麥當勞 (星光行)

營業中

休息中

🍩芝牛蛋小麥圈🍩琴日經過麥記見到有 又有人推薦我食今日就買佢做早餐 又幾好食喎第一次食麥記既bagel 好充實😏唔似平時麥芝蛋包個包咁食完一陣風咁岩哂我呢啲平時食包食唔飽既人😂呢款芝士同牛肉幾夾 整體都好好食聽日繼續😛

今晚我們去咗尖沙咀星光行嘅「麥當勞」這買外賣自取返屋企食！我們買咗今期最新推出嘅芝味蘑菇安格斯套餐嘅安格斯漢堡相當乾身，肉汁差唔多都無，而且仲有啲「騷」味，但蘑菇嘅味道都幾香甜！清新田園烤鷄套餐嘅嘅包質都幾軟熟，烤鷄扒嘅肉質好鬆軟嫩滑，而且烤得色澤好黃，再夾埋新鮮清甜嘅蕃茄片生菜片同香滑嘅牛油果蓉一齊食，食落感好清新，唔會有油膩嘅感覺！芝喳喳芥末鷄堡套餐嘅鷄扒外層炸粉厚身咗啲，肉質都幾軟滑，但中間夾著嘅煙肉就煎到過咗火，令到煙肉變到又乾又硬，呢樣令我們覺得比較失望！脆薯嘜嘅造型賣相都幾趣緻可愛，炸得唔算好香脆，食落就好似食緊一嚿普通薯仔咁！

某電影上映之後相關嘅周邊商品不斷上市，最近麥當勞嘅開心樂園餐玩具都係minions，而且仲有一系列嘅限定食品。啲食物盒都係minions，就咁睇都覺得開心。傻蛋孖牛漢堡嘅麵包係芝味蘑菇安格斯漢堡嗰款法國甜包，表面光滑鬆軟微甜。不過最吸引嘅係包面上嘅minions烙印，真係好得意。中間夾住一片蒸蛋同兩片漢堡牛肉，同埋仲有切條洋蔥增加爽口感，另外用咗芝士、牛排風味醬同芥末薯仔風味醬調味，有少少黑椒嘅辛口，都幾惹味。脆薯嘜就係呢個餐包埋嘅，一盒六件嘅minions造型小薯餅真係好得意，不過佢嘅脆口度就比平日大塊嗰種脆薯餅失色，純粹賣相過癮。

。 我覺得m記每次畀啲胡椒都好少 所以成日都一次過叫佢畀幾包我。 粟米湯幾好飲 加埋啲胡椒制令到成個湯更加惹味。 我覺得粟米湯好飲過罐頭粟米羹。 btw食胡椒薯條都好食過黑松露薯條😂。 而且食緊西湯薯條感覺非常良好

返工當然頭痕，但每朝都要諗食咩早餐會更頭痕平時食開熱香餅，但比較DRY突然醒起呢到仲有扭扭粉火腿扒蛋扭扭粉味道普普通通，勝在份量OK湯底唔會太咸，扭扭粉唔會太淋

終於試到"芝喳喳芥末雞堡"因為上次俾左牛我😑我鍾意之前是拉差個款多啲塊雞厚啲 芥末醬好似冇咁好食好彩有塊煙肉 感覺豐富返啲😋薯塊好食過薯條 不過太少 唔多飽價錢:$34.5

迷你兵團終於搗蛋搗到黎香港！玩轉麥當勞！今次大轉變有多達差唔多有 10 款都有小黃人嘜頭既野 🤤今次食左 4 樣小黃人既野，首先講講 #芝士蛋糕味新地窩夫筒，個味根本就同雲呢拿味健身大隻奶粉既味一樣既 🤤 好難食 🤤 仲要好甜！頂多帶好少既芝士味，搞唔掂 🤡之後就萬眾期待既 #傻蛋孖牛堡，就係有 2 件頗乾既漢堡扒、小小燶既蛋、芝士、洋蔥、芥末醬、黑椒汁，味道冇乜驚喜，但係我覺得幾好食 😂 可能食開頹食 🤘🏿 跟餐有 #小黃人脆薯嘜，厚厚一塊，多多薯仔，qq 得黎都幾 qq 🤤最後係最為滿意既 #新地香蕉脆 配朱古力醬，可以配士多啤梨醬，都係傳統雲呢拿雪糕配朱古力醬正 🤤 香蕉批食落算係天然既香蕉，斷估唔係罐頭香蕉或者人造假香蕉掛，最好食呢個 😂除此之外仲有 #冰雪雙重芒果特飲、#凍香蕉朱古力、#蕉蕉蕉朱古力鮮奶咖啡、#芒果蛋糕層層疊 等等，期待你地包膠 🤡🤘🏿——————————————————————#芝士蛋糕味新地窩夫筒 $10#小黃人脆薯嘜 跟套餐 +$0#傻蛋孖牛堡 套餐 $31 單叫 $21#新地香蕉脆 $13——————————————————————#McDonalds

之前上網見到泰國麥當勞有好得意嘅minions薯嘜，可惜暫時未有去泰國旅行嘅計劃。但原來香港Mcdonald由6月29日起都岀左脆薯嘜！ 脆薯嘜嘅口感係厚身版嘅薯條， 鍾意食粗薯條嘅孩子岩曬。 最重要係Minions 造型真係好得意呀!!!!! 一系列minions 食品仲有香蕉批，傻蛋孖牛堡(個包上面仲印有minions圖案!) 。另外而家只要買任何食品加$38就可以換到minions玻璃杯，一共也有3個款，我最鍾意就係藍色"阿的"呢款。 心動不如行動， minions fans 快啲帶佢地換屋企。#mcdonaldhk #minionpotatoes #脆薯嘜 McDonald's​ Minions​ Minions Fans​

時間：星期四 8pm人數：2有好多位，餐廳50%滿。買野食條隊keep住有3-5個人。<< 食物 >>芝味蘑菇安格斯 套餐 ($45.3 - $5 promo coupon)個包同平時果啲唔同。形狀似魚柳包個包，但煙韌啲。塊漢堡都ok，食落感覺幾真材實料。洋蔥蘑菇多啲就好喇。薯條都係咁啦，唔係即炸唔脆。啲茄汁好似比以前稀咗咁嘅。一推出果時係用木板裝架喎，而家轉哂紙兜，仲要入面擺張紙(唔需要啦)，好唔環保。焦糖芭菲xOreo (跟餐送)佢唔講我都唔知原來有雪糕送。其實好似新地，只係轉咗焦糖醬，插咗3塊oreo曲奇仔 & oreo朱古力wafer條。好在個焦糖唔係超甜。不過一個人食哂成個可能會好漏。豬柳蛋漢堡 ($11)都係咁啦，冇乜特別。感覺個包比以前扁咗。朱古力新地 (McD MyVoice app 做問卷送)做問卷送嘅新地可選朱古力或士多啤梨味。之前食過士多啤梨味覺得太甜，今次都係揀番朱古力好啲。<< 服務 >>起初落單係一個可能新仔嘅人落，俾完錢發覺冇減到$5，同佢講番。咁岩有個經理整緊部收銀機，咁佢就幫我地處理。佢有

原來已經冇左是拉差脆雞😓唯有食狂惹火辣脆雞 叫左多辣醬但唔知點解今次食覺得味道怪怪地下次都係食返泰脆洋蔥安格斯🐮趁佢仲未撤離要食多幾次😋而家六點後食signature餐就送一張雪糕券可以揀焦糖 朱古力 士多啤梨味焦糖味之前岀個陣食過 系伏所以都系食返朱古力😚

🐮泰脆洋蔥安格斯🐮$39.8我又叫左多芝士醬 同濃香肉汁醬溝埋真係好好食😍又芝士醬又芝士片 芝士控一定愛死😝配蛋同厚厚既牛肉 爽呀😙繼玉子將軍後 又一令我上癮既包😛

新包泰脆洋蔥安格斯 係creamcheese sauce 同燒汁肉醬 塊牛雖然鞋 始終m記，不過成個包一齊食就好滋味！ 有左d醬就唔乾，所以大家記得多醬份量好多，值得一試！

今日去到M記吾想食又食包早餐，之後見到電視機有個細通粉餐又吾貴就諗住試下啦，等左幾分鐘就有，超快手，不久扭扭粉早餐就到。但點知係失望。。雜菜蛋扭扭粉配加一蚊變即磨咖啡 $17…一開就完全感覺吾到佢熱，失望，點知食落去仲要比心目中淋身，可能整好放左係度太耐了我，湯底只得一半，扭扭粉吸晒湯已經淋身仲要係冇味道，似水沖出黎咁。有什豆但係都是味道偏淡，幸好咖啡保持到水準，我諗如果下次想食熱野都係去茶餐廳會好好多，始終m記都係包比較好點。

美食哥倫布今次只係去咗老麥遊!比高早餐好無食?一齊睇下啦!其實依個包都唔算係中伏嘅,個包硬硬地,加左蛋同芝士其實算唔錯.但試過叫佢個全餐(即係好似好豐富,但其實只係將所有野分開晒放戈種)比高都真係幾乾硬化擦果jam?我覺得冇乜幫助所以想食比高,識揀記得揀依個!

麥當當最近又推出左新系列既食物啦！我對佢個泰式風味既新雞包就無乜大興趣，我反而睇中既係佢既芭菲杯焦糖芭菲 x Oreo HKd$14.2其實呢個所謂既芭菲杯係無特別架，就係正如相中大家所見到既係平時既麥叔叔雪糕加多幾粒mini oreo同一條威化及醬.......所以相對黎講唔算抵食架，但短短推出左幾日既“焦糖芭菲 x Oreo”我已經食左三次啦原因只得一個就係單純地因為.......我真係真係好中意個熱焦糖😍😍😍