麥當勞 (天瑞商場)

營業中

休息中

M記如果有產品可以令我翻兜幾次，呢個產品應該有令我再三回味既理由。呢次出左個黃金芥茉蜜糖魚堡，呢個"新"產品令我亂兜左幾次。只係呢次相好睇小小先post上黎。呢個魚堡點解會令我亂兜幾次，實有佢既理由既。呢個包整體上既配搭都唔錯既，首先由醬汁講起。佢地用左芥茉蜜糖醬，即係點Jack麥樂雞醬既芥茉蜜糖味。呢隻醬味道酸酸地，食落幾開胃架。而呢個包既配料都配搭得宜，有新鮮既蕃茄、爽口既新菜、惹味既椒香芝士等等。而個主角既魚柳都無令我失望，魚柳既炸粉唔厚，實屬難得之佳作。而個魚柳都幾有魚味，實屬廢話。而個包又幾煙韌，之後得知係玉米包。所以先有呢種效果。整體上，個包真係幾好食。唔係既我唔會翻兜咁多次。只不過面頭價格上升，一個餐差唔多要三十大洋既時候。便覺得有點不值，但齋買個包又有搵笨。諗到呢度，真係唔知有咩反應好啦。