鳴門魚湯麵亭 (已結業)

平時中午放飯，我地都會間中黎哩間食，平均一個月都會黎一至兩次，食左咁多年餐牌無咩大變動但我地都仍然會繼續有意欲想幫襯，特別係秋涼同冬天。
午餐款式都唔算少嫁，有拉麵，烏冬，有飯。。
秋涼時候，特別想食啲濕濕地既野，叫個烏冬先，湯底有得揀鮮茄/豬骨/咖哩/地獄。
石鍋海鮮讚岐烏冬配鮮茄湯底，送汽水1杯 $65 要加一
上餐嚕，石鍋係即叫即整，所以上餐時個湯重係bulu bulu 滾住咁，店員會提你小心熱，望住個湯滾滾下已經好興奮，等多陣就開動喇，先飲下個湯底先，鮮茄好鮮甜又香濃，烏冬浸住慢慢食就吸晒湯既味，其他配料都好新鮮，真係好好味
不過，湯底真係好辣嘴，要好小心慢慢食，怕辣嘴既可以落單時同店員講"唔要石鍋上,碗上丫唔該"