鵝記咋渣 (已結業)

人身在油蔴地，要吃一碗出色的喳咋，最好的選擇自不然便會想起在廟街裡頭的源記。但忽然想起在彌敦道大路之中還有一間叫鵝記的，做的是所謂"澳門式"的喳咋。恕小弟孤漏寡聞，是從來沒有聽過或嘗過如此風格的，所以是次趁肚子還有些空檔，就來會一會何謂澳葡式的喳咋....一碗熱的是給太太的。不想重覆選吃，自己就來一碗凍吃。先參詳一下所用的材料，有眉豆、紅豆、紅腰豆、木薯、黃薯粒、西米、芋頭粒及椰絲，料頭比源記的下得更多，每樣都是預先煲得腍腍的；texture是比源記的杰身得多，味道則較淡口一些。以如此份量而言，對胃納少一點的朋友來說，真的是可以當成晚餐來處理的.....味道是挺不錯的，若要多花奶的味是更香更滑的，再加上大堆頭的材料，這碗喳咋，仍是值得一試的....

今晚好耐無食、好想食義順，吖！竟然內部裝修無法只好行多兩步食呢間啦。咋喳，話招牌貨，都不算太差，又多什豆、什豆都幾 "林" ，又不太甜，甜中又帶有椰汁味，都OK綠豆沙 + 湯丸，綠豆沙都可以，但湯丸咬一啖就想吐出來幾大粒都無用，湯丸的粉皮好好好厚，內裡微的芝麻實 "均均"，芝麻香味完全無眞是非常差重未食過這樣差的湯丸。

同朋友路經鵝記，決定往內小歇。 朋友叫左西瓜涼粉，佢話唔錯，西瓜球夠多同埋清甜 ~ 涼粉都爽口，糖槳較多，偏甜，但整體感覺唔錯。 而我就叫杏仁露: 應該係用粉即沖的，好甜，係太甜果隻。食唔出有杏仁味，好似係茶餐廳飲杏霜咁，只不過佢既係比較杰身少少。一笑一喊，拉勻變做 ok 啦 ~ 不過價錢真係幾抵喎。

出名喳咋,當然係要讚喳咋啦~豆多都呢.....睇相就知~又有西米芋頭~~全都是我的最愛~我唔like榔汁~唔落都好味~因為本身有椰絲呢~食一碗~真係飽曬~

去完廟街...未食飽...咁就食糖水la!~叫了芝麻糊...同芒果豆腐花..芝麻糊係凍0既....唔夠甜..亦唔夠芝麻味...好彩凍佢都唔會一patpat..算滑....芒果豆腐花...too bad...有芒果味...芒果酸....怪..豆腐花還豆腐花..芒果還芒果...macth 唔到....豆腐花又唔滑...失望...冇下次....

平時如果返咗屋企,真係火燭燒到埋身都唔願落街!突然唔知點解好想食糖水…諗諗吓就落咗街行行吓就入咗嚟!見到佢掛正頭牌賣喳咋,就要咗一碗熱嘅！唔識分佢係澳門定馬來西亞只知真係好多料!乜荳都有咁滯,仲有西米、芋頭同一條條椰絲.甜度亦都啱啱好!下次一於買外賣!自己加Ｄ唂咕粉仲正！)食完真係飽飽地!

同知己食完個拉麵後行過對面呢到食糖水熱喳咋: 唔掂﹝可能我都係偏好杰杰地既口感, 下次都係食凍既好﹞d西米熱食好似食唔到咁, 失去左佢既存在意義。不過d料真係幾多湯圓: 好大! 不過都冇用, 因為唔流沙, 芝麻味唔香而且我個喳咋加湯圓兩粒要俾多$4, 唔好食唔抵囉!佢既格局都幾特別, 唔似湯水鋪, 反而似間雲吞麵店

呢度食吓，嗰度食吓，不知不覺都飽嘞，係時候食甜品。行番出彌敦道嘅鵞記，整番個熱甜品食吓先，要咗： 渣咋：呢度嘅招牌糖水，上枱時個賣相都幾靚，花奶澆得好有藝術感！ 鵞記呢個渣咋超多料，有紅腰豆、眉豆、紅豆、花生、雞心豆、麥米、西米，仲有啲唔知係咩豆；當然仲有芋頭！料煲得夠稔，芋頭差唔多要融添，甜味唔係太重，成碗糖水勁多渣，唔係好食渣嘅會覺得唔好食，鍾意食渣嘅食完會好飽！ 芝麻糊加湯丸： 芝麻糊真係唔得喎，好稀仲好似我自己喺超市買即食嗰啲返屋企煮一樣味道，仲要好甜！湯圓就好一般，芝麻餡又唔夠滑亦唔係太香，個皮都幾厚！下次都係淨食渣咋算嘞！

除左奶奶煲咋渣都好難會食到.被拉到這兒. 嘩! 正到.雖然叫左10秒就黎到個感覺好hea, 好似就咁係雪櫃拎出黎就上枱好hea好冇人情味咁.但係真係好味架喎, d水ge味好似紅豆冰咁正. 但係又唔會太甜.同埋多豆, 微豆, 蓮子, 紅豆, 西米.good good!

星期二晚飯後，在這附近，於是順路買甜品回家，這間甜品店雖然已經幫襯左幾年，但一直都未寫過食評，這是第一次寫.....這裏有各種各樣的甜品，而且都幾多選擇，但每次來到也只會點渣咋，可能自己比較鐘意食豆，所以這款甜品雖然食左很多次，但依然覺得好食，因為所有豆都煲得好軟，不像某些地方，有些豆軟有些豆硬，而且甜度適中。

好豆豆的我愛死這裡的咋渣了!! 上次食過熱咋渣, 熱辣辣...豆豆吃落好粉糯...100分.今晚試埋凍咋渣, 因為要做好吃的凍咋渣難度極高! 一不留神豆會雪得過硬, 變得像undercook般, 嚼到牙都痺, 難吃極了!! 可是鵝記絕沒問題...一上桌我倒是給嚇了一跳, 因為它是非常的杰....面頭還呈了糕狀. 吃之前攪拌一下就可以. 嘩~ 料多得讓人又歡又喜!! 這次竽頭還比上次的多~ 豆豆種纇五花百門, 軟硬適中, 粉糯無比. 竽頭的確沒熱吃的軟棉, 但是也稱得上為"粉心". 不得不提的就是其溫度, 叫凍的果然是冰冰的. 最最最怕尷介的不冷不熱吃罷好滿足....感覺好幸福~ 我要每兩星期來探訪一次.....

** 此 食 肆 的 第 十 八 個 笑 **尋晚(6-9-2008 Sat)同男友人JC食完晚飯後,佢話陪我行去旺角搭車,於是我o地沿彌敦道北行,由於冇咩風,我又覺得熱,行到鵝記,於是提議食甜品,我問佢食呢間定義順?(其實我心想食呢間,因為舊年同友人CK食過義順)JC答冇所謂,哈哈,呢個都係滿意o既答案,於是我就決定呢間.我要$14.00o既凍渣咋,JC要$11.00o既凍西米露.o黎到,凍渣咋好大碗,我’嗶’o黎睇睇,感覺好實,因為雪實o左,料亦好多,有雞心豆,紅腰豆,紅豆,西米同唔知咩,我見咁多,於是要求JC幫我食啲,就叫亞姐畀個碗仔分畀佢.食落,哈,我食唔出係咩味,不過又幾好味,又唔太甜,JC都話食唔出咩味,哈哈.環境:好光猛,好舒服,枱與枱之間o既空間充足,我最鍾意就係咁,唔似石磨坊咁迫夾.

同老婆和屋企人睇完戲，天氣熱當然要食個冰凍甜品先！ 之前試過幾款甜品，但都係覺得招牌喳咋最好！之前比較過熱和凍的，個人還是覺得凍的好，記得要多花奶 (如果鍾意的話) 屋企人第一次黎，凍喳咋三碗唔甜料足，眉豆、腰豆、紅豆、芋頭和西米味夾。下一站義順牛奶。

雜果西米露,心諗應該有一粒粒新鮮生果啦,點知...係罐頭...個西米露汁仲要係蜜瓜味.......

在廟街老字號的鵝記，記得少年時每次夜訪廟街，總在當時鵝記舊舖幫襯上一碗半碗。喳咋就是鵝記招牌，現在搬了出彌敦道，但喳咋仍是當年的味道，歷久常新。今次選了傳統風味熱喳咋，豆豆非常足料滋味。店舖光猛乾淨，幾位阿姐笑容滿面，十數元生意，仍然用心奉客的。