鵜舞

營業中

休息中

office搬咗嚟荔枝角已經半年，一路都搵唔到好食嘅日本菜， 但係今次嚟到呢度，終於搵到心頭好！雖然午市套餐係唔平，魚生飯閒閒哋都要$148起跳，但因為用料新鮮、份量十足，就當間唔中食下好西獎勵下自己！今次我就揀咗個蔥三文魚腩、海膽、三文魚子丼飯， 份量真係好夠，食到好滿足:） 同行嘅同事就揀咗熟食，睇落都好吸引。 下次一定會再嚟！

一轉眼又是幾年早上跟龜蜜看過電影後迫她來陪我吃日本餐哈哈現在應該不太做單點吧又或許是以前有認識的人在工作而已？想點些爐端燒的食物全都被拒絕了連汁煮魚鮫的單點也不能。。難道要多點一個汁煮魚鮫餐嗎不過最後還是成功點到一種單點食物就是雞泡魚乾知足常樂另外在下點了個爐端燒雞腿肉定食而龜蜜的就是寿喜燒定食跟餐的有漬物 沙拉 味噌湯 白飯 蒸蛋不知道是自要求高了還是質素下降了感覺普普通通就是一件被燒了的雞腿肉給我沾上一點柚子塩醬不能說好吃只能說正正常常不過始終這次只是來看一下還認識的朋友和不想到處找食物

聖誕節諗住搵間日本野豪食一下，點知入到去先發現中午得定食提供比我地揀，不過無所謂啦，都入左座，無謂再揀食咩，只可以怪自已無問清楚😂我地一共嗌左3個定食，其中牛舌定食係最好食！牛舌定食最好食，煮既時間好夠，肉質好腍，好正🤤三式魚生飯（$168）分量都好夠！我自己嗌左個雜錦魚生飯（$178）啲魚子超級腥，我覺得食完個口好臭，要食返一兩塊薑先搞得掂，其他既魚生都係不過不失，無話得別新鮮！難怪佢比左超多薑我😓

今天點了兩個午市定食。本來想點setB，即魚介豬骨义燒拉麵+燒餃子+炸雞塊，但餃子售罄，只好點setA,拉麵+炸雞塊。湯頭令人失望，似麵豉湯多於魚介豬骨湯。拉麵的麵質可以，但份量少。义燒質感不錯，味道一般。反而炸雞塊有驚喜，外皮脆雞肉嫩滑，味道也好。另外點了牛肉咖喱飯定食，跟餐有沙律、蒸蛋和麵豉湯。 沙律清爽美味，蒸蛋好味而且滑不溜口，麵豉湯沒什麼特別。主角咖哩牛肉飯，咖哩辣一點更佳，牛肉超多，飯反而薄薄的鋪在碟上，不夠多。咖哩汁好下飯，轉眼已把米飯掃光。走進此店，看似地方不大，原來內裏極大。我坐的地方靠近角落，常找不到侍應，點餐、加茶和結賬都有點困難，幸好侍應都是有禮貌的。

請跟進人手不足，做野手腳慢，帶位個呀姐仲要九唔搭八，我walkin入黎，等佢講完電話，再等佢同人地傾完計（應該係女經理），2位都無理過我，都算，入到去，好快有茶，但無餐牌，落單又係應該都係果個女經理，問咩好似咩都唔識，問非所答，定係飲醉左？因為我都眼見佢有同人飲酒，明明無人做野，我係正隔離都當睇我唔到，因為舉手舉到無人理，師傅行過又當睇唔到，侍應又係得個應字等、等、等、得、得、得、轉頭黎，我明白你你地好忙，有生意，甚至乎而家咁時世你地簡直一馬當先，但你地價單已經唔算平，我又唔係食放題，比小小招呼可以嗎？

荔枝角要搵間好食餐廳，其實都唔易，仲要係夜晚！呢間位於Ｄ２地下，由門口到入面，每一個部份都好日本，如果連STAFF都係講日文，真係會以為喺日本以前黎食過LUNCH，不過同事們覺得一般同唔抵食，仲BLACKLIST埋。。。今次夜晚黎，感覺完全唔同，野食，餐牌，氣氛都唔同。今次食左特上雜錦壽司10件，鹽燒特上牛舌，鵜舞釜飯。特上雜錦壽司10件，係就係貴Ｄ，不過10件都好好食，絕對唔係果D搵件魷魚HEA你，10件都好鮮味，仲有好難喺香港食到既好食北寄貝！伴碟既薑同WASABI都同樣出色，我好少可會食晒Ｄ薑，証明真係好好食～鹽燒特上牛舌，伴燒醬油同柚子醬，柚子醬可減低牛舌肥膩感～牛舌亦都燒得剛剛好！鵜舞釜飯，有海膽，三文魚，帶子，蟹，三文魚子。上到檯要等１５分鐘先有得食。個鐘響果陣會有STAFF 黎熄，撈左個飯，跟住裝埋飯，不過D STAFF好似唔太願意幫手處理，個鐘響左差唔多成分鐘先黎。食到最後發現Ｄ海膽痴左好多喺煲底。。。如果撈得好Ｄ個飯會更好味。三文魚子係食果陣先放落去，真係勁鮮味，帶少少咸味，好好食，唔係得個腥味～

A hidden Japanese Restarant in LCKBoth Sashimi Don is fresh and yummyUmai 鵜舞 - 佢個裝修好有復古既日式居酒屋feel入到好環境好舒服我同朋友點左兩個唔同既海鮮剌身丼不特不提既係佢既呑拿魚好鮮甜同埋係入即溶而海膽都好新鮮 無苦既味道Remark: 都多人等待排隊 建議先預約booking鵜舞Location: D2 Place 1, LCKPrice(5 is max): 3/5Yummy (5 is max): 4/5

終於坐完月，要食下日本野飲下酒放縱一下！😍Lunch hour 好多 a la cart menu 既野都無，都明白既，staff 好好，好有耐性幫我地問邊樣野有，最後主要食爐端燒～我地自己帶左支香檳，$150開瓶費，提供冰桶同香檳杯，合理！兩個媽咪傾下講下，開開心心食左個 lunch!唯獨係2:45pm 就被邀請離開～ 因為 lunch time 已完結，我地兩個埋單都$1500，野都未食曬，支酒都好似未飲完～ 有D掃興！

三五知己吹水好地方，地點就係喺荔枝角地鐵站D2出口，步行2分鐘就到㗎啦。先講佢嘅裝修，同日本傳統居酒屋嘅設計相當貼近。所以入到去嘅感覺好似去咗日本咁。佢地個餐牌有分開廚師推介，我哋就點左喜知次，平時喺旺角尖沙咀食一條起碼過千蚊。佢呢度個價錢都算係有驚，$580。都算係一個幾優惠嘅價錢。不過唔算大條。另外我哋都揀咗佢個五色刺身拼盤。裏面有大拖羅，中拖羅，同埋海膽。已$480個價錢來講，都唔算係好貴。反而佢哋有秋刀魚刺身，鮮味出眾壽司方面，我哋揀咗佢嘅店主推介，但係覺得冇乜特別反而值得一提嘅係佢嘅串燒雞翼，好大隻燒得好鬆脆雖然價錢唔平，但係久唔久佢一次，都係可以接受。

今日同親戚係公司附近食lunch, 揀左係荔枝角D2 place嘅鵜舞, 一入到去以為餐廳唔係好大, 點知原來右轉再左轉, 好!大!間! 真係估佢唔到😂 環境同怖置都非常日式😊 餐牌嘅選擇幾多, 最後小妹點左個魚生丼嘅lunch set🐟🍚😋📍碎蔥吞拿魚腩海膽三文魚籽飯🐟🍚一上枱就已經覺得份量十足, 一堆堆嘅三文魚籽, 肥美嘅海膽加埋大大勺碎吞拿魚腩, 已經垂涎三尺🤤, 三文魚籽味道一d都唔腥而且幾有鮮味☺️; 海膽鮮甜味美, 入口即溶, 質感細膩; 碎吞拿魚腩攪拌得幼細香滑, 口感十分軟綿綿, 而且油脂旺盛, 伴以蔥花同米飯🍚, 啖啖鮮味盡在口腔內😍🥰🤗, 旁邊仲有酸薑, 加埋一齊食令人胃口大開👍🏻📍茶碗蒸味道唔錯, 口感細滑, 配料亦非常足量!😊總結: 食物質素高, 環境舒適, 店員服務態度良好, 上菜速度亦好快, 午餐嚟講價格屬中等, cp值幾高😊👍🏻

※本文以用餐當日的環境、服務和食物質素為準，口味亦因人而異，文章只作參考之用。-秋天漸漸來到，又係食「秋刀魚」既時令季節！位於荔枝角既「鵜舞」就推出左秋刀嚐味盛宴 $1088/2人前，食物品項唔少，仲幾吸引添！店內就如居酒屋隔局，一到七點店內已座無虛席，可見餐廳人氣頗高的！秋刀魚刺身排到好似花形既秋刀魚刺身，食落無論魚香同魚脂香並重，我地兩個一食就心心眼搶住食，唔使蘸任何醬汁已經好好食（有薑茸提供）。蟹膏麵豉配新鮮蔬菜條呢個都係不得了，個蟹膏麵豉真係重口味得黎係勁香蟹膏味，份量又多，真係好想黎一碗白飯😆！由於比較重味，都貼心搭配左紅蘿蔔、青瓜、蘆筍、西芹等清甜多汁既蔬菜條黎蘸蟹膏食，平衡一下味蕾，感覺上無咁膩。現場生燒佐賀呼子魷魚配韓式紫菜即場用炭爐燒香魷魚，將紫菜熱一熱佢，再把魷魚包裹著一併享用，咀嚼中魷魚完全不韌，帶有鹹香既紫菜配上魷魚，估唔到咁夾！朴葉和牛燒呢款和牛燒係飛驒高山既特色傳統菜，加入味增和香菇等放在朴葉上用小炭爐烤熟；味增汁固然惹味，當中既和牛肉質軟嫩，牛味頗重的，好食！京都產賀茂茄子田樂燒茄子田樂燒面頭的醬汁主要以味增、清酒、味醂所調製，食落很惹味，茄子肉食落都嫩滑

最近開始Feel到秋風輕輕吹，見到佢出咗個秋刀魚秋季美食，所以就去試吓啦佢哋嘅門面係日式裝修•🍂時令秋刀魚嚐味🍂⭐️蟹膏麵豉配新鮮蔬菜條蔬菜條雪凍左配埋熱辣辣既蟹膏麵豉相當惹味⭐️秋刀魚刺身第一次食秋刀魚刺身，口感唔錯再配埋日本芥辣、魚生豉油或薑蓉⭐️燒秋刀魚配以日本大根及檸檬，輕輕帶出鮮味⭐️秋刀魚釜飯日式煲仔飯用左kama 特製鐵鍋炮製，等35分鐘一打開，香氣撲鼻！⭐️ 現場生燒佐賀呼子魷魚包韓式紫菜 有個迷你炭爐可以比我自己燒，重點係D 魷魚🦑夠新鮮所以極爽口⭐️ 廚師精選蓑揚香串季節時令鮮魚當日係炸秋刀魚，一次過食到唔同煮法既秋刀魚！⭐️京都産賀茂茄子田樂燒肥嘟嘟既茄子配埋秘製既醬一齊燒，好好味⭐️朴葉和牛燒和牛夠薄用埋朴葉一齊燒超香•🥃鵜舞自家釀造日本梅酒入口甜而不瀝，梅香清香，好易入口！🍹荔枝梳打 白桃梳打又香又有氣仲食埋甜品水信玄餅

Sanma 秋刀魚 - like it’s namesake, the sanma fish is the most prominent seafood representing Autumn, and it is also considered as the “King of Fish” in this season.How to satisfy your Sanma craving in this season?  Now you can experience the great flavours that will make your fall season extra delicious in Umai.Furthermore, how about a glass of wine paired with these delicacies?  Plum wine is always great with fuller-flavoured fish or savoury dishes.  Umai’s homemade plum wine is brewed in the trad

琴日一行3人一齊去荔枝角搵野食，見到呢間日本料理好似唔錯，所以入去一試。佢lunch menu款式都好多選擇，定食拉麵都有，不過覺得價錢偏貴。一個lunch set平均都可能過百蚊，不過難得黎到，所以決定叫一個自己最想食—函館丼飯定食（即係蟹肉、蟹膏、海膽、三文魚籽同蟹籽）。入面個set係包左前菜（鴨胸沙律）、茶碗蒸、麵鼓湯。一開次上菜會比個盤你，上面有齊哂所有野，除左個主菜。我因為太肚餓，個鴨胸沙律食哂先上到個主菜，所以冇影到個沙律。雖然二百幾蚊一個lunch好貴，但係佢份量好足，蟹肉超級多，蟹肉拌飯超級好食，加埋三文魚籽，好好食，醬油都可以唔洗加。下次會想再黎，不過唔可以太密，荷包會頂唔順。

只得一小時lunch，天氣又熱，又唔知食什麼，唯有附近食日本野啦！「鵜舞」裝修不裝潢，坐位還舒服，但午餐價錢比夠貴了點「叉燒拉麵配餃子」湯底還可以，味不夠濃，麵不夠煙靱，餃子炸過龍「油甘魚定食 」油甘魚鮮甜，不錯，海帶麵豉湯咸了一點，日式燉蛋，夠滑