麥當勞 (天瑞商場)

營業中

休息中

早上食早餐，真係好多人，服務員好忙我明，但係都應該留意下屏幕，我買完個餐等左就20分鐘都未到，就去左問，服務員就顧住執其他餐，我又問多次我既餐到左未，佢先懶懶行比個餐我，仲要係凍曬，明顯就係執完攤左係度好耐!拎完番到位，我要既紫米豆漿變左原味豆漿，算吧我已唔想出聲去換，跟住個薯餅一啲都唔脆，頭一次食薯餅係食唔曬..唯獨板燒雞扒都正常。唉！唔好既經歷呀

不得不佩服麥記的團隊，每個月都總有新花款，因為可愛的蛋黃哥，我又落坑了！今次點了熱焦糖布丁牛奶咖啡，同埋雞肉火腿碎蛋芝治。雞肉火腿碎蛋芝治係方包入面放了一片雞肉火腿，碎蛋沙律及芝士，之後用烘爐烘到表皮有坑紋同埋少少芝士熱溶的效果，店員會幫忙一開四，有少量拉絲效果，味道都唔錯，入口麵包脆脆地但不會太乾，不過份量都有點大，如果作為下午茶的話。熱焦糖布丁牛奶咖啡在奶泡上以金黃色的焦糖灑出蛋黃哥的招牌模樣。肥肥的都幾得意！飲左一啖變左形的蛋黃哥也不失可愛，熱焦糖布丁牛奶咖啡味道是意想中的偏甜，有少少布丁的蛋香味，咖啡味比較淡，奶泡都打得幾滑及挺身，影了五分鐘相都沒太大分別，只是樣子邊緣位化開了。第一次飲McCafe 算是不錯的體驗 。如果想飲一杯完整的畫花咖啡，只需在圖案底方飲用，就會飲到最後都不會糊掉，這是我上次去飲咖啡時，咖啡師教的方法，大家不妨一試。估不到 McCafe 都有好咖啡，而且店員都好Helpful，因為我想食呢件三文治而他們剛好賣完，本來打算轉場，但店員姐姐用了本來是明天的存貨幫我整，好感動，希望夜晚對貨倉唔會有事啦。

食完彩虹雞蛋仔，又趁join家人前去咗麥記食「新」推出嘅抹茶系列，聽聞之前已經出過，不過我冇食過。買咗支抹茶新地筒，唔…我只可以講，餐廳貼出嚟嘅海報真係僅供參考，一切以實物為準。接到佢嘅時候我真係忍唔住（細細聲）講咗句「咁肉酸嘅」，不過唔想浪費食物、份量又唔算好少，先冇要求換過支。講返個味道，我覺得奶味偏重，只係食到少少抹茶味，鍾意濃郁甘澀嘅抹茶愛好者可能會幾失望。

天水圍24M記FOR放工宵夜打等唔錯,雖然係嘈咗少少,但都仲好過係條街到HEA,KEEP住晚晚都咁多人,差在難搵位同埋排隊耐少少,有時又執唔切嘢,要自助式執位,不過人多都好,啲嘢通常都新鮮熱辣。食嘢方面最基本既薯條夠新鮮夠脆，唔會翻炸到成陣油味，包個啲通常都整落既，但都好食既，我都係最鐘意板燒雞腿包，大大塊雞腿，近排出返“點啫”，買左盒大四隻味，真心好好食。

脆脆黑椒漢堡 $32.8 （6/10）整體平平 啲人話啲脆脆好辣但點解我依個一啲辣都無既 好嬲 但反而食到黑椒味 係咪應該要開心 芝士有既但都吾多 睇落拉絲食落咪同普通包無分別 有人會驚食包無啦啦有脆脆會奇怪 但我食落 可能啲脆脆已經無甘脆 又吾係好硬 所以都無咩特別覺得彆扭 塊牛係厚少少 都吾錯既 但訂價比之前某啲新包高

今晚黎呢間麥記坐下，跟朋友hea下買左2份雞翼*輪*今次有少少失望 點解啲雞翼有土匪嘅味道(格x底flavors)!!! 雞肉是鮮嫩 但味道確實怪怪的因為我朋友點泰辣醬，佢跟本5知係咁嘅味道希望麥當勞可以挑選過一些更好嘅雞翼麥當勞再一失望作品

老麥日日都多人排隊買早，今日突然好想食薯餅就一早落街買個餐返公司食，豬柳漢堡餐加熱咖啡，個包幾好食，等左成廿幾分鐘先有，都叫做係即叫即整嘞，熱餅都好熱好食，杯啡就完全唔掂，又凍又酸，叫佢比多個奶我又話比左，啲啡酸成咁又得一盒奶，又酸又苦又唔熱，差！包好食

工作後想買木子奈何三時才開，先來麥當勞吃點東西歇一歇。此麥當勞環境不錯，夠大又乾淨，附近住屋為主，人們買外賣居多，現場座位充足。香草辣雞翼，其實是乾炸雞翼，即平日的脆香雞翼淋大量香草及加點辣粉，濃味而乾渴，外皮厚，內裏還好不太乾。薯條不夠熱，明明人多，薯條也不夠熱，奇怪。脆辣雞腿包。難得不太乾，圖片可見雞腿還有肉汁，實在難得，但麥當勞的炸物還是厚皮。

麥當勞最近都成日推出新產品，最近就出咗功夫熊貓系列嘅嘢食，而我今次就叫咗一杯特濃咖啡新地雪糕，一送到上手，外觀 完全唔覺得有咩特別，只不過係將一杯新地雪糕，再將啲特濃咖啡淋想去上面，味道方面唔算話好出色，其實自己分開叫都可能整得出呢個味道。

個tiramisu Latte coffee好差，太甜，完全冇tiramisu味，唔知係本身個味道就係咁定係沖咖啡嗰個人嘅問題，唔知有冇人試過係覺得好味架？？？？？

打完波去食少少野啦，其實已經知道呢個傻蛋孖牛漢堡出左都一段時間，不過好少來麥當勞食嘢，依家有機會就食下啦。呢個漢堡係有兩款醬係個包入面，一個係沙律醬，另一款係黑椒汁。我自己就鍾意食濃味嘅嘢，所以我叫咗多汁。果然不出我所料多汁係好食啲嘅。配埋佢嘅蛋，同埋佢啲醬入晒落個包入邊，非常野味，同埋佢嘅黑椒汁有點兒辣，好正啊！雖然係兩塊牛肉，但係我覺得唔夠juicy，對於一個肉食獸來講。

麥當奴間中都會去吃,當我不想吃什麼就會求其入去麥當奴解 决晚餐，麥當奴定期推出新品,我都會去試下它的新品,我只會試有興趣新品,上星期五去了天瑞,因為有事要去下,自己私人事做完之後，已經到了晚上時間，又要搵下食店，天瑞真的冇咩好吃，當我準備坐輕鐵時候，我經過麥當奴,我想都冇想就行入麥當奴，我發現有雞翼併盤套餐，它有4件同6件給客人揀，我就揀了6件，估不到它的雞翼又好好味,蒜香雞翼味道有些小辣，我可以接受到微辣，雞翼肉質好滑,炸得剛剛好又不會炸得太過火，可樂同薯條冇咩特別，我不多提這2個,自從改了點餐形式之後，所等待時間比起以前耐好多，這裡環境就麻麻,不知道這間人手不足,我見到冇服務店清理顧客吃完餐具

昨天買了1號餐加大，飲芬達，然後有一包發調味粉叫椒鹽蟹，但是佢冇比到調味粉我，麥樂雞餐差就無比雞醬，啲員工service就是一般，還有外賣嘅時候，食物有啲凍，例如啲薯條有啲淋，汽水就冇冰，總括嚟講都OK嘅！

我是不是有點Out呢？麥當勞推出綠茶軟雪糕已一段日子，最近才第一次品嚐。向來喜歡吃新地杯遠多於單調的新地筒，這次也要了綠茶朱古力新地，不肯定好不好吃關係，只買一杯與老公分嚐。才賣$8，當然不會期望綠茶味很濃；其實那綠茶味淡也無所謂，問題是雪糕中有陣討我厭的草青味... 初進口是OK的，但after taste實在不行。 還好是要求了多朱古力醬，朱古力的甜味可以稍稍掩蓋那草青味，所以也能完成。不過之後再吃的話，肯定會選原味的朱古力雪糕新地。要吃綠茶雪糕，還是喜歡推介Via Tokyo及I Cremeria，一分錢一分貨！今晚會出銅鑼灣，很可能又再吃了，呵呵～

今日可以試到麥當勞新包！呢間對住車場，落地大玻璃好開揚！先去櫃台落單，店員會比張有號碼號票，見電視出現票號，就再去旁邊櫃台等攞食物，中央處理！落單同執食物都好爽手！  因為要睇車關係，我們坐向坐車場高枱！之後食緊時，大批中學生殺到，即刻爆場，好在早了少許！ 叫咗：超級隊長漢堡餐（$31.8）個紙盒圖案好得意（不過我唔係超人迷）隊長漢堡有肉扒、薯餅、芝士、洋蔥，其實都係用麥當勞有嘅材料mix and match, 材料好豐富，麵包鬆軟，本來以為漢堡夾薯餅好古怪，原來唔會，薯餅脆脆，增加了口感同份量，洋蔥爽脆，要讚係呢個包嘅兩隻醬，黃芥辣醬少許攻鼻，好搶眼，減低了油膩感，另一隻黑椒醬，完全無辣味，偏甜，增加了濃厚味道，個漢堡好味但好油膩，肉及薯餅都油！食到尾段已經有啲頂唔住！最後都食唔晒，剩一啖咁多！本來可以加錢轉薯皇（賣飛佛）點知賣晒（我去到時下午1點幾，如果由11點開始，兩個鐘頭就賣晒）可見麥當勞應該考慮薯皇加入恆常食品喇！而家食普通薯條，即刻覺得又乾又硬！熱朱古力正常！食完飽飽要去廁所，行勻全餐廳都見唔到（同事話之前有）問店員先知無，要行去商場1樓廁所好遠！雖然商場廁所乾淨！百幾個