麥兆記(祖傳)廣州雲吞麵 (已搬遷) 新店位置

麥氏一家親 邊家先係真無啦啦行到尼見到麥字頭所以就入尼一會叫左個午餐有 雲吞面 + 咸肉糉嘩....唔係咁得播雲吞超袖珍.....一元硬幣咁大度啦食落d 蝦都幾新鮮.....但係又唔係話特別好味law咸肉 佢整到d 飯係爛晒的...又稔...又痴口....感覺奇差...唯一可讚的係佢地面....真係幼得有道理而且幼得尼佢又算彈牙...只可惜...唉....佢同麥文記一樣....貴得尼的唔好味....麥家.....睇尼都係要試埋 麥奀記喇~WAKAK

23.11.08 (Sun) lunch是日送外賣：兩碗云吞麵，中午十二點幾，人多到呢…同夜晚完全兩回事。先前都諗緊ｄ麵會唔會『發』得好犀利，因為仲要去買蛋糕，之後行上朋友屋企仲有一段路程…點知湯同麵係分開上，見到有一盒湯同兩盒麵，good!一打開盒野真係嚇親：麵一小『注』，云吞四、五小粒，我就prefer大大粒，情願佢少ｄ。味道方面，湯同麵真係唔錯， 冇咩『簡』水味，口感適中，云吞都好味，不過太細粒，口感真係差好遠喇。即刻想起上次灣仔食十蚊有三粒大大粒云吞嘅麵，真係可以食兩碗有凸喇，唔怪之得堂食嘅人通常加個粥or粽啦～我地食完都覺得好似冇食，呢個只係『appetizer』。total 好似 $46都好幾年冇買外賣喇~

雲吞細粒但幾香，麵亦都幾彈牙，算係唔錯蝦子撈就唔係我食既，不過朋友食左話唔錯

我從不諱言我愛麥奀記......從幾十年前奀叔在中環金龍酒樓主理的麵檔，到在機利文新街的大牌檔，至最後搬往威靈頓街的地鋪。一吃就是數十年，橫跨三代，這正就是不折不扣的所謂情義結。與雲吞麵大王麥煥池及其後人結緣的麵家片佈香港。其中有何洪記、麥文記、麥忠記、麥奀記......最新再來一個新成員 - 麥兆記。麥兆記是奀叔次女及愛婿另立門户之作。如果說麥奀與麥忠是 "花開兩朵，各表一枝"，那連同麥兆記就只好用 "一門三傑" 來形容好了。無論是麥忠或是麥兆記，和麥奀記在風格上都是大同但存小異。麥兆記走的是多源化路線，菜單的選擇比麥奀和麥忠記較為廣闊。由於是一脈相傳，麥兆記的出品和麥奀記的差不多是一模一樣。麵是用的是全鴨蛋打出來的銀絲細麵，除了有輕微的鹼水味外，就和麥奀的幾乎百份百一樣。店主說是用了不同的供應商打麵，這點我有些懷疑。湯底做得與麥奀的也極為相近，唯一分別是大地魚乾的份量明顯麥奀較多，所以湯底較濃，而用胡椒粉的比例麥兆記為高，辛辣程度亦較強。雲吞同是傳統的 "麥奀" 式 "八分瘦肉兩分" 的製作。雖然我是麥奀記的長期顧客，但說真的，單從雲吞的角度，麥文記的雲吞比麥奀和麥兆記做得更為出色

麥兆記的雲吞麵也是很少，雲吞才得四粒，但用料絕不簡單，看得出有一隻大蝦，但是豬肉去了那裏？沒有多餘的豬肉，有蝦味、少許香料味等，很特別，是上乘的雲吞。麵是廣東鹼水麵，沒有鹼水味，夾滑香又彈牙，較干身的一種，湯底好像用蝦瞉和大地魚等煮出來，清甜香爽，我就喝了整碗，加了少許韮王，表面看整碗雲吞麵平平無奇，沒有多大的材料，但其實內裡千變萬化，深不可測。http://icuteee.mysinablog.com/index.php?op=ViewArticle&articleId=1392974

前排睇完電視節目介紹雲吞，就引唔住，另一晚即刻去食返碗~呢間麥兆記係天后都開左一排喇~但係天后係既我都只係第一次幫襯!!!我同朋友各點了一碗牛腩雲吞麵。牛腩很「林」~雲吞的皮很滑，蝦味很鮮，還配左一點既香料~味道一流!麵既梘水味唔重~而且質地很爽滑!比同區另一家的麵做得好!唯一一樣要彈的....一碗牛腩雲吞，買$32，但......真的好細碗.......男性朋友食完仲好肚餓.....

星期四massage完,亞7介紹lee間雲吞面係正嘢...我哋兩個就去到揾食雲吞面-雲吞係一口一粒嗰隻,d蝦好爽,雲吞皮又簿,d面又無蜆水味炸醬撈面 - d面就一流,但炸醬就普通d, d肉比較鞋口白灼腰潤- 豬潤係黃沙嘅,灼得啱啱好, 豬腰都好脆,但就覺HKD50得十幾舊貴咗d要食正宗雲吞.lee度啱喇.....

很愛吃雲吞麵, 要求亦高, 麥兆記合格有餘,掂.比較意外的, 是他們的牛筋亦很好吃, 驚喜程度更甚於雲吞麵.

「又」去想試的大坑越南店碰運氣, 但「又」塞爆了人, 結果「又」死死氣折返天后搵 lunch 食... 知道呢度係麥奀家族開出來的, 0黎試試佢的雲吞麵 ($22).細蓉唔算細, 銀絲麵油光十足, 4 粒 bite size 雲吞就0係底, 果然係傳統雲吞麵... 先飲啖湯, 好濃蝦籽及蝦頭/殼 (?) 的味道, 沉厚甘甜, 正! 麵條黐埋一餅0野 (!?), 不過食落極爽口彈牙, 亦當然零鹼水味, 配上少少韮王, 好食; 而 4 粒精緻的 bite size 散尾雲吞就最正, 靚到唔捨得食 食落十分鮮甜爽口, 不過蝦肉：豬肉比例近乎 8:2, 都係多 d 豬肉較0岩我口味. 好耐無食過咁掂的雲吞麵了, 嗜麥奀又嫌人貴夾唔飽的, 值得試試呢度!環境光猛, 衛生 ok; 阿叔阿姐們友善禮貌, 招呼好好.$22 一碗, 真係 10 個抵. 朋友 K, 幾時一齊0黎食呀?

在附近泳池曬完太陽, 曬到有點頭赤赤好似冇飯開, 便行過就來食個麵先返屋企. 下午三點幾四點, 都要搭檯, 都咪話少人. 大熱天時當然不會吃粥, 而且此店主打雲呑麵, 就要個雲吞麵加淨水餃. 麵爽雲吞細細隻, 散尾貨式, 皮滑餡料平均, 沒有妹仔大過主人婆之意. 湯底清甜也有淡淡大地魚鮮味, 賣廿元也很合理. 至於水餃大隻, 有麻油在上面, 更香; 餡料幾豐富, 皮也比媽打在街市買的水餃更少梘水, 掂!湯清冇咩師傅, 在個人而言, 好食過有家族關係既麥奀.

要到北角買點手信，打蓋睡時突然想起麥兆記，就趁102巴士在銀幕街埋站時趕忙衝下車，按筆記薄記下地址找到這裡。麥氏家族新晉的一員，主打銀絲麵外也有粥配粽的套餐，粥留冬天吧，炎炎夏日還是吃碗蝦籽撈試試基本功，就要了蝦籽撈配雲吞套餐。髮絲般細長的銀絲麵，扣上大量篩選過的細粒蝦籽，賣相吸引，撈起手也算乾爽，不錯，銀絲麵帶著爽韌細緻口感，微量鹼味無傷大雅，只可惜只撈上一般熟油，風味自然不及傳統豬油，底碟雖有有小小水漬，但總括而然是有水準的廣式撈麵。四粒「半口雲吞」浸在濃鮮的大地魚湯內，蝦粒及豬肉做的餡，份量比例得宜，除蝦的口感及豬肉提味，亦做到散尾效果，稱得上順喉美味小品佳作。難得麵、湯及雲吞三者同樣有水準，希望再來時風味依舊。

2008年09月12日，22:30在新界西吃過雞粥，便乘968到天后。見粥已消化得七七八八，便到這太座口中的傳統雲吞麵店，來碗蓉。背境：店主是廣州池記第三代傳人，麥奀的千金。雲吞麵：湯底：清鮮雲吞；散尾小雲吞，肉少而爽蝦多，可惜皮的收口位太厚和實，有粉一'舊"的口感麵底：鹼水味淡，爽脆，可惜在份量少少的麵團中，竟吃到三口未煮開的麵柱。這碗麵賣相是傳統之作，奈何內裡有點兒失真。店內掛滿了懷舊照，配合那白頭煮麵師傅，懷舊feel百份百。

早排係雜誌見過介紹呢間食店, 當日路過雖然已經食到飽飽, 但都要入去一試, 叫左個淨水餃雲吞 加 皮蛋海蜇, 但覺得兩樣食物都好一般, 雖然係祖傳, 但並非我想像中咁好食. 可能開張不久的關係, 都有漏單情況出現, 我叫那個皮蛋海蜇要翻叫才有得食, 而隔離檯一家大細叫了三碗雲吞麵, 只來了一碗, 要再追單先有得食.

看了這麼多篇寫這裡的雲吞麵如何「得」，一家大細同來一試。只見餐牌上不兼賣魚蛋牛丸之類，已經欣賞。雲吞麵端上來，一啖其湯，得！再嘗其麵，彈牙爽口沒梘水味，好得！雲吞亦當然得。再試他的豬膶粥，粥底好綿，豬膶亦好得！最後來個薑葱牛肉撈，亦不錯。飯後還可藉這一餐教女兒如何欣賞一碗好的雲吞麵，哈。

在這一帶等人, 遊遊蕩蕩下找到了這家店。它號稱是麥奀雲吞世家, 始創人麥奀先生的二女和女婿開的, 早已想一試。 擇日不如撞日, 雖有大餐在後都來食碗雲吞麵吧, 反正雲吞麵本來都是小食罷了。這兒的雲吞麵比早前在麥文記吃的出色, 麵身沒那麼硬, 鹼水味也較輕, 較易入口; 雲吞也是細細粒的, 蝦非常的爽, 豬肉比麥文記的多, 正是各有千秋。不過呢度咁近我, 梗係來呢度食喇。不過店內有不少蒼蠅, 店方要留意一下衛生了。