 小她最愛便是蜜糖芥末 不過因為這幾年到外國升學所以好久都沒機會食今次推出全新的黑松露味，那小妹當然即刻試啦 味粉係暗黃色，同平時黑色既黑松露有落差聞起來就有好香既黑松露味， 不過可惜同薯條混合後食落只得鹹味和辣辣地， 無黑松露味，比較像黑椒味較多 朱古力批 即係蘋果批個批包着朱古力醬， 味道雖然不太甜但沒有流心效果 但而且朱古力味道不濃像在食雀巢可可脆片比較多 總括而言，價錢ok但味道比預期失望

又係3.3下午茶時間,是日唔太hungry,所以是旦入左去一間m記食個下午茶,叫左個開心樂園餐(漢堡飽$15.8)比較平反傳統食牛油栗米,飲熱朱,漢堡飽....原來都幾飽架喎..牛油栗米都OK夠熱,但完全係唔夠牛油味,比起平時放題食果D熱辣辣栗米差好遠....份量都幾少,幾口就食哂熱朱古力都幾好,不過甜過頭.用果隻朱古力好一般啦,唔算滑.漢堡飽正常味,都夠多蕃茄汁的...唔錯唔錯,食完呢個都幾飽XDDD

麥當勞熱香餅早餐，可以選擇飲豆漿，豆味不出眾，不過整體味道不錯。熱香餅一如既往的好味，漢堡味道好鹹，如果加上蜜糖會好吃得多。薯餅啊很香脆，價格也很值得吃。一個套餐大約＄26 ,食早餐來講都算好抵食。

McDonald's 朱古力批朱古力批外脆，入面有好多朱古力醬，每咬一啖朱古力醬就會好似流出嚟咁，但係朱古力醬質量參差，味道淡。 已經冇以前朱古力批嘅味道，難道回憶總是美好的？ 黑松露shake shake薯條一打開黑松露shake shake包，就聞到濃郁的炭味。加上薯條，不停shake ✌🏼️但覺得味道一般，聞到有黑松露味但係食落係冇味😢有啲失望，覺得原本既蜜糖味好味啲🙊

今日LUNCH 諗唔到食咩，不如就試下新出M記瑞士芝味外賣返公司，唔使同人逼。keke仲叫埋個粟米批食落去比較偏甜，Um⋯⋯只屬一般。但感覺係似飲粟米湯味的～重頭戲當然係個包啦！真係芝味十足，菜多番D更好，牛肉算厚，但似孚不太實，有點口完就散既感覺。都OK，下次有機會再試新野～

聽說m記出了自選包餐，於是便前去試試，故意去了尖沙咀的星光行。在點餐機前有專人教食客如何點餐。包底，醬料，蔬菜，肉塊和其他配菜都可以選。我只點了最基本的，沒有再加錢配其他材料。不選平時吃到的薯條，選了薯塊，較粗，味道跟薯條略有不同。另外還有飲品，是一般m記有售的飲品。差不多60蚊，付錢後有個機器，包是即製的，做好了機器會響和閃，這時再到櫃臺拿食物就可以。其實整個餐不太特別，只是將平時吃到的材料重新配搭，可以試一次，之後還試不試就見人見智了。不過可以看到餐廳是重新裝修的，多了很多位，環境也與一般m記不同，較幽靜。

第一次推出既時候我無食過.尋晚經過麥記, 見到再出而且大人批准share一杯就試下啦本身打算食新地筒, 但發現原來新地筒係無阿華田既粉.所以轉左扭紋新地.阿華田扭紋新地 $8.5看見雪糕上既朱古力粉非常興奮, 呢杯雪糕既重點真係那些阿華田粉.先嘗一口雪糕加阿華田粉, 阿華田粉的朱古力味濃, 配上味道略為淡的扭紋雪糕. 配合得很好.阿華田粉跟平時飲的有些不同, 比較粗糙, 粗粒....比較有口感, 而且不會容易吸入氣管而濁親我再單獨嘗一口阿華田味雪糕. 味道很淡吃不出是阿華田味.像是Vanilla味加了一點兒的朱古力奶一樣.如果下次再想食....一定要食新地...不要為左慳$3而滿足不了自己XD

麥當勞價格實惠，而且選餐自由，加上食物出產快，是一間不錯的快餐店。但係食物品質差強人意，好似薯條同薯塊等等嘅油炸植物，一旦放置得耐就好容易變凍，變成軟林林，食物容易因此變得差。而且員工的服務不好。無法以適合的口吻替顧客解惑 。大部份麥當勞由於人流太多，桌子嚴重不足，使不少顧客較難光顧。