鷹巢

營業中

休息中

飲茶多，第二次晚飯。食物水準不錯、服務態度極差！1. 包走吃剩食物，可以，再要包走一條牛肋骨被拒，原因説廚房説不可以，因為有用😱唔通循環再用？我們即時胃口全失，對其食物衛生存疑！2. 再要求另一侍應解釋拒絕原因，那位男侍應氣冲冲，極度不耐煩說不可以就不可以！嘩！語氣態度勁不滿！3. 10:00左右pm已埋單，我們只是多傾一陣，10:15pm, 可能趕收工（當時仲有兩本枱客人），經理同侍應開始拖行鐵腳嘅枱，發出極吵耳聲音，我們沒辦法繼續，只有趕法離開。如果接近打烊，可以善意提醒客人，唔需要用如此粗鄙低劣手法！處理食物安全手法存有極大疑問！加上態度惡劣，再出名再好食也不會再幫襯！

有個朋友剛由外國返來, 話好耐無食過本地中菜,想起前一排, 去旺角希爾頓酒店果間鷹巢中菜廳食完, 都幾好, 於是同朋友一齊去試下,order了香菇蒸燒賣, 黑松露素菜餃, 布拉叉燒腸粉, 白灼時蔬同埋出名寄叉燒王,朋友食完都話好好味, 特別是叉燒和黑松露素菜餃, 特別好味, 地方都好乾淨好大.可以比個Like佢.

在Openrice訂位有八折以外，仲送壽桃，感覺已經很好。雖然酒店位置有點偏遠，外面有點黑，但進入裝修雅致，燈光明亮的酒店後，剛好是一個很大的對比，更顯得酒店高雅。餐廳擺放餐桌不會很密，整體環境不會很嘈吵。由於訂位後已上網下載menu，一早已經訂定八寶鴨。但其實餐廳還有很多特別菜色可以選擇，見旁邊有人食糯米燒豬同類似乞丐雞都好似好好食。除了八寶鴨，我地仲點左燒汁牛肋骨，紅燒肉等菜色，全部都好美味。埋單唔駛$300/位，我覺得值得推介！

有台灣朋友來港，便帶他食地道粵菜揀了這間環境優美，舒適服務亦是酒店級食物亦好味，不過偏貴但位置有點難搵，假如夜少少，人流不多，一個女仔不宜去食，最好三五成群會好點

昨天在網路上看到編輯食評｜難得安靜 旺角抵食酒店中菜廳(鷹巢Eagle’s Garden) 立即經網絡訂了下午茶時間去試試，14:20到了旺角希爾頓花園酒店，餐廳位處二樓，一打開lift門木口木面Reception就安排一張中間近厨房出入位置給我們，當時看到有幾張近窗邊位置都set好，雖然窗外景色一般為什麼不安排我座呢？ （*心中盤算一定有問題，欲知後事如何請閱下去⋯⋯）最後我還是要求轉換！但並不是轉去已經Set好的二人枱，竟然是要我等等.....安排一張近窗邊未清理好的四人枱。終於可以放鬆心情安坐了，翻開餐牌，具特色的菜色不少，但部份須要預訂，還有有多款點心及鷹巢下午茶套餐十分抵食；前菜可選一- 足料老火湯 / 一口厚叉燒/ 蒜泥小黃瓜 / 香蔥海蜇頭點心可選三- 黑松露素菜餃 / 水晶鮮蝦餃 / 香菇蒸燒賣 / 蜜汁叉燒包 / 蝦子腐皮卷 / 什菌香煎包飯、麵五選一- 高湯雲吞麵 / 砂鍋乾炒牛河 / 味菜豬頸肉炆米 / 瑤柱蛋白炒飯 /大澳牛崧炒飯當下單後經理來說叉燒沽清！一間酒店中餐廳14:30叉燒沽清，仲諗住嚟試主廚名菜叉燒，真係唔講得笑唔通真係咁巴閉！帶點失望惟有轉其他菜色

週六約了朋友兩人在旺角飲茶, 他帶我去了旺角希爾頓花園酒店的中餐廳 鷹巢 一聚, 試試新場。酒店位处一個旺中帶靜的位置, 整體裝修是清雅時尚那種, 幸兒早到, 入座不久後也爆滿了。侍應安排了一個靠落地玻璃的小圓枱, 坐得舒服、看得醒目, 唔錯。兩個人祗叫了幾個点心, 初次啼聲,當然要試試蝦餃及蟹肉餃, 蟹肉餃賣相高擋, 看似即叫即蒸, 味道清甜；蝦餃皮厚薄適中, 蝦有蝦味, 對於對食物有要求的我,合格!但最令我有驚喜的是青椒釀鯪魚肉, 青椒熱魚肉煎得香脆, 上枱還是燙口的, 就像地道旺角街頭小吃, 有在身旁煎好入口的感覺, 最後加上叉燒包,成了。用餐期間見幾枱客人也有叫大大舊叉燒, 好奇的我找部長來一問, 原來這是他們的著名出品, 慢煮厚切叉燒, 可惜為時已晚, 兩個人已经吃不下,留待下回分解。

自從上次年初三一個人嘗鮮，未食完就已經打算下次同屋企人再黎，今日終於有機會了。日上三竿先訓醒，慢慢嘆杯咖啡後，接埋兩老出發飲茶。話明飲茶就梗係主打試點心，一口氣叫左四款點心，有芋頭蒸排骨，鮮蝦腐皮卷，燒賣，同兩個灌湯餃，全部非常有質素。食完點心就再叫飽肚嘅菜色，最後選擇試下個鴛鴦米海鮮泡飯，非常有驚喜！個湯非常鮮味，有好多海鮮粒，另外額外奉上一小碟脆米，加落泡飯增添一重口感！兩老非常滿意，一致認同可以再黎！

星期日午餐，是日被安排坐function room 位置。落地玻璃窗，樓底高，空間感極meau點心不算多！食物方面，招牌义燒比個近鏡大家睇下！肉質又冧又軟！上枱時熱熱地，味道不錯！灌湯餃料足!魚肉尖椒很－般！綠豆酥很脆囗！總括: 食物都有水準嘅！所以有水準及在酒店價錢不會經濟！改善之處:1)點心可以２件起，比客人試多幾款！2) 洗手間是黑色，太喑了！Thanks for reading.

新春前後飯局特別多，剛剛上星期同舊同學團拜飲茶；今天又到同我的美女同事們食「新春開年飯」有同事提議這間位於油麻地新開的「希爾頓花園酒店」2F 的中菜「鷹巢」～～～因為其家人食完評語不錯聽個名多麼有氣勢，所以刻意中午飯食少一點，留肚品嘗～～～＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋來到「希爾頓花園酒店」，乘升降機按2字樓，一出𨋢就到達「鷹巢」鷹巢環境尚算寬敞，燈光明亮（影相都不用打燈）在Facebook 讚 Hilton Garden Hotel 專頁，可享晚餐九折及送糖水由於上「鷹巢EAGLE'S GARDEN]的網頁可看到菜單(鷹巢網頁：http://gardeninn.hilton.com.cn/zh-hk/hotel/hongkong/gardeninn-hongkong-hkgmsgi/dining2810.html)我們早要預訂了部分菜餚第一味先來個signature 「金牌叉燒皇」例牌有8大件～～～真係大大件雖然咁大件，而且肥肉比例很少，但想不到一點都不「鞋」，肉質鮮嫩彈牙；味道調得非常好，咁厚肉但醃料都可浸入肉中心，每一淡都食到叉燒的味道，必食推介！！

新年期間約了好朋友食飯,但街外好食的冇乜選擇,最好的就是去酒店食,一定有開同有質素,所以最後又去番鷹巢,一來地點就腳,二來坐得舒服,價錢又不是太貴.去到發覺點心都有少少更改,多左d新年點心,都有d新意.點左幾個點心,同埋兩個小菜1個炒飯,不得不提個黑松露素餃,黑松露味好濃,入口滿滿的黑松露味,個戶戶平安外酥內軟,又不太油膩.叉燒保持一貫水準,白玉藏珍清清甜甜啱曬新年吃怕左重口味既我食,揚州炒飯粒粒分明香氣撲鼻,兩個人份量剛剛好.

新年就梗係要同屋企人，團團圓圓，開開心心周圍食下嘢同屋企人去咗旺角嘅鷹巢飲茶。 星期六午市時間人唔算多， 我哋有book到枱所以唔使等位。 em.. 一兩點嘅時間 walk in都應該有位除咗點心紙之外，另外有一個新春餐牌，有啲小菜，粉麵，同埋甜品等等，新年期間有好多好意頭嘅菜式。非常推薦佢哋嘅 叉 燒 包 ！ 真係估佢唔到！ 包仔細細，但係做到皮薄餡靚！咬開一半，你會見到入面非常juicy 叉燒唔會太乾或者硬可惜我哋都叫咗好多其他點心， 好似蘿蔔糕～春捲～蝦餃～燒賣～食到飽飽。如果唔係真係要嗌多一籠先得呀 叉燒包44蚊，性價比都算ok ga lar.佢哋嘅環境都幾舒適，枱與枱之間嘅空位十足，唔會話太嘈吵， 真係幾適合家庭聚會用openrice訂枱仲有九折添!!

之前食過鷹巢晚飯一家人都覺得唔錯，所以搵新年飲茶可以去邊個時知道鷹巢如常營業就決定去試試佢個點心。點心紙選擇比想像中雖然少，但上openrice睇返見到佢新年應該無特別加價，當然佢本身定價都較高😂最後總共叫左9款點心～☆芝士蝦春卷個皮幾脆，不過芝士味唔算太出☆水晶鮮蝦餃個人取向唔鍾意食荀，而呢個蝦餃係無既！👏🏻好開心🤣層皮夠薄👌🏻☆香菇蒸燒賣不過不失，無咩特別☆布拉鮮蝦腸粉有我唔鍾意食嘅9黃（唔鍾意到唔識寫🤣）😅不過味道都ok既☆XO醬炒蘿蔔糕好味！唔會話林啤啤！我平時唔食蘿蔔糕但呢個我食到！XO醬好香👍🏻☆農場迷你雞蛋撻未黎之前屋企人仲話我咁貴都嗌🙈但食完就知無嗌錯！蛋味奶味都好香，酥皮都好味！好耐無食過好味既蛋撻仔！（至少我認為）😍😍☆香酥芋茸日本元貝呢個我無食不過屋企人話好味👍🏻☆杏香荔蓉綠豆酥呢個我都無食😂同上一個好似樣，屋企人都話唔錯☆古法馬拉糕林左少少，不過都幾香既總括黎講都算唔錯，咁當然係酒店、價錢上當然都定得比一般茶樓高。相對之下晚餐好似抵d🙈不過佢環境好，慢慢嘆茶係舒服既😌

新年期間, 旺角好多食市還未開市, 想起之前食開, 旺角Hilton Garden Inn鷹巢都幾好食, 可以再幫襯下, 2點左右, 叫了牛栢葉, 年糕, 鮑汁鮮卷, 黑松露素菜餃, 菜心, 羅蔔牛腩, 味道及質素可以保持到幾高水平. 有機會可以再食.

新年年初五一家人飲個靚茶特登喺openrice search搵到依間位於酒店入面既鷹巢去到酒店大堂搭𨋢上二樓就到～大約一點半去到，六個人叫左九款點心，同埋一個荷葉飯。由於係新年嘅關係，當然唔少得一啲特別點心最好食係個發財蠔豉酥&香酥芋蓉日本元貝兩個點心都非常精緻size細左少少...似西式cocktail finger food...咁都有好處嘅，細細粒唔會太膩不過如果大隻返少少，就可以歎真d蠔豉味另外仲叫左灌湯餃，蝦餃，燒賣，叉燒腸等等， 味道都ok，唔會話過鹹至於佢嘅茶...就真係差咗少...比一般酒樓貴，但又唔算話超貴以茶介每位20蚊黎講，佢既龍井...無乜味氣味同味道都欠奉都幾扣分不過如果想搵個環境舒適嘅地方，同屋企人飲餐茶嘅話，呢個地點都ok嘅～一次半次啦～

正所謂好工不如好老闆，我老闆真係唔話得，今日年三十晚，同我地幾個食團年午飯。老闆知道我上次試鷹巢很不錯，我哋位置又不遠，老闆決定同我哋去鷹巢食團年飯。到步後老闆二話不說，將點心紙貼填得滿滿的，老闆話辛苦大家，一定要食多啲。我就掛住食都唔記得影相，每樣點心都十分精緻，我最鍾意就係杏汁花膠菜膽白肺湯，我係一個湯怪，這個湯真的回味無窮。仲有鮑魚汁花膠撈麵，鮑汁香濃，完全食得出師傅努力嘅細膩，兩樣都將我的口腔粘得滿滿。老闆食完後，仲馬上叫我訂埋開年飯添，有期待