鹵家

營業中

休息中

元朗係一個聚集咗唔同菜系&小店林立嘅地區⋯ 呢間小店係家庭式鋪頭，從舊鋪到新鋪價錢都幾貼地吓，新鋪就未食過，一於走去試試！🤘🏻呢度叫得做鹵家，當然要試吓佢哋嘅鹵水！🤔Lunch有鹵水鴨餐，因為係鴨片關係，鹵得好入味，肉質一啲都唔嚡⋯ 😗 由於滷水汁係偏向台式味道，味道偏甜，亦冇潮式嗰種重香料味，幾大眾化口味，小編同友人都覺得幾好食！🤤 而另一款鴨就係燒鴨喇，小編竟然得到鴨肶部分！🤭 皮真係幾脆，肉質同樣唔嚡！但始終係肶位，脂肪相對較多啲！😉 如果怕肥但想食嘅朋友仔，可以指定嗌其他部位咖！🙊小編呢個lunch set係跟埋湯/熱飲，呢度嘅湯係住家老火湯！小編當日飲嘅係蓮藕湯，飲完完全唔口乾，都幾肯定冇味精，好有家的感覺呀！😍Ps. 如果只係嗌單拼燒鴨$52/鹵水$54，價值相當實惠呢！🤗-

📍HongKong🍚皇牌鴛鴦雙拼飯($63)▪️元朗這片美食林立嘅寶地，自家鹵味有誠意小店❤️主打無添加無味精，走健康清淡路線。我由重口味慢慢回良後就偏好清清淡淡的，所以吃到有住家味不油膩的燒味，真的很驚喜~加餸斬料又多個選擇🤘🏾叉燒是暫時吃過最肥美的🙈肥美程度輕輕夾起看到回彈力，有點動L的感覺，脂肪比例比平時吃到的多，入口比較油潤嫩口，我就覺得肥左少少，但👦🏻就話鐘意這脂肪感~~邊嚼油脂邊從口腔中釋出。叉燒吃到不膩的蜜香🍯蜜汁甜度比較溫和，多吃幾件都可以，外皮不會燒得過火，色澤紅亮，但很期待的燶邊位，在這裡就找不到~~如果再燒得香一點，定會更惹味！鹵鴨肉軟嫩多汁，鹵汁不死鹹，鴨肉比雞肉多一份勁度嚼頭，鴨肉平時比較少吃，另有一番獨特風味，不少老人都單點全鴨飯，應該也是這裡的招牌之一。如想口味刺激一點可以蘸附上的酸辣汁~~也不錯吃☺️✅跟餐(+$18)話梅涼瓜片，這個很好吃😋有點像平時酒樓開胃前菜 蕎頭，但更好吃~酸酸甜甜爽脆的口感，很醒胃解膩呀！用話梅浸泡的涼瓜苦味被釋出，怕涼瓜的人也可以吃😚❤️🍲跟餐還有例湯，每日誠意新鮮煲，天天不同，當日是霸王花蘿蔔豬骨🥕清甜解湯，無味精不會越喝越渴😁🍶酒

元朗新開小店，一家人經過入左去試下，好驚喜！-話梅涼瓜片 $32🌕🌕🌕🌕🌕涼瓜入口爽脆，以話梅汁腌製，食落帶少少酸甜，後勁有啲青草味，無哂所有苦味，好清新好開胃！唔鍾意苦瓜苦味既人都食到！一定要嗌！-酒仙醉雞卷 $45🌕🌕🌕🌕🌑冷盤，雞皮無肥膏，仲有啲透明骨膠原啫哩，雞肉一啲骨都無。食落雞皮好爽，好重花雕酒味！好愛醉雞既人好覺得爆正，但我本身唔食醉雞，所以覺得酒味有啲重。-食神叉燒飯 $56🌕🌕🌕🌕🌕食到同薛家燕一樣樣，超好食！新鮮自製既叉燒，好入味，但肉質仍然好鬆軟，一啲都唔實！外層既焦香實在太正！蛋都煎得好好！呢個價錢，呢個份量，呢個質素，超值無得彈！-秘汁鹵家鴨飯 $54🌕🌕🌕🌕🌑鴨份量爆多，就咁點已經好有鹵水味，不過濃味既朋友可以再點酸辣汁食，味道更重更刺激！-自家太陽煎雞排飯 $52🌕🌕🌕🌕🌕一上菜，我嚇親。塊排超級大，係普通雞排既2倍份量大...會唔會太足料！雞排好食到形容唔到，調味好特別好有風味，唔係普通黑椒汁咁hea，雞排有肉汁，勁腍勁滑！大家都知雞好易就老，好耐無食過咁嫩滑既雞！正！-自家製湯（跟餐送）好好飲，仲有湯渣食，湯夠味而且無加味精，係媽媽的味道。-以上是午餐

無飯家庭注意！無味精少油健康抵食中菜去邊度搵？元朗#鹵家 最近細舖搬大舖 由佢2年前開店已經覺得有質素搬左新舖之後坐得舒服好多 但水準都keep得好好食物選擇仲多左好多添！必食推介係食神叉燒 半肥瘦微燶邊極邪惡惹味🥰 一舊接一舊完全停唔到🥺之後係燻蹄海蜇 有成十幾片燻蹄 做前菜一流海蜇係鹵水 彈牙鹹鹹地幾好味仲有係豉油雞翼滷蛋 雞翼唔會太肥 雞翼同蛋都好入味最後係豬頸肉 份量勁大勁好味！整體係價錢好合理又好有水準的住家菜🥳

係香港連鎖店林立，出到街去到邊好似啲餐廳都係咁上下。無計啦！大財團都的確令好多香港特色消失。可喜既，仍然有一班人有熱誠去創立一啲小店，等我地仲食到一啲唔同既野，支持特色小店🤘🏻招牌酒仙醉雞卷 $45同台灣既雞腿卷相似，係用雞皮包住啲雞肉之後浸酒。對醉雞一向很愛呢間都無令我失望，酒味入晒雞度🐔係一個正既開胃菜鹵家鵝片 $128⚠️私心推⚠️如果有愛食鹵水鵝去打冷必點既，呢度你絕對唔可以錯過叫鵝片係因為想啖啖肉😍😍鹵水入味鵝片又唔會過左火，口感好好一定會再黎食呢個！蜜汁叉燒皇 $72如果要係鵝片都呢個二選一都係一個好難既決定！😖😖😖皆因佢叉燒真係肥瘦好適中，上枱好香食落有油脂香但唔會覺得肥膩🤤🤤台式鹵牛腱餐 配飯及湯 $68以為佢係套餐，份量相對上會少好多但絕對唔係，少五分一左右！所以其實好似叫套餐仲抵🙈牛腱都鹵得好入味作為冷盤咁上，佢都夠凍👍🏻唔會顧此失彼仲試左個拍青瓜同豬耳，都係合格有餘既前菜😋好想試佢個話梅涼瓜片，可惜賣晒😢好味指數：

今次嚟到呢間家庭式經營嘅鋪頭仔食lunch😛食飯最開心係咩🤔？係有湯飲啊😍當日係牛蒡粟米栗子紅蘿蔔湯😙好有屋企嘅感覺☺#食神叉燒飯 ($56)😋好味指數：(7.5/10)叉燒飯都幾大碗，叉燒份量又夠哂夠😍而且叉燒又唔會太肥或者太瘦😗👍🏻仲有隻太陽蛋係到😆唯一剩係係啲汁嘅分布唔太平均冇咁好啫🤔#梅子脆燒鴨 ($52)😋好味指數：(7/10)份量都幾夠咖，有隻脾係到好開心😍皮都燒得幾脆，又冇肥膏😗不過肉質就有小小韌🤔#酒仙醉雞卷 ($45)😋好味指數：(7.5/10)雞皮又唔會好肥😗雞肉又幾淋，而且有酒香味👍🏻

元朗區教育路小店林立呢間鹵家主打滷水燒味由五星級酒店退休老師傅主理每日新鮮製作 仲有足料靚湯餐廳唔算好大但座落舒服餐牌除左主打菜外 仲有唔同涼菜小食黑洞本身太食苦瓜怕苦但又貪得意叫咗個話梅涼瓜片 估唔到完全唔苦 涼瓜片吸收晒話梅酸味口感爽脆 食落超級開胃至於麻香脆海蜇 比一般海蜇更爽口口感十足 加上青瓜絲同芝麻感覺更清新主食方面 黑洞叫左推介既食神叉燒飯目測好多客人都係食呢個飯一上菜就被叉燒嘅色澤吸引住紅潤得來唔會太假叉燒脂肪唔多 但食落非常冧滑唔會有臭豬味 蜜汁甜度剛好煎蛋半生熟狀態拿捏得好準咬落蛋汁豐富另外值得讚白飯份量超級多 飽到你吾信是日老火湯係蓮藕章魚花生眉豆湯果然足料無落味精 飲完之後都無頸渴朋友仔叫左客雙拼米線秘汁鹵家鴨加梅子脆燒鴨 呢到米線同一般吾同 食落似公仔麵口感但又無公仔麵油膩感 吾錯兩款鴨就各有千秋 脆燒鴨較香口 加上梅子醬甜甜地更滋味黑洞忍吾住食晒所有脆皮鴨皮至於鹵鴨配上白醋鹵水入味得黎吾會死咸鴨肉冧身啖啖肉 岩晒食肉獸整體餐廳食物質素吾錯 價錢亦算合理下次入元朗想食靚燒味可以一戰

兩年前，因為A姐化妝扮靚遲咗出門口，食唔到元朗鹵家嘅鎮店之寶— 食神叉燒。今日，我哋決定再戰元朗鹵家，誓要食到食神叉燒！點知上網check下，發現昔日只有十個位嘅小店搬咗大舖，闊落好多！住家老火湯是日靚湯係粉葛豬骨湯，啱晒依家濕氣重嘅天氣，去下骨火！入得出無落味精，十分足料！食神叉燒飯今次終於食到食神叉燒，叉燒肥瘦適中，肉質鬆軟，燒得啱啱好，外面有少少焦，好香口！唔怪之得，個個入嚟都係叫叉燒啦！再配埋流心蛋撈飯，真係無得彈！秘汁鹵家鴨米線特別喜歡鹵家鴨另上，保持香濃嘅秘製醬汁，鴨肉入晒味，肉質一啲都唔一靭，酸梅醬更提升味道！話梅涼瓜片鍾意食話梅或都酸味嘅朋友一定唔可以錯過話梅涼瓜片呢個冷盤小食，涼瓜片入晒話梅酸味，非常醒胃！鹵水雞翼話明係鹵家，就當然要食鹵水啦！呢到嘅鹵水唔係得咸味，入口後有回甘，雞翼鹵到入晒味，四隻唔夠喉。海蜇醉鴨舌海蜇爽口彈牙，好香麻油味；鴨舌有淡淡嘅酒香味，好過癮！By A姐M佬 玩樂日記 aandmdiary.com