鹵家

營業中

休息中

—平時夜晚喺屋企食飯想斬料加餸都會嚟呢度上咗個例湯先佛手瓜栗子南北杏甘筍豬骨湯功效: 潤燥止咳 增強體質符合而家天氣同疫情飲完唔口渴 湯渣都入味蜜汁叉燒皇($76)兩層叉燒疊高 份量幾慷慨厚切半肥瘦 香口微甜 軟腍有肉汁最鍾意揀燶邊嚟食 肥膏部分幾有嚼勁堂食好似更加好味秘汁鹵家鴨($68)皮薄富彈性 肉質尚算腍身唔死實我諗加錢轉鵝會更柔軟食完碗飯 都仲有好多鴨肉lol三個人嚟嗌兩個餐都會夠食麻香脆海蜇($42)海蜇好爽脆嗦嗦聲 啖啖麻油香味從個餸菜名無差異地反映出嚟—————————————鹵家元朗教育路68號兆豐樓地下10及14號舖

好耐冇食燒味飯啦～見到間鋪頭新新地，又靚靚既外表，吸引左我入黎食個飯😬估唔到有意外收穫！！！！兩個人，一人叫左一個飯！一個係食神叉燒，一個叫左鹽香雞！兩個都配大大碗飯，應該大男人都食到飽飽！仲要$50幾蚊咋！可以揀野飲或者湯，佢既湯吾似味精湯，勁多湯料！👍👍👍👍食神叉燒飯係意想不到既，因為會怕佢啲肉吾係半肥瘦就會乾！但....一啲都吾會！半肥瘦當然好食啦！但淨瘦肉都好食🤣🤣呢個真係估佢吾到！！！！另一個鹽香雞就第一次食既，都吾知咩叫鹽香雞！吾理知吾知佢係咩啦！啲肉滑溜溜，吾會鞋颯颯！有啲鹹香鹹香既味道，都幾特別！我都聽到幾多人叫佢黎食，我先跟風叫🤣又跟得幾好！真心！我一定會再黎食，個店員好nice!吾會西口西面！我真係會再黎食！😌😌😌

Lunch time 落左元朗同媽媽食下野，佢見到呢間有滷鴨，而佢又想試，所以就食呢間啦～～～兩個人食左1. 食神叉燒2. 滷家鴨3. 青瓜4. 雲耳1. 佢既飯同叉燒一齊食好好食，粒粒飯都有叉燒個汁🤤🤤🤤🤤好正！佢既叉燒就要算吾係半肥瘦既果啲都吾會好鞋！！一啲都吾會鞋！好入味，好香！😬😬2. 呢個鴨我好少係其他燒味店食到，不得了啊呢個，加上佢既汁，酸甜酸甜！食到我停吾到口🤪明明我係叫叉燒飯😛食哂啲鴨😋不過勝在佢大份，所以我食左好多件，啊媽都仲有得食！小食叫左兩個，青瓜同雲耳，兩個都係酸辣酸辣甘，食食下個青瓜原來都幾辣，但都停吾到口😋個汁整得好‘野’味，食到差啲想飲埋個汁hahaha埋單都係143，物超所值！50幾蚊一個飯，吾可以話好抵，但係加上甘既質素又吾同講法！好味😋寫寫下想聽日又去食😩😭

這晚跟朋友在元朗行街，想食個便飯醫肚，餓底想起鹵家的叉燒好好味，就自信滿滿地帶朋友來。老火湯，老黃瓜煲豬骨，絕無味精，是媽媽的味道，碗碗都有骨有肉，飲得朋友好happy。蜜汁叉燒王朋友跟餓底一樣愛吃叉燒但不愛吃肥叉，瘦叉又容易好鞋(難服侍😂)，鹵家的叉燒就不同了，肥瘦適中，肉質鬆化無比，少少燶邊提升甜味，腌尖人士都搞得掂，叉燒王當之無愧！朋友說下次都要帶朋友來威下，哈哈！蒜汁豬頸肉這是店員推介的，他說蒜汁很特別。初初見到豬頸肉以為是燒的，等到上枱時才發現是類似蒜泥白肉的做法，豬頸肉烚熟切片，再淋上特製蒜汁，這蒜汁甜甜地，蒜味跟甜味平分秋色，就如店員所說，好特別！怕食到飯氣攻心，這餐配了米線，湯底清清地非常不錯，推薦比唔嗅米氣的朋友！

來到元朗梗係要試一試地道小食啦。 呢間鹵家小店主打燒味小菜，我最鍾意食叉燒， 晚餐時段70零蚊，下午茶仲低食30~40蚊，性價比好高。 地方雖然唔大，大約有20個位左右，坐得都算ok舒服啦。 入到去需要量體溫，同有洗手液提供。服務態度都唔錯，老闆娘同食客都有交洗， 有人情味既小店。蜜汁叉燒王 小菜套餐 $78跟餐一碗飯 & 一碗湯。是日靚湯係冬瓜木棉花赤小豆煲豬骨，果然正真材實料，好足料，食得出係新鮮豬骨。我至愛叉燒，燒得好香，肥瘦適中，仲有少少燶邊，燒到外面脆脆的，裏面保留肉汁，值得一試。梅子脆燒鴨 小菜套餐 $68燒鴨皮有光澤，有少少脆口， 一啲鴨騷味都食，髀肉嫩滑有肉汁。梅子醬酸甜清新，梅味香，同燒鴨好夾。脆皮炸乳鴿 $58即叫即燒，來到係燒到紅卜卜熱辣辣，新鮮冇騷味，肉質嫩滑非常juicy，絕對值得一試。

食神叉燒飯 ($56)• 極力推薦✨太陽蛋、蜜汁叉燒以及舖在白飯下的醬汁都搭配得恰到好處。• 太陽蛋白底面帶有微微焦香，蛋黃保持水凝狀態，撈飯一流！• 蜜汁叉燒厚薄、肥瘦均勻，没有一層油脂但卻非常香軟同時帶點爽口而且充滿肉汁，表面仍帶點焦香，十分香口滋味。梅子脆燒鵝 ($67)• 鵝肉多汁，鵝皮保留原有的油香，即使不用醮上醬汁都能品嘗到當中美味。• 鵝皮油脂適中，不會感到太過油膩，同樣配飯一流，如果再香脆一點會更加滋味。薑汁松花 ($30)• 一道以薑片和薑汁去搭配皮蛋的組合，薑味不算突出亦未能跟皮蛋協調，有點格格不入。• 皮蛋質感鬆散，一夾便分成碎片，而且有一兩件還帶點石灰味，有失水準。鴛鴦雙併煎餃 ($45)• 韭菜鮮肉煎餃 + 香芹木耳鮮肉煎餃• 整體來說餃子的餡料都十分飽滿豐富，皮的部分煎得均勻香脆，但是略為厚了一點。霸王花南北杏煲豬骨• 有住家老火湯的味道，湯和材料的份量同樣充足！是取代其他餐飲的好選擇。

元朗真係一個美食天堂 成日見滷家門口排晒長龍 今日終於有機會試吓😋.晚市佢有套餐 老闆不斷推介叫我地試吓自家製蜜汁叉燒王套餐 自家製蜜汁真係名不虛傳 惹味又香甜🥰🥰.朋友就叫咗個蒜汁豬頸肉 其實開頭都有啲怕食蒜汁嘅食完個口會好臭🙊🙊.但佢哋嘅味道又剛剛好 而且豬頸肉仲好爽口彈牙😎.加多咗個小食 酒仙醉雞卷 我不嬲都好鍾意食醉雞 咁見佢前嗰兩道菜嘅醬汁都咁特別 最低都應該唔會令我失望掛🙈.醉雞味香濃入味 😜😜 不過呢 食呢三道菜我諗個次序要先食醉雞再食豬頸肉同叉燒 始終豬頸肉同叉燒嘅味道都比較濃🙈.套餐仲會送無味精例湯 嗰晚嘅例湯係 佛手瓜栗子 南北杏甘筍豬骨湯 👍 老闆話潤燥止咳 增強體質 啱晒依排飲喎😂😂.晚餐來講其實我覺得呢度都好豐富 如果大家都會去元朗覓食 不妨都試吓啦❤️🍚🍚.地址：元朗教育路68號兆豐樓地下10及14號舖

今日有幸經過呢間小店，意外地食到令人難忘嘅燒味，不得不分享一下。酒仙醉雞卷，賣相吸引，酒香四溢，入口清涼啖啖肉，齒頰留香，夏天吃最適合不過😍梅子脆燒鴨飯，色澤紅潤，肉質肥而不膩，品質屬於中上但唔算好驚喜。皇牌鴛鴦飯，即係雙拼飯，今次揀左油雞拼叉燒。油雞香氣撲鼻，雞肉細膩嫩滑。叉燒肥瘦適中，外脆里嫩而且有汁，入口充滿燒烤香氣🤤無論是食飯抑或是飲酒，都係上上之選。每個飯餐仲送一杯飲品或者一碗足料靚湯。呢間小店好用心好出色👍🏻有呢個美味程度黎講係好便宜，食到咁滿足都只係160蚊，極度推薦叉燒同醉雞卷。餐廳地點相對上少少隔涉，元朗人就應該唔難搵，如果其他區人士過黎可能就要花多少少時間搵一搵，但絕對值得。

今日放假出左元朗陪個朋友去處理D野，佢帶左我去呢間餐廳食，話一定要試下！第一次食當然試D招牌菜式，所以我地叫左個午市menu上強烈推薦既叉燒燒鵝飯，跟菜心同老火湯，另外單點左個酒仙醉雞卷同涼伴雲耳～今日嘅湯係霸王花南北杏煲豬骨，清熱潤肺，真材實料無味精，好有媽媽的味道👍叉燒燒鵝既色澤好靚仔！叉燒側邊燒得好焦香，肥瘦適中，份量仲好多～燒鵝既皮好香脆，肉質實淨～菜心煮得好嫰綠👍 食咁多肉配返啲菜感覺厄下自己好似健康啲😅酒仙醉雞卷賣相好精緻好花心思，酒味幾重但好香，啲雞舊舊都好滑👍👍👍涼拌雲耳好清爽，今日下晝成三十幾度熱到不得了，要嚟做開胃菜非常合適👍食完覺得好驚喜！水準真係非常唔錯👍👍食嘅途中係咁聽到老闆娘同啲熟客仔傾計，咁用心既製作值得支持👏👏

🐤-呢間鹵家喺元朗都好出名，而且係黃店💛佢嘅醉雞都好入味，不過就好細件，叉燒都好香，但我比較推薦佢嘅梅子脆燒鴨，因為個皮脆，好有梅子香之餘，仲充滿油分！😍不過略嫌偏咸咗少少！但絕對可以再食！😗仲要好感動嘅係：見到隔離枱個呀叔係黃㗎！你知上咗年紀嘅呀叔通常都⋯⋯⋯🤫

去探朋友，住在元朗的朋友介紹我去食鹵家，說他們的叉燒在元朗好出名，廚師又曾在五星級酒店工作，好值得探店。紅色招牌，餐廳不大很有私房菜的感覺。難得來到，想試多少少食物，所以叫了雙併：食神叉燒及鹽焗雞。出品好精緻，叉燒小巧斯文，更有利於醬汁吸收均勻。叉燒厚切有光澤，更能體會他有質感的嫩，而且濕潤豐盈好有肉汁，肥瘦均勻，每一口都好有食神，朋友冇介紹錯。我坐近收銀處的位置，聽到好多人專程來叫叉燒外賣，而堂食的顧客大部份都是食叉燒。鹽焗雞好香而且雞肉嫩滑，不會誇張地鹽，煮到恰到好處。又叉燒又雞，叫了一個話梅涼瓜片中和一下，原來這個也是招牌菜。涼瓜即是苦瓜，不過用了話梅浸泡，帶點話梅的酸香，好開胃。而苦瓜片變得爽脆，充滿水份的濕潤，去除了苦味反而是帶點回甘的滋味！凍凍地當前菜食一流，也很適合現在夏天吃。整間餐廳很有家庭式經營的感覺，附送的禮湯是很入味的老火湯，飲完不會口渴相信沒有落味精，材料充足有霸王花排骨等等，飲完又難得的滋補。我食飯食得慢，隔離枱轉了三個人我才食完，剛好全部都是叫叉燒及老火湯呢，睇來我冇叫錯！

鹵家係一間家庭式經營嘅餐廳，鹵爸即係店主曾經係五星級酒店同名人飯堂做過主廚，食物質素有一定保證😋我最期待當然係必點嘅叉燒啦🤤🤤◾️食神叉燒飯 $56 叉燒飯午餐會一碗咁上，飯面鋪上一排7-8件色澤均勻嘅厚切燶邊叉燒🤤叉燒睇上去雖然瘦肉為主，但食落肉質軟腍完全唔會乾柴結實，外層微甜帶點焦香味，高汁高汁🤩另外仲配埋隻流心荷包蛋！！係元朗就食到黯然銷魂叉燒飯，平民化嘅五星級美味😋◾️梅子脆燒鵝 $72燒鵝冇羶味，外皮脆又有光澤，肉質嫩滑又充滿鵝香味，肥瘦均稱，仲俾左燒鵝髀我🤩淡淡肉，梅子醬甜酸清新有解膩作用，同燒鵝勁夾！◾️薑汁松花 $30松花即係皮蛋，仲要流心架😗配上酸薑，作為開胃小菜非常不錯

難得一見既鹵味小店~ 平日去大排檔食鹵味就多，前幾日經過見到依間專門賣鹵味既餐廳小店就去試下，食到勁好味當然要再食啦！ 經典既鹵味一應俱存，而且由係五星級酒店老師傅主理既。 開餐前飲碗是日靚湯，佛手瓜栗子南北杏甘筍豬骨湯，依然用料十足，無味精，完全好似屋企自家湯咁正。 同朋友得兩個人，就叫咗上次覺得好好味！蜜汁叉燒王、燻蹄併海哲同拍蒜青瓜。叉燒肥瘦適中，今次叫左配米粉，仲將D汁溝埋米粉到，風味一流。新試嘅個燻蹄皮爽肉嫩，而且切到個厚薄啱啱好。個青瓜惹味得黎都唔會話好辣，十分啱食。 咁樣一餐埋單訂落，人均都唔洗100，簡直係超抵。梗係會再有下一次啦！

食日式台式西式餐廳食得多，想搵下港式味道，黎到呢間鹵家，食到地道既燒味晚市套餐有多款選擇，今次試左有手指公推介既小菜，一份套餐配埋白飯加老火湯或飲品，岩哂鐘意食住家飯但平時屋企又唔得閒煲湯既人✅是日靚湯：老黃瓜赤小豆扁豆豬骨湯呢個靚湯有家的味道，係平時媽咪會煲既湯，除左見到湯渣足料之外，飲到淡湯係冇落任何味精，但已經夠清甜，仲有寫埋功效，夠哂有心✅蜜汁叉燒皇有燶邊既叉燒夠香脆，份量多，叉燒有啲比較瘦有部分係半肥瘦，咬落夠稔身，而配埋甜鼓油撈飯一流✅香蔥煲仔豉油雞一上枱既時候仲聽日滋滋聲，夠哂熱辣辣，雞肉肉質嫩滑，下層鋪滿小小既薯粒同香蔥，雞肉都夠份味，鼓油汁同叉燒應該係同一個汁，份量都好多好岩送飯✅雞絲粉皮個人好鐘意呢個雞絲粉皮，雞絲既肉質唔霉，最值得讀既係佢既粉皮吾會係好稔易斷個種，比較闊身而有薯粉既煙韌感👍🏾💡呢度既店員服務態度有禮貌，送餐快捷，黎開元朗可以一試評分：🔘🔘🔘🔘🔘🔘🔘🔴（7.5/10）

最近常常入元朗，朋友介紹，試了這間鹵家，2:00時段，還座滿了人，應該不錯吧。我點了一個午市套餐，食神叉燒飯，賣相非常吸引，先描述下叉燒，半肥瘦，叉燒的邊邊燶燶地，呈現玫瑰紅色，叉燒蜜汁超多，好香濃，叉燒肉質鬆軟彈牙，再添加一隻太陽蛋，蛋汁撈飯來吃，改為食神叉燒飯，名不虛傳！！再推薦老火湯，+$8，絕無添加味精，湯料十足，牛蒡粟米蘿蔔栗子老火湯，有家的味道再加$18，配飽汁雞腳，雞腳入味爽口，不錯的小食選擇。