鴻福海鮮四季火鍋 (已結業)

星期五晚,與好友到這兒吃炭爐火窩同BBQ. 去到落山道,見到"鴻福"的大招牌,但係唔見舖面係大街上,原來要行入去黑黑,濕濕,窄窄的內巷,入到盡頭見到煙霧彌漫.坐位同枱櫈都好有大排檔風味,有晒"無間道"FEEL. Order 左火鍋及BBQ材料,蘿蔔,鵝腸,新鮮蜆同小鮑魚,西洋菜,手切肥牛,羊肉,甘菇. 伙記見我地食兩個火炭爐,都好友善地提議,我地坐大D的枱.叫左沙嗲同清湯底.沙嗲味濃.最正係放隻新鮮鮑魚落個炭爐度燒BBQ,加D蒜蓉同清湯上去煨,仲有D蜆都係好好味,因為D蜆本身有海醎味,加埋炭爐的SMOKEY味,不用加任何調未,都係"鮮"同香. 同D朋友落呢,飲番幾支生啤,一路慢慢燒,慢慢食.有傾有講.仲有埋電視睇,有得睇波或本地電視節目.盡興而返.

大熱天去吃火鍋，真的有點兒那個。但朋友們寧棄黃油蟹，亦想試新的。唯有上網做功課，根據openrice各食家指點，來到這裹。幸好沒有熱到出汗，只是被薰得淚流滿臉。那天點的款色，都是從食評介紹中抄出來的，一如眾人所說，食物新鮮，好吃的程度則視乎各人的手勢，但那個炭爐則....起初是鐵鍋，可能太輕身，常常左搖右擺的，上?不到十分鐘，翻了兩次。侍應小姐，見我們「姐手姐腳」，換了一個瓦煲，才得以安安全全吃到散場。雖然她（侍應小姐）很酷，不帶丁點兒笑容，但倒是細心，值得一讚。我一臉無知問她有什麼好介紹，她看看我們一行三位女士，便說：雞腎，烤又得，放湯又得，份量剛好。還教我怎樣弄調味料。整體來說，此行對食則沒有什麼太大意見，大家都是貪得意，可能冬天來會感受多些。但其「外cool內熱」的服務倒令我對此店加分。

煙霧彌漫，成日見人出門口透氣，好好笑！海鮮正，大蜆正過鮑魚，鹹菜魔鬼魚湯底必食，我們11人叫了2 煲。埋單$1210，抵！點菜時沒睇$，5枝啤酒，5枝汽水。見飽才停點菜。

第1次去試.... 見到有個幾得意既湯底, 鹹菜魔鬼魚湯底, 續斤計架... 我地要左半斤48.00 , 一斤88.00 .. 都幾得意... d魚肉好滑好味, 但湯味就無咩特別, 我估叫沙嗲都ok .. 由於個炭爐放係台面... 其實都唔係太安全, 因為台太高, 要時常企係度先夾到食物, 我記得以前係大角嘴都有炭爐打火鍋, d 台係特矮, 爐放低d安全d , 又易夾d... 即係咁... 試就試個feel , 但如果講下次幫襯... 就真係未必囉...

時常聽到人提及的無間火鍋店, 我今天也和朋友去試一下....當然.. 係由那條濕立立的黑路進入喇, 由於今日太早到... 原來他們是19:00先開始, 唯有在附近4圍行喇, 我們是第1台客, 得到第1句招呼係..."你有無訂位架?" 我話有, 她即話無記錄wor... 其實我係有打電話去留座的, 但聽電話那個女人求奇問下我貴姓就cup 我線... 入到去... 好似無咩想招呼我們似的, 可能今晚係跑馬喇........ 水... 當然係無開茶比你喇... 因為個個隻眼咪著電視... 跑馬XXXXD... 我們叫了幾碟野黎炭燒... 大肥蜆, 雞軟骨, 墨丸, 雞腎... 最滿意係大肥蜆及調味料, 一碗蒜蓉... 至於兜蜜糖... 就淡淡如開水.... 很稀.. 失敗....今晚去到... 唔算爆... 可能天氣暖..

小弟覺得好有風味，好有特色，現在係香港好難搵番呢D咁有風味概食店啦!本人都欣想就係D鱔圈，雞腎，牛柳柆。但地方就比較難搵，如果第一次去，記住mark番個電話號碼，唔識可以問點去。

琴日年廿九，諗住同班frien d黎呢度團年，晏晝諗住打電話去book位，但冇人聽，咁都諗住照去啦，點知去到佢竟然收左爐，年初八先啓市...

好有期望去感受大排檔炭爐打邊爐，經過一日上網做功課最後搵呢間幫襯；值得推介鵝腸，因為真係新鮮有肥膏；鮮竹笙又爽，五花腩BBQ比打邊爐更正，唯一彈係手切牛麻麻頗厚，而出名之魔鬼魚湯底就一般。令我不太滿意係伙記-應全場最後生及靚女仔其態度真係衰到想鏟爆她，我訂位及去到只得兩三人坐，逼我坐室內話其他留晒俾人唔會俾妳，再唔係典他人問梗係呼喝人，完全唔惦！不過最好訂位或8PM前去，因9PM後會好爆。三個人打邊爐加BBQ，$200位

又係同各位食家去搵食既日子,今次我地揀左鴻福打邊爐!之前做過功課,知道呢到係用炭爐打邊爐的,而且配料就好特別...學似麵包超人咁講,真係食得太多,都唔記得哂食過d咩,只能夠將好味既講出黎...墨魚丸--好彈口,唔會死實實;墨孫滑--好特別既食法,又係好彈口;魚pot--平時媽咪煮魚個時我已經搶食,原來用黎打邊爐仲好食;鮑魚--用黎燒,仲好鮮味,但記得o係個底到界一界,唔係隻鮑魚會成隻彈起;其他野食好似菜呢,真係好抵,大碟到冇人有;仲有d雲吞,魚皮餃,就較為普通...確實個度唔係個好既地方,而且都幾貴,但咁有特式,點都要去試一試的^_^!

每次和openrice食飯,總是很開心的,你一句我一句,不知不覺間便已很晚了.可惜的是太夜,沒有去食甜品.昨晚叫了太多食物,有些也忘記名字了,如不是看回KC的內容,真不知寫什麼好.我們叫了魔鬼魚湯底- 湯底很正,魔鬼魚很像鱔,很好味.好味的食物有墨魚滑,墨魚丸,貢丸,魚肚,駝鳥肉,竹笙,西洋菜,油麥菜,燒鱔圈,燒鮑魚,燒蜆,鱘龍魚,魚卜.一般的有雲吞,魚皮餃.麻麻地有黑牛柏葉,手切肥牛肉.(看來牛唔多得)因KC已說得很詳細,我就不多寫了.在此多謝MM兄的紅酒.

天氣雖說回暖了，但仍有少少陰陰涼，還可以吃火窩。星期二晚又同Openrice的食友聚會，今次的形式是打邊爐，說起來還是第一次同這裡的朋友吃火窩呢！是晚出席的朋友也有八位，連神秘嘉賓C小姐，坐落在電視機下的一張大檯，都叫幾鬆動。呢度座落在落山道尾，不是有人來過是幾難摸得到來，尤其面對店子出面的那條又濕又暗的巷子，幾趕客的。呢度環境一般，地面永遠保持滑滑的，隨時工作人員會拖著大垃圾籮在背後經過，來吃的就要預左。是晚都不是太多客人，眼見檯子也不是全滿，有吉檯。兩個炭爐，指定動作是一邊燒一邊淥。雖然有問題要答，但各食友畢竟身經百戰，邊吃邊飲邊談邊笑，完全如履平地，全無問題。一邊吃一邊叫，也真的不知叫了幾多碟火窩料。而除了MM兄的厚身加州切粒子紅酒外，啤酒是全程由頭帶到尾，最後還加了幾支黑啤，飲個夠皮。醬汁都幾夠陣容，有甜醬油加辣椒，亦有蒜蓉，可惜個人而言火窩是少點醬汁的，少吃了。先說火窩料，排名分先後：魚卜：如果選全場最喜愛的火窩料，我會選魚卜。可以燒又可以淥，腍滑爽脆，帶點甜味，是不容錯過；墨魚滑：不知何時本地火窩興起吃XX滑，其實食客自己動手，酒家連打丸的工作也省回。這裡的墨魚滑一個大圓餅

番茄牛肉湯底... 好味呀豬天梯...好得意本地肥牛...嘩D侍應串到痺...睇落冇個好人(重時時講粗口)唯有忍....>_<心情好至好去^^

廿八日凌晨三十分，同男友兩個人諗住食個宵夜。0係幾番查問之下，終於搵到間舖~呢度夜媽媽都仲好熱鬧，問下伙計，原來呢度收四點。兩個人拿拿臨坐底，即刻落order~叫左1) 魔鬼魚湯底，寫明係「時價」，一問下先知原來約八十蚊。二話不說即刻落單。本人極力推介﹗湯底十分鮮甜，加上酸菜，非常醒胃~ 而鍋0既魔鬼魚魚塊更加係無得頂﹗鮮甜嫩滑，絶對值回票價有餘。(2) 羊片，一片片薄薄0既羊片，冇乜羶味，十分鮮嫩，必食﹗(3) 手切本地肥牛，一入口就知係靚貨。肉味濃。好﹗(4) 五花腩，又係出色之作。肥？唔理得咁多喇﹗(5) 鱘龍魚片，鮮甜、脆肉。(6) 野生竹笙，吸左湯0既精華之後，又是另一美食﹗不過唔見得同食米線時0既竹笙有何分別~(7) 金菇，個人認為係打邊爐必備0既﹗不過份量少左d，$20得一包街市買0既包裝金菇咁上下。(8) 唐篙，翠綠，份量足。(9) 可樂兩枝兩個人0係食左晚飯0既情況下都可以全部清碟! 差d飽到訓唔著~品流一定係複雜架喇，最好有男士同行啦。

平安夜一行四人來此慶祝, Order了兩個爐, 一個火鍋, 一個燒烤. 點了芫茜皮蛋作湯底, 火鍋料計有鱘龍魚片,野生竹笙,五花腩, 鮮羊片及唐生菜等. 正如MM所言, 鱘龍魚片確是清甜爽脆, 怕腥的朋友亦不妨一試.野生竹笙比平時食開的略為粗身爽口, 五花腩切成薄薄一片, 肥廋分布得宜賣相討好, 食落口感軟滑. 羊片亦是薄薄的一片, 味道鮮甜唔羶. 燒烤料方面計有大蜆, 鱔圈,鮮帶子及九孔鮑. 原來燒蜆同放湯的食味很不同, 大蜆經燒過後居然生出一種似蜜糖的甜味, 勁正勁好味! 鱔圈是另一傑作, 肥瘦適中, 入口甘香豐腴, 正!!! 鮮帶子都是水準之作. 燒九孔鮑時有個小插曲, 可能因為熱力太強谷到鮑魚條腸爆咗, 幸好無人受傷.

12月24號,和朋友及辣椒女一行四人到這裡燒炭; 因當晚如食西餐一定好多人又貴,而之前又看過他們的食評,說得這麼好味.所以....說回正題:我們叫了芫茜皮蛋湯底- 湯底清香,幾好.鱘龍魚片- 白裡透紅,肉質爽口,好味,必叫!五花腩- 圓圓的薄切,脂肪一圈一圈的,肉質鬆軟,也是相當好味.羊肉片- 沒有羶味,肉質軟熟,又是好.野生竹笙- 很鮮味,正!燒鱔圈- 很鮮味,香口,是我最喜愛的一味.九孔鮑魚- 也是十分鮮味,但是看到它們痛苦的移動,就有點不忍了;而其中一隻還卜跳起來,好在我有帶眼鏡,如不是就中正眼睛了,好在.(大家如叫,請小心一d)燒蜆- 味道鮮美,肉質爽口,無沙,正!但因太多,我們試試放落湯,可能給湯衝淡了,沒有燒的好味!燒帶子- 帶子殼要燒到差不多粉碎,帶子才剛剛好,好鮮味,正!唐生菜- 吸收了湯的香味,菜又新鮮,好好味!因帶了紅酒去,我們叫多了兩碟雞軟骨- 唔錯,送酒一流.炸魚皮- 很脆,都唔錯,但一般d.食物的確很好,可惜服務就真係好差,十問九唔應,尤其是那個女待應,好唔想做的一樣,叫了很多次,完全無反應.吹漲!好在那個男的好d,唔係就算多好食,都唔會再來!...@.@*b