鹵家

營業中

休息中

最近常常入元朗，朋友介紹，試了這間鹵家，2:00時段，還座滿了人，應該不錯吧。我點了一個午市套餐，食神叉燒飯，賣相非常吸引，先描述下叉燒，半肥瘦，叉燒的邊邊燶燶地，呈現玫瑰紅色，叉燒蜜汁超多，好香濃，叉燒肉質鬆軟彈牙，再添加一隻太陽蛋，蛋汁撈飯來吃，改為食神叉燒飯，名不虛傳！！再推薦老火湯，+$8，絕無添加味精，湯料十足，牛蒡粟米蘿蔔栗子老火湯，有家的味道再加$18，配飽汁雞腳，雞腳入味爽口，不錯的小食選擇。

成日都話食飽先有氣力，香港咁既時勢更加要加油💪🏼同屋企人出街食消費下。元朗鹵家勝在係元朗鬧市，食物又好食～當晚仲同其他食客一齊睇新聞，好有氣氛。同屋企人幫襯佢晚市，大份夾抵食，淨係住家老火湯都料好足！梅子脆燒鴨$68皮脆而有梅子醬唔會油膩，肉亦唔會柴，夠嫩口。香蔥煲仔豉油雞$73成個煲咁出夠曬火喉，豉油雞好入味，又唔會老，食到屋企人唔停口。京蔥金錢肚$40少少辣，同金錢肚好夾，有開胃作用，金錢肚都處理得夠爽口，口感唔錯！

老爸鍾意食滷味，今日帶佢嚟食好野😀先來小食酒仙醉雞卷，入口微微酒香，雞肉彈牙入味，杞子帶點甜甜的，味道很豐富😋秘汁鹵家鴨，鹵水果然有水準，爸爸吃得很開心😬 鴨肉紮實，偏瘦而且啖啖肉，肥膏和骨不多，易於進食。鴨肉已浸透鹵水汁，只吃鹵鴨也十分可口，餸飯也很好。食神叉燒飯賣相很吸引，令人垂涎欲滴的蛋黃😍美美的叉燒，還有燶邊的呢！😋份量很多，吃到底也有豉油餸，十分好午餐可選配飲品或湯，是日餐湯佛手瓜栗子紅蘿蔔豬骨湯，正🥰

今日又去左食燒味～～～其實間唔時都會過黎食飯，價錢唔貴，而且質素都幾唔錯，屋企人都鐘意食！通常我地都係叫叉燒，鹽香雞，或者梅子燒鴨，三款都係我最愛！今日叫左叉燒同鹽香雞，另外加左一份京蔥金錢肚。叉燒基本上都係半肥瘦，瘦肉部份咬落有肉感，但係唔會鞋，唔會好柴同硬。外面既邊邊位燒到脆脆地，唔會過份燶。醬汁既味道岩我口味，唔會太甜太結。今日既鹽香雞就失色左，之前每次食都好滑，今日就有啲鞋，失手呀下！不過味道依然係好食既，雞皮部份唔會太肥，又滑。京蔥金錢肚味道相對比較刺激，有少少辣。但雖然落左唔少京蔥絲同香料，對於重口味既我黎講，食落其實味道係比較溫和，應該普遍人都可接受。每個set送老火湯/飲品，另外飯可以轉做米粉/米線等等，唔想食飯既朋友又多個選擇！

見媽咪放假就同佢出去食飯本身鍾意食滷味就同左佢黎食佢話好想食豬頸肉本身我想食叉燒但阿媽叫到就順下佢意由於豬頸肉係豬 我唔想兩樣都係豬就叫咗個油雞佢個餐有包埋飯或者米粉或者米線然後飲料可以揀湯或者嘢飲咁我哋就叫咗一個嘢飲一個湯佢個湯標榜冇味精嗰日個湯係木瓜花生章魚豬骨湯佢話功效係滋陰健脾 降低膽固醇飲落去個湯真係好淡 而且唔會飲完頸渴仲要個湯係好足料好多木瓜同花生個豬頸肉本身我冇抱有任何期望但點知一食落去勁鍾意食佢個肉係好林 你喺出邊食唔到平時你食最多係爽口但佢嘅諗係可以入口即溶嘅感覺但你又唔會覺得佢係唔好食仲要你食落去唔肥我越食越上癮而且佢個汁撈落我個米線食好香我先嗰度我都好滿意因為我食米線係好慢但係佢啲米線依然無脹油雞我一見到呆左冇預計會係咁大份咁多絕對可以兩個人食一個而且啲肉唔會鞋我哋再加多咗個海蜇平時出面買一包包嘅海蜇係好油但你食到佢哋係唔會覺得佢油今餐晚餐我好滿意完全係家的感覺但呢個份量來講真係有啲多呢一餐一定係健康晚餐平時出去食嘢多油多鹽呢餐冇味精我好鍾意我決定要多啲幫襯呢間下次一定要試佢嘅叉燒另外要表揚下佢嘅服務態度因為佢哋真係好有禮貌好好

放工去了食個快飯，這間鹵家以叉燒及滷水為名，套餐包括了中湯、飯或粉及一款小菜，可惜叉燒沽清，唯有選擇其他款式。霸王花蘿白豬骨湯例湯真係好足料，而且無加味精，味道清甜。香蔥煲仔豉油雞豉油雞很入味又唔會太咸，雞肉嫩滑，下面還有些薯仔、洋葱等墊底，豉油汁撈飯一流。燻蹄拼海蜇燻蹄厚薄適中，肉質唔會似湯渣，亦都唔會有豬騷味，做得不錯，配上醋汁可減輕膩感，海蜇爽脆。滷水大腸頭大腸洗得很乾淨，中間亦都無油膏，大腸滷得入味有咬口，下面墊了滷豆腐及芽菜。

已經唔係第一次番呢度食, 食過一次以後, 真係會相當心思思~因為以$80以下的套餐, 可以食到五星級自家製既燒味, 真係去邊度搵? 佢地一日只會出幾轉燒味, 真係自己燒自己醃製, 唔係平時茶餐廳買番黎既燒味咁簡單!叉燒肉質鬆軟，醬汁香甜，但唔係太重味, 而且十分入味, 半肥瘦同少少燶邊, Perfect!叫左個餐, 有埋碗米粉, 都係$76蚊!滷水鴨都係另一出色之作!滷水需要用多種香料煮成醬油, 仲要慢慢醃到佢入味, 真係唔容易, 呢度既滷水鴨肉質嫩滑, 好彈牙既口感, 滋味到暈!套餐價: $68餐係包埋每日都有老火湯飲, 無味精, 夠火候, 正!當然唔會少得最馳名既醉雞卷! 無骨易食, 酒味香濃, 淡淡香味再加天然的甜味 肉質嫩滑而且唔會散, 賣相都十分之靚!!! 食完出面已經有人等緊位, 入面又坐得幾舒服, 因為疫症所以隔到好開好安全!

元朗有間食燒味同鹵味嘅食店，好多元朗人都推介，今日就去咗食晏😋食神叉燒飯 🍚 $56 飯同餸嘅份量超多，女仔應該食唔曬🙊。叉燒仲要有成三排咁多，好足料🤤。叉燒肥瘦適中，個邊燒到好香脆，個汁都好甜好惹味🤤，再加埋隻太陽蛋😝，完全係一個高水準嘅叉燒飯😎。梅子脆燒鴨 🦆 $52 份量同樣地係好多，燒鴨另上一碟，一樣有三排。鴨個肉質都幾嫩同幾香鴨味，個皮都幾脆，不過就有少少油，但係就係要油先好食😋。麻香脆海蜇 $42 海蜇份量中等，食落好爽口，不過好鍾意食麻辣嘅我就覺得可以再麻多啲。招牌鹵水拼盤 $180 款式同份量同樣咁多😱，有鵝片，金錢肚，大腸頭，豆腐，豬耳，雞蛋，鵝翼。如果想每樣都試下嘅，叫佢就啱曬啦😈，份量好多，我建議4個人食，因為個飯都好大份嘅關係，兩個人食唔晒。鵝片好香，肉質好嫩，金錢肚好爽口，豆腐同埋蛋都好入味，對於每樣都想試下黎講都唔算貴。老火湯好足料，粟米，豬肉，蘿蔔樣樣有。😝

平日收工後懶得煮，求其去咗間餐廳仔食，點知有驚喜！茶記咁嘅格局，睇餐廳名我以為係食滷味，雖然佢都真係有賣滷味，但我覺得佢最出色嘅係燒味！叫左叉燒同燒鴨，幾十蚊一個餐有飯有湯，我預佢得幾舊肉，點知黎到超大份。燒鴨真係皮脆肉嫩，而且層皮中間唔會有一舊肥油，味道剛好。叉燒睇舊肉都知好食，真正半肥瘦，燒到焦香，正！由於成日食，香港人對燒味要求真係非常高，呢間小店嘅水準真係唔差過酒店中餐廳嘅貴價燒味，而佢嘅價錢係街市燒味舖咁上下。至於醉雞卷，一入口酒味頗濃，但又唔會過濃，味道係好好，但雞肉有啲柴，我expect醉雞係要滑，覺得呢個ok但未算出色。整體就係推燒味，呢個價錢呢個質素，會經常黎

外表係再平凡不過的小店實質係五星級酒店老師傅主理的食店.《蜜汁叉燒皇》厚切叉燒滿足晒不同要求最邪惡既部分係燶邊半肥瘦燶既位置有蜜汁炭火既焦香味肥既位置唔算太多 瘦既位置亦唔乾配碗飯🍚未加蛋都夠晒黯然銷魂🤤.《蒜汁豬頸肉》要強調 醬汁先係精華係味道甜甜地質地偏厚身既滷水汁 再加入蒜粒豬頸肉切得夠薄身 每一片都沾滿汁晚餐除左飯仲可以配湯米線或其他麵靈機一觸最後試左用個滷水汁黎撈米線 好開胃.《酒仙醉雞卷》由薄薄雞皮包住 去晒骨入口啖啖肉雞肉浸得入味 酒味重卻不會苦 加埋杞子天然甜味 係夏天好適合食既涼菜.《是日靚湯》合掌瓜栗子南北杏甘筍豬骨湯每日都有唔同款既住家老火湯重點係「絕無味精」真正養生滋潤

呢間由舊鋪搬新鋪，我經過左無數次 一直都見有人排隊 今晚9點 見冇人排 決定試一試它的底蘊鹵家晚市套餐 (小菜+香米白飯+老火湯\熱飲)蜜汁叉燒皇價錢: $76食後感: 一嘗 woah 難怪咁多人推薦食呢個 叉燒半肥瘦 我最鐘意食小小燶邊嘅野 呢個叉燒 外圍小燶邊 內裏又唔會過熟 點埋個甜甜地嘅汁食 超級送飯蒜汁豬頸肉價錢: $63食後感: 原來呢個係凍食 可能係因為凍食嘅原故 一啲都唔油膩 有蒜汁嘅加成 會食完一塊想再食一塊鹵家小食酒仙醉雞卷價錢: $45食後感: 一上菜 已經覺得好精美 完全感受到廚師花的心機 我好小食雞皮 但呢個雞皮 滑得黎夠清爽一啲都唔油膩 雞肉嫩滑 散發陣陣酒香食到最後 可能因為浸得耐左 酒味會重左我地揀左飲例湯當日靚湯係霸王花南北杏煲豬骨味道唔錯 相當足料

元朗教育路有很多餐廳，是吃午餐的好地方。我今次去了一間我沒有吃過的餐廳，鹵家- 本身以為是吃滷味的，原來更加特色的是燒味。.🔥午餐好抵食，$56 食神叉燒飯 wonder 一大碟叉燒又有留心太陽蛋。叉燒燒到香得來，有保留到肉汁濕潤，醬料調味自然不會太搶，肉質軟硬肥瘦適中，做到齒頰留香。聽到有街坊午餐的時候就已經來預留晚餐的叉燒，店員話最好七點到否則有機會賣晒...... 咁搶手？ 不過味道不錯的東西，的而且確會令人留下深刻印象。雖然店仔細細，在我們吃午飯的期間，見到有好多熟客故意前來食叉燒- 客人未說要吃什麼，店員就已經知道他們將會點什麼。就是這種小店才更加有人情味呢，服務都很不錯店員很親切。🔥皇牌鴛鴦飯（特製鹽香雞及頭抽豉油雞）都很有水準，肉質嫩香，而且選用多肉部位不會只是骨，而且肉層之中有點點膠質，肉質濕滿之餘又帶豐盈口感。.🔥麻香脆海蜇 - 具有風味的撈拌，有芫荽、青瓜絲，拌上麻油的香，很有蜀風。值得一讚的是這間餐廳用的海蜇十分肥美，條條厚厚的更脆爽。每一個餐都可以配飯、米線、米粉或公仔麵，我吃米粉，一大碗我覺得是兩個人的份量......飲品推介老火湯（今日的是木瓜雞腳豬骨湯，足

呢間餐廳性價比都好高下，下午茶仲超抵食添，時間由2:30pm至4:30pm，只係$38就有交易。而且餐廳由五星級大廚主理，大大話話都做過成5間飯店/酒店， 食物都有番咁上下質素。.黎到當然要試下佢推薦同網上比較多人討論嘅招牌脆燒鵝同酒仙醉雞卷啦。.👉套餐：招牌脆燒鵝（$88）跟拉麵（$3）燒鵝皮脆肉香，份量頗多幾足料，用咗芽菜墊底，將佢地連汁倒落拉麵到好惹味🤗👉自家湯：五指毛桃蟲草花椰子粟米紅蘿蔔煲豬骨，個湯多料到仲加咗啲咩我都噏唔晒，總之就好足料啦😋👉套餐：燻蹄拼海蜇（$65）跟米粉燻蹄同海蜇非常爽口彈牙，燻蹄保留到肉味同肉汁，確係出色。天口㷫食佢都幾開胃。另外再加埋咸檸七（$8）爽哂✌🏻👉小食：酒仙醉雞卷（$45）醉雞用雞卷方式呈現，手法都幾特別同吸精，雖然以雞卷形式，但依然保留到凍雞係皮與肉之間嘅膠原bb, 加上涼涼的酒香，好岩夏天享用。

我又再次尋找到一間十分之有水準燒烤鹵味店！這間位於元朗旺中帶靜的店舖位置非常唔錯!店舖雖然唔係好大！人流非常之好旺！我可以回味過去年代的燒臘的味道！十分之唔錯！。至於食物方面:梅子脆燒鴨賣相一流！皮脆肉嫰味道又唔錯！食入口非常之正好味道入哂味！再加埋點吓D梅子醬十分之唔錯！。暗然銷魂飯(食神义燒十白飯)！賣相十分之吸引！睇到流哂口水！义燒原计原味肉質嫰滑咬入口又有口感！味道恰恰好！真係可以食到過去年代的味道！。鹵水大腸頭味道十足！非常腍身咬入口軟硬適中！大腸咬入口好有咬口味道恰恰好！真係食到以往過去鹵水计的味道！真係用足心機制做！。飯品方面:檸檬茶茶味味道濃郁！味道十足飲入口非常之唔錯！甜度恰恰好！。凍咖啡味道好香！咖啡味濃郁！飲入口非常之唔錯！。至於價錢方面一般價錢！現在食套餐送例湯或茶！我覺得唔錯！

與朋友一起去食午餐，朋友比較大食，揀左皇牌鴛鴦飯（鹽香雞+脆燒鴨），我揀左叉燒飯，另外叫左一份醉雞卷。整體的食物「色」都好好，擺盤靚可以增加食客的食慾。叉燒飯中叉燒頗有水準，份量足，肉質雖不至於入口融化，不過好入味，忍唔住食曬。飯中仲有一隻太陽蛋，隻蛋就賣相唔錯，味道就一般。朋友叫既是鴛鴦飯，飯是另上，飯同餸既份量都好足，男仔食都夠。至於味道，雞真係咸左d,朋友食得咸所以叫左鹽香雞，鴨的肥瘦剛好。我地另外點左醉雞卷，酒味都少少重，雞既肉質幾好，係唔夠香，每片上面的杞子幫佢加左分，份量足。不得不提，我地試左飲個無味精老火湯，湯料足，真係無味精，飲完都唔會覺得口渴，唔錯。埋單每人$80左右，睇落有點貴，不過以味道同份量來計，都算抵的。