Naruto Ramen Shop (Closed)

呢間餐廳喺荔枝角都係食咗兩三次到~今次都係中午12點到，跟住諗住搵個waiter落單，等咗10分鐘先有人應話黎，跟住我叫咗個石鍋魚湯黑豚肉烏冬+走蔥，等咗20幾分鐘先黎到，跟住見到碗裡面有蔥，本人對蔥啲味好敏感。。。咁都唔緊要，人手夾走啲蔥。。。咁夾走咗8成就繼續食，今次食特別冇乜湯，之前都仲有半碗湯。。。已經去到最底剩餘啲我最鍾意既粟米諗住最後先食。。點知個waiter同我收咗碗野食。人哋都未食晒啲粟米，最後因為我好嬲好快就走咗。已經決定唔會再幫襯佢呢間餐廳。…Read More

A simple rice bowl took them 30 mins to prepare and the staff there didn't seem to be sorry for the ridiculous waiting time. Considering that the dish is a simple one and should not have taken more than 15 mins to prepare, I consider this not acceptable. The flavour of the dish was merely OK so it's not worth the waiting time. The environment is not very clean, you can see dust and other unindentified particles all around the floor. In general, this was not a pleasant dining experience and I would not recommend this diner. …Read More

聽聞呢度有鮟鱇魚湯，所以特登黎到荔枝角食。餐牌上仲有其餘四款湯底可供選擇，而我同朋友一心黎試魚湯，所以分別嗌左招牌鮟鱇魚湯烏冬同野菌雞肉烏冬。等左大概十分鐘，終於開餐😍啲湯仲好滾！呢個係招牌魚湯，但個人覺得啲魚唔太好食，又多骨。講返魚湯雞肉烏冬，湯底呈乳白色，魚味尚算濃郁而且鮮甜👍🏻烏冬煮得岩岩好～麵質彈牙，好有口感。而雞肉好甜，好好食👻幾有驚喜！不得不提既係，石鍋完全發揮到佢既效用，保持到湯既熱度。岩岩上枱既時侯湯係滾燙既。即使食到最後，湯底依然都係keep住係熱。一邊食一邊出汗，冬天食就岩曬😊午餐食有八折～但個人黎講價錢都係偏貴。偶然試一次無妨既😛…Read More

「辣」爆嘴咁一餐飯👄食完包你性感過舒淇//話說上星期 #菜媽媽 唔係屋企，咁我同細佬梗係飛撲落街食啦😎 （菜媽媽話外面d野唔健康）🍁石鍋魚湯野菌牛肉烏冬 （套餐$95）：其實個魚湯飲落去好重蒜味☹️冇咩魚湯嘅感覺。牛肉係薄切肥牛，過量都算多嘅。其實成件事跟本就無必要用石鍋上，搞到辣爆個嘴😭 而且一開始個烏冬都煙韌，但食食下就俾佢個石鍋煮到淋哂😑 又熱又淋😤🍁石鍋招牌鮟鱇魚湯烏冬 （套餐$104）: 好似食生滾魚腩烏冬咁🤔 魚幾滑，但量唔多。🍁火炙叉燒 （$45） ： 都係用鐵板上，雖然好有蒜味但叉燒勁乾身🤢🍁唯一值得一贊係佢跟餐個茶碗蒸，好滑好鮮味👍🏻🍵👅請俾分：3/10-🎏鳴門魚湯麵亭 (荔枝角)荔枝角深盛路8號碧海藍天AEON超級巿場地下L005號舖…Read More

連鎖集團的食物，唔一定水準求奇，來到鳴門魚湯麵亭也可以一試他們的烏冬，口感彈牙的烏冬配上蕃茄湯底，也有一定水準。******************************鳴門魚湯麵亭位於荔枝角AEON超級巿場地下舖，來到店外，每天中午時份都是很多人在門外等候坐位。午巿有套餐推介，可以選擇拉麵，烏冬或飯吃。再加錢要小吃或飲品。吃拉麵或烏冬還可以選擇湯底，可以按著自己的喜好選擇，也算是幾有彈性的安排。石鍋豚軟骨讚岐烏冬HKD58，不包飲品或小吃，就一個石鍋而上，湯底可以選上蕃茄、豬骨、咖喱或地獄，這個石鍋份量也不算少。石鍋而上非常之足夠熱，如此凍的天氣吃上這個鍋也是不錯之選。豚軟骨又腍又入味，愛吃豚軟骨的人就要必食了。選上了蕃茄湯底，喝一口蕃茄湯底，蕃茄味都幾濃郁，再試吃讚岐烏冬，烏冬口感彈牙，又有蕃茄湯底的味道，確實好吃。只要選上烏冬或拉麵，可以加HKD6包炸餃子3隻及飲品一杯。炸餃子味道也算一般，但以HKD6可以又飲又食，還想要有什麼的要求。…Read More

整個過年都不冷，本以為冬天要過去了，結果突然寒流襲港，天寒地凍，三五知己約食飯，友人建議食烏冬，朋友介紹下試下鳴門漁湯麵亭，石鍋魚湯野菌黑豚肉讚岐烏冬套餐$95魚湯味道濃郁，有別於平常喝到的湯，是鮟康魚湯，味道新甜，上枱的石鍋湯滾熱辣，烏冬煮得軟硬適中，口感很好～絕對絕對要試！👍🏻👍🏻👍🏻石鍋燒雞扒讚岐烏冬套餐$76可選擇不同湯底，當下決定挑戰地獄湯，湯底很香，也很辣，燒雞扒很脆，味道超棒！愛辣人士必嘗之選！🔥🔥🔥石鍋芝士豬軟骨飯$76，亦是必嘗之類，滿滿的芝士，加上杏鮑菇、豬軟骨，紫菜，加上石鍋攪拌而為的飯焦，口感豐富，連本來不愛石頭飯的我都吃個不停！絕對也是必嘗之選～～套餐包括生菜沙律，茶碗蒸，可以考慮食量作決定要不要點套餐。味道真係好，價格又唔貴，絕對值得encore再encore!!…Read More

今日同男友嚟Aeon呢度見到有烏冬食就入去試試(因為我好鍾意食烏冬)佢係石鍋烏冬, 我叫咗個吉列豬扒石鍋烏冬($6X) 同埋魚湯牛肉石鍋烏冬 ($7X)唔要跟餐(因為餐只係多咗個沙律同燉蛋)個吉列豬扒石鍋烏冬上枱, 湯真係仲滾緊!烏冬麵身幾彈幾爽,個豬骨湯太鹹...豬扒OK脆, 肉都唔乾身! 還可以, 不過都係少少鹹至於男友個魚湯烏冬, 個魚湯又太淡...但係整體上都好食既食到成頭汗tim…Read More

係荔枝角食晚餐真係好小, 一係好貴, 一係好早收, 於是係住宅區附近一定搵到好野食啦！點了石鍋吉列豬扒地獄湯烏冬, 通常都食石鍋飯, 但石鍋烏冬就真係少有啦先是烏冬先到, 望住超熱超滾, 氣泡同煙都噴住咁出場, 真係充滿仙氣先呷一口湯, 無乜地獄的感覺, 而且其實都偏淡, 而蛋亦可能因為滾湯而熟透了！烏冬是選用讚岐烏冬, 點解會知?! 因為咁滾都唔爛仲可以咁爽口彈牙就一定係呢款啦再試吉豬扒, 唔會太大塊, 皮脆內嫩, 先咬一口, 皮與肉沒有分開, 是成功的之後肉質亦是嫩口的果然有水準…Read More

呢到既石鍋蕃茄湯真係一流,食極都唔會厭,成日都會心思思想食,黎開aeon買野就一定會食埋先走,叫左個鐵板帶子,帶子都幾大隻,但唔夠入味,蕃茄石鍋豬軟骨烏冬,以前有黑豚肉揀,而家就無左, 一係就要魚湯,too bad, 點解要甘,無計啦, 都照叫左,試下好唔好食,但豬軟骨, 我覺得好一般,都係以前個黑豚肉好味好多,不過蕃茄湯依然都係甘好飲,同埋真係超熱,等左十分鐘, 碗野都係好熱,唔理啦, 太吸引啦個湯,照食, d烏冬真係好煙un,好好味…Read More

 係附近返工，午飯時間，又碰巧星期五，同事提議黎呢到試下。地獄湯烏冬配雞扒，烏冬來時湯仲要係滾架，湯又紅又滾，比想像中辣，有地獄feel，真係熱到出汗咁濟，食左好耐先食得完，如果天氣凍黎食就最適合不過啦。雞扒係分開上既，可能係因為佢驚D湯會影響D肉既味道啦。…Read More

晚飯時間，路經此地，試下新野，~蕃茄湯烏冬~蕃茄湯底超正，蕃茄味道超濃，還有蕃茄蓉，對於愛好蕃茄嘅我，絕對超讚！！！另外烏冬亦非常滑， 質地都好有咬囗！！！整體味道夠，落足材料……非常好味！！…Read More

這間店一開張食了一次, 因當时好重味精, 所以無再去, 今個月頭再去食, 發現好味左, 所以再去食多次, 但要一提的是味精依然好重, 食完好口乾, 次次都要不停叫服務員加水, 真的唔好意思。由於會員package又抵又吸引, 所以做了會員tim, 希望此店可以用少d味精, 咁我就可以食多幾次。我覺得好味的是石鍋芝士咖哩牛肉烏冬, boil到好勁, 而且又食到d芝士, 牛都好有味咁, 石鍋上真的不錯, 食都尾仲熱的。其實, 佢個沙律醬牛仔骨飯都不錯。…Read More

在荔枝角工作，周圍的野已經俾我食得7788 今日特登走來碧海jusco睇下，見到呢間鳴門魚湯，睇到D烏冬好似幾正！兩點入場仲要有8折，唔洗諗，即刻同同事入去試下啦！午餐好多選擇，烏冬、拉麵、炒飯、蛋包飯，我楝左我最愛的豬軟骨烏冬，還要選了最刺激的地獄湯底！烏冬以石鍋上，由食之前到食完的一刻都是滾著的，配上地獄湯底，食到我大汗疊細汗，冬天吃一定好正！豬軟骨都算正路，主要的稻庭烏冬就非常抵讚！非常有口感，煙煙韌韌，唔會一入口就化，最唔鍾意餬口的感覺，質素同我最愛的萬豚屋有得比！跟餐仲有一杯豆漿加一客冷冰冰的餃子，應該是一早整好晒，那可算是唯一的敗筆！:(星期一至五，碧海長期冇咩人行，所以總括來講都算唔錯，$40幾蚊，唔洗等位，環境又OK，會再去！:)…Read More

說好的8號波沒有來，還是得要開心過星期五，於是拉大隊，跟同事一行11人去碧海藍天JUSCO吃烏冬！下午2點過後有8折，真好點了豬軟骨烏冬，加地獄湯底！烏冬來時，湯還是滾著的，大家都嘩了出來，用筷子搞勻，辣油即從深處冒起，紅紅的，感覺真有地獄feel!由於是石鍋上，直到吃飽的一刻還是熱的，NICE!烏冬不錯，很香軟彈牙。:)豬軟骨應該已熬了很久，軟骨成了半凝膠狀，肉也很稔夠香，相信連牙齒不夠力的婆婆都會吃得津津有味吧！地獄湯底，辣度適中，配合石鍋的熱度，又熱又辣，令人吃得很痛快！午餐加$6可以配上荳漿或汽水，仲送小食一份小食炸餃子，也許是因為大量預先炸定的關係吧，不夠熱，所以失色了一點。同事order的另一款烏冬，忘記了是甚麼，她說很不錯！基本上11位同事都吃得頗滿意，所以上嚟支持支持！…Read More

今日同屋企人去樓下吉之島搵野食，我地諗住試新嘢，點知就咁中左招我地叫左黑豚軟骨烏冬和九州叉燒拉麵，碗麵一上到嚟已經好失望:(......紫菜軟淋淋扒喺碗邊，都唔知佢擺左幾多日:(個麵味道同出前一丁豬骨濃湯味一樣，好行貨，仲有成層油喺上面。咁GE質素，咁GE價錢，真係好唔OK lor~保包無下次 …Read More