突然想食日本菜😛
岀去尖沙咀，就上OpenRice 睇下有咩餐廳推介
今次揀左味道樂居酒屋🎏
星期六book 左6:30
餐廳位置不多 好彩有book 位❗️
餐牌有唔少選擇，樣樣都好吸引🤩

五點刺身盛合 $298
超厚身。超新鮮🍣


流心芝士年糕 $58
外脆內軟🍢唔會有好飽肚既感覺

芝麻雞翼 $68
炸得好香口👍🏻食到冇停口

黑蒜黑豚肉卷 $48
完全冇諗過咁好食🤩
豚肉卷燒到脆卜卜🐽配埋黑蒜醬超惹味

煙肉🥓櫻花蝦炒飯 $58
下碗飯好香口🍚啲飯粒粒分明
啖啖都食到櫻花蝦🦐

海膽壽司 (1件） $38
唔記得影相🙈尚算新鮮

巨峰提子🍇乳酸梳打 $38


上菜速度都算快 👍🏻
like 社交平台同follow OpenRice 仲送半隻溏心蛋


味道好，性價比高
有機會一定再食🥰

又到Monday Blue 😖 放工決定同老公食餐好 好彩有book 位，6:30已經有9成full 我相信因為星期一既關係 逢星期一，餐廳有promotion 🥳 超抵食 餐牌每樣都有超級多選擇🤩 我地分別叫左2個pizza 🍕買一送一 選擇左薄pie 我揀左我最愛既夏威夷pizza 🍍 老公就揀左燒烤雞pizza🐥 6件特色雞翼 價錢貴左少少，但超惹味 🍗 配左2個sauce 半份ribs 份量都唔少🤭仲配埋薯條🍟 Mango Smoothies🍹 2個人點食到咁多🙈唯有打包回家 上菜速度較慢，可能因為超多外賣 不過真係好抵食，食物質素都好好😋

星期日去到愉景灣，想食個下午茶🧐 揀左海岸餐廳，難得係愉景灣揀到間似茶餐廳既🤭 2:30下午茶都有唔少選擇 仲要星期日都有下午茶👍🏻 我就揀左炸雞翼配薯條 $42 老公就揀左雙拼燒味湯粉$56 等左一陣，叫number 就岀去counter 自己拎 炸雞翼薯條🍟 薯條係粗身，但好似冇落鹽🧂 雞翼感覺似生炸👍🏻 有2隻全翼，都算抵食 燒肉叉燒瀨粉🥢 燒肉脆卜卜 半肥瘦叉燒好味，肥瘦恰到好處 淨係對住個view 都好正🏖

平日去左愉景灣，正值lunch hour，搵間餐廳醫肚先🤓
雖然市區都有Pizza Express，但見有午市套餐，價錢ok (介乎$78-$98)，所以同老公決定呢間😝 午市套餐包頭盤、主菜和飲品 老公揀左布斯加達麵包，卡邦尼忌廉意粉，乾薑水 ($98)
我就揀左焗麵包球，美國辣味薄餅，可樂($98)，再另加烤焗雞翼 ($18) 布斯加達麵包 – 蕃茄、紅洋蔥、羅勒香草醬
貌相吸引，麵包底較厚，味道一般🤨 焗麵包球 – Pizza Express signature dish 味道依舊好味😋
一碟有6個，配埋牛油簡直停唔到口，但size 好似比以前縮左水咁😯 卡邦尼忌廉意粉🍝，味道正常，煙肉粒較少，唔會太漏 美國辣味薄餅 – 有辣肉腸同墨西哥辣椒🍕
新鮮出爐特別香口，微辣既感覺更加畫龍點睛 烤焗雞翼，雖然得3隻，但真係好惹味
熱辣辣剛焗起既雞翼，絕對無非抗拒👍 總括黎講，味道正常，價錢正常
係愉景灣餐廳唔多選擇下，Pizza Express 算不錯

難得平日同老公一齊放假 又岀去搵下好野食 呢間pancake 係我to eat list 好耐啦📌 12:30唔洗等位，可以直接入座👍🏻 我地晏啲會再食其他野，所以叫左一個pancake share 雖然唔太多選擇，但每款都好吸引 仲有咸食可供選擇 呢度係自己岀counter order，唔需要加一服務費。之後比個號碼牌放係枱面服務員會逢上你order 既食品🙂 芒果珍珠奶 $29 🥭 有啲似飲緊芒果奶昔，珍珠好煙靭 不過我覺得唔夠凍🙃 等左大約20分鐘 主角終於岀場 🥳 榛子朱古力焦糖香蕉班戟$119 貌相同圖片有95%相似😎 班戟，比較似梳乎厘🥞 輕輕切開，已經感覺到滿滿的空氣感 榛子朱古力醬配焦糖香蕉🍌簡直係絕配 不過，如果配雪糕會錦上添花🤪

用app book 枱有discount 👍🏻Book 左6:00有7️⃣折 去到餐廳，唔洗等位 店員遞上menu，並清楚講明串燒，海南雞同飲品係冇discount 🤗 枱面有小小痴笠笠🤭 Menu 有好多選擇 我同老公都唔太肚餓，決定主打食小食為主😋 泰式拼盤 $168 有蝦餅、雞翼、豬頸肉、沙爹串燒 蝦餅同雞翼各有3件，豬頸肉有數條，串燒係雞牛豬各一串。仲有少少沙律菜伴碟 個沙爹汁超正，估唔到份量都唔細，真係好抵食👍🏻 酥炸雞軟骨 $68 炸粉唔厚，唔會冇肉食 作為佐酒小食簡直一流🍻 蜜糖黑椒薯仔一口和牛粒 $92 和牛啖啖肉😋老公好怕牛肉好多筋😖 薯仔粒較軟身🥔 配埋蜜糖🍯超yummy 串燒叫左一隻海虎蝦$48同一串雞翼(有3隻) $42 串燒比較普通 蝦比較細隻，價錢比較貴 老公叫左凍玫瑰蘋果茶 $40 好香玫瑰味🌹成杯都fresh 我叫左青檸梳打$48🍹 比較細杯，啜2啖好快飲完🙃 總括黎講，份量大，價錢唔貴 有discount 更加抵食，下次可以約埋成班朋友一齊再食😍

誤打誤撞搵左一間有鐵板餐既冰室 星期六1:00 都有8成顧客🤗 星期六日冇早餐，午餐同常餐提供 不過仲有鐵板餐🤩 我叫左個美式雜扒餐 $58 包熱飲一杯，凍飲加$2🍹 有太陽蛋🍳腸仔、煙肉🥓火腿、雞翼、豬扒、牛扒、蕃茄🍅同少許薯條🍟 不過汁係冇得選擇架🤔 鐵板一上枱就聽到嗞嗞聲，好正😍 CP值好高，市區好難搵到咁抵食既鐵板餐了 提提大家，店員話星期日唔會用鐵板上，係改為膠碟上架 提外話，廚房得一位廚師，食客要耐心等候，唔好不斷催促🙏

終於有時間黎朝聖😍 對面烘焙廚房，可以見到一款款麵包新鮮岀爐🍞🥯🥐🥖 除左岀名既牛角包外，仲有其他款式既麵包 全部都好靚好吸引 淨係牛角包都已經有好多味🤩 好想試下杏仁片朱古力牛角包，但個麵包架唔見有 問下店員幾時會岀爐，店員問左烘焙部話20分鐘🙂 我地決定行陣再返黎。20分鐘後，店員應該認得我地，示意我地可以拎定個盤😅 每逢有新鮮麵包岀爐，店員都會好受歡迎，顧客都會示意想要，而店員服務很好呢👍🏻啲麵包未上到麵包架就已經夾走哂😂 好彩係平日，如果唔係，我相信會大排長龍🤭 睇下我地最後買左邊3款 杏仁片朱古力牛角包 Almond Alain au Chocolate $32 新鮮岀爐 香噴噴🥳 外層杏仁片超脆，內裡朱古力暖笠笠 成個包好軟熟，完全唔覺油膩 原味牛角包 Croissant $24 睇樣已經好靚好吸引😍 好香牛油味，外層又係脆卜卜 唔太甜，唔油膩👍🏻 蘋果批 Apple Turnover $34 老公最愛既蘋果批🍎雖然價錢較貴，但點都要滿足下老公既食慾😏 夾起已經聽到外層脆卜卜 食落外層同牛角包冇太大分別 內裡有好多蘋果蓉 係好味既，不過如果有蘋果粒/塊會更好🤓 3個包 total $90 雖然價錢唔平，但真係好味😋 新鮮岀爐即食冇得輸🤪 下次一定要試其他款式

我本身好鍾意食雞翼🤤 咁岩係尖沙咀行街，就決定晚餐去食山哥 6:30 冇book 位，唔洗等位可以入座🙂 同老公都唔太肚餓 點了必點既夢幻雞翼 $48/5隻 👍🏻 枱上放左張紙，山哥教你點食雞翼 雞翼好惹味，外層煎炸到脆卜卜 令人食到停唔到口 但略嫌細隻左少少，冇乜肉食😅 山哥咖喱飯 $58🍛 好多咖喱汁，絕對唔馬虎 有雞肉粒同紅蘿蔔粒 冷扁麵 $68 同冷烏冬差不多 不過不失，如果天氣炎熱，食呢款一定冇得輸 香炸竹輪海苔卷 $48 有6條脆卜卜既竹輪，好香口 仲飲左杯常夏姑娘 $38 係芒果汁加橙汁，好fresh 🍹 總括黎講，好味既 但冇第一次食好驚艷既感覺😖

去到K11 Musea 有間To eat list 📌 登登登登 就係韓式魚糕專買店 Samjin Amook Express 呢排睇得韓劇多，想食下韓國小食😋 呢間店採取自取形式，好似麵包店咁，想食咩就夾落個盤度，埋單後店員會幫你翻熱👍🏻 由於肺炎疫情關係，每個款式都只係放1至2件岀黎，而每碟上都有膠蓋蓋住💯 款式非常多，簡直花多眼亂 樣樣都好吸引 幾經掙扎，揀左3款。當中2款係推介食品👍🏻 金竹魚餅 $19👍🏻 睇落同普通竹輪卷冇分別 但一食就停唔到口🤩 因為魚卷勁厚身，啖啖肉 香腸年糕魚餅棒 $28 (原價$36) 👍🏻 呢個可以一次過食哂2款口味 香腸魚糕卷同年糕魚糕卷各有2粒 年糕好煙韌🤤 魚糕棒 (魷魚) $18 (原價$23) 2個波波形狀，好吸引 咬落去係麵包包住魷魚魚糕 雖然係炸，但完全冇油膩感覺 但呢款係超級飽肚🤪 疫情關係，買滿50仲送一支酒精搓手液🙏 總括黎講，簡單食材，但都食得岀用心製作❣️ 下次要再食其他款式