麥當勞 (天瑞商場)

營業中

休息中

麥當勞經常出新食品，雖然我好鐘意試新野，但係每一次試完都只有失望...今次去麥當勞就試下佢個玉子吉列豬堡...果然真係唔可以信廣告，廣告賣得幾好，到最後實物出黎都係差d...一打開個樣就已經無左一半興奮，望落去隻蛋都唔知去左邊...一咬落去...無咩感覺，又唔係難食，但係又唔覺好食，無咩特別既味道，只係知食緊野...好似個飽完全唔夾咁，所以帶唔出d味咁...失望...

晚上十一點先至食晚餐，叫左一個豬柳包餐及脆辣雞腿包餐加麥樂雞等得好耐，要十二分鐘，除汽水外，全部都要即做。豬柳包餐：由於係即整，拎返屋企十分鐘仲係好熱，感覺更加好食，包比之前好似大番小小，味道幾好。洋葱圈：脆及甜，好味！可樂：都係咁，甜度適中。麥樂雞：熱及脆，味道無異。配醬料食一流！薯條：熱，但無咁脆了，咸味夠。

再一次一次既推遲，都而家先寫番呢篇包評。見M記推出左改良過既脆辣雞腿包，就買返屋企試下啦。個包主要係用左爽口既雜菜絲同玉米包代替以往既芝麻包。而雞腿就無乜特別既改變。個包個outlook比之前既好睇好多，唔理佢好唔好食。個樣比之前既colourful好多，而且味道都唔錯既。啲配菜都算幾爽口，食落索索聲。而個雞腿同之前既分別不太大彌。雞腿既肉質都幾嫩滑，不過就太多油啦，唔係太健康。而呢個特級脆辣雞腿包加左蕃茄及煙肉，不過我覺得有點畫蛇添足。基本上，煙肉同蕃茄可有可無，唔知點解會加左落去個包。但整體上都唔錯既。特別係個玉米包，食落個口感都幾得意架。個包個口感唔錯，好鬆軟而且同個包幾夾。呢個包算改得唔錯既，如果雞腿可以小啲油就更加好。期望有更多改良既產品啦。

M記如果有產品可以令我翻兜幾次，呢個產品應該有令我再三回味既理由。呢次出左個黃金芥茉蜜糖魚堡，呢個"新"產品令我亂兜左幾次。只係呢次相好睇小小先post上黎。呢個魚堡點解會令我亂兜幾次，實有佢既理由既。呢個包整體上既配搭都唔錯既，首先由醬汁講起。佢地用左芥茉蜜糖醬，即係點Jack麥樂雞醬既芥茉蜜糖味。呢隻醬味道酸酸地，食落幾開胃架。而呢個包既配料都配搭得宜，有新鮮既蕃茄、爽口既新菜、惹味既椒香芝士等等。而個主角既魚柳都無令我失望，魚柳既炸粉唔厚，實屬難得之佳作。而個魚柳都幾有魚味，實屬廢話。而個包又幾煙韌，之後得知係玉米包。所以先有呢種效果。整體上，個包真係幾好食。唔係既我唔會翻兜咁多次。只不過面頭價格上升，一個餐差唔多要三十大洋既時候。便覺得有點不值，但齋買個包又有搵笨。諗到呢度，真係唔知有咩反應好啦。

好高興有ＯＰＥＮＲＩＣＥ的存在，起碼有一個地方比我發言。話說我由讀書開始至今，去得最多的麥當當就係呢一間「天瑞麥當奴」。有人話麥當當既服務員服務態度，係同那一帶既地方質素有關。我唔肯定呢一點可唔可以套響呢一間，但其店既服務員的態度真係差得緊要！年輕一代打工，總會容易展現黑面。其店特別之處，物以類聚！全都係十多歲男女，一系列無笑容，硬語氣，一副唔怕炒既模樣，對上年紀既清潔姐姐無禮貌。近來有個大富翁遊戲，更為求自己有，更偷偷唔附上大富翁比客人，當客人問起先比佢呢個難道係麥當當既玩法？

都唔知有幾耐，M記無出過新產品。唔知點解，九月份就出左幾隻新產品，可能係回應市場既需要啦。呢次有鹽燒雞翼及特盛魚堡。鹽燒雞翼同脆香雞翼唔同既係，係燒雞翼。感覺上無咁脆口，不過個皮又幾好食。好香既鹽燒味，但感覺上雞翼係縮左水，無平時既咁大隻。特盛魚堡佢地既賣點係芝麻醬加上長魚柳，個汁醬既配搭都幾得意。個味道又唔算太鹹，同個魚柳都幾襯。魚柳既粉唔太重，也談得上算啖啖肉既。講真，呢個產品俾我既感覺都唔錯。好難得地有新產品推出，只希望佢地有新野出之外。仲會出番黑椒漢堡等既經典產品啦。

話說，點Jack又重出江湖。仲為我地帶黎美味既麥樂雞醬汁，當然有新加坡蜜糖芥茉醬、蒜蓉辣椒醬同新既青檸味泰椒醬。而17號開始，會有新加盟既法式芝士醬。對我黎講，我會鍾意芥辣同蜜糖芥茉醬多。麥樂雞餐其實麥樂雞係點，就唔使多講啦。個蜜糖芥茉醬係小小甜加上小小辣整成既，呢個醬點雞係相當好食架。而芥辣醬都係咁既味道，辣辣地點雞係好好食。另外，薯條點呢醬都唔錯，同麥樂雞一樣咁夾。可樂新地簡單講，即係可樂加雪糕，呢個配搭係無可能好難飲既。個配搭既味道都幾得意，又清熱。不過，加3個半真係有肉赤。呢個麥記既配搭，唔好食就無乜可能。只祈求點Jack可以為我地帶來新既芝士醬，到時會再為大家報導。

包和薯條沒有因平了而變細個 但其實也是不夠飽的要讚讚是服務員的異常的好★脆辣雞腿包餐好香 雞腿新鮮整起 脆脆的 加上微辣 很好★芥末魚柳包餐新出的包配薯皮可能我喜歡芥末味道 很喜歡這個包吃下有點嗆喉 正薯皮淋了 不好吃 但其蜜糖芥末醬很不錯(可以因為又是芥末吧)★巨無霸餐正常味道 不過塊牛很薄 薯條正常

5/OCT妹子眼見手上的50%優惠劵去到明天便到期了，放工後便到ok便利店買了本新鮮出爐的雜誌後，便去MC café hea一番才回家吧~順便吃點東西墊墊肚子！上次喝過Cappuccino後~還是覺得Flat White比較好喝，於是乎再encore一次！點上一杯中size coffee及最新推介優惠~豬柳蛋漢堡後，便去café專區坐下來！明顯地枱面上全是上手客人留下的足跡~一大埋的垃圾沒有店員清理…可能晚上人手比較少的關係？但是對於妹子來說就感到不舒服喇！有點糟糟的感覺…等待店員先生送來的時候，眼見妹子枱面上的垃圾，終於叫來同事幫手清理，但只限於妹子一人，其他枱面依舊不理，有趕客之嫌！不過算吧！妹子要獨個兒享受自己的私人時間~揭揭雜誌~喝上一口香濃咖啡~再咬個包~人生有幾何這麼悠閒？叫店員要了代糖，送來一包試用裝。唊上一口…奇怪~奶泡沒有之前的豐厚，變成了薄薄的一層，而咖啡依舊味道，只怪店員奶泡可能打得太少…豬柳蛋漢堡比妹子預期的好，剛剛整好而已，包身還是暖的，而麵包烘得香脆，只是豬柳太過細塊~而環境方面，旁邊坐了5~6阿太，說話大大聲，震得妹子耳朵聾聾作響…算吧~妹子的悠閒時刻頓時

今日為左自己溫書,易入腦then,去左mcdonal揀左一件blueberry cheese cake&latte個waiter哥哥好靚仔,又nice本來揀左中杯coffee,但佢話medal size&big size只差$1佢就幫我揀左big sizelatte多奶泡,好smoothcake烘得好靚,cheese taste夠濃裝修唔錯

黑椒漢堡都唔知出左幾多次，不過我次次出都會食既。呢個係我一年一度都期待既產品。黑椒漢堡呢次係雙層黑椒漢堡，個汁都唔錯既，好香同黑椒味幾夠架。而牛肉都可以啦，好有肉味。四塊牛肉一齊食都不失味道既。個包整體上都唔錯既，食得過架。脆香雞翼普普通通啦，只係幾隻好細隻既雞翼。其實黑椒漢堡都出左好多次，但次次都唔會令我失望，點都有下次既。

１６ＯＣＴ之前食麥當勞送既５０％　ＯＦＦ咖啡優惠劵今日到期就順便放工後飲埋先返屋企喇！張劵可以購買中／大享有半價優惠，用於熱咖啡１）鮮奶特濃咖啡ＦＬＡＴ　ＷＨＩＴＥ中間奶泡有著甜甜香味，再唊一口香濃帶苦的咖啡然後再攪均，已經很享受了～原價要＄１７元，所以半價好抵飲！同張餐枱紙外形相差無幾，仲有專人送到你面前但我之前係樂富飲既會拉出心形圖案難道個店員兄暗戀我～～不是麻？！

呢一日起左身，又唔知食乜早餐好啦。就黎左呢間食早餐，又唔想食早晨全餐。就食個扭扭粉早餐啦。板燒雞腿扭扭粉全餐雞腿好大塊，雞腿又唔鞋口。真係幾好食既，個雞腿又有小小味，真係幾正。扭扭粉都可以既，份量都幾多。而個湯底應該係普通既雞湯，無乜特別。又驚有太多味精，所以無點飲到。薯餅唔使點講既。新鮮炸起已經好好食架。凍奶茶好飲既，奶味好夠。杯奶茶好滑，好味道架。個早餐都唔錯既，有個扭扭粉食感覺上會飽既。

呢日唔知食咩好，就黎呢度食啦。見呢度又可以加三蚊要新地樂，就呢度食野啦。新地樂其實係健怡可樂加軟雪糕，雖然無乜特別。但夏天食就幾涼快架。而將雪糕加埋可樂個感覺又幾好架。脆辣雞腿包我本來對呢個無乜期望，但而家即叫即做。我覺得比以前好食左，但雞扒都算幾脆口，炸粉又唔算太厚。算係咁啦，始終對呢唔會有太大期望。薯條無乜特別，所以無野好講。我覺得今餐都算唔錯既，個餐都算幾好，有進步。

住咗呢頭咁耐...呢間m記的質素真係每況越下.... d包次次都移晒位,菜還菜..芝士還芝士唔在講...有次食過個飽係"un" 既... 打開一睇...入面係煎濃晒..... 又有一次... 食雙層芝士堡..頂.,....成個包都無整熱既..連d芝士都唔溶..... 真係興爆!!而佢其中keep住低水準既..就係佢d薯條! 次次炸到又乾又硬..仲要好少可係熱既..最多只係暖暖地咁... 今次連埋個麥樂雞都係硬既..住天瑞既人真係慘....