鵝記咋渣 (已結業)

有晚同朋友由旺角行落尖咀搵朋友口痕既我好想食糖水所以見到有間糖水舖就入左去嗯...見到佢枱面上有張野擺住...雜誌都訪問過佢咁就叫碗喳喳睇下佢有幾正宗幾正啦食完之後...我覺得一般般....可能雜誌效應卦0個晚都幾多人...但係我諗以後都冇乜機會黎食

剛在油麻地吃完飯，朋友建議去鵝記食糖水（因為出名好食），我叫了碗涼粉。味道無乜特別，而且好像好少淡奶，問阿姐加奶，只加了"兩滴"，我要求再加多Ｄ，阿姐竟然話：無啦！下次都係食番紅豆沙、花生糊之類算了。

有日無無聊走左去食糖水,見呢道d咋喳最出名就try下啦,但我食到d豆有"lone"味, 原來d豆炒過ge, 但炒得唔好...一d都唔好味。

鵝記當當然是要了喳咋，另外加一碗符竹糖水。兩碗糖水諯來，喳咋個賣相都頗好，起碼料足，食落口感勁豐富，有豆、芋頭、花生、麥米,豆夠淋…而且椰奶味都相當濃。符竹糖水有白果...正..時時賣哂.

經過此店, 行到身水身汗, 即叫至愛既杏糊! 得! 唔太甜, 又唔太杰!　佳作　！　朋友叫左碗口查咋，太多豆，　有　１／２碗咁多，佢話味道ma ma 喎．．．

$10一杯, 有成3/5豆, 好夠淋!一粒粒唔散的, 甜味唔過火, 但又係豆o既size small o左d啦, 我都係like 大d 的!有咬口d 的!but 面頭唔係碎冰, 係美中不足啦!d 阿姐都幾好態度ar!個笑樣都係因為o甘而俾ja !

我同之前個食客一樣，叫了芝麻綠豆，收了我12元，佢的芝麻糊真係唔掂，似係多多即沖果隻，甜到我食不下，的綠豆唔起沙，又無乜海帶！大家咪去呀！…仲唔好二溝，又寫明，但要加錢！…

話說某次跟友人經過此店，見門口大大隻字寫住馳名喳咋，友人便拉我入去。坐下後，當然是要了喳咋，另外加一碗芝麻糊溝綠豆沙。兩碗糖水諯來，喳咋個賣相都頗好，起碼料足，食落口感勁豐富，有豆、芋頭、花生、麥米…而且椰奶味都相當濃。可惜碗芝麻糊溝綠豆沙就真係唔係咁好，尤其是是之麻糊，甚有開粉之感，綠豆沙就水汪汪，少豆之餘(可能就是因為少豆，所以起唔到沙)連海帶都冇條。埋單時收我們$25，我問點解，因為芝麻糊同綠豆沙都係$10類糖水，碗喳咋$13，按理應該是$23，誰知收銀位阿姐說兩溝$12碗，可惜我睇勻成張餐牌都看不見雙拼要額外收費，但個收銀反話我為甚麼不事先問清楚？！

路經此店，試了店員推介的「桑寄生蓮子茶」（$10/碗），味偏甜，有約十五粒蓮子，相當多！唯糖量頗多，吃不出桑寄生應有的「劫」味！另外，部份蓮子的「心」未有除去，苦苦的。結論是，並不推介。

去完滿記,慢慢由尖沙咀行去油麻地,心諗想去鵞記渣咋,每次搭車經過都去唔到,就諗住去下...叫左最出名既渣咋,凍既,唉,錯誤左,凍左的話成碗野變左好似jelly 攪爛左咁,味道ok既,但成碗滿哂豆,好似多左d喇...

睇食評講到好似成碗都係豆咁.但今日食過都普通啦.足料. 不會太甜.

自己一向都好鍾意食媽咪煲既喳咋，所以見到話有間鋪食喳咋出名，即刻就走去試啦!d豆比預期中多喎!咁就當然唔夠自家煲既鍾意落幾多就幾多咁多豆啦(我媽咪係自己溝豆架)~~ 椰味好重，好鍾意!!!上既時候倒咗一「大」層花奶...我都知好肥...但真係好食d...我食凍既, 大熱天時呀嘛...但我又唔覺有一舊舊既情況出現喎...攪圴d就ok架喇.

今日試過啦...d豆豆比以前少左..仲要得一粒芋頭咁大把~~有d失望..

唔係話唔好食,不過冇乜特別.

次次去都係食咋渣,出名ma,吾太甜,又足料,平時食開凍既,今日食熱原來仲正.p.s. 源記好食定係呢間呢????