鵝記咋渣 (已結業)

好懷念o係廟街鵝記食咋渣o既o個段日子, 所以今日傍晚特登去佢地o既"新" 竇希望重溫昔日o既滋味...我覺得佢地依家o既咋渣($13)似乎失去o左以前廟街版咋渣o既o個份英氣- 甜味大減, 以前厚厚o既雜豆底(鷹咀豆, 紅豆, 黑豆同四季豆)依家少o左好多, 芋頭只係得一舊, 唯獨是西米同椰汁就無少到. 可能係為o左遷就香港人過度敏感o既味覺吧. (如有冒犯各位, 請勿介意)講失望我的確係頗為失望, 但我仍然對呢款咋渣有一份感情, 所以我仲會返o黎食- 到時叫老細加甜同加底啦.

查實我唔係一個好豆類既人,我係一個叫紅豆沙要少渣既人,所以當見到呢碗d 豆多到差d 連隻匙都插唔到入去既咋渣之後,個心登時離左一離..到最後我只可以勉強乾掉半碗,因為實在係非吾之所好,怪就只怪自己唔識對號入座啦..至於飛開d 豆唔講,剩講碗野既味道如何呢?實在答唔到,因為我由頭到尾都只係食到豆味...

呢度的喳咋真係好「充實」！雞心豆、紅豆、黑豆、芋頭落齊，樣樣都好夠份量，好在都煲得夠淋，如果唔係都幾難啃。因為份量十足，所以如果食完飯來吃就記得要留肚，如果唔係兩個人share一碗就剛好。

只係食了招牌喳喳, 的確不錯, 有好多好多豆, 對於喜歡食豆類的小妹來說, 簡直係愛上了它, 而且又不會過甜, 合小妹的口味, 不過喳喳裡有椰絲, 對於不是太喜歡椰絲的小妹來說, 又有美中不足之處了, 另外在店門外兜生意的老伯伯, 聲浪太大, 令小妹食完就頂唔順要走了

招牌的渣渣, 真的很多料, 有竽頭, 很多不同的豆類,吃了三份一已很飽了.味道的確比其他店鋪好味! <br>駙馬叫了芝麻糊,就很不掂了! <br>

近排天氣炎熱,日日天氣溫度指標都節節上升,但股市就節節下降,令整個人都冇心機.尤其在旺角街頭,人多車多廢氣多簡直要命!好彩見到前面有間糖水鋪鵝記,一座落望望牆上貼上很多雜誌既宣傳,呢道最出名係葡式渣渣,於是馬上叫碗凍渣渣消消暑,但第一口食落已覺煲濃,令我非常失望,渣渣主要材料係豆同芋頭,所以很容易煲濃,但這間係老字號為何會出錯呢?唔通呢D係佢既特式,再看看兩個侍應,倚在雪櫃旁切蘋果食,企糖水檔既阿叔係度抽煙,坐門口收銀位既肥叔叔係度打瞌睡,可能生意淡漠,個個都冇心機工作.嘩!原來呢位肥叔叔係老闆,(同雜誌上的嘜頭一模一樣)但今非昔比,雜誌上寫曾有人出價一千萬向這位肥叔叔買這條渣渣的秘方,但他一口拒絕,我想他一定很後悔,現在的渣渣哪裡值錢呢?真可怕!經濟好景時,百家爭鳴,個個做到最好,但一到經濟底迷時,很多經者就疏於管理,就算有好好既獨門秘訣,都不善於運用,可能正宗葡式渣渣會成為史.

以前係廟街至有得食, 依家開鋪出彌敦道喎! 呢度最正得咋渣, 我朋友怕食豆, 試過其他糊呀布甸呀都唔OK, 但咁鬼大碗咋渣食到尾都幾滯下, 食過一次有排都唔會番單……..