鴻福海鮮四季火鍋 (已結業)

雖然對上一次的飯局已有一段日子, 但念念不忘鮮甜的魔鬼魚湯,爽脆的竹笙,新鮮的鮑魚與及圍爐共聚暢飲的風光,實在是難得!

同朋友慶祝生曰,平時成日唱K睇戲,今次特別d,見呢排成日介紹土瓜灣炭燒火鍋,唔洗講野齊齊燒炭先!結果……一行18人7點半打到11點半火鍋料叫左超過6O碟真係食到痴X哂線!詳情唔多講介紹,集中介紹d特別野先~1) 魔鬼魚湯底--- 第一次食.估唔到d魚超爽夾滑,正!!2) 燒帶子-- 燒到差唔多乾水隻野就叫ok,乜都冇點都已經好好味~3) 野生竹笙-- 好爽口, 有個friend 左佢黎燒tim ar…其他質素ok ga~果道應該好耐歷史下,d通風抽氣設施差唔多係上個世紀既產物,開左等於冇開!自助餐咁叫法位位都諗住冇2OO都走唔甩,如果係有骨氣同譚魚頭就分分鍾5OO添.估唔到既係埋單249O平均位位16O有找於是放低25OO走人! 真係Chrismax Surprise 價~ ^__^最搞笑係最尾有個人追出黎,你估佢講乜?“我地唔收tips 架”抵到無野好講~

湯底: 咸菜魔鬼魚湯...打邊爐食左: 生蠔..金菇..生菜..油麥菜..手切肥牛X2..貢丸..珊瑚蚌..野生竹笙..雲吞水餃雙拼..墨魚滑...網燒食左: 蜆..九孔鮑魚一打..司堪..帶子一打..牛肉粒X2..雞軟骨...雞腎..(好似唔止..但係只記得咁多)..綜合各人意見都話D牛肉粒..雞腎& 蠔好味....朋友話D魔鬼魚好滑好好味...但係我本身唔嗜食魚..加上始終覺得怪怪地...所以冇試...個湯底本身已經有少少辣...再加埋個辣椒豉油...唔係人人頂得住...早知叫多個唔辣湯底啦....但係呢個湯底好掂...海鮮又新鮮...個個食到lam lam ...有幾個朋友仲勁興奮地做大廚..係咁燒D野比大家食...連有個本身好怕污糟既朋友...都聽到佢傾緊電話時話下次帶對方去一達好正既地方打邊爐添播....睇黎呢度真係好玩又好食咁喎...好多海鮮都唔知價錢...包括個湯底...都係以時價計...連汽水都唔知幾錢一枝...大家係咁嗌...平均每人起碼飲左2枝以上...加上見到其他食家話都要成$200 位...我以為埋單都唔野少...點知結果每人(11 個人)都係$116咋喎...

近幾日天氣開始冷起來, 秋季蛇宴過後又到冬天的火鍋的季節,Openrice 版友已急不及待的籌備了一個街坊式風味火鍋聚會. 當晚一行八人7時左右相約的到土瓜灣區的鴻福海鮮四季火鍋, 火鍋店地方比較隱隱蔽,版友們要穿過一條小巷子才到達. 幸好爐兄事先留在小巷中最闊落的位置,兩張圓檯合併左成的葫蘆形長桌,正對在電視機畫面和冷氣通風口. 長桌正好可開兩個湯底,朋友們商議後決定點芫茜皮蛋湯底和魔鬼魚湯底. 兩個湯底和有特色芫茜皮蛋湯底比較清香,而魔鬼魚湯底和比較香濃,而魔鬼魚肉味鮮美魚骨亦脆身爽口. 第一輪配料則重於火鍋為主, 大家早已做足工課, 預先寫好第一輪選擇了的配料, 先來了鱘龍魚片, 白裡透紅肉質爽口, 魚鮮味輕清討好; 一碟五隻生蠔, 蠔身漲卜卜, 肥大肉厚味道鮮甜; 五花腩, 圓形薄切, 圓周包著一層脂肪圈, 肉質鬆軟; 鹿肉, 肉味香濃,肉質相比其他紅肉韌一點; 豬橫脷, 比較厚身食起來有點似豬潤點度, 肉質亦偏韌; 羊肉片,至愛之一, 羊羶味輕清肉質軟熟; 天梯, 潔白爽口; 野竹笙,和一般竹笙有所分別,落鍋之時大家發覺野竹笙隨即漲起, 一條條圓柱形的竹笙,樣子興趣味道可口;

昨晚土瓜灣發生集體燒炭事件, 八名中國籍男女子以兩個炭爐作為武器, 用火鍋及炭燒之手法行兇, 大開殺戒. 受害者眾多, 包括:咸菜魔鬼魚湯底-- 魚不多, 但愈滾魚味愈出, 最後用黎淥菜, 正! 試左舊魔鬼魚, 都好好食.芫茜皮蛋湯底鱘龍魚片x 3 -- 有d似脆玉鯇, 但更爽口.鱔圈-- 我無食, 但好似幾受歡迎.墨魚-- 可以揀刺身或者火鍋用, 我地揀後者.帶子(每人一隻) -- 肥美肉厚.九孔鮑魚(一打) -- 燒果陣仲識郁架, 有狂徒仲將行兇過程拍左movie, 真係喪心病狂呀~~蜆-- 鮮甜, 燒果陣爆殼標水.......蠔x 2 -- 又係非常肥美, 無腥味無異味.五花腩x 2 -- 刨成圓圓地既薄片, 肉味幾濃.鹿肉x 2 -- 無食, 據報肉味更濃, 但比較「鞋」.豬橫-- 坊間少見, 我鍾意!羊肉片x 2 -- 無食, 但有encore都應該係好野.豬天梯-- 無食, 據報韌多過爽.野生竹笙x 2 -- 係咪真係野生就唔知, 但同一般食開果d的確唔同, 呢度既無鹼水味, 同埋比較滑. 推介!手切牛肉-- 賣相好得, 但入口無牛味, 失望.肥牛片-- 反而呢個牛味明

聞名已久，昨日openrice 聚會在此，才第一次去，若沒人帶路的話地方頗難找的，地點在落山道美景街附近的一條小巷，見招牌大膽直入便可找到。一去到先吃炭爐火鍋，用炭爐打邊爐，火不猛，並不比用gas 爐好，只算是一種懷舊風味。席中不少是「擦」得之人，多叫便多吃，吃得很多。我食到一半已經投降，火鍋料新鮮，雪藏肥牛比手切鮮牛好, 魔鬼魚湯底好味，煮菜也鮮甜。半場後炭爐轉用作BBQ，燒鮑魚、帶子、蜆、雞腎才是正場，肥牛太薄燒起來黏著鐵網，只試了少許，如果有牛助骨就更好。爐佬, dickson 由頭帶到尾，之後再去糖水，相當滿足!

難得攝影老師同學們作一個小聚會, 老師對飲食的要求, 比起晚生還來得要高得多, 突然來了一個靈感, 就與他們來一個風味火鍋. 這晚食客十分之多, 連後巷位置都坐滿了, 我們訂了八時五人檯一席, 準時到達後還要等待二十多分鐘才可入席, 苦了老師同學的等待. 期間太座遲來, 在巷子遇上米奇, 嚇得花容失色, 哈哈, 舊區後巷沒有米奇才出奇呢. 坐下不久伙計端上了炭爐, 老師比較喜歡火鍋多於燒烤, 隨口點了芫茜皮蛋湯底, 再和師弟盤算要點的配料, 你一言我一語的寫下了近十個配料, 經老師過目後又改了一部份, 才可正式黠菜; 先來的是鱘龍魚片, 爽口鮮味白中透紅; 再來的鹿肉片, 羊肉片, 手切牛肉味道亦各有特色而且討好; 雞半隻味道肉質不錯, 亦令火鍋帶有雞湯香味; 游水墨魚新鮮可口, 質感不錯, 其間師弟便大著膽子的吃起刺生來, 勇氣可嘉. 其餘鱔片和生蠔則比較平庸.第一輪的配料吃了大半, 老師已慢下步伐, 但師兄弟們意猶未盡的再來追加, 牛丸貢丸肉質爽口但味道一般, 再來羊肉片, 這次更加肥味, 羊羶味亦更加突出; 駝鳥肉爽口味道輕清. 最後來一個西洋菜清清胃口, 西洋菜吸了湯汁

晚晚同幾個老友打算去打邊爐、行行下、佢地話去無間道？？？原來叫鴻福、初時我以為大舖頭、點知在街口只有個招牌、原來在一條又濕有黑的冷巷裡、哇！小心、小心！入到去、原來係一間好舊的小型食館。坐底搵伙計、個靚仔招呼、佢介紹我地食魔鬼魚煲、跟住叫隻頂角羔蟹、斤幾重、勁！牛肉啦、鵝腸、什麼豬天梯、魚扣、魚子、什菜。呢度無飯食、要食就公仔麵、用來浸湯、正！魔鬼魚又真係幾正、好滑、又有口感、去泰國都食過、但係好鞋、呢度用鹹酸菜加白胡椒炆、火路剛好。其他牛肉都唔錯、無渣。羔蟹今晚係最貴的用料、d羔幾滑、自已控制羔的火侯、唔同食法。鵝腸有浸油、都好有鵝腸味、其他魚扣等等、只係下價野、食騎呢！小有。整體上都算有d 正統火鍋風味、其中原因是用炭爐。

事源於友人好想試試哩到既火鍋，咁就一行五人去啦。一入到去，老實講，如果係接受唔到後巷風味既朋友，就真係唔好去啦。因為要入到去店舖之前係要經過一條又濕又唔係太乾淨既小巷，而行行下途中，係會見到某d野會響你面前高速閃過。自問係對果d野有恐懼既就做左心理準備先好入去。入正題，一入到去都聞到好大陣炭爐味。今次我地先試左打邊爐先，而個湯底就係豬骨煲呀下。叫左肥牛、魚滑、豬天梯、黑柏葉、貴妃蚌、貢丸仲有烏冬。所有野都好新鮮，唔錯，係個湯底唔係太好，可能試番傳統既湯底會好d。至於佢個sauce 都好得，唔錯。有一個唔可以唔提既係，我同其中一個友人坐到入去就比d 煙燻到係咁流眼水，解決既方法就係企響身食野就冇咁既事。服務都okie，始終唔係d咩大酒店，唔好expect有d 咩五星級服務。

睇完TVB 套電視劇、約了幾個老友、走去睇睇、哇！好古老的地方、江湖味好重、講食野、叫了：雞子、象拔蚌、手切牛肉片、鱘龍魚片、大花蝦刺生、蝦頭用椒鹽炸、避風塘茄子。新鮮雞子係真係新鮮、無吹水、象拔蚌鮮甜、鱘龍魚片有口感、彈牙、大花蝦刺生就比較普通、無預計的甜美、還可以啦！反而蝦頭重正過蝦身、送酒一絕！手切牛肉應該係全晚最正、只要淥十零甘秒就得、肉質非常嫩滑、有肉味、裡面有一d像肉筋的、比純牛肉有口感、正呀！食四碟、最後要提提就係碟避風塘茄子、好有水準、茄子入口鬆化、勁辣、要食得辣才好叫呀！送酒就very good！

天氣正式轉涼，當然立時要再鍋。上次唔夠喉意由未盡，今次再去燒埋野食。由於朋友C唔食牛，而我又想試下其他未食過的野…於是乎…火鍋組隊長腐竹豬肚手湯底，隊員：羊肉片、豬天梯、脆鯇、生根、墨魚滑燒烤組就有隊長炭爐一大個，隊員：司奄、鱔圈、雞軟骨加上啦啦隊2款蒜蓉。兩次經歷之後，得出以下結論：晚飯時間去的話唔好坐咁入，加湯加炭落單都慢D 。另外，墨魚滑可以不吃，鱔球不能不燒，司奄不吃也吧，要碟蜆好過。同埋，火鍋不能無牛！

係呀係呀！打完出來真係好像BBQ一樣、成身炭味、好有風味、不過如果著了西裝、可以改去新店、個度用電子爐、包你無話食完一身炭味啦！環境比舊店乾淨、伙計有件工衣著、喜歡有系統d就來呢度試試啦！老板現在兩邊走、要岩時間才會見到佢、食物一樣保持舊店水準、無加一、一切都同舊店無分別、只是個爐唔同。新店地址就係：九龍城南角道44號、都係叫鴻福海鮮火鍋

因為姐姐男友係熟客所以第一次去d野食碟碟都好大碟(大姨--老闆娘都親切d)姐姐成日去食所以d推介都有番咁上下蕃茄牛肉湯底食左雞腸--冇鵝腸咁肥手切牛-- 正!墨魚滑-- 一般仲有乜乜乜乜焗蜆-- 錫紙包住炭爐上燒(正!)乜乜(好似係豉椒)炒魚滑(都好正!)大大兜菜仲有d其他野四個人食左500蚊左右但係食完就好似bbq完咁成身都係味p.s. 如果坐出邊千萬千萬唔好喂貓食野呀~~d貓唔係佢地養嫁而且你俾一次佢地食就會不斷咁煩你仲會搶野食tim呀最搞笑就係當晚有隻貓咬住隻生老鼠走出黎嚇到在場女士個個we嘩鬼叫之後某男伙計用個湯"殼" 卜死左隻老鼠(希望唔係用黎炒啦)

我地四人打邊爐叫左五小碟,但老闆娘落單時問: 係咁多喇, 無架喇" ---- : ( 佢可能太忙吧!

講真, 入呢間舖頭予知道係甚麼環境, 個老板娘就唔好當正自己係高擋啦.客仔係老板, 唔好咁無禮貌!以後都唔會幫襯!