鳴虎 (馬頭圍道) (已結業)

啟岸開咗唔小食店，有時想靜靜地食餐飯，唔想如人迫，就會嚟哩度。今日落雨涼涼地，好想食碗熱拉麵，就去咗鳴虎，仲咗咗小食同啤酒😝😝。.餐廳空間都幾大，木系為主，近門口仲有一大排燈籠🏮，好靚呀！.🔸鳴虎（$86）豚骨湯底煲成奶白色，好香濃，仲有鮮魚嘅甜味！幼身拉麵彈牙、掛湯力不錯，同湯底好夾。半肥瘦叉燒鬆軟，唔會好油膩，燒過之後多一分香氣，溏心蛋嘅蛋黃味好香濃。.🔸赤虎（$98）湯底係香濃豚骨湯加上大量辣粉，香氣撲鼻，辣度十足呀！！麵麵吸哂湯汁嘅香辣，食完都出哂汗😂！愛辣人士可以去挑戰吓！配菜同鳴虎一樣都係有溏心蛋、叉燒。.🔸日式煎餃子🔸芝麻雞翼雞翼真係好好食！勁香脆，咬開中間仲有肉汁，而且好入味，一個人食哂三隻都唔過分啦！.🔸YEBISU估唔到哩度都有YEBISU生啤，好正，食辣麵、芝麻雞髀配酒，真係一絕。

去土瓜灣搵好嘢食，今日嚟到啟岸巷子，成條街都好有日本風情，掛滿燈籠招財貓，達摩等裝飾。吸引唔少客人來打卡。嚟到見到第一間拉麵店，餐廳環境十分吸引，座位寬躺，店內燈籠掛飾都好有特色。嗚虎 $86用鮮魚加上秘製豬骨湯底製成嘅鳴虎日本魚乾豬骨湯拉麵，拉麵軟硬度適中，湯底好濃郁，有好香嘅鮮魚味，木耳絲好爽口，叉燒軟熟肥瘦適中，溫泉蛋好值得一讚相當入味。鳴海老 $88蝦味噌豬骨湯拉麵，加入北海道鮮蝦、櫻花蝦粉，湯底鹹中大鮮甜好有層次感，櫻花蝦外脆，加上蔥花使整個拉麵都錦上添花。食完真係好滿足。芝士魚餅拼魚條$38外層煎得好香口，魚餅同魚條都夾着好濃郁嘅芝士，呢個小食真係好推介。椰菜$12夏日炎炎食過爽脆嘅椰菜可當冷盤小食，上菜前已沾上醬油相當入味。

麻甩專員黎到土瓜灣啟岸嘅小日本街終於唔洗心掛掛日本，就算唔洗飛都可以食到正宗嘅拉麵。鳴海老 $88（蝦味噌豬骨湯拉麵）湯底表面有櫻花蝦碎配以青蔥，濃濃嘅蝦鮮味同豬骨湯嘅甜味，後續味道更有陣陣味噌香味散發，香濃清甜好飲叉燒厚切唔薄身，經過灼燒後有燒烤香味，唔油膩之餘口感實在拉麵軟硬度適中，麵質掛得起湯，口感彈牙夠滋味雞蛋採用日本蛋，半熟金黃而且流心，蛋黃味道香濃專員完食！飲唔都唔口渴總結：對於疫情影響長期無得返鄉下日本嘅專員，終於食到一間正宗又好食嘅日本拉麵店店內環境有日本風采，店外好有日本風，打卡之餘，食物質素一流！麻甩專員評分區：店內環境: 10/10，食物外觀: 10/10，食物味道: 10/10，整體分數: 10/10，翻食指數: 10/10

近期啟岸燈籠🏮街好多人去打卡，打完卡就可以去食埋野～ 一到地下入口就見到有間拉麵店，入面都有燈籠裝修，有日本風味🇯🇵拉麵有5款口味，麵軟硬度、湯底濃淡度就固定無得揀。▶️博多黑蒜油拉麵🍜$88湯底幾濃，幾夠味。拉麵係幼身。拉麵有糖心蛋、叉燒、木耳等。糖心蛋酸酸地幾特別。▶️四國香蔥拉麵🍜$88蔥味濃香，帶有蔥油。都係有糖心蛋、叉燒、木耳等配料。▶️餃子🥟$36係炸餃子，一份有5隻。滿滿豬肉。

搬咗嚟土瓜灣咁耐第一次喺呢區食日本拉麵，見到喺啟岸樓下有一間裝修很日式的拉麵店「嗚虎」就決定入去試吓！啟岸樓下有唔少特色的手工咖啡店及日式食店，嗚虎算係裝修比較突出嘅一間，一排日本燈籠🏮好有返鄉下感覺。我哋兩個人叫咗兩個拉麵兩個小食，拉麵我哋叫咗辛口嘅赤虎及以四國蔥油為主打嘅綠虎，嗚虎嘅拉麵🍜湯底濃郁令人有啲想起熊本嘅特色濃湯拉麵。赤虎嘅蔥油拉麵充滿蔥香湯底鮮甜，而赤虎拉麵則车為不同，湯底非常辛口，食開辣嘅人一定要試，我自問都係食得辣嘅人都要食幾啖就飲水😂而小食方面我哋就叫咗煎餃子給芝麻雞翼，餃子一份有五隻分兩都唔細，雖然未有爆汁感覺但外皮香脆，而芝麻雞翼則有芝麻香氣及脆炸香口感覺，如果下次再嚟都想試埋炸雞塊！離開時見到拉麵店房間有日式石燒店，下次都要試埋！啟岸的日本餐廳都有不錯嘅質素，值得推薦！

一心諗住泥日本街打個卡，順便食個early dinner, 泥得日本街緊係要食日本野，見到街頭有間拉麵店好似唔錯，就入左去😜✨黑鳴虎 - 即是博多黑蒜油拉麵，湯底幾入味，麵質爽口，我幾中意~✨鳴虎 - 其實係日都魚乾豬骨湯拉麵，幾香幾鮮，日式叉燒半肥瘦剛剛好👍✨肉餃子 - 有驚喜，外皮夠脆夠香口，裡面幾足料又熱辣辣，一d都唔膩✨芝士魚餅拼魚條 - 好邪惡但芝士味濃郁，好正好好味🤩✨鰹魚汁浸菠菜 - 食返碟菜健康下，我一向都好愛涼拌菠菜，仲要浸鰹魚汁冇得輸整體CP值唔錯，想食拉麵時值得encore👍

紅磡啟岸的餐廳陸陸續續新開張啦，今日中午就嚟試下新餐廳。鳴虎拉面，menu款式不算多，有幾款拉麵及小食。濃厚辛口拉麵，木耳絲很爽口，叉燒圓形的切成薄片，原隻流心蛋整整一隻，最喜愛蛋白軟嫰，蛋黃流心好香！湯底真的很濃厚，拉麵煙韌有咬口，平時食日式拉麵，即使是辣，但都隻是微辣，而這個濃厚辛口拉麵的辣度差不多有大辣的辣度，配著濃郁的湯底，是頗特色的日式拉面。日本魚乾豬骨湯拉麵裡面也是有木耳絲及原隻流心蛋，湯底比起濃厚辛口拉麵味道稍淡，但帶有豬骨的清甜。芝麻雞翼有3隻，面上帶有少少芝麻，炸到顏色啡金，雞翼外皮帶脆，雞翼尖的位置更是連骨都帶脆，雞翼醃得入味，肉質嫩滑~~

裝修方面超日式拉麵點style，另外一邊就做燒肉類別。真係超耐無食拉麵，超掛住濃郁湯底+掛晒湯嘅拉麵！鳴海老/鳴虎鳴海老即係蝦海鮮湯底，相比起豬骨無咁油膩，有櫻花蝦係上面增加一層風味🦐豬骨湯相比起海鮮湯底更濃郁同埋重口味D，飲落又唔怕太鹹或太油膩🐷有兩塊嫩滑不鞋嘅叉燒同埋流心溏心蛋🥚麵質方面我地要求要偏硬，食起上黎彈牙之餘仲會掛滿晒湯，好滿足🤤芝麻雞翼本來叫左餃子但係落錯單變左雞翼。錯有錯著，外皮燒得香口之餘肉質鮮滑。調味則q日本料理微甜嘅味道。好好味！💕芝士魚餅拼魚條每塊魚餅/糕都夾住溶晒嘅芝士，絕對做到拉絲效果💕 味道就正常發揮幾啱做下酒菜🐽

之前去過鳴虎其他分店，但原來呢間位於馬頭圍道啟岸較新的才是旗艦店，可能因為此店地方更闊落，企理整齊，而拉麵店的另一邊是石頭燒…仿如置身日本食街除了拉麵還有丼飯/ 小食/ 日本生啤/ 清酒燒酒等🍜綠虎$88拉麵除了湯底要淆足夠時間之外，配菜對我來說也是十分重要，所以今次選了綠虎，加了更多香蔥油，濃味豬骨湯，湯底不算太鹹，麵質不粗不幼，軟硬適中，配菜有一塊紫菜及少量木耳絲等；值得一讚是糖心蛋掌控時間恰到好處，真是蛋黃流質半熟狀態…今次追加了椰菜$12🐣鳴虎炸雞$42味道似唐揚炸雞，雞髀肉嫩口，炸粉不是太厚，加檸檬吃味道不錯🥗胡麻波菜$38上次吃了鰹魚汁浸波菜，今次試胡麻也不錯；大量胡麻醬

而家搭港鐵去土瓜灣好方便，朋友知道啟岸商場［啟岸巷子］佈置成條日本街咁，相約去感受下這條巷仔以木系裝潢，掛上吊燈，充滿日本街頭風格。配合主題，我哋揀咗食日式拉麵 餐廳最吸睛是一排掛燈，濃濃的日本氣息。我哋坐吧枱對住呢排燈，好有feel 叫了綠虎 $88湯底好香濃，加入四國香蔥油，增加了清香。兩塊叉燒肥瘦均勻，有一隻雞蛋，原來係糖心嚟，還有爽口的木耳和一塊紫菜。麵質軟硬度適中，份量都不少，唔會話兩下就食曬嗰隻 黑鳴虎 $88配料基本上跟綠虎一樣，但湯底就配上黑蒜油調味，更為香濃惹味 我們還追加了吉列大蝦 $38一碟三隻，外脆內軟，非常香口鳴虎炸雞 $48一碟四件，即叫即炸，熱辣辣，好香脆，裏面還保持到嫩滑醫飽肚，我們便走到日本巷子打卡了。 

🍜喺冷氣地方食返碗熱辣辣嘅拉麵就最啱！呢度嘅拉麵有好多款，今次就試咗辛辣度十足嘅赤虎（$98），同埋充滿香蔥味嘅綠虎（$88），拉麵嘅麵條係較幼身的，湯底非常濃郁，比起一般辣拉麵更加辣，吃得非常過癮。每碗麵還都配上一粒糖心蛋～.Rainy day is also ramen day! Try their Red Ramen ($98) with spicy soup. The spiciness level is higher than other ramen shop. A soft boiled egg was also included in the ramen.

鳴虎又開多左間分店，係正啟岸，個商場環境好新好靚，好多打卡點😎😎入到餐廳，環境都算乾淨企理，有吧枱同普通枱，枱上面仲有消毒搓手液，唔錯👍🏼除咗拉麵之外，原來佢哋而家仲有提供日式丼飯。不過一場嚟到，主要係好掛住佢哋嘅拉麵，所以今次都揀返美味拉麵先😁😁鳴虎：日本魚乾豬骨湯拉麵係用咗四種魚+特製豬骨湯熬製而成，魚湯同豬骨湯都深得我心❤️❤️所以依個湯底真係冇得輸😁😁味道濃郁，但唔會太鹹，好好飲！至於拉麵，口感非常爽彈，份量都幾多。而叉燒亦都係幾大片，好滿足！另外同朋友叫咗一個炸雞分享，有驚喜！炸雞皮薄，但非常脆，雞肉仲醃得好入味，好食👍🏼👍🏼👍🏼

黎到啟岸呢度發現新開咗好多餐廳 全部都幾靚 成條街好日式🇯🇵呢間啱啱近入口位入到去就知原來佢起土瓜灣北帝街有間大分店 之後西環 將軍澳 同北角都有分店 多數新開Menu除咗五款拉麵外 仲有多款井飯揀～▶️ 鳴海老 ($88)賣相唔錯 擺得好整齊 面頭放咗啲香蔥 木耳 一片大紫菜 少少樱花蝦乾🦐仲有兩大片叉燒同一隻溏心蛋🍜湯底的確十分之濃味 一上枱已經聞到蝦味 但係就覺得佢偏鹹幾好係湯底比較杰身 所以掛住啲麵令佢更加入味 加埋香蔥更加香口🤤拉麵屬幼身 質感比望落好 少煙韌同埋偏硬身少少🤏🏻(啱我口味😋)叉燒肥瘦比例為3:7 肥膏有入口即溶口感 瘦肉幾腍因為佢好薄切 仲好有豬肉味🐽唔錯唔錯以為溏心蛋會好似相咁切開一半 但係佢原隻上🙈唯有自己切 睇吓會唔會流心咁驚喜 🥚結果係佢半熟少槳狀 但未至於流心 味道一般 蛋黃熟咗少少但係口感都仲好好 晶凝通透咁不過唔知點解覺得蛋白食落有啲酸味😲-整體成碗拉麵幾好食嘅 湯底香濃 配料細心不過發現每款拉麵除咗湯底唔同之外 其他野全部一樣服務都好好 可能因為新開 好熱誠🤣環境都舒服嘅 入面少少逼但係鍾意佢呢排日式燈籠裝飾🏮CP值就一般 加埋一大概$100/人

每日都會經過有小日本街之稱的街道，今日終於有機會在這裏搵間餐廳食個晚飯，見到有間裝修很有日本風格，吧枱上面掛滿了紅紅的燈籠🏮主要係食日本拉麵，就入去試下！店員主動介紹餐牌上有五款特色的拉麵🍜，十款日式飯及小食等，最後我們點了兩個拉麵及一個小食！黑鳴虎（博多黑蒜油拉麵）黑蒜醬油香濃回甘，好香嘅蒜香味，豬骨湯底好香好濃郁，糖心蛋流心效果好靚，麵夠煙韌，半肥瘦嘅叉燒令人食唔停口！綠虎（四國香蔥油拉麵）拉麵的粗幼適中，食落去口感彈牙，叉燒肉質軟滑一啲都唔膩，鍾意食蔥嘅我，加入了四國香蔥油令到味道更加有層次！芝士魚條拼魚餅呢個小食有驚喜，咬落口感煙韌韌，香濃嘅芝士即時流出，好香好惹味！

這是一間挺特別的一間拉麵店，既有石燒，又可以吃拉麵，兩個完全不同的類別走在一起，還把餐廳分成兩部份的，這次就吃了他的拉麵部分！而且他還位於一個挺有日本氣息的商場，吃完可以打打卡！綠虎—四國香蔥油拉麵（８８元）蔥油拉麵真的是第一次見，我覺得是挺特別的一款。首先湯底是豬骨湯，味道非常濃厚，冷一點就會形成一層膜在上面，所以要盡快吃！而濃濃的豬骨香味加上了大量的香蔥後，令湯底多了一入清爽的口感，喝起來沒那麼單調，味道也更香了！拉麵我感覺是有點軟的，但挺吸湯的！而且也配有兩片叉燒，半肥瘦的，入口嫩滑有油香！鳴虎炸雞（４２元）炸雞是日式炸雞，炸漿薄薄的一層，炸得外脆內嫩的，吃起來還有不少的肉汁，而且本身調味就很夠了，不用沾其他醬汁就可以了！肉餃子（３６元）肉餃子也是炸的，炸得表皮非常香脆，內裡肉餡是菜肉的，吃起來非常多汁！芝麻雞翼（３８元）這個是不敗的小吃，店員炸得非常香脆，而且不油膩，雞翼外脆內嫩的，吃起來肉汁非常多！炙叉燒（２３元）這個叉燒切得比想像中的要厚，經過火炙後，叉燒吃起來入口即化，滿滿口油香，味道非常好！半熟蛋（８元）本來拉麵就有１粒半熟蛋了，我另外再加的。半熟蛋吃起來挺香，而且是流