麥兆記(祖傳)廣州雲吞麵

今日行過嚟間店，肚仔餓到咕嚕咕嚕叫🍜，試咗佢哋嘅祖傳鮮蝦雲吞麵。哎吔，第一啖麵落肚，已經覺得自己選對咗！麵條爽滑得嚟，又唔會得太攰口，真係正啊！嗌得啱時候，唔洗等太耐，麵質啱啱好，冇乜鹼水味。雲吞嘅蝦仁好飽滿，咬落去又甜又彈牙😋，個味正到不得了，不過講真，雲吞皮嘅摺邊小小硬，不過都算係小毛病啦！湯底岩岩好，有啲胡椒味，一啲也唔over噃，越飲越開胃！咸香中帶鮮味，每一啖都好似喺飲一口滋陰補品一樣，暖笠笠嘅。勁正👍！另一碟試咗牛肉麵，告訴你啊，牛肉嫩過少女心思，咁滑咁嫩，啖啖正肉！腸粉度嘅油炸鬼配腸粉，皮滑鬼脆，好食過癮，真係惹味到禁唔住啊！篤‼️咁嘅好味道，肯定會再嚟！下次帶埋啲朋友嚟齊齊分享，食得舒服咁🥢！…Read More

近來食左兩次，都係因為聽講炸醬麵幾好食，諗唔到食乜同埋行入去有位唔使等。炸醬麵，份量細，基本上可以幾啖食完😅。麵的質地幾彈牙，不過兩次都帶些少濕。甜辣味也有，略欠點酸味，細個食好似有甜酸辣味。我只是普通食客，所以不知是否這樣才是正宗。上次也試吃了雲吞及鮮蝦腸粉。雲吞細粒（有8-10粒左右），都算新鮮同有點香。跟麵的湯都幾清。腸粉皮不算特別薄，帶點黏所以不太滑，蝦幾大隻。上次埋單好似差不多兩舊水。今次又係諗唔到食乜，行過又入去食下，試下水準是否穩定。炸醬麵差不多，今次辣味多了些少，都係有甜味冇乜酸味。另外試了細份白灼腰膶（90幾蚊共6-8件），新鮮冇「壓」味，不過偏貴。 奶茶可以不叫，沒有太特別。題外話，今天侍應阿姐送來奶茶時，因為茶色很深像華田，我多口問了一句，「請問是否奶茶來的」，阿姐指指白糖，沒有回答之後就和她的同事在旁咬耳仔，我沒有聽清楚內容，我估大概都是「不是奶茶是甚麼。」後生阿姐見我望住就提醒那位阿姐別説。其實我只是想搞清楚點單而已，我也不是沒禮貌，之後那位阿姐好像不時眼神怪怪的望著我，這點令我有點不高興。當然，茶比較濃，沒有甚麼奶味。整體來說，不太差。公道說，也不是全部侍應也這樣，上次的阿姐非常有禮。可以一試，又或者我會試下其他分店，看看到底水準是否統一。…Read More

今日突登揸車去天后，因為好耐無食過好的云吞面，在街口考慮左一陣，去麥兆記定麥奀記，因為好耐以前有去麥奀，所以今日入去麥兆記。$57 一碗云吞麵，麵咬落去硬硬地，但絶不是彈牙爽口，相信再煮多一分鐘會林到食唔倒。湯頭係清，但完全唔鮮，只是一股死咸，不是很咸，意思係新鮮日本芥末，同開粉的日本芥末的分別，明？仲叫左牛筋牛腩，牛筋正常，牛腩竟然咬唔開，一個字，唉！搞到我好掛住澳門黃枝記其實我都唔算生麵迷，不過係云吞迷，係喇，粒云吞的蝦係新鮮，不過個皮一d都唔香，有d云呑皮香滑綿，入口好舒服。唉，可能我唔識食啦…Read More

經過天后琉璃街，試吓做廣州人，麵質雖然爽口，但和其他麥乜麥乜記，沒有太大分別，湯底偏辣，不合一般小朋友吃，祖傳什麼呢？只是和麥當勞有分別，其他稍為抵讃的，是有即叫即蒸腸粉，食品種類比其他麥乜乜多！…Read More

近日繼麥奀後光顧第二次麥氏雲吞麵，吃著吃著，不停有個疑問：麥兆比麥奀好？但麥奀更盛名呢！🤔叫了牛腩麵、北菇雞粥、蝦腸、炸水餃牛腩麵湯底濃郁、牛腩完整大件，好實在的口感，但過韌未見脂肪中和。不要緊，我不介意，因為我吃的是雞粥北菇雞粥，粥底調味可口、米飯濃結度完美，易入口，北菇為一開二的五元大小微型菇，拼湊約有兩隻吧，有菇味，非用鮮菇魚目混珠。比很多店，只放一片菇好得多了！雞件有六七件，件件有肉，未見厚黃肥皮，粥面可見，絶不肥膩，但小心碎骨。蝦腸🍤，粉漿幼滑、非常簿，通透得清楚見到當中的蝦。蝦很爽、新鮮、無梳打味，不用放醬油，夠好味了！最令人驚喜是炸水餃，怎可能第一口只咬水餃皮，“十”一聲，聲音也是一種享受，又簿又脆，吃得出是現買的吞吐皮，有鹼水味，但也出奇好味。涵料在外皮內通透可見，每隻一半是蝦一半是木耳等材料，好充實美味。難得是真的外脆內軟，炸物卻沒有滴油啊！每每嘗到美味湯底美味粥底，便會留意會否口渴，這裡是不會的🎉，中午吃完，五時才買果汁飲。可改善的是，招待要主動勤快點，阿姐們需要叫方帶著緩慢身軀協助客人加水。亦有客落單久久未有食物，原來漏單，但一句不好意思也欠奉。以這個價錢提供茶餐廳格局，懶洋洋的服務，單靠食物質素，很難叫人吃得順心。檢討檢討！…Read More

因為不喜歡是鮮蝦雲吞而隨意點了一道面陪男朋友，結果是滿滿的意外。不要以為招牌是鮮蝦雲吞，就覺得剩下的菜式都是配菜，好嗎！這碗脆爽豬腰湯麵已經讓我吃的心滿意足了。滿滿的蝦籽湯底＆不僅爽脆還爆嫩的豬腰＆元氣滿滿的姜蔥，真的是很好吃，完美！！！…Read More

放學打算食少少嘢先番屋企，係北角二間麥字頭下揀左麥兆記  。叫左一個蝦籽撈麵，真係好失望😓先講個撈麵凍ge，份量女生吃都未必夠。而且個湯只係勉強叫和暖啦，如果呢個質素，唔值呢個價錢。有時候，都係街坊麵檔仲好食，又可能呢度出名都只係雲呑麵掛，我不懂欣賞。P.s: 加上服務屬於一般。…Read More

大蓉.根據傳統做法 麵條在上雲吞韮黃在下👍🏼 麵條是銀絲蛋麵 非常幼細 (雖然我喜歡粗點的😂) 用的是鴨蛋 所以蛋香濃而且很有嚼勁 沒鹼味😋 湯有大地魚及蝦子香 還帶點胡椒香😌 金魚尾雲吞是一口的大小 摺口不硬實 蝦與豬肉為一比九 我個人喜歡多點豬肉的🙆🏻 整體很不錯 但價錢貴而且即使點了大蓉也是不會飽的😂 （原來麥兆是麥奀的女兒 而麥奀就是雲吞麵大王麥煥池的兒子呢)…Read More

聽講呢間麥兆記噶雲吞麵味道比較正宗，不過價錢就有少少偏貴啦。不過既然喺附近，都係過嚟試下啦 而且呢度離天后站好近，食完就可以翻屋企啦 雲吞麵，湯底唔錯，好鮮甜，而且無咩味精噶感覺。雲吞比較大粒，而且每一粒入面都有鮮蝦，鮮蝦非常爽口彈牙 牛肉麺，牛肉非常嫩滑，而且鮮嫩多汁，非常新鮮。牛腩撈麵，腩汁同麺簡直喺絕配吖，牛腩好多，而且煲得比較爛腸粉，入面包住油炸鬼，腸粉皮好滑，油炸鬼好脆 …Read More

雲吞麵，一種傳統的廣東小吃，近幾十年在香港發揚光大。我夠膽說，她的地位在廣東小吃的范疇內，等同於點心、粥品，三者可以說不分伯仲。換成了西方的餐飲，雲吞麵應該等同漢堡包、pizza的地位。相同之處一，都是較為平價的食物，但要弄得美味，對材料及烹調手法卻須要一定的技巧。相同之處二，雖然說價位便宜，但也有平價及較為貴價之分別，差別當然在於質素、味道及所採用的食材或原材料。論雲吞麵的質素，在香港應該以【麥奀】一系及【何洪記】一系為翹楚。其中【麥奀】一系已經開始散葉、花開數家，包括「麥奀雲吞麵世家」、「麥奀記（忠記）」、「麥兆記」及「麥明記」，分別由麥奀的子女及女婿打理。一直以來，總有一些人誤會佐敦的【麥文記】與【麥奀】一系有關係，雖然她也是九龍區的雲吞麵名店，但兩者基本上沒有關係，只是在上世紀五六十年代勉強有一點淵源。據說，麥奀盡得老父麥煥池真傳後，一直待在廣州，直至一九五零、六零年期間，因為國內環境變遷，移居香港。初期待在叔伯輩的麵檔打工，幾年後才自立門户【麥奀記】。已經有一段時間沒有幫襯元祖店中環「麥奀雲吞麵世家」，近年她的分店也越開越多，對上一次幫襯【麥奀】系也已是幾個月前的「麥明記」了。這一天因為辦事來到天后，吃一個遲來的晚餐。看見在街角的兩旁分別有「麥奀」及「麥兆記」的天后分店，未試過「麥兆記」，就試試吧。室內裝修為典型的雲吞麵店格局，沒有什麼特別。枱面玻璃下除了餐牌之外，放了一張介紹「麥兆記」起源的單張，交待與「麥奀」的關係；牆上又貼上了麥煥池的照片。「麥兆記」的餐牌上，有麵、有粥，甚至腸粉、奶茶，已經超出傳統雲吞麵舖的範疇。來「麥兆記」，當然食雲吞麵。分為大蓉（$54）、細蓉（$40）兩種份量，很有幾十年前的傳統；細蓉有四粒雲吞及一份麵條、大蓉則有五粒雲吞及份半麵條。由於想吃多一點東西，所以只叫了一個細蓉（$40）。不知何固，這碗麵只有一兩絲韮黄，偏少。雖然沒有實際用途，但這也是正宗雲吞麵的傳統，作為名牌雲吞麵店，應該注意一下。作為【麥奀】系的其中一間分支，當然保留了雲吞麵的正宗傳統，就是將雲吞放在碗底，然後用湯匙將麵條托起，最後搯下一壳清湯。這種處理方法，保證了麵條在端到客人桌面前，不會浸在熱湯內太久變腍，影響麵條的彈牙質感。秉承【麥奀】系的正宗雲吞麵傳統，份量少；但「麥兆記」卻用了一個較大的碗盛載，感覺「大碗啲」。其實，麵條份量少也有實際需要，確保即使吃完整碗，依然保持彈牙，不會浸腍。廣東全蛋麵以全蛋及麵粉制作，外觀、質感及口感皆有別於其他粉麵類。優質的廣東全蛋生麵，不論麵條的粗幼，皆以爽口、彈牙、在口中有嚼勁為佳品。為了這種彈牙及嚼勁，則須要加入鹼水；如果去除/揮發不夠徹底，那陣氣味及味道是相當難接受的，也會影響麵條的質素。其實麵條質素不差，但「麥兆記」作為名店，再加上不便宜的價錢，麵條不合格。雖然麵條真的幼如銀絲、又沒有鹼水味，但在口中細嚼，欠缺彈牙、嚼勁、蛋香，偏腍身。湯底味道偏鹹，大地魚干的甘香、鮮味也不太明顯。雲吞細細粒，一口一隻，同樣維持了傳統正宗。採用全蝦作為餡料，蝦肉鮮甜，但蝦籽及大地魚干蓉份量不夠多，稍欠鹹香。雲吞質素也只是一般。另外叫了一碗柱侯牛腩河（$44）。作為廣東麵食的其中一個主打，外觀相當對辦。份量也明顯較雲吞麵多，可以填飽肚子。河粉質素竟然較廣東全蛋麵優勝，相當軟滑。吸收了柱侯牛腩汁的湯底，更加美味。雖然只有四件牛腩，而且又細細件；但牛腩炆煮得夠腍、肉質軟而無渣、充滿牛味，加上柱侯醬的濃香；這幾件牛腩竟然又勝過雲吞。這趟在「麥兆記」的用餐經驗，出乎意料地，竟然是牛腩河勝過雲吞麵。感覺有點怪怪的，好像是破壞了【麥奀】一系的金漆招牌。找一天要在去重新試試【麥奀】系的其他三間字號，了解一下是否雲吞麵的質素已經全面下降。…Read More

吃罷小倆口蛋餅，沿電氣道往天后地鐵站走。路過麥兆記，決定吃一碗細蓉。灣仔店結業後，已有好一段日子沒有品嚐麥兆記銀絲麵和皮薄餡靚的雲吞。店內牆上掛有二、三十年代廣州街頭雲吞麵照片，追憶老一輩的辛勤付出。細蓉一碗$40，不便宜。但，物超所值。雲吞麵，絕非中環x記般，大碗夾低食，且未坐下已送上。麥兆記的雲吞麵，慢工出細貨，要耐心等待。百無聊賴下，細閱枱上的單張，始知「麥兆 記」是麥奀的女兒和夫婿經營的新店 ，其祖父乃三十年代在廣州西關挑擔挑賣雲吞麵而街知巷聞的麥煥池。雲吞麵送上來，只見幼細如銀絲的麵條，不見雲吞。原來，麥兆記遵循傳統做法 - 雲吞韮黃在下，麵條在上。最愛麥兆記的銀絲麵，入口十分香口爽彈。據說，麵條是以鴨蛋打麵。雲吞的骰小巧，呈金魚散尾，一碗細蓉只有四小粒，用料比例是九成蝦肉，一成豬肉。咬一口，皮薄且滑溜，餡靚且鮮，鮮蝦味中夾雜着豬肉香，好好吃！湯底鮮味濃郁，夾雜著濃香鮮美的大地魚，蝦子和胡椒的香味，教人忍不住一飲而盡。…Read More

牛筋河，賣相唔吸引，食落亦無咩驚喜，簡單而言，物非所值，河粉太多，牛筋太少，湯底苦苦地，河粉好快索哂湯，叫伙計加湯，無得加。凍冷茶無特別，集團餐廳好味D。雲吞麵店，應該吃雲吞麵。只怪叫錯嘢食。不過都唔會有下次。…Read More

食細蓉...識食一定食麥兆記！中秋節條街都熱到暈，入去第一時間叫杯冰凍紅豆奶茶醒一醒神先！紅豆夠林夠大粒，奶茶味合格，唔覺太甜，不過真係好多冰，牙有少少痺.祖傳鮮蝦雲吞麵，湯底好香大地魚味，連埋d韮黃小段，係可以令你一滴都唔留低！麵幼而爽，雲吞係一口雲吞，點埋辣椒醬食好味！話炸両條油炸鬼都係即炸所以叫埋，結果係有一條脆口，另一條林既～水晶腸炒皮包住...就係咁...點豉油、麻醬甜醬食.間中食吓係唔錯～…Read More

一向喜歡麥兆記的云吞麵。間唔中亦會吃其他麵類, 例如水餃麵。由其是這裡的水餃皮薄涵靚, 爽口鮮味海蝦, 冬菇, 香荀加小許豬肉 , 無得彈!加上銀絲細麵和大地魚靚湯。雖然食唔飽, 又貴左小小, 但質素搭夠, 所以這碗麵長居小妹心目中靚麵 NO. 1 。…Read More

胃口麻麻, 唔想食得太HEAVY, 諗住食個麵就算. 先發現, 原來天后都幾多粉麵食一早就揀好左去試麥兆記既雲吞麵, 初初都有諗過叫大蓉, 不過要$52, 又唔知好唔好食, 結果都係叫個細蓉試下先其實一個細蓉都要$38, 不過始終雲吞麵都叫我地既非物質文化, 如果係好食既, 以今時今日咁既物價, 就唔算貴喇一黎到先試左啖湯, 味道好鮮好香, 正!麵食落唔算話好特別, 但連埋湯一齊食既話都幾好味雲吞隻隻都脹仆仆, 原來隻隻入埋都有成3隻蝦, 雲吞既皮好薄好滑, 入面食落有陣好香既黑椒味, 但唔多, 帶左D蝦既香味出黎!雖然食完好似冇咩點食過野咁, 不過的確係碗有質素既雲吞麵! 早前見到有人講過, D人覺得食雲吞麵幾十蚊唔抵食, 佢就講左句: 咁成百蚊碗既拉麵又好抵食?的確, 有時食野, 唔係話又平又好味既先叫好食, 而家要食到好味既雲吞麵真係唔易, 非物質文化, 係要保留的! …Read More