鷹巢

營業中

休息中

農曆新年避開香港人多車多去韓國旅行，年初二半夜先返到香港，食左成個禮拜韓國野，大年初三就應下節食返餐中餐。家住奧運，間唔中返屋企途中見到對面旺角新開左間酒店，上面有間中菜廳，一直想試，今日終於有機會試一試。一行入餐廳，已經有員工準備好帶我入座，並立刻遞上餐牌。經餐廳員工介紹後，選擇了臘味炒時蔬及蒜片鹿兒島和牛粒，味道非常唔錯，已經好耐無食過有水準嘅中菜，色香味俱全，下次可以帶埋屋企人過黎食，而且有免費泊車，非常適合一家大細有老有嫩揸車出街食飯。

年廿八執屋執到好攰，第二朝出去食啲好野。星期日梗係去歎個茶，鷹巢當然係首選啦。同平時一樣，坐得舒適，臨近假日都沒有加價或硬銷年糕，點幾樣必食點心先。山竹牛肉 - 雖然不是腐竹底，不過換上菜底比腐竹更多汁好食。鳳爪 - 醬汁惹味，而且大大隻，軟腍之中還是有口感。咸水角 - 新鮮炸起，明顯食得出唔係保溫或微波爐加熱，鬆脆而不油膩。黑松露蟹肉餃 - 必食，黑松露味道適中，沒有蓋過蟹肉香味及鮮甜味，一口一件，餃皮彈牙。留心睇下幅相，等齊晒啲點心先食，全部都仲熱辣辣出緊煙架👍

三點三下午茶，平時食得西餐多，今日想轉下中式點心，居然喺旺角有酒店有下午茶套餐是希爾頓花園酒店鷹巢餐廳，週末價錢合理 118蚊加一， 可以先來個例湯或兩個小食選擇，例湯熱辣辣有水準，個人認為湯最緊要熱，再來點心拼盤有蝦餃燒賣叉燒包各一，這餐廳點心評價水準一向不錯， 跟住有多款抄粉麵飯選擇，最後選了雲吞麵，湯和雲吞整體也不錯好味，最後來一個甜品，一個完美的下午茶。平日可以平20蚊只需98蚊加一 兩點半巳開始有下午茶，個人認為超抵食。

有大陸親友黎香港，諗都唔諗就帶左佢地去我既最愛-鷹巢飲茶。難得今次可以多d人一齊食所以就叫左d平時唔會叫既餸試下。花雕醉香雞一試難忘。。一上菜就聞到好香既酒味，雞肉超級嫩滑……最值得一讚既係d雞去埋骨，岩哂我呢d懶人蝦子鮮蝦腐皮卷個皮好脆……好好味因為想試多野所以叫左蝦餃同黑松露餃各兩粒，d蝦好爽口黑松露素菜餃………… 好重黑松露同香菇嘅味道竹笙豆苗……豆苗好嫩口我一個人差不多食哂全碟不過我都係鍾意食黑松露餃多d...早知唔叫蝦餃

星期六去邊都多人...想靜靜地坐低傾下計,又唔比人趕走,真係有啲難😅好在都比我地搵到😆本身都冇打算飲茶,但大家又肚餓又想傾下計嘅情況之下,都係決定坐低,飲啖茶,慢慢傾😏😏我地兩條友仔真係好肚餓🤣首先叫左燒賣,排骨,仲叫左個XO醬炒蝦米腸...都未夠!!最後仲叫多左個鮮蝦腐皮卷同埋一人一個灌湯餃🤣😋燒賣,排骨呢啲,正正常常啦,都好食嘅😆唔多講了😂先講下個XO醬炒腸粉先,鑊氣十足,上左碟都仲熱辣辣👍🏻腸粉表面有少少煎過嘅效果,如果煎耐多少少,食落外脆內軟,就perfect了😋鮮蝦腐皮卷呢個真的有驚喜!!炸到熱辣辣不在講,重點係外皮佢係炸到好鬆脆👍🏻咬落去唔係乾爭爭的,有少少湯汁(好輕微的),令到成件事有層次左😋呢個腐皮卷下次一定會再食😍仲有個灌湯餃😋我平時好少食灌湯餃的...因為出面好多酒樓嘅灌湯餃都有芫荽🙈但呢個灌湯餃,不單止冇芫荽,而且係好足料,好食👍🏻👍🏻呢個下次都會再食😍

今天去旺角行下,諗起好耐冇去旺角希爾頓花園酒店鷹巢,價錢不貴, 坐得特別舒服, 於是又去, 中午時間,我叫了以下食物:香菇燒賣 - 不油膩而且香菇味好濃,不像外邊酒樓果D淡而冇味.帶子灌湯餃 - 餃子薄皮和那一口燙嘴的湯,軟滑又鮮味. 口感豐富味道濃郁.XO醬煎蝦米腸粉 - 微微煎過腸粉有韌性，誘惑力十足，配上XO醬獨特濃味道，十分吸引,好好味.農場迷你雞蛋撻 - 撻皮夠脆，牛油味很香，細細舊一啖放落口，而蛋漿重蛋味又香濃，入口幼滑，整體唔油膩，很好食.可以再來, 值得推介!!

The thing is, I was really looking forward to trying this restaurant at Hilton Garden Inn, but I was sadly underwhelmed by it. We were told they didn’t have the set dinner that day when we arrived, so we had to choose a la carte.The char Siu was perhaps one of the better dishes. The flavour was actually really good and it had a good amount of fat to it. However, the texture was much too soft for my liking. This 魚肚 soup was severely lacking flavour. Whilst the ingredients in it was pretty delicio

適逢表弟大喜日子, 一早已盛裝打扮到呢間新開嘅酒店會合爸媽一入ballroom最吸精嘅係落地大玻璃, 全場無柱, 好warm好浪漫講番食物先, 難得去飲食到嘅係酒店中菜水準。 乳豬係皮脆肉嫩, 咬落去仲有Clerk一聲~ 最驚喜係嗰個松茸螺頭棗王燉湯 最上乘嘅湯係清澈得嚟每一啖都飲到回甘滋補嘅滋味, 補到上喉嚨。 個燕液竹筀一卷又係抵讚, 一班Anutie平時食得好清淡, 對呢個菜大讚袊貴得體仲夠滋陰。 鮑魚就一貫咁大鮮甜又彈牙。值得一讚嘅係每度菜嘅盛器上碟都係熱辣辣, 好貼心。🐷 牛油果焗釀龍蝦係爸爸全晚最鍾意嘅菜, 我就覺得creamy得嚟好實在又fruitful, 反而媽媽覺得漏左d。最後嘅炸水餃配一小碗炒飯又係一個Surprise 終於唔使再食一大堆炒麵炒飯, 呢個精緻嘅點心赢盡全場眾人歡心🌹表弟今次揀得咁好, 表姐嚟緊大婚都有d壓力喇

一個流感，全家都病足一個星期，人生第一個平安夜及聖誕節在醫院渡過，每天都口淡淡！辛辛苦苦都係揾嚟至在食，所以一定要食就要食好啲。剛好星期日放假出去旺角睇醫生，打個電話去訂位飲個下午茶，豐富下我個五臟廟，早午餐一齊食。鷹巢係一直想來試嘅，因為有同事試過係好好comment. 今天有時間兩公婆可以慢慢嘆。點咗3個點心加咗一個福建炒飯。簡直係大滿足，口感豐富，味道濃郁。一定會再試其他食物及推介俾朋友。最後當然最重要，就係有車位啦！旺角地段，不用排隊。

與朋友們一起倒數二零一八年過後，在酒精影響下日上三竿才緩緩醒來，酒氣未過加上天氣寒冷，最好就是喝一杯好茶和吃上一頓 Comfort food。腦海突然閃過鷹巢這家餐廳，就立刻梳洗逕自出發。到達後大堂員工幫我安排好車位，就直上二樓享用我二零一九年的第一餐。每個人的 Comfort food 都不一樣，我的 Comfort food 就是揚州炒飯；可是如果吃完一整碟炒飯就沒辦法嘗試其他點心，貼心的服務員幫我安排了碗上的揚州炒飯，另外再隨意的選擇了兩個點心：翡翠日本帶子餃 和 醬皇蒸鳳爪 。炒飯飯粒分明鑊氣十足，點心一如以往的高素質，滿足的不得了！用餐完畢一邊品茗一邊回看倒數派對的照片，為新一年注滿幹勁！享受了幾十分鐘零靜的環境後，就開車回家睡個回籠覺。

團年飯難得一家人一起食團年飯！第一次試依間酒店中餐！以為求其又貴，點知 reasonable price and surprise dinner. 其實我地只是叫普通小菜，d 小菜全部都好好味，除咗富貴雞！佢話signature，但係太油膩、老人家就唔可以食咁多！其他都不錯，最緊要坐得舒服！改善嘅地方係上菜太慢！最緊要有免費泊車，酒店裏邊提供免費車位！如果搭地鐵就唔就腳步行約十五分鐘！酒店來講呢佢都係平嘅，可以一試！

天氣凍冰冰又難得放假,訓到日上三竿...見有d肚餓就同媽咪去屋企附近間鷹巢飲茶....貪佢夠方便又坐得舒服唔似其他酒樓咁嘈.....得兩個人食,又驚食唔哂,就叫左煲暖笠笠既鴛鴦米海鮮泡飯黎食,食完成個人即刻暖哂呢度個泡飯好足料,好多隻蝦仲好有鮮味,面頭灑埋d脆脆黎食口感一流跟住媽咪仲叫多左個蛋撻同帶子餃。翡翠日本帶子餃...個皮好薄,又通透,仲有大大隻帶子係入面講番d蛋撻真係熱辣辣新鮮出爐,d酥皮仲好脆，唔怪之得幫我地落單位哥哥仔話我地好好彩因為成日都賣哂...食完走人果陣,媽咪見到佢地有鮑魚花膠盆菜賣,幅相好吸引又足料,決定今年團年做節就訂佢加餸期待。。。。

聖誕都要返工嘅時候...當然想食好啲😂問上司想食乜,佢話要食中餐過聖誕,所以再黎鷹巢啦~~今次都係一樣,唔食叉燒,睇下有冇其他驚喜先😋因為得兩條友,只能食得兩樣...叫左個籠仔蒸糯米飯同一客炸腐皮卷。糯米飯同我想像中嘅完全唔同,我初頭以為係蒸好晒,再自己落豉油嗰啲...原來唔係架!!臘味已經切好晒粒撈埋一齊蒸,再幫我地撈埋豉油~食得方便又唔論盡👍加上糯米蒸得剛剛好,唔會太硬,又唔會太淋,好食!!如果加埋花生撈埋食就冇得輸了😋今次驚喜係個腐皮卷😍佢係即炸的,上枱時熱辣辣,正!!咬落去脆卜卜,裡面係蝦膠餡,蝦膠唔會打得太爛...食落爽得黎有咬口,咬落去又唔會乾爭爭,真係好好食!!呢個一定會再食😍

假期訓醒1個人去食個下午茶餐,鷹巢想試好耐,加上今日節日竟然有折,諗都唔諗就選擇左去試....1個人點左個點心-酥脆蘿蔔絲腸粉,招牌叉燒同埋白玉藏珍~~~個酥脆蘿蔔絲腸粉唔似平時食既炸兩入面包油炸鬼,係包米紙同蘿蔔絲,外面層腸粉皮軟,內層鬆脆甘甜,好有層次食到停唔到口.個叉燒好大件,肉質鬆軟,唔似平時係街食既叉燒,又硬又細舊.個白玉藏珍係全素的,造型美觀，口感清鮮，質地嫩香。啱曬鍾意食比較清淡健康既人.十分推介!!!不得不提個環境,好舒服,樓底好高加上落地大玻璃窗空間感好夠,個價錢比一般酒樓貴少少,但係以依個價錢食到咁好質素同環境真係超值得!!!!!

好耐冇去旺角, 今天約了朋友去旺角行街,由於上次食開旺角鷹巢都幾好, 所以建議朋友一齊再去試下飲茶, 我最仲意係果度地方大樓底又高,服務員又好禮貌, 地方又乾淨, 我點了, 翡翠帶子餃,鳯爪, 黑松露素菜餃, 蝦子腐皮卷+個抄飯,兩個人食得好飽, 個蝦子腐皮卷真係幾好味, 外面好脆, 內面好多蝦肉 好好味! 同埋黑松露餃好香.