鳴門魚湯麵亭 (已結業)

平時中午放飯，我地都會間中黎哩間食，平均一個月都會黎一至兩次，食左咁多年餐牌無咩大變動但我地都仍然會繼續有意欲想幫襯，特別係秋涼同冬天。午餐款式都唔算少嫁，有拉麵，烏冬，有飯。。秋涼時候，特別想食啲濕濕地既野，叫個烏冬先，湯底有得揀鮮茄/豬骨/咖哩/地獄。石鍋海鮮讚岐烏冬配鮮茄湯底，送汽水1杯 $65 要加一上餐嚕，石鍋係即叫即整，所以上餐時個湯重係bulu bulu 滾住咁，店員會提你小心熱，望住個湯滾滾下已經好興奮，等多陣就開動喇，先飲下個湯底先，鮮茄好鮮甜又香濃，烏冬浸住慢慢食就吸晒湯既味，其他配料都好新鮮，真係好好味不過，湯底真係好辣嘴，要好小心慢慢食，怕辣嘴既可以落單時同店員講"唔要石鍋上,碗上丫唔該"…查看更多

間中都在這裡吃晚餐的，今天點了一個名為「玉子明太子燒」的小吃，餐牌上的照片也是有玉子，玉子上也有明太子。不過食物來到後，並沒有明太子，我以為是廚師漏了，一問之下，廚師和侍應說這道菜是沒有明太子的，啱食就食， 唔啱就點過第二道菜。因為這裡上菜也不快，我就吃下了這到沒有明太子的玉子明太子燒。餐廳要注意商品說明條例吧！…查看更多

上星期又同朋友打完波，近近地就去到附近商場搵食，結果就去這間用魚湯做湯底的烏冬店。這裡裝修非常簡單，平實，沒有刻意豪華，非常平民化。首先点個蟹籽沙律醒醒胃口，沙律上舖滿很多蟹籽，而生菜也很新鮮。另外還有芝士魚餅，這個意料之外，味道不錯，中間的芝士很配合。跟住還点了滑蛋豬排飯，賣相及味道也很好，豬排炸得不太乾。石鍋豬軟骨讚岐烏冬，上菜時，鍋裡熱辣辣，水泡不停跳，不過可能是太熱了，不停煮，食的時間把烏冬煮得太軟，但味道尚可。…查看更多

Lunch 特登老遠行過黎都食個熱辣辣烏冬！睇睇餐牌，都幾多選擇，拉麵、飯、讚岐烏冬，任均選擇今日好想刺激下就簡左個辣既黎試！石鍋辛辣海鮮讚岐烏冬呢個餐等得比較耐，都要成十分鐘先上枱！配菜包括一隻蛋、兩雙蝦、一隻青口、一隻帶子、蟹柳最鍾意食讚岐烏冬彈牙、有少少黏既感覺，其次係蟹柳，其他配料正常，没有特別驚喜，都係冰鮮的食料！個人黎講，地獄湯底真係好地獄，越食越辣，最後個烏冬食唔晒，下次都係自量下，食番鮮茄湯底…查看更多

態度差的餐廳不可縱容午飯時間在門口拿飛仔排隊到我的時候阿嬸不停問門口外其他客人坐不坐吧枱然後我企在阿嬸面前同阿嬸講現在是我的號碼 阿嬸繼續無視我問門口外其他人邊個係xxx號 坐不坐吧枱然後我同阿嬸講已經同你講左我是xxx號 為什麼無視我繼續問其他人 阿嬸一句道歉/ 表示歉意都沒有 繼而罵我為什麼沒有提醒她我整個人站在阿嬸面前多次提醒我是xxx號 阿嬸不加理會 而且對客人破口大罵 毫不尊重 態度之差劣不能容忍 我已經冇心情食飯 便拂袖而去…查看更多

lunch time 間中會來這邊食，最愛就是蕃茄湯石鍋烏冬，其實魚湯都係呢間鋪的招牌湯底，都不錯。今次食牛肉蕃茄，個湯好濃，同比較厚身嗰種，最后我一滴湯都不漏，吃過清光。牛肉就係一般打邊爐可食到嘅肥牛，冇乜特別。 溫馨提示：如果lunch time 時間唔係咁長 會食得好急好辛苦，因為石鍋湯很熱，要慢慢食。但也可選擇碗上，不過碗上就沒有風味了。附上lunch menu , 價錢都非常合理，由$48-$65 不等 ，送一杯soft drink 。…查看更多

一到放lunch的時間，就成日會諗起嗚門嘅滾湯烏冬。佢哋出名魚湯烏冬，但我就比較鍾意食蕃茄湯底。因為本人覺得魚湯不夠濃烈 ，而蕃茄湯會重味啲。他們的烏冬全部都是用熱鍋上的, 熱辣辣 所以食嘅時候小心 D!!! 同埋每次食都會食到出汗同忍唔住飲埋啲湯~這個豬軟骨蕃茄烏冬 ,啲豬軟骨煮到好淋; 蕃茄好溶， 仲有半隻溏心蛋， 簡直冇得頂!!!!!!!!!!…查看更多

今日專程過嚟食八方雲集，奈何排隊人龍太長，在唔想等位的情況下，隨便去一間醫肚好了，看到這間鳴門魚湯麵亭有位，就去呢間吧！兩人分別叫了牛肉讚歧烏冬-豬骨湯底(親友話烏冬好滑，牛肉都Ok,但湯底飲唔出甚麼味，我試了一口，真係飲唔出係豬骨湯底，“可能“是豬骨濃湯稀釋太過吧？而我叫了滑蛋豬扒飯，豬扒的粉漿濕到淋pat pat的，滑蛋又唔知加咗甚麼去煮，得個甜字，最好味的是紫菜，仲脆的😂。)飲品分別是凍檸茶(味道正常)，焦糖咖啡(聞落好香濃，飲落還可以的。)《總結: 個人口味來說，以上兩款食物都唔得，湯烏冬的靈魂在於湯底，湯底都唔掂。個滑蛋豬扒飯，自己整都一定好過佢。很抱歉，真係唔識欣賞。》…查看更多

行完aeon 就見到了，見佢係魚湯湯底好少有就試一試。 不過係魚湯底既選擇略嫌太少，只有三款，我點了個招牌，主要是魚塊同菇，朋友點了有安格斯牛的。魚湯好清，魚味好香，用既係安糠魚，烏冬彈牙。我比較推介厚燒玉子明太子燒，甜甜咸咸的，個醬好好味！不過cover 左明太子既味。…查看更多

第一篇食評，難食到忍唔住要寫。今日黎附近買野，見到有間食魚湯烏冬就試下。本身間舖已經無乜人，但懷住唔怕死既精神都係入左去。打開個餐牌，見到一碗牛肉烏冬都過百，應該都正常掛，禁就叫左黎試下啦。叫完野食之後，係禁聽到啲拍拍聲，原來個侍應用緊電蚊拍殺啲昆蟲😳 個位就係佢個廚房前面。之後碗野一黎到，個賣相已經出賣左佢。隻蛋應該想扮流心蛋？但係佢同我平時屋企既白烚蛋個味係一模一樣架，蛋黃係勁黃色同埋個味好怪😨之後啲湯因爲個石鍋既關係，搞到好糊，食到一半，條烏冬係瘋狂痴住個鍋，唔明點解唔用碗要用石鍋，啲魚湯又熱到杰撻撻禁。塊牛肉係無特別既，但都係難食。自家烏冬都好食過佢十倍，其他主打做手打烏冬就更多唔洗講，好耐無係香港食過禁難食既一餐。🤢 係百佳買包讚歧烏冬自己煮都無禁嬲😭最好仲發現佢支七味粉好似過埋期⋯（我仲用左，因為個湯無乜味）應該係因為無咩生意？😷…查看更多

經過食個lunch, 主打魚湯似唔錯, 叫左個 石鍋魚湯牛肉烏冬, 話用上安康魚去煮個湯底，order左 都要等幾耐下， 上菜時,個石鍋熱辣辣出曬煙, 夠曬熱，飲啖湯都幾好飲，有魚味，食到最尾出晒汗， 冬天食一定好正暖笠笠…查看更多

一個字：差野食差，衛生差，態度差。炸雞翼，咬左一啖發現唔熟，d肉仲有血。叫個侍應黎處理，佢究竟用一副懷疑既目光望住碟雞翼，叫住收走左話俾師傅睇下。過左陣佢佢拎住碟雞翼返來，廚房竟然係將d雞翼倒返落去再翻炸！我食左半隻既雞翼係返炸過再俾返我！即係我d口水係落左個爐度再污染曬其他人既野食！煎餃子：食得出係平價雪藏野，仲要可以煎到焦而不脆，都唔知係點做到。魚湯烏冬：湯底冇味，配料冇味，成碗野唯一有未味既係個幾粒粟米。麻醬冷麪: 唔知點解會有雪味。連桌上面d調味料好似跌咗落公廁之後撈返上嚟冇洗過就擺係度咁。一睇就知10年冇抹過。 食完之後個晚全家肚痛。依間野真係食完喊3聲…查看更多

12點到喇～好想食烏冬～就諗起鳴門喇！佢既魚湯真係好濃，食過真係會掛住佢既味道！行遠d都制啊我都係當年食過鳴門先識鮟鱇魚佢既set lunch 一個主食加一杯餐飲其實冬天黎食真係最岩！石鍋既關係，黎到既時候都係熱辣辣，係咁起泡！點都要灘一下先，因為真係好易「辣」到嘴今次我叫左石鍋魚湯牛肉讚岐烏冬，首先點都飲啖湯先，有海帶同有半粒蛋，其實個烏冬真係幾香。太熱關係，食親都要逐條食，但都好爽食到最後我點都飲晒湯，但真係由頭熱到尾不過提多次真係小心熱同埋石鍋等餐時間會長少少無加effect ga!冒煙到連影相都有難度…查看更多

石鍋招牌鮟鱇魚湯烏冬- 以燒熱了的石鍋奉上，奶白色的湯沸沸騰騰，熱氣直冒，發出噗噗聲- 湯面有零散油脂，頗稠，以鹹味為主，其次是薑的辛辣味，魚味微乎其微- 大量薑絲混雜在烏冬之中，食到底仍有，心想為何不將之剔走才奉客？- 海帶及蔥花均沒什麼味道，未能為湯底提香。惟一可取之處是粟米飽滿香甜- 鮟鱇魚以件上，每件均岩岩巉巉，其中一件是一排堅硬的魚骨，罅隙中夾着魚肉，很容易插損口；另外一些是皮連脂肪，皮爽硬部分韌得咬不開，亦沒什麼味道，部分脂肪更有點腥；整件是肉的魚肉過於結實，偏鹹，魚味極微。肉鹹，蓋過魚味，魚質紮實，不滑- 溏心蛋被滾燙的湯淥得過熟，不流心- 烏冬過熟，黏糊*為僻腥而用上大量薑絲及把魚醃得偏鹹，反而抹殺了魚湯原有的魚味，如此沒信心，倒不如好好學習如何煲魚湯*以熱石鍋奉上在視覺上確實討好，但基於對食材的了解不足，導致部分食物過熟*調味品的瓶子極黏糊，不敢碰*在開放式廚房內的中年女店員與穿着鄰店制服的女樓面，對工作抱怨不絕，無可避免地一直聽着，實在辛苦*置放石鍋的木板疊得歪歪斜斜，很不整齊*鄰桌說餃子餡是凍的，店員完全沒不好意思，只從廚房大喊出來說：「重做給你」*下午茶時段有8折…查看更多

去鳴門食嘢，最鍾意就係食佢地嘅讚岐烏冬加蕃茄湯底，好味得嚟又足料。今次揀咗豬軟骨蕃茄湯烏冬，入面有半隻半熟蛋、粟米、三舊大豬軟骨同埋好多蕃茄肉。因為佢地用石鍋上嘅，所以嚟到個時好熱辣辣啲湯仲好滾，小心會辣咀。佢地個蕃茄湯唔係清甜個種，佢係濃郁加杰杰地身嘅湯似茄膏味。個湯好掛面，一夾啲烏冬每一條都充滿湯汁。讚岐烏冬超級煙un，唔會煮過龍搞到太糊，又唔會硬過頭要咬好耐。而且用石鍋一直熱，佢唔會越煮越淋，食到最尾仲保持到個煙un度豬軟骨好入味而且非常大件。肉質軟淋只係有少少柴皮，軟骨位唔夠入口即溶，咬落仲脆口的。半熟蛋正正常常，沒有驚喜。烏冬份量好多，一個女仔嘅胃吃得很飽。而且味道對得住價錢，肉類大大件料又多。鳴門嘅飯類都好多，但我好少食過，下次嚟再試下其他款，次次食親都係食烏冬，要轉下新口味…查看更多