鵝記咋渣 (已結業)

一個人在油麻地遊走, 找尋好吃的. 見這甜品店選擇多, 入去一試. 除各款糖水外, 還有燒賣、叉燒包、菜肉包等點心.沒有叫招牌喳喳, 而叫了腐竹糖水; 都是主打推介中的一項. 菜肉包 $4：肥膏多, 菜和肉都少; 包的質地鬆軟,但略濕白果腐竹糖水$14 (加蛋加3) $17：腐竹全都煲融, 不稀不濃, 但沒'咬口'; 甜度適中我吃完後不是即刻離開, 多坐一會, 但已有侍應有說話讓我聽..不過全場只有二,三成客人

三月十二日 (星期六)同老公仔吃完合一後,到旺角逛了一回途中經過了這家糖水店老公仔說他以前常幫襯的本身我想拒絕,因為我不吃咋渣的但他說還有很多別的選擇,我才放心芝麻湯丸這個湯圓令他十分失望先說芝麻,死實實的,外皮又硬所謂的芝麻餡完全沒有味兒木瓜燉雪茸這個比較好一點,不過品質都仍是一般糖水很甜,但木瓜和雪茸也很硬一次都真的嫌多!

有食評已經講過類似嘅評語。啲芝麻糊好鞋，而且冇芝麻香。啲湯丸皮厚、餡少、冇乜味，仲要三蚊一粒。芝麻糊14蚊加湯丸要加6蚊，一共20蚊。但同樣經營糖水生意，喺附近廟街嘅源記，同樣係芝麻糊加湯丸，啲芝麻糊非常之滑兼有香味，啲湯丸大粒過鵝記兼且皮薄餡料足又夠香，價錢仲竟然只係17蚊。香港地你唔識貨比三家好易就做咗老襯都唔知。呢家個口仲留有鵝記嗰碗粗鞋芝麻糊加厚粉少餡味同嚼蠟湯丸嘅 after taste。呢家要再去啷啷口。

以咋渣為店名, 喜歡吃咋渣的我, 所以點都要試一試啦~咋渣 - 個人認為太多豆, 如果少d豆同甜少少會好一點杏仁糊 - 來到一d都唔熱, 只是暖暖地, 不過我覺得呢個仲好味過咋渣呢間咋渣店我應該唔會再試啦..

飯後來這裡食甜品，BF點了腐竹雞蛋糖水，我點了芝麻糊，但竟然芝麻糊沒有凍食(可能太夜?)，看來這裡確實主打渣咋，擺滿整個雪櫃。芝麻糊尚滑，但略嫌芝麻香味不足，吃到一半已經不想吃。不過都算便宜，下次應該試試渣咋。

有心事,神婆仔上身忽然想去廟街睇睇相.想睇個檔有幾個人已經排排坐等人指點迷津,大熱天時咁樣坐定定我真係暈俾你睇都似,所以都係放棄去食碗糖水好過咋喳連個鋪頭名都叫咋喳咁應該唔差得去邊,食落真係好足料啊!有紅豆啦,綠豆啦,三角豆啦,眉豆啦,西米啦,芋頭啦,仲有一條條椰絲tim,而且煲到淋晒,落埋花奶令到成碗野滑漏漏 雖然唔知道咩係正宗咋喳 但呢碗都算係誠意之作 絕不欺場呢!但最好空肚時服,如果唔係後果自付...夜晚返到屋企d豆豆仲係個胃頂住頂住,真係辛苦到呢...花奶大菜糕好友叫的 但估佢唔到碗大菜糕係"粒粒"版.整大菜糕零難度,好難有機會難食吧,而佢同花奶係永遠既好朋友,如果大菜糕加埋蛋絲會更加好下次天氣凍d去完廟街食煲仔飯,都會想黎再食碗咋喳呢

有一陣子, 寫的食評不是彈的就是"喊面". 寫得起勁, 一連幾篇都是.像成了習慣一樣. 有食友跟我起了花名, 還帶點幽默說不叫Foodiewil, 叫Meaniewil亦可, (其實自覺人幾nice的...) 只是有笑的便有喊的, 後者往往數目更多. 寫食評的用詞大多以自己懂得的方式去描寫, 沒有刻意去營造一些不必要的"mean comments". 唯一有花心思的是特別愛細節, 大的小的都寫, 英文的動輒幾百. 但始終還有很多未學會, 要多加鑽研的.是日到油麻地辦點事, 四點鐘吃午餐遲了, 夜晚飯局也還有幾小時才開始. 從地鐵站往前走不到兩分鐘就到鵝記, 要了馳名的咋喳. 吃中式糖水也很少要凍的.遇到好吃的西米露, 或者中環玉葉的'凍海帶'外也多數要熱的. 咋喳也是. 上來的時候還是熱騰騰的, 在帶點泥啡色的糖水上泛著後加的椰汁,感覺糖水看似很稀的. 用小匙從碗裡翻一翻就能看見各式豆類, 除了撲鼻的椰香外, 豆類的不同質感亦是我特別愛咋喳的原因. 小粒的西米完全的透明, 試試咬著帶點軟糯. 雞心豆比較難熟, 中間部分則是'少少粉', 而紅腰豆是軟滑(連 '衣' 也失去那"韌"的質感)

阿媽好仲意食呢度既咋喳食過咁多間最足料都係佢出面個d全部都好稀,少豆呢度既多豆,不過略嫌過甜另外紅豆冰就麻麻落得太少奶,較淡味但紅豆夠稔,好味

2月26日, 接咗呀菲放學之後, 我地周圍搵下野食~ 喺呀比想食鹹野, 呀菲想食甜野之下, 搵到呢間糖水舖2樣有齊, 合晒我地心水~ 因為太夜, 基本上當晚有d鹹點都賣清, 其他嘅我地都有叫~::: 燒賣 ::: $6可能就收舖, d燒賣擺咗成日… 好硬, 豉油又俾得少…::: 牛肉球 ::: $6比燒賣好, 冇燒賣咁硬, 可以接受~ ::: 菜肉包 ::: $4麵包皮過乾, 裏面嘅餡料太少, 似食饅頭多d…::: 叉燒包 ::: $4超級差, 直情淋pat pat, 蒸過龍… 最差最差…::: 渣咋 ::: $15正宗澳門渣咋wor~ 梗係要叫黎試下! 渣咋好足料, 紅豆、綠豆、紅腰豆、糯米都落得足, 煲得起沙~ 仲有軟綿綿嘅芋頭! 食落甜之餘有奶味~ 不錯~ 而且好飽肚!呢度甜野可以接受, 不過鹹點真係唔掂, 只係可以叫做坐喺度食街邊嘅篤篤野, 但係水準絕對冇街邊嗰d咁香口~

飯前吃了芒果流心蛋糕，飯後又再吃甜品真的走火入魔了！聽說源記的渣咋較甜，一向「走甜」作口頭禪的我因而決定到鵝記，我與男友兩個蠢人走過頭了也不知道，幸好最好也找得到我點了熱渣咋，男友點了涼粉冰渣咋 : 其實這是我生平第一次吃渣咋...幸好鵝記為我的「第一次」帶來的印象不差甜度恰好好處，用料豐富，吃半碗已很飽了，餘下來又多得男友才能「清碗」涼粉冰 : 男友近得我多，口味也改變了，現在他也不能接受太甜，而他啜第一口涼粉冰時「嘩」一聲我已知道他「中伏」了...我嚐了一口，簡直像在飲糖水！因此男友要來了一碗冰水把它稀釋，才能把它KO可能是人人口味不同，因我見鄰座的男人喝涼粉冰喝得很滋味

三月對小妹來說真是慘慘慘，因為老公和我都打敗仗了，這陣子的細菌真厲害，我倆足足病了近一個月，期間胃口全無，還好在看中醫附近有不少適合我等病人的食店， 鵝記咋渣就是其中之一。咋渣其實不是什麼高難度食品，但用心做的店家也不是垂手可得。這裡的喳咋材料十足，用上紅豆、綠豆、紅腰豆、麥米，還有我喜愛的三角豆和芋頭，各種豆都煲得軟綿，芋頭也選上粉嫩無渣的，加上淡奶增香，聞到也胃口大開。幸好有這碗喳咋，小妹才用空肚吃藥。

是日來到﹐客人只有兩三枱﹐但發覺這裡環境很大﹐相信入夜後會有很多顧客。喳咋平時在糖水店吃到都沒有太多料﹐質地還會是稀稀。 但這裡的喳咋質素不錯﹐用料足﹐還拿其名字作為店名﹐質素當然有一定水準. 喳咋材料包括﹕紅豆﹐西米﹐芋頭﹐眉豆﹐紅腰豆﹐黃薯及木薯﹐而份量亦不是每種少許﹐而是每種大量﹐因而喳咋比較杰身﹐如胃口不大﹐一整碗可作一餐了。

一心想食煲仔飯，點知天氣稍凍，兩間煲仔飯名店都排晒長龍，無40人等都起碼有30人等，無法啦，到附近澳門清湯腩王食過晚飯後，再來這間澳門蔔式「鵝記喳咋」食番碗糖水補數。因為晚飯食得實在飽，所以比較甜膩的喳咋就唔幫襯住啦，來番碗薑茶湯丸試下先啦！呢度d湯圓就真係水準平平啦，d皮太厚，麻蓉餡也不夠流沙（有圖為証），沒有佐敦湯圓皇的水準咁好，不過碗糖水只賣$10，都有成4粒湯圓，都算幾抵嘅。而且碗薑水都尚算ok，在天氣寒冷的日子，真的可以稍驅寒意呢！因為呢度最有名的始終都係喳咋，今次無試呢樣招牌食品，只係試左佢d湯圓，雖然水準只係強差人意，不過為左公平起見，都俾番個ok佢啦，希望下次幫襯試佢d喳咋時有意外驚喜，可以有笑臉吧！

由於要黎到油麻地拎D野，所以就過左黎呢面，媽咪一向喜好食喳咋，見到鵝記當然捉住我話要入去食返碗啦。我一直也不明白為何大人會這麼喜歡吃喳咋，我就不太喜歡了，因為真的太多豆啦! 碗喳咋黎到我見到都飽左一半，多料多到爆，媽咪話就係咁先好喎。唔似得出面D糖水係咪都要收你廿幾三十蚊，咁佢都講得幾有道理既! 佢落左好多花奶係面，令成碗野香左好多，甜度適中，見到一大堆豆同西米，鍾意有咬口既人真係唔可以錯過。學媽咪話齋，食完佢真係飯都唔駛食，一定夠哂飽。由於我唔喜歡食喳咋，所以叫左碗麻蓉湯圓，一碗有四大粒，只係$10咋，非常之抵。無可否認佢個皮真係厚左少少，食幾啖先食到d餡，D餡又唔係流沙又唔夠多，不過佢勝在一d都唔會太甜，而且佢碗薑茶真係唔係講笑，勁濃薑味，飲第一啖都濁親! 冬天要黎驅寒真係剛剛好! $１０咋喎，算係咁啦 ！=)

放工後要到油麻地整頭, 扮靚 攬掂後又無咩胃口, 於是搵小小野填下肚就算於是就係我幾欣賞既渣渣店開餐黎到呢到不二之選永遠只有渣渣, 因為十年如一日水準十分穩定價錢也合理望望下先知原來有腸粉食, 於是又叫了一碟睇落無咩野, 咬下先知應該日頭賣到夜晚既貨仔,粉皮也起晒角, 好彩醬夠多, 撈撈下都食左8 成渣渣如常地料豆十分多, 甜道剛好, 加奶更滑溜十分飽肚之選